ప్రజా సమస్యల పరిష్కారం కోసం భారత కమ్యూనిస్టు పార్టీ (సీపీఐ) నిరంతర పోరాటాలు కొనసాగిస్తుందని సీపీఐ అన్నమయ్య జిల్లా కార్యదర్శి మహేష్ స్పష్టం చేశారు. ఆదివారం పీలేరు ఏఐటీయూసీ కార్యాలయంలో నర్సింహులు అధ్యక్షతన జరిగిన సీపీఐ పీలేరు నియోజకవర్గ జనరల్ బాడీ సమావేశంలో ఆయన మాట్లాడారు. జూలై 31, ఆగస్టు 1, 2 తేదీలలో పీలేరులో జరగనున్న సీపీఐ జిల్లా రాజకీయ శిక్షణా తరగతులను, ప్రజా ఉద్యమాలను విజయవంతం చేయాలని పిలుపునిచ్చారు. ఈ శిక్షణా తరగతులు పార్టీ కార్యకర్తలకు సిద్ధాంతపరమైన అవగాహన కల్పించడంతో పాటు ప్రజా ఉద్యమాల నిర్మాణానికి దిశానిర్దేశం చేసే ముఖ్యమైన వేదికని పేర్కొన్నారు. ఆగస్టు 6 నుండి 15వ తేదీ వరకు జిల్లావ్యాప్తంగా ప్రజా సమస్యలపై నిర్వహించనున్న పాదయాత్రలను విజయవంతం చేయాలని మహేష్ కోరారు. తాగునీరు, సాగునీరు, ఉపాధి, రహదారులు, విద్య, వైద్యం, రైతులు, కార్మికులు, నిరుద్యోగులు ఎదుర్కొంటున్న సమస్యలను ప్రజల్లోకి తీసుకెళ్లి ప్రభుత్వాలపై ఒత్తిడి పెంచాలని పిలుపునిచ్చారు. అలాగే, ప్రస్తుతం జరుగుతున్న ఎస్‌ఐఆర్ ప్రక్రియకు పరిమిత గడువు ఇవ్వడం వల్ల అనేక మంది అర్హులైన ఓటర్లు ఇబ్బందులు ఎదుర్కొంటున్నారని, ప్రజాస్వామ్య విలువలను పరిరక్షించేందుకు ఎస్‌.ఐ.ఆర్‌కు కనీసం మూడు నెలల గడువు పొడిగించాలని కేంద్ర ఎన్నికల సంఘాన్ని డిమాండ్ చేశారు. కేంద్ర ప్రభుత్వ ప్రజా వ్యతిరేక విధానాలు, పెరుగుతున్న ధరలు, నిరుద్యోగం, కార్మిక వ్యతిరేక చట్టాలు, ప్రభుత్వ రంగ సంస్థల ప్రైవేటీకరణకు వ్యతిరేకంగా సెప్టెంబర్ 1న నిర్వహించే 'చలో ఢిల్లీ' కార్యక్రమాన్ని విజయవంతం చేయాలని పార్టీ శ్రేణులకు, ప్రజలకు పిలుపునిచ్చారు. అన్నమయ్య జిల్లా అభివృద్ధిని ప్రభుత్వం నిర్లక్ష్యం చేస్తోందని విమర్శిస్తూ, జిల్లా సమగ్రాభివృద్ధికి ప్రత్యేక నిధులు కేటాయించి మౌలిక సదుపాయాల అభివృద్ధికి ప్రాధాన్యత ఇవ్వాలన్నారు. దశాబ్దాలుగా ప్రజలు ఎదురుచూస్తున్న కడప-బెంగళూరు రైల్వే లైన్ పనులను వేగవంతం చేసి వెంటనే పూర్తి చేయాలని కేంద్ర ప్రభుత్వాన్ని కోరారు. ఈ సమావేశంలో సీపీఐ జిల్లా కార్యవర్గ సభ్యులు జనార్దన్, సాంబశివ, పీలేరు నియోజకవర్గ కార్యదర్శి టి.ఎల్ వెంకటేష్, సహాయ కార్యదర్శి నర్సింహులు, ఏఐటీయూసీ రాష్ట్ర సమితి సభ్యురాలు కవిత, యశోదమ్మ, బేబీ, దామోదర్, తరుణ్, వేళాయుదం, రఘునాథ్ రెడ్డి, మురళి తదితరులు పాల్గొన్నారు.

SK masthan saheb

పీలేరు, అన్నమయ్య, ఆంధ్రప్రదేశ్•

2 hrs ago

ప్రజా సమస్యల పరిష్కారం కోసం భారత కమ్యూనిస్టు పార్టీ (సీపీఐ) నిరంతర పోరాటాలు కొనసాగిస్తుందని సీపీఐ అన్నమయ్య జిల్లా కార్యదర్శి మహేష్ స్పష్టం చేశారు. ఆదివారం పీలేరు ఏఐటీయూసీ కార్యాలయంలో నర్సింహులు అధ్యక్షతన జరిగిన సీపీఐ పీలేరు నియోజకవర్గ జనరల్ బాడీ సమావేశంలో ఆయన మాట్లాడారు. జూలై 31, ఆగస్టు 1, 2 తేదీలలో పీలేరులో జరగనున్న సీపీఐ జిల్లా రాజకీయ శిక్షణా తరగతులను, ప్రజా ఉద్యమాలను విజయవంతం చేయాలని పిలుపునిచ్చారు. ఈ శిక్షణా తరగతులు పార్టీ కార్యకర్తలకు సిద్ధాంతపరమైన అవగాహన కల్పించడంతో పాటు ప్రజా ఉద్యమాల నిర్మాణానికి దిశానిర్దేశం చేసే ముఖ్యమైన వేదికని పేర్కొన్నారు. ఆగస్టు 6 నుండి 15వ తేదీ వరకు జిల్లావ్యాప్తంగా ప్రజా సమస్యలపై నిర్వహించనున్న పాదయాత్రలను విజయవంతం చేయాలని మహేష్ కోరారు. తాగునీరు, సాగునీరు, ఉపాధి, రహదారులు, విద్య, వైద్యం, రైతులు, కార్మికులు, నిరుద్యోగులు ఎదుర్కొంటున్న సమస్యలను ప్రజల్లోకి తీసుకెళ్లి ప్రభుత్వాలపై ఒత్తిడి పెంచాలని పిలుపునిచ్చారు. అలాగే, ప్రస్తుతం జరుగుతున్న ఎస్‌ఐఆర్ ప్రక్రియకు పరిమిత గడువు ఇవ్వడం వల్ల అనేక మంది అర్హులైన ఓటర్లు ఇబ్బందులు ఎదుర్కొంటున్నారని, ప్రజాస్వామ్య విలువలను పరిరక్షించేందుకు ఎస్‌.ఐ.ఆర్‌కు కనీసం మూడు నెలల గడువు పొడిగించాలని కేంద్ర ఎన్నికల సంఘాన్ని డిమాండ్ చేశారు. కేంద్ర ప్రభుత్వ ప్రజా వ్యతిరేక విధానాలు, పెరుగుతున్న ధరలు, నిరుద్యోగం, కార్మిక వ్యతిరేక చట్టాలు, ప్రభుత్వ రంగ సంస్థల ప్రైవేటీకరణకు వ్యతిరేకంగా సెప్టెంబర్ 1న నిర్వహించే 'చలో ఢిల్లీ' కార్యక్రమాన్ని విజయవంతం చేయాలని పార్టీ శ్రేణులకు, ప్రజలకు పిలుపునిచ్చారు. అన్నమయ్య జిల్లా అభివృద్ధిని ప్రభుత్వం నిర్లక్ష్యం చేస్తోందని విమర్శిస్తూ, జిల్లా సమగ్రాభివృద్ధికి ప్రత్యేక నిధులు కేటాయించి మౌలిక సదుపాయాల అభివృద్ధికి ప్రాధాన్యత ఇవ్వాలన్నారు. దశాబ్దాలుగా ప్రజలు ఎదురుచూస్తున్న కడప-బెంగళూరు రైల్వే లైన్ పనులను వేగవంతం చేసి వెంటనే పూర్తి చేయాలని కేంద్ర ప్రభుత్వాన్ని కోరారు. ఈ సమావేశంలో సీపీఐ జిల్లా కార్యవర్గ సభ్యులు జనార్దన్, సాంబశివ, పీలేరు నియోజకవర్గ కార్యదర్శి టి.ఎల్ వెంకటేష్, సహాయ కార్యదర్శి నర్సింహులు, ఏఐటీయూసీ రాష్ట్ర సమితి సభ్యురాలు కవిత, యశోదమ్మ, బేబీ, దామోదర్, తరుణ్, వేళాయుదం, రఘునాథ్ రెడ్డి, మురళి తదితరులు పాల్గొన్నారు.