కూకట్‌పల్లిలో నల్ల చెరువు పునరుద్ధరణ ప్రారంభించిన సీఎం రేవంత్ రెడ్డి అభివృద్ధికి నిధులు ఇవ్వడానికి ప్రభుత్వం సిద్ధం – ఆక్రమణల తొలగింపుతో నగరాన్ని అభివృద్ధి పథంలోకి తీసుకెళ్తాం మేడ్చల్ మల్కాజ్గిరి జిల్లా కూకట్‌పల్లిలో పునరుద్ధరించిన నల్ల చెరువును ముఖ్యమంత్రి రేవంత్ రెడ్డి ప్రారంభించారు. ముఖ్యమంత్రి హోదాలో మల్కాజ్‌గిరి పార్లమెంట్ నియోజకవర్గ పరిధిలోని కూకట్‌పల్లికి రావడం సంతోషంగా ఉందని ఆయన పేర్కొన్నారు. రాజకీయాలకు అతీతంగా మల్కాజ్‌గిరి పార్లమెంట్ పరిధిలోని అన్ని అసెంబ్లీ నియోజకవర్గాల అభివృద్ధికి నిధులు మంజూరు చేస్తామని స్పష్టం చేశారు. రాజకీయాలతో సంబంధం లేకుండా అభివృద్ధి, సంక్షేమ కార్యక్రమాలను ముందుకు తీసుకెళ్లడమే తమ ప్రభుత్వ విధానమని సీఎం తెలిపారు. చెరువుల పునరుద్ధరణకు ప్రభుత్వం పూనుకున్నప్పుడు ఎన్నో విమర్శలు, ఆరోపణలు ఎదురైనా మౌనంగా భరించానని చెప్పారు. నల్ల చెరువు అభివృద్ధిని చూసి ప్రజల ముఖాల్లో కనిపిస్తున్న ఆనందం ఆ విమర్శలను ఆశీర్వాదాలుగా మార్చిందని వ్యాఖ్యానించారు.పేదవారిని ఇబ్బంది పెట్టడం లేదా ఇండ్లు కూలగొట్టడం ప్రభుత్వ ఉద్దేశం కాదని సీఎం స్పష్టం చేశారు. వరదల సమయంలో ప్రజలు ముంపు బాధితులుగా మారకుండా ఉండేందుకు చెరువులు, నాలాలను పునరుద్ధరించడం అవసరమని తెలిపారు. చెరువులు, నాలాలను ఆక్రమించుకున్న వారికి న్యాయం చేయడానికి ప్రభుత్వం సిద్ధంగా ఉందని చెప్పారు. పునరుద్ధరించిన చెరువుల వద్ద మహిళలకు స్టాల్స్ ఏర్పాటు చేసే అవకాశాలు కల్పిస్తామని తెలిపారు. చిన్నారుల కోసం చెరువుల ఒడ్డున ఆటస్థలాలను కూడా అభివృద్ధి చేయాలని సూచించారు. నగరంలోని చెరువులన్నింటినీ పునరుద్ధరించి ప్రకృతిని కాపాడుకోవాలని పిలుపునిచ్చారు. దేశంలోని మహానగరాలు అనేక సమస్యలతో సతమతమవుతున్నాయని, హైదరాబాద్ నగరంలో చెరువులను సంరక్షిస్తూ అభివృద్ధిని కొనసాగించాల్సిన అవసరం ఉందన్నారు. మూసీ నది ప్రక్షాళనతో పాటు కోర్ అర్బన్ రీజియన్‌లోని చెరువులన్నీ పునరుద్ధరించేందుకు చర్యలు తీసుకుంటామని తెలిపారు. నాలాల ఆక్రమణలు తొలగించి రోడ్ల విస్తరణ చేపట్టి హైదరాబాద్‌ను మంచి నగరంగా తీర్చిదిద్దుతామని సీఎం రేవంత్ రెడ్డి పేర్కొన్నారు.అభివృద్ధికి అవసరమైన నిధులు ఇవ్వడానికి ప్రభుత్వం సిద్ధంగా ఉందని, అభివృద్ధిని అడ్డుకోకుండా ప్రజలు సహకరించాలని కోరారు. కష్టకాలంలో ఈ ప్రాంత ప్రజలు తనకు అండగా నిలిచారని గుర్తుచేసుకున్న సీఎం, ప్రజల సహకారంతో నగరాన్ని అభివృద్ధి పథంలో ముందుకు తీసుకెళతానని తెలిపారు.

Suresh Sagar

కాప్రా, మేడ్చల్ మల్కాజ్‌గిరి, తెలంగాణ•

11 hrs ago

కూకట్‌పల్లిలో నల్ల చెరువు పునరుద్ధరణ ప్రారంభించిన సీఎం రేవంత్ రెడ్డి అభివృద్ధికి నిధులు ఇవ్వడానికి ప్రభుత్వం సిద్ధం – ఆక్రమణల తొలగింపుతో నగరాన్ని అభివృద్ధి పథంలోకి తీసుకెళ్తాం మేడ్చల్ మల్కాజ్గిరి జిల్లా కూకట్‌పల్లిలో పునరుద్ధరించిన నల్ల చెరువును ముఖ్యమంత్రి రేవంత్ రెడ్డి ప్రారంభించారు. ముఖ్యమంత్రి హోదాలో మల్కాజ్‌గిరి పార్లమెంట్ నియోజకవర్గ పరిధిలోని కూకట్‌పల్లికి రావడం సంతోషంగా ఉందని ఆయన పేర్కొన్నారు. రాజకీయాలకు అతీతంగా మల్కాజ్‌గిరి పార్లమెంట్ పరిధిలోని అన్ని అసెంబ్లీ నియోజకవర్గాల అభివృద్ధికి నిధులు మంజూరు చేస్తామని స్పష్టం చేశారు. రాజకీయాలతో సంబంధం లేకుండా అభివృద్ధి, సంక్షేమ కార్యక్రమాలను ముందుకు తీసుకెళ్లడమే తమ ప్రభుత్వ విధానమని సీఎం తెలిపారు. చెరువుల పునరుద్ధరణకు ప్రభుత్వం పూనుకున్నప్పుడు ఎన్నో

విమర్శలు, ఆరోపణలు ఎదురైనా మౌనంగా భరించానని చెప్పారు. నల్ల చెరువు అభివృద్ధిని చూసి ప్రజల ముఖాల్లో కనిపిస్తున్న ఆనందం ఆ విమర్శలను ఆశీర్వాదాలుగా మార్చిందని వ్యాఖ్యానించారు.పేదవారిని ఇబ్బంది పెట్టడం లేదా ఇండ్లు కూలగొట్టడం ప్రభుత్వ ఉద్దేశం కాదని సీఎం స్పష్టం చేశారు. వరదల సమయంలో ప్రజలు ముంపు బాధితులుగా మారకుండా ఉండేందుకు చెరువులు, నాలాలను పునరుద్ధరించడం అవసరమని తెలిపారు. చెరువులు, నాలాలను ఆక్రమించుకున్న వారికి న్యాయం చేయడానికి ప్రభుత్వం సిద్ధంగా ఉందని చెప్పారు. పునరుద్ధరించిన చెరువుల వద్ద మహిళలకు స్టాల్స్ ఏర్పాటు చేసే అవకాశాలు కల్పిస్తామని తెలిపారు. చిన్నారుల కోసం చెరువుల ఒడ్డున ఆటస్థలాలను కూడా అభివృద్ధి చేయాలని సూచించారు. నగరంలోని

చెరువులన్నింటినీ పునరుద్ధరించి ప్రకృతిని కాపాడుకోవాలని పిలుపునిచ్చారు. దేశంలోని మహానగరాలు అనేక సమస్యలతో సతమతమవుతున్నాయని, హైదరాబాద్ నగరంలో చెరువులను సంరక్షిస్తూ అభివృద్ధిని కొనసాగించాల్సిన అవసరం ఉందన్నారు. మూసీ నది ప్రక్షాళనతో పాటు కోర్ అర్బన్ రీజియన్‌లోని చెరువులన్నీ పునరుద్ధరించేందుకు చర్యలు తీసుకుంటామని తెలిపారు. నాలాల ఆక్రమణలు తొలగించి రోడ్ల విస్తరణ చేపట్టి హైదరాబాద్‌ను మంచి నగరంగా తీర్చిదిద్దుతామని సీఎం రేవంత్ రెడ్డి పేర్కొన్నారు.అభివృద్ధికి అవసరమైన నిధులు ఇవ్వడానికి ప్రభుత్వం సిద్ధంగా ఉందని, అభివృద్ధిని అడ్డుకోకుండా ప్రజలు సహకరించాలని కోరారు. కష్టకాలంలో ఈ ప్రాంత ప్రజలు తనకు అండగా నిలిచారని గుర్తుచేసుకున్న సీఎం, ప్రజల సహకారంతో నగరాన్ని అభివృద్ధి పథంలో ముందుకు తీసుకెళతానని తెలిపారు.