ಶಹಾಪುರದ ಸೃಜನಶೀಲ ಬಳಗದ ವತಿಯಿಂದ ಕವಿ ಡಾ. ಮರಿಯಪ್ಪ ನಾಟೇಕಾರ ಅವರ 'ಕಾಗೆ ಬಣ್ಣದ ಕವಿತೆ' ಕವನ ಸಂಕಲನದ ಕುರಿತು ಓದು, ಚರ್ಚೆ ಹಾಗೂ ಸಂವಾದ ಕಾರ್ಯಕ್ರಮವನ್ನು ಐಕೂರು ಗ್ರಾಮದ ಶರಣಗೌಡ ಅವರ ಹೊಲದಲ್ಲಿರುವ ಕುರಿ ಸಾಕಾಣಿಕೆ ಕೇಂದ್ರದಲ್ಲಿ ಅತ್ಯಂತ ಸರಳ, ಆತ್ಮೀಯ ಹಾಗೂ ಅರ್ಥಪೂರ್ಣವಾಗಿ ಆಯೋಜಿಸಲಾಯಿತು. ಕಥೆಗಾರ ಆನಂದ ಗೊಬ್ಬಿ ಅವರು ಪ್ರಾಸ್ತಾವಿಕ ನುಡಿಗಳನ್ನಾಡಿ, ತಮ್ಮ ಭಾಗದ ಅನೇಕ ಕವಿಗಳು ಮತ್ತು ಲೇಖಕರ ಕೃತಿಗಳು ಪ್ರಕಟಗೊಂಡಿದ್ದರೂ ಅವುಗಳ ಕುರಿತು ಗಂಭೀರವಾದ ಚರ್ಚೆ, ವಿಮರ್ಶೆ ಹಾಗೂ ಸಂವಾದಗಳು ನಡೆಯುವುದು ವಿರಳವೆಂದು ವಿಷಾದ ವ್ಯಕ್ತಪಡಿಸಿದರು. ಸಾಹಿತ್ಯ ಕೃತಿಗಳ ಕುರಿತು ಓದು ಮತ್ತು ಚರ್ಚೆಯ ಸಂಸ್ಕೃತಿ ಬೆಳೆಯುವ ಅಗತ್ಯವಿದ್ದು, ಇಂತಹ ಕಾರ್ಯಕ್ರಮಗಳನ್ನು ನಿರಂತರವಾಗಿ ಆಯೋಜಿಸುವ ಮೂಲಕ ಸ್ಥಳೀಯ ಕವಿಗಳ ಚಿಂತನೆಗಳನ್ನು ಸಮಾಜದೊಂದಿಗೆ ಹಂಚಿಕೊಳ್ಳುವ ಪ್ರಯತ್ನವನ್ನು ಮುಂದುವರಿಸಲಾಗುವುದು ಎಂದು ತಿಳಿಸಿದರು. ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಸಾಹಿತಿ ಹಾಗೂ ಪ್ರಾಂಶುಪಾಲರಾದ ಅಂಬ್ಲಯ್ಯ ಸೈದಾಪೂರ ಅವರು, ಸಾಹಿತ್ಯ ಸೃಜನಶೀಲತೆ ಅನೇಕ ಸವಾಲುಗಳನ್ನು ಎದುರಿಸುತ್ತಿರುವ ಇಂದಿನ ಸಂದರ್ಭದಲ್ಲಿ 'ಕಾಗೆ ಬಣ್ಣದ ಕವಿತೆ' ಕೃತಿಯು ಹೊಸ ಚಿಂತನೆಗಳಿಗೆ ದಾರಿದೀಪವಾಗಿದೆ ಎಂದು ಅಭಿಪ್ರಾಯಪಟ್ಟರು. ಕವಿ ಡಾ. ಮರಿಯಪ್ಪ ನಾಟೇಕಾರ ಅವರು ಸಾಮಾನ್ಯ ಪಕ್ಷಿಯಾದ ಕಾಗೆಯನ್ನು ವಿಶಿಷ್ಟ ರೂಪಕವಾಗಿ ಬಳಸಿರುವುದು ಕೃತಿಯ ಪ್ರಮುಖ ವೈಶಿಷ್ಟ್ಯವಾಗಿದೆ. ಸಾಹಿತ್ಯವು ಓದುಗರ ಮನಸ್ಸಿನಲ್ಲಿ ಪ್ರಶ್ನೆಗಳನ್ನು ಹುಟ್ಟುಹಾಕಿ, ಚಿಂತನೆಗೆ ಪ್ರೇರೇಪಿಸಿ, ಸಮಾಜದ ವಾಸ್ತವತೆಯನ್ನು ಎದುರುಗಾಣಿಸುವ ಶಕ್ತಿಯನ್ನು ಹೊಂದಿರಬೇಕು; ಅಂತಹ ಸಾಹಿತ್ಯವೇ ಸಮಾಜವನ್ನು ಮುನ್ನಡೆಸಬಲ್ಲದು ಎಂದು ಅವರು ಹೇಳಿದರು. ದೇವದುರ್ಗದ ಯುವ ಕವಿ ಅಭಿಷೇಕ್ ಬಳೆ ಮಸರಕಲ್ ಅವರು ಕೃತಿಯ ಕುರಿತು ಸಮಗ್ರವಾಗಿ ವಿಚಾರ ಮಂಡಿಸಿದರು. ಕವಿಗೆ ಕಾವ್ಯದಲ್ಲಿ ಮಾತ್ರವಲ್ಲದೆ ಜೀವನದಲ್ಲಿಯೂ ವಿಶಾಲ ಮನೋಭಾವ ಅಗತ್ಯವೆಂದು ಅವರು ಪ್ರತಿಪಾದಿಸಿದರು. ಸಾಮಾನ್ಯವಾಗಿ ಕಾಗೆಯನ್ನು ಅನಿಷ್ಟದ ಸಂಕೇತವೆಂದು ಪರಿಗಣಿಸುವ ಸಮಾಜದಲ್ಲಿದ್ದರೂ, ವಾಸ್ತವದಲ್ಲಿ ಅದು ಕಾರುಣ್ಯ, ಸಹಬಾಳ್ವೆ, ಹಂಚಿಕೊಳ್ಳುವಿಕೆ ಹಾಗೂ ಸಮೂಹ ಬದುಕಿನ ಪ್ರತೀಕವಾಗಿದೆ. ಒಂದು ಅಗಳು ಅನ್ನ ದೊರಕಿದರೂ ತನ್ನ ಸಮೂಹದೊಂದಿಗೆ ಹಂಚಿಕೊಳ್ಳುವ ಕಾಗೆಯ ಗುಣ ಮಾನವ ಸಮಾಜಕ್ಕೆ ಮಾದರಿಯಾಗಬೇಕಾದ ಮೌಲ್ಯವೆಂದು ಅಭಿಷೇಕ್ ಬಳೆ ಮಸರಕಲ್ ಅವರು ಅಭಿಪ್ರಾಯಪಟ್ಟರು. ಕವಿಯ ಕೃತಿಯಲ್ಲಿ ಬಾಹ್ಯ ಸೌಂದರ್ಯಕ್ಕಿಂತ ಆಂತರಿಕ ಸೌಂದರ್ಯಕ್ಕೆ ಹೆಚ್ಚಿನ ಮಹತ್ವ ನೀಡಲಾಗಿದೆ ಎಂದು ಅವರು ವಿವರಿಸಿದರು. 'ಸರಸ್ವತಿ ನೀನೊಮ್ಮೆ ನನಗೆ ಹೆಂಡತಿಯಾಗು' ಎಂಬ ಕವಿತೆಯನ್ನು ವಿಶ್ಲೇಷಿಸಿದ ಅವರು, ಶಿಕ್ಷಣದಿಂದ ವಂಚಿತರಾದ ಶೋಷಿತ ಸಮುದಾಯಗಳ ಜ್ಞಾನ ದಾಹ, ಕಲಿಕೆಯ ಹಂಬಲ ಹಾಗೂ ಸಾಮಾಜಿಕ ಜಾಗೃತಿಯ ಆಶಯಗಳನ್ನು ಕವಿ ಅತ್ಯಂತ ಸೃಜನಶೀಲವಾಗಿ ಅಭಿವ್ಯಕ್ತಿಸಿದ್ದಾರೆ ಎಂದು ಹೇಳಿದರು. ಜ್ಞಾನಸ್ವರೂಪಿಣಿಯಾದ ಸರಸ್ವತಿಯನ್ನು ಸಂಬೋಧಿಸುವ ಮೂಲಕ ಜ್ಞಾನವೇ ಬದುಕಿನ ಸಂಗಾತಿಯಾಗಬೇಕು ಎಂಬ ಸಂದೇಶವನ್ನು ಕವಿ ನೀಡಿದ್ದು, ಚನ್ನಮಲ್ಲಿಕಾರ್ಜುನ ಮತ್ತು ಅಕ್ಕಮಹಾದೇವಿಯ ಆಧ್ಯಾತ್ಮಿಕ ಸಂಬಂಧವನ್ನು ರೂಪಕವಾಗಿ ಬಳಸಿರುವುದು ಕೃತಿಯಲ್ಲಿನ ಅಪರೂಪದ ಸಾಹಿತ್ಯಿಕ ಪ್ರಯೋಗವಾಗಿದೆ ಎಂದು ವಿಶ್ಲೇಷಿಸಿದರು. ವಿರಾಮದ ಬಳಿಕ ನಡೆದ ಚರ್ಚೆಯ ಆರಂಭಕ್ಕೂ ಮುನ್ನ ಗೌಡಪ್ಪಗೌಡ ಹುಲ್ಕಲ್ ಅವರು ತಮ್ಮ ಸ್ವರಚಿತ ಗೀತೆಯನ್ನು ಸುಮಧುರವಾಗಿ ಹಾಡಿ ಸಾಹಿತ್ಯಾಸಕ್ತರ ಮನಗೆದ್ದರು. ಚರ್ಚಾ ಕಾರ್ಯಕ್ರಮದಲ್ಲಿ ವೆಂಕಟೇಶ ಪಾಟೀಲ, ಕನಕಪ್ಪ ವಾಗಣಗೇರ, ಶರಣಗೌಡ ಚಂದಾಪೂರ, ಮಾಳಪ್ಪ ಗುಂಡಳ್ಳಿ, ನಿಂಗಣ್ಣ ಹಯ್ಯಾಳ (ಬಿ), ನಾನಾಗೌಡ ಚಂದಾಪೂರ, ಗುರಪ್ಪ ವಾರದ್ ಹಾಗೂ ಸಿದ್ದಪ್ಪ ಕೋನಹಳ್ಳಿ ಅವರು ಭಾಗವಹಿಸಿ ಕೃತಿಯ ವಿವಿಧ ಆಯಾಮಗಳು, ಸಾಮಾಜಿಕ ಆಶಯಗಳು ಮತ್ತು ಸಾಹಿತ್ಯಿಕ ಮೌಲ್ಯಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು. ಸಾಹಿತಿಗಳ ಅವರ ಪುಸ್ತಕದ ಕುರಿತು ಕೇಳಿದ ಪ್ರಶ್ನೆಗಳಿಗೆ ಡಾ. ಮರಿಯಪ್ಪ ನಾಟೇಕರ್ ಅವರು ಉತ್ತರಿಸಿದರು. ಶಿಕ್ಷಕ ನಿಂಗಪ್ಪ ತೆಕರಾಳ ಅವರು ಕಾರ್ಯಕ್ರಮವನ್ನು ನಿರೂಪಿಸಿ, ಕೊನೆಯಲ್ಲಿ ವಂದನಾರ್ಪಣೆ ಮಾಡಿದರು. ಗ್ರಾಮೀಣ ಪರಿಸರದಲ್ಲಿ ನಡೆದ ಈ ವಿಶಿಷ್ಟ ಸಾಹಿತ್ಯಿಕ ಸಂವಾದವು 'ಕಾಗೆ ಬಣ್ಣದ ಕವಿತೆ' ಕವನ ಸಂಕಲನದ ಮೂಲಕ ಮಾನವೀಯ ಮೌಲ್ಯಗಳು, ಸಾಮಾಜಿಕ ಕಾಳಜಿ ಹಾಗೂ ಬದುಕಿನ ಸೂಕ್ಷ್ಮ ಸಂವೇದನೆಗಳನ್ನು ಅನಾವರಣಗೊಳಿಸುವುದರೊಂದಿಗೆ ಸಾಹಿತ್ಯಾಸಕ್ತರಲ್ಲಿ ಹೊಸ ಚಿಂತನೆಗೆ ನಾಂದಿ ಹಾಡಿದಂತಾಯಿತು.

DR. S.S. NANAK

Local News Reporter ಯಾದಗಿರಿ, ಯಾದಗಿರಿ, ಕರ್ನಾಟಕ•

1 hr ago

ಶಹಾಪುರದ ಸೃಜನಶೀಲ ಬಳಗದ ವತಿಯಿಂದ ಕವಿ ಡಾ. ಮರಿಯಪ್ಪ ನಾಟೇಕಾರ ಅವರ 'ಕಾಗೆ ಬಣ್ಣದ ಕವಿತೆ' ಕವನ ಸಂಕಲನದ ಕುರಿತು ಓದು, ಚರ್ಚೆ ಹಾಗೂ ಸಂವಾದ ಕಾರ್ಯಕ್ರಮವನ್ನು ಐಕೂರು ಗ್ರಾಮದ ಶರಣಗೌಡ ಅವರ ಹೊಲದಲ್ಲಿರುವ ಕುರಿ ಸಾಕಾಣಿಕೆ ಕೇಂದ್ರದಲ್ಲಿ ಅತ್ಯಂತ ಸರಳ, ಆತ್ಮೀಯ ಹಾಗೂ ಅರ್ಥಪೂರ್ಣವಾಗಿ ಆಯೋಜಿಸಲಾಯಿತು. ಕಥೆಗಾರ ಆನಂದ ಗೊಬ್ಬಿ ಅವರು ಪ್ರಾಸ್ತಾವಿಕ ನುಡಿಗಳನ್ನಾಡಿ, ತಮ್ಮ ಭಾಗದ ಅನೇಕ ಕವಿಗಳು ಮತ್ತು ಲೇಖಕರ ಕೃತಿಗಳು ಪ್ರಕಟಗೊಂಡಿದ್ದರೂ ಅವುಗಳ ಕುರಿತು ಗಂಭೀರವಾದ ಚರ್ಚೆ, ವಿಮರ್ಶೆ ಹಾಗೂ ಸಂವಾದಗಳು ನಡೆಯುವುದು ವಿರಳವೆಂದು ವಿಷಾದ ವ್ಯಕ್ತಪಡಿಸಿದರು. ಸಾಹಿತ್ಯ ಕೃತಿಗಳ ಕುರಿತು ಓದು ಮತ್ತು ಚರ್ಚೆಯ ಸಂಸ್ಕೃತಿ ಬೆಳೆಯುವ ಅಗತ್ಯವಿದ್ದು, ಇಂತಹ ಕಾರ್ಯಕ್ರಮಗಳನ್ನು ನಿರಂತರವಾಗಿ ಆಯೋಜಿಸುವ ಮೂಲಕ ಸ್ಥಳೀಯ ಕವಿಗಳ ಚಿಂತನೆಗಳನ್ನು ಸಮಾಜದೊಂದಿಗೆ ಹಂಚಿಕೊಳ್ಳುವ ಪ್ರಯತ್ನವನ್ನು ಮುಂದುವರಿಸಲಾಗುವುದು ಎಂದು ತಿಳಿಸಿದರು. ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಸಾಹಿತಿ ಹಾಗೂ ಪ್ರಾಂಶುಪಾಲರಾದ ಅಂಬ್ಲಯ್ಯ ಸೈದಾಪೂರ ಅವರು, ಸಾಹಿತ್ಯ ಸೃಜನಶೀಲತೆ ಅನೇಕ ಸವಾಲುಗಳನ್ನು ಎದುರಿಸುತ್ತಿರುವ ಇಂದಿನ ಸಂದರ್ಭದಲ್ಲಿ 'ಕಾಗೆ ಬಣ್ಣದ ಕವಿತೆ' ಕೃತಿಯು ಹೊಸ ಚಿಂತನೆಗಳಿಗೆ ದಾರಿದೀಪವಾಗಿದೆ ಎಂದು ಅಭಿಪ್ರಾಯಪಟ್ಟರು. ಕವಿ ಡಾ. ಮರಿಯಪ್ಪ ನಾಟೇಕಾರ ಅವರು ಸಾಮಾನ್ಯ ಪಕ್ಷಿಯಾದ ಕಾಗೆಯನ್ನು ವಿಶಿಷ್ಟ ರೂಪಕವಾಗಿ ಬಳಸಿರುವುದು ಕೃತಿಯ ಪ್ರಮುಖ ವೈಶಿಷ್ಟ್ಯವಾಗಿದೆ. ಸಾಹಿತ್ಯವು ಓದುಗರ ಮನಸ್ಸಿನಲ್ಲಿ ಪ್ರಶ್ನೆಗಳನ್ನು ಹುಟ್ಟುಹಾಕಿ, ಚಿಂತನೆಗೆ ಪ್ರೇರೇಪಿಸಿ, ಸಮಾಜದ ವಾಸ್ತವತೆಯನ್ನು ಎದುರುಗಾಣಿಸುವ ಶಕ್ತಿಯನ್ನು ಹೊಂದಿರಬೇಕು; ಅಂತಹ ಸಾಹಿತ್ಯವೇ ಸಮಾಜವನ್ನು ಮುನ್ನಡೆಸಬಲ್ಲದು ಎಂದು ಅವರು ಹೇಳಿದರು. ದೇವದುರ್ಗದ ಯುವ ಕವಿ ಅಭಿಷೇಕ್ ಬಳೆ ಮಸರಕಲ್ ಅವರು ಕೃತಿಯ ಕುರಿತು ಸಮಗ್ರವಾಗಿ ವಿಚಾರ ಮಂಡಿಸಿದರು. ಕವಿಗೆ ಕಾವ್ಯದಲ್ಲಿ ಮಾತ್ರವಲ್ಲದೆ ಜೀವನದಲ್ಲಿಯೂ ವಿಶಾಲ ಮನೋಭಾವ ಅಗತ್ಯವೆಂದು ಅವರು ಪ್ರತಿಪಾದಿಸಿದರು. ಸಾಮಾನ್ಯವಾಗಿ ಕಾಗೆಯನ್ನು ಅನಿಷ್ಟದ ಸಂಕೇತವೆಂದು ಪರಿಗಣಿಸುವ ಸಮಾಜದಲ್ಲಿದ್ದರೂ, ವಾಸ್ತವದಲ್ಲಿ ಅದು ಕಾರುಣ್ಯ, ಸಹಬಾಳ್ವೆ, ಹಂಚಿಕೊಳ್ಳುವಿಕೆ ಹಾಗೂ ಸಮೂಹ ಬದುಕಿನ ಪ್ರತೀಕವಾಗಿದೆ. ಒಂದು ಅಗಳು ಅನ್ನ ದೊರಕಿದರೂ ತನ್ನ ಸಮೂಹದೊಂದಿಗೆ ಹಂಚಿಕೊಳ್ಳುವ ಕಾಗೆಯ ಗುಣ ಮಾನವ ಸಮಾಜಕ್ಕೆ ಮಾದರಿಯಾಗಬೇಕಾದ ಮೌಲ್ಯವೆಂದು ಅಭಿಷೇಕ್ ಬಳೆ ಮಸರಕಲ್ ಅವರು ಅಭಿಪ್ರಾಯಪಟ್ಟರು. ಕವಿಯ ಕೃತಿಯಲ್ಲಿ ಬಾಹ್ಯ ಸೌಂದರ್ಯಕ್ಕಿಂತ ಆಂತರಿಕ ಸೌಂದರ್ಯಕ್ಕೆ ಹೆಚ್ಚಿನ ಮಹತ್ವ ನೀಡಲಾಗಿದೆ ಎಂದು ಅವರು ವಿವರಿಸಿದರು. 'ಸರಸ್ವತಿ ನೀನೊಮ್ಮೆ ನನಗೆ ಹೆಂಡತಿಯಾಗು' ಎಂಬ ಕವಿತೆಯನ್ನು ವಿಶ್ಲೇಷಿಸಿದ ಅವರು, ಶಿಕ್ಷಣದಿಂದ ವಂಚಿತರಾದ ಶೋಷಿತ ಸಮುದಾಯಗಳ ಜ್ಞಾನ ದಾಹ, ಕಲಿಕೆಯ ಹಂಬಲ ಹಾಗೂ ಸಾಮಾಜಿಕ ಜಾಗೃತಿಯ ಆಶಯಗಳನ್ನು ಕವಿ ಅತ್ಯಂತ ಸೃಜನಶೀಲವಾಗಿ ಅಭಿವ್ಯಕ್ತಿಸಿದ್ದಾರೆ ಎಂದು ಹೇಳಿದರು. ಜ್ಞಾನಸ್ವರೂಪಿಣಿಯಾದ ಸರಸ್ವತಿಯನ್ನು ಸಂಬೋಧಿಸುವ ಮೂಲಕ ಜ್ಞಾನವೇ ಬದುಕಿನ ಸಂಗಾತಿಯಾಗಬೇಕು ಎಂಬ ಸಂದೇಶವನ್ನು ಕವಿ ನೀಡಿದ್ದು, ಚನ್ನಮಲ್ಲಿಕಾರ್ಜುನ ಮತ್ತು ಅಕ್ಕಮಹಾದೇವಿಯ ಆಧ್ಯಾತ್ಮಿಕ ಸಂಬಂಧವನ್ನು ರೂಪಕವಾಗಿ ಬಳಸಿರುವುದು ಕೃತಿಯಲ್ಲಿನ ಅಪರೂಪದ ಸಾಹಿತ್ಯಿಕ ಪ್ರಯೋಗವಾಗಿದೆ ಎಂದು ವಿಶ್ಲೇಷಿಸಿದರು. ವಿರಾಮದ ಬಳಿಕ ನಡೆದ ಚರ್ಚೆಯ ಆರಂಭಕ್ಕೂ ಮುನ್ನ ಗೌಡಪ್ಪಗೌಡ ಹುಲ್ಕಲ್ ಅವರು ತಮ್ಮ ಸ್ವರಚಿತ ಗೀತೆಯನ್ನು ಸುಮಧುರವಾಗಿ ಹಾಡಿ ಸಾಹಿತ್ಯಾಸಕ್ತರ ಮನಗೆದ್ದರು. ಚರ್ಚಾ ಕಾರ್ಯಕ್ರಮದಲ್ಲಿ ವೆಂಕಟೇಶ ಪಾಟೀಲ, ಕನಕಪ್ಪ ವಾಗಣಗೇರ, ಶರಣಗೌಡ ಚಂದಾಪೂರ, ಮಾಳಪ್ಪ ಗುಂಡಳ್ಳಿ, ನಿಂಗಣ್ಣ ಹಯ್ಯಾಳ (ಬಿ), ನಾನಾಗೌಡ ಚಂದಾಪೂರ, ಗುರಪ್ಪ ವಾರದ್ ಹಾಗೂ ಸಿದ್ದಪ್ಪ ಕೋನಹಳ್ಳಿ ಅವರು ಭಾಗವಹಿಸಿ ಕೃತಿಯ ವಿವಿಧ ಆಯಾಮಗಳು, ಸಾಮಾಜಿಕ ಆಶಯಗಳು ಮತ್ತು ಸಾಹಿತ್ಯಿಕ ಮೌಲ್ಯಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು. ಸಾಹಿತಿಗಳ ಅವರ ಪುಸ್ತಕದ ಕುರಿತು ಕೇಳಿದ ಪ್ರಶ್ನೆಗಳಿಗೆ ಡಾ. ಮರಿಯಪ್ಪ ನಾಟೇಕರ್ ಅವರು ಉತ್ತರಿಸಿದರು. ಶಿಕ್ಷಕ ನಿಂಗಪ್ಪ ತೆಕರಾಳ ಅವರು ಕಾರ್ಯಕ್ರಮವನ್ನು ನಿರೂಪಿಸಿ, ಕೊನೆಯಲ್ಲಿ ವಂದನಾರ್ಪಣೆ ಮಾಡಿದರು. ಗ್ರಾಮೀಣ ಪರಿಸರದಲ್ಲಿ ನಡೆದ ಈ ವಿಶಿಷ್ಟ ಸಾಹಿತ್ಯಿಕ ಸಂವಾದವು 'ಕಾಗೆ ಬಣ್ಣದ ಕವಿತೆ' ಕವನ ಸಂಕಲನದ ಮೂಲಕ ಮಾನವೀಯ ಮೌಲ್ಯಗಳು, ಸಾಮಾಜಿಕ ಕಾಳಜಿ ಹಾಗೂ ಬದುಕಿನ ಸೂಕ್ಷ್ಮ ಸಂವೇದನೆಗಳನ್ನು ಅನಾವರಣಗೊಳಿಸುವುದರೊಂದಿಗೆ ಸಾಹಿತ್ಯಾಸಕ್ತರಲ್ಲಿ ಹೊಸ ಚಿಂತನೆಗೆ ನಾಂದಿ ಹಾಡಿದಂತಾಯಿತು.