वाशी खारेपाटमध्ये सध्याच्या पूरपरिस्थितीत नागरिक एकमेकांना मदतीचा हात देत असताना, दुसरीकडे वाशी ग्रुप ग्रामपंचायतीकडून नुकसानग्रस्तांच्या पंचनाम्यासाठी आवश्यक असलेल्या असेसमेंटवर ₹५० शुल्क आकारले जात आहे. शासनाने निश्चित केलेले शुल्क केवळ ₹२० असतानाही, मासिक सभेच्या ठरावाच्या नावाखाली ग्रामपंचायतीकडून हे वाढीव शुल्क आकारले जात आहे. अडचणीच्या काळात नागरिकांवर असा अतिरिक्त आर्थिक भार टाकणे अत्यंत खेदजनक असून माणुसकीला धरून नाही. संकट काळात ग्रामपंचायतीने तातडीची बैठक घेऊन पूरग्रस्तांना असेसमेंट मोफत किंवा किमान शासकीय दरात उपलब्ध करून देणे अपेक्षित होते. मात्र, ग्रामपंचायत सदस्य कोणत्याही शासकीय अधिकाऱ्याशिवाय स्वतः ही नियमबाह्य वसुली करत असून, नागरिकांनी यावर प्रश्न विचारले असता त्यांच्याशी वाद घालत आहेत. या अवाजवी व नियमबाह्य वसुलीची शासन स्तरावर योग्य दखल घेऊन तातडीने कारवाई करण्यात यावी, अशी मागणी राष्ट्रवादी विद्यार्थी काँग्रेस पार्टी पेणचे अध्यक्ष साजन पाटील यांनी केली आहे.

राजेश प बाष्टे

Photographer अलिबाग, रायगड, महाराष्ट्र•

5 hrs ago

वाशी खारेपाटमध्ये सध्याच्या पूरपरिस्थितीत नागरिक एकमेकांना मदतीचा हात देत असताना, दुसरीकडे वाशी ग्रुप ग्रामपंचायतीकडून नुकसानग्रस्तांच्या पंचनाम्यासाठी आवश्यक असलेल्या असेसमेंटवर ₹५० शुल्क आकारले जात आहे. शासनाने निश्चित केलेले शुल्क केवळ ₹२० असतानाही, मासिक सभेच्या ठरावाच्या नावाखाली ग्रामपंचायतीकडून हे वाढीव शुल्क आकारले जात आहे. अडचणीच्या काळात नागरिकांवर असा अतिरिक्त आर्थिक भार टाकणे अत्यंत खेदजनक असून माणुसकीला धरून नाही. संकट काळात ग्रामपंचायतीने तातडीची बैठक घेऊन पूरग्रस्तांना असेसमेंट मोफत किंवा किमान शासकीय दरात उपलब्ध करून देणे अपेक्षित होते. मात्र, ग्रामपंचायत सदस्य कोणत्याही शासकीय अधिकाऱ्याशिवाय स्वतः ही नियमबाह्य वसुली करत असून, नागरिकांनी यावर प्रश्न विचारले असता त्यांच्याशी वाद घालत आहेत. या अवाजवी व नियमबाह्य वसुलीची शासन स्तरावर योग्य दखल घेऊन तातडीने कारवाई करण्यात यावी, अशी मागणी राष्ट्रवादी विद्यार्थी काँग्रेस पार्टी पेणचे अध्यक्ष साजन पाटील यांनी केली आहे.