লখিমপুৰ জিলাৰ লালুকত এক ভয়ংকৰ পথ দুৰ্ঘটনা সংঘটিত হৈছে। ১৫ নং ৰাষ্ট্ৰীয় ঘাইপথত এখন এম্বুলেন্স আৰু এখন এল্টো বাহনৰ মাজত মুখামুখি সংঘৰ্ষ হয়।

ধেমাজি সদৰত অৱস্থিত বাল্যবিদ্যাপীঠ প্ৰাথমিক বিদ্যালয়খন যোৱা এসপ্তাহ ধৰি কৃত্ৰিম বানৰ কবলত পৰিছে। এই কৃত্ৰিম বানৰ বাবেই বিদ্যালয়খনত অনুষ্ঠিত হ'বলগীয়া পৰীক্ষাসমূহ স্থগিত ৰখা হৈছে। বৰ্ণনাতীত পৰিৱেশৰ মাজতো বিদ্যালয়ত পাঠদান চলি আছে, যাৰ ফলত প্ৰতিদিনে অৰ্ধছুটি দিবলৈ বাধ্য হৈছে কৰ্তৃপক্ষ। বন্যাৰ ফলত শ্ৰেণীকোঠাসমূহ সম্পূৰ্ণৰূপে পানীৰে ভৰি পৰিছে, মধ্যাহ্ন ভোজনৰ ঘৰতো পানী সোমোৱাৰ বাবে সমস্যাৰ সৃষ্টি হৈছে। ছাত্ৰ-ছাত্ৰীৰ লগতে শিক্ষক-শিক্ষয়িত্ৰীসকলো শৌচ-প্ৰস্ৰাৱ কৰিবলৈ উপাই নোহোৱাত ভীষণ অসুবিধাৰ সন্মুখীন হৈছে। বাৰিষাৰ এই সময়ছোৱাত কৃত্ৰিম বানত ডুব যোৱা বিদ্যালয়খনত দিনক দিনে ছাত্ৰ-ছাত্ৰীৰ সংখ্যা হ্ৰাস পাইছে। বিগত পাঁচ বছৰ ধৰি বিদ্যালয়খনত একেই সমস্যাৰ পুনৰাবৃত্তি ঘটি আছে। বাল্যবিদ্যাপীঠ বিদ্যালয়ৰ শিক্ষয়িত্ৰীসকলে এই সমস্যাৰ তৎকালীন সমাধানৰ বাবে চৰকাৰক আহ্বান জনাইছে। এই পৰিস্থিতিৰ বাবে ধেমাজি পৌৰসভাৰ ওপৰত অভিযোগ উত্থাপন হৈছে, কিয়নো তেওঁলোকে এই কৃত্ৰিম বানৰ পৰা বিদ্যালয়খনক মুক্ত কৰিবলৈ কোনো ব্যৱস্থা গ্ৰহণ কৰা নাই।

নাজিৰাৰ শিমলুগুৰিৰ ৰোহিত জুৱেলাৰীৰ পৰা এগৰাকী মহিলাই তিনিযোৰ সোণৰ কাণৰ ফুলি চুৰ কৰি লৈ যায়। ব্যৱসায়িক প্ৰতিষ্ঠানৰ স্বত্বাধিকাৰীয়ে কাণৰফুলি ওজন কৰাৰ চলেৰে মহিলাগৰাকীয়ে এই কাণ্ড সংঘটিত কৰে আৰু জুৱেলাৰীৰ সন্মুখত এখন স্কুটীত ৰৈ থকা এজন যুৱকৰ সৈতে পলায়ন কৰিবলৈ সক্ষম হয়। এই সমগ্ৰ চুৰিকাণ্ডৰ ঘটনা চি চি টি ভি কেমেৰাত বন্দী হৈছে। বৰ্তমানলৈকে আৰক্ষীয়ে মহিলাগৰাকীক চিনাক্ত কৰি কৰায়ত্ত কৰিব পৰা নাই। শিমলুগুৰি আৰক্ষী ইতিমধ্যে জুৱেলাৰীত উপস্থিত হৈছে আৰু ঘটনাটোৰ তদন্ত অব্যাহত ৰাখিছে।

নুমলীগড়ৰ এনআৰএল (NRL) নগৰাঞ্চলত নুমলীগড় শোধনাগাৰ শাখা সাহিত্য সভাৰ উদ্যোগত দুদিনীয়া বৰ্ণাঢ্য কাৰ্যসূচীৰে শাখাটোৰ ৰূপালী জয়ন্তী বৰ্ষৰ সামৰণী অনুষ্ঠান আৰু বিষ্ণুপ্ৰসাদ ৰাভা স্মৃতি দিৱস উদযাপন কৰা হয়। এই যৌথ অনুষ্ঠানত ড° নন্দ সিং বৰকলা উপস্থিত আছিল। গাম্ভীৰ্যপূৰ্ণ পৰিৱেশত এই সমগ্ৰ অনুষ্ঠান সফলতাৰে সম্পন্ন হয়।

চৰাইদেউ জিলাৰ সোণাৰিৰ ১৫ নং ৱাৰ্ডৰ টিয়ক ৰজাবাৰীত নিশা এক পথ দুৰ্ঘটনা সংঘটিত হৈছে, য'ত এজন বাইক আৰোহী গুৰুতৰভাৱে আহত হৈছে। এই দুৰ্ঘটনাটো ৰাষ্টাত গৰাকীবিহীন গৰুৰ বাবে সংঘটিত হৈছিল। বাইক আৰোহীজনে পথত থকা গৰুটোক খুন্দা মৰাৰ ফলত গৰুটোৰ থিতাতে মৃত্যু হয়। দুৰ্ঘটনাত গুৰুতৰভাৱে আঘাটপ্ৰাপ্ত ব্যক্তিজনক স্থানীয় লোকসকলে চিকিৎসালয়লৈ প্ৰেৰণ কৰে।

ভাৰতীয় জনতা পাৰ্টীৰ মৰাণ মণ্ডলৰ উদ্যোগত আন্তঃৰাষ্ট্ৰীয় যোগদিৱস উদযাপন কৰা হয়। এই উদযাপন কাৰ্যসূচীত মাহমৰা সমষ্টিৰ বিধায়ক সুৰুজ দিহিঙীয়াই অংশগ্ৰহণ কৰে।

সৰুপথাৰ সম-জিলা জাম্পাৰ মালিক সন্থা আৰু চালকসকলে এক প্ৰতিবাদী কাৰ্যসূচী হাতত লৈছে। দীৰ্ঘদিন ধৰি বনবিভাগে T.P. সমূহ বন্ধ কৰি ৰখাৰ সন্দৰ্ভত তেওঁলোকে এই প্ৰতিবাদ সাব্যস্ত কৰিছে।

নেপালৰ ৰৌতাঘাটত প্ৰায় ১৫ ফুট দীঘল এক প্ৰকাণ্ড প্ৰাপ্ত বয়স্ক ৰজা ফেঁটী উদ্ধাৰ কৰা হৈছে। এই বৃহৎ আকাৰৰ ৰজা ফেঁটীটোক অঞ্চলটোত দেখাৰ পিছতে উদ্ধাৰ অভিযান চলোৱা হয়।

আজি সমগ্ৰ বিশ্বৰ লগতে গোলাঘাটতো আন্তঃৰাষ্ট্ৰীয় যোগ দিৱস উদযাপন কৰা হৈছে। এই উপলক্ষে গোলাঘাটৰ ১৪২ নং CRPF কেম্পত এক বিশেষ কাৰ্যসূচী আয়োজন কৰা হৈছে। National human rights and crime control bureau ৰ লগতে বহুকেইটা বেচৰকাৰী সংস্থা (NGO) আৰু শিক্ষানুষ্ঠানৰ সহযোগত এই যোগ দিৱসৰ কাৰ্যসূচী সফলতাৰে ৰূপায়ণ কৰা হৈছে।

দেওবাৰে নিশা ধেমাজিৰ মৰিধলত এক ভয়ংকৰ পথ দুৰ্ঘটনা সংঘটিত হয়। এই দুৰ্ঘটনাত থিতাতে দুজন ব্যক্তিৰ মৃত্যু হয়। প্ৰাপ্ত তথ্য অনুসৰি, নিশা মৰিধলত এখন বাহনে নিয়ন্ত্ৰণ হেৰুৱাই পথৰ কাষৰ পানীৰ পৰে। বাহনখনত চালকসহ এজন ব্যক্তি আছিল। নিহত হোৱা ব্যক্তি কেইজন ধেমাজিৰ SBIত কৰ্মৰত বুলি জানিব পৰা গৈছে।