छत्रपती संभाजीनगर येथे संत एकनाथ सहकारी साखर कारखान्याकडून ऊस उत्पादक शेतकऱ्यांची एफआरपीची थकीत बिले न मिळाल्याने जालना, बीड आणि घनसावंगी तालुक्यातील शेतकरी सोमवारी (दि. २२ जून) आक्रमक झाले. थकीत रक्कम तातडीने मिळावी या मागणीसाठी त्यांनी थेट जिल्हाधिकारी कार्यालयावर धडक देत जोरदार आंदोलन केले. संत एकनाथ सहकारी साखर कारखान्याचा गाळप हंगाम संपून तब्बल तीन महिने उलटले तरी शेतकऱ्यांच्या खात्यावर एफआरपीची रक्कम जमा झालेली नाही, यामुळे शेतकरी आर्थिक संकटात सापडले आहेत. शेतकरी प्रतिनिधींनी दिलेल्या निवेदनानुसार, जालना आणि बीड जिल्ह्यातील अंबड, घनसावंगी, गेवराईसह विविध तालुक्यांतील शेतकऱ्यांनी सन २०२५-२६ च्या गाळप हंगामात या कारखान्याला ऊस दिला होता. मात्र, ऊस गाळपासाठी जाऊन तीन महिने उलटूनही त्यांना एक रुपयाही मिळालेला नाही. ऊस नियंत्रणाशी संबंधित कायद्यानुसार ऊस गाळपासाठी गेल्यानंतर १४ दिवसांच्या आत एफआरपीची रक्कम देणे बंधनकारक आहे, तसेच विलंब झाल्यास व्याजासह रक्कम देण्याची तरतूद आहे. असे असतानाही कारखान्याकडून नियमांचे उल्लंघन होत असल्याचा आरोप आंदोलकांनी केला आहे. यापूर्वीही शेतकऱ्यांनी थकीत एफआरपीच्या मागणीसाठी प्रादेशिक सहसंचालक साखर आयुक्त कार्यालयावर घेराव आंदोलन केले होते, त्यावेळी "मायबाप शेतकऱ्यांचे थकीत एफआरपी बिल तात्काळ जमा करा" अशा घोषणाबाजीने त्यांनी प्रशासनाचे लक्ष वेधले होते. आता थकीत एफआरपी तात्काळ जमा करावी, संबंधित संचालकांवर फौजदारी गुन्हे दाखल करावेत आणि गरज पडल्यास कारखान्याची मालमत्ता विकून शेतकऱ्यांचे हक्काचे पैसे द्यावेत, अशी मागणी शेतकऱ्यांनी प्रशासनाकडे केली आहे. प्रशासनाने योग्य ती कारवाई करण्याचे आश्वासन दिल्यानंतर आंदोलन तात्पुरते स्थगित करण्यात आले होते. तरीही थकीत रक्कम लवकरात लवकर न मिळाल्याने संतप्त झालेले शेतकरी पुन्हा थेट जिल्हाधिकारी कार्यालयात घुसले, ज्यामुळे काही काळ परिसरात तणावाचे वातावरण निर्माण झाले होते.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

छत्रपती संभाजीनगर येथे संत एकनाथ सहकारी साखर कारखान्याकडून ऊस उत्पादक शेतकऱ्यांची एफआरपीची थकीत बिले न मिळाल्याने जालना, बीड आणि घनसावंगी तालुक्यातील शेतकरी सोमवारी (दि. २२ जून) आक्रमक झाले. थकीत रक्कम तातडीने मिळावी या मागणीसाठी त्यांनी थेट जिल्हाधिकारी कार्यालयावर धडक देत जोरदार आंदोलन केले. संत एकनाथ सहकारी साखर कारखान्याचा गाळप हंगाम संपून तब्बल तीन महिने उलटले तरी शेतकऱ्यांच्या खात्यावर एफआरपीची रक्कम जमा झालेली नाही, यामुळे शेतकरी आर्थिक संकटात सापडले आहेत. शेतकरी प्रतिनिधींनी दिलेल्या निवेदनानुसार, जालना आणि बीड जिल्ह्यातील अंबड, घनसावंगी, गेवराईसह विविध तालुक्यांतील शेतकऱ्यांनी सन २०२५-२६ च्या गाळप हंगामात या कारखान्याला ऊस दिला होता. मात्र, ऊस गाळपासाठी जाऊन तीन महिने उलटूनही त्यांना एक रुपयाही मिळालेला नाही. ऊस नियंत्रणाशी संबंधित कायद्यानुसार ऊस गाळपासाठी गेल्यानंतर १४ दिवसांच्या आत एफआरपीची रक्कम देणे बंधनकारक आहे, तसेच विलंब झाल्यास व्याजासह रक्कम देण्याची तरतूद आहे. असे असतानाही कारखान्याकडून नियमांचे उल्लंघन होत असल्याचा आरोप आंदोलकांनी केला आहे. यापूर्वीही शेतकऱ्यांनी थकीत एफआरपीच्या मागणीसाठी प्रादेशिक सहसंचालक साखर आयुक्त कार्यालयावर घेराव आंदोलन केले होते, त्यावेळी "मायबाप शेतकऱ्यांचे थकीत एफआरपी बिल तात्काळ जमा करा" अशा घोषणाबाजीने त्यांनी प्रशासनाचे लक्ष वेधले होते. आता थकीत एफआरपी तात्काळ जमा करावी, संबंधित संचालकांवर फौजदारी गुन्हे दाखल करावेत आणि गरज पडल्यास कारखान्याची मालमत्ता विकून शेतकऱ्यांचे हक्काचे पैसे द्यावेत, अशी मागणी शेतकऱ्यांनी प्रशासनाकडे केली आहे. प्रशासनाने योग्य ती कारवाई करण्याचे आश्वासन दिल्यानंतर आंदोलन तात्पुरते स्थगित करण्यात आले होते. तरीही थकीत रक्कम लवकरात लवकर न मिळाल्याने संतप्त झालेले शेतकरी पुन्हा थेट जिल्हाधिकारी कार्यालयात घुसले, ज्यामुळे काही काळ परिसरात तणावाचे वातावरण निर्माण झाले होते.