परळी वैजनाथ येथे एका थार गाडीच्या धडकेत प्रशांत प्रल्हाद देशमुख या युवकाचा मृत्यू झाल्याची गंभीर घटना समोर आली आहे. संत भगवान बाबा चौक ते तहसीलकडे जाणाऱ्या रस्त्यावर थार गाडीने धडक दिल्यानंतर चालक घटनास्थळावरून पळून गेला होता. गंभीर जखमी अवस्थेत प्रशांत देशमुख यांना अंबाजोगाई येथील स्वाराती रुग्णालयात उपचारासाठी दाखल करण्यात आले होते, जिथे उपचारादरम्यान त्यांचा दुर्दैवी मृत्यू झाला. या घटनेमुळे परिसरात संतापाची लाट उसळली असून, देशमुख कुटुंबीयांनी हा केवळ अपघात नसून जाणीवपूर्वक जीवे मारण्याचा प्रयत्न असल्याचा गंभीर आरोप केला आहे. परिसरातील सीसीटीव्ही फुटेजमध्ये संबंधित थार गाडी स्पष्टपणे दिसत असून, फुटेजमध्ये चारचाकी वाहन चालकाने संशयास्पद पद्धतीने मागून गाडी आणून धडक दिल्याचे दिसून येते. यामुळे घटनेची सखोल चौकशी करून कठोर कारवाई करण्याची मागणी नागरिकांसह देशमुख कुटुंबीयांनी पोलीस ठाण्यात मोठ्या संख्येने जमा होत केली. सीसीटीव्ही फुटेज उपलब्ध असल्याने आरोपीला तात्काळ अटक करून त्याच्यावर खुनाच्या प्रयत्नाचा गुन्हा दाखल करण्याचीही त्यांची मागणी होती. दरम्यान, या प्रकरणी परळी पोलिसांनी गुन्हा दाखल करत शोधमोहीम सुरू केली. मध्यरात्रीनंतर पोलिसांनी आरोपी आणि गाडीचा शोध घेण्यात यश मिळवले. पोलिसांनी दिलेल्या माहितीनुसार, आरोपी नामे नागेश विश्वनाथ मुडे, रा. भोपळा, याला अटक करण्यात आली असून, थार गाडीही ताब्यात घेण्यात आली आहे.

M. p. gitte

परळी, बीड, महाराष्ट्र•

1 hr ago

परळी वैजनाथ येथे एका थार गाडीच्या धडकेत प्रशांत प्रल्हाद देशमुख या युवकाचा मृत्यू झाल्याची गंभीर घटना समोर आली आहे. संत भगवान बाबा चौक ते तहसीलकडे जाणाऱ्या रस्त्यावर थार गाडीने धडक दिल्यानंतर चालक घटनास्थळावरून पळून गेला होता. गंभीर जखमी अवस्थेत प्रशांत देशमुख यांना अंबाजोगाई येथील स्वाराती रुग्णालयात उपचारासाठी दाखल करण्यात आले होते, जिथे उपचारादरम्यान त्यांचा दुर्दैवी मृत्यू झाला. या घटनेमुळे परिसरात संतापाची लाट उसळली असून, देशमुख कुटुंबीयांनी हा केवळ अपघात नसून जाणीवपूर्वक जीवे मारण्याचा प्रयत्न असल्याचा गंभीर आरोप केला आहे. परिसरातील सीसीटीव्ही फुटेजमध्ये संबंधित थार गाडी स्पष्टपणे दिसत असून, फुटेजमध्ये चारचाकी वाहन चालकाने संशयास्पद पद्धतीने मागून गाडी आणून धडक दिल्याचे दिसून येते. यामुळे घटनेची सखोल चौकशी करून कठोर कारवाई करण्याची मागणी नागरिकांसह देशमुख कुटुंबीयांनी पोलीस ठाण्यात मोठ्या संख्येने जमा होत केली. सीसीटीव्ही फुटेज उपलब्ध असल्याने आरोपीला तात्काळ अटक करून त्याच्यावर खुनाच्या प्रयत्नाचा गुन्हा दाखल करण्याचीही त्यांची मागणी होती. दरम्यान, या प्रकरणी परळी पोलिसांनी गुन्हा दाखल करत शोधमोहीम सुरू केली. मध्यरात्रीनंतर पोलिसांनी आरोपी आणि गाडीचा शोध घेण्यात यश मिळवले. पोलिसांनी दिलेल्या माहितीनुसार, आरोपी नामे नागेश विश्वनाथ मुडे, रा. भोपळा, याला अटक करण्यात आली असून, थार गाडीही ताब्यात घेण्यात आली आहे.