संजय जाधवांसह सहा खासदारांनी बंड केल्यानंतर उद्धव ठाकरे परभणी दौऱ्यावर जात आहेत. 27 जूनपासून दोन दिवसांसाठी उद्धव ठाकरे परभणीत मुक्कामी असतील, जिथे ते शिवसैनिकांशी थेट संवाद साधणार आहेत. बंडानंतर पक्षाची संघटना नव्याने बांधण्यासाठी ठाकरे मैदानात उतरले आहेत.

संजय जाधवांसह सहा खासदारांनी बंड केल्यानंतर उद्धव ठाकरे परभणी दौऱ्यावर जात आहेत. 27 जूनपासून दोन दिवसांसाठी उद्धव ठाकरे परभणीत मुक्कामी असतील, जिथे ते शिवसैनिकांशी थेट संवाद साधणार आहेत. बंडानंतर पक्षाची संघटना नव्याने बांधण्यासाठी ठाकरे मैदानात उतरले आहेत.

भारतीय जनता पार्टी, तालुका परळी वैजनाथ यांच्या वतीने मौजे नंदनंज येथील बोरणा प्रकल्प परिसरात आंतरराष्ट्रीय योग दिन मोठ्या उत्साहात साजरा करण्यात आला. या कार्यक्रमाचे वैशिष्ट्य म्हणजे, भाजपा तालुकाध्यक्ष राजेश गित्ते यांनी बोरणा प्रकल्पाच्या पाण्यातून योगसाधना केली. मंत्री ना. पंकजाताई मुंडे आणि मा. खा. डॉ. प्रितमताई मुंडे यांच्या मार्गदर्शनाखाली हा उपक्रम राबवण्यात आला. यावेळी मार्गदर्शन करताना, भाजप तालुकाध्यक्ष राजेश गित्ते यांनी योग ही केवळ व्यायाम पद्धती नसून निरोगी, सुदृढ आणि संतुलित जीवनशैली असल्याचे प्रतिपादन केले. ताणतणावमुक्त व आरोग्यदायी समाज घडवण्यासाठी नियमित योगाभ्यास करणे काळाची गरज असून, योग ही निरोगी जीवनाची गुरुकिल्ली असल्याचे त्यांनी नमूद केले. पंतप्रधान नरेंद्र मोदी यांच्या प्रयत्नांमुळे योगाला जागतिक स्तरावर मान्यता मिळाली असून, जगभरात योग दिन उत्साहात साजरा केला जातो. नियमित योगाभ्यासामुळे शरीराला ऊर्जा मिळते, मानसिक आरोग्य सुधारते आणि जीवनमान उंचावते, असे आवाहनही याप्रसंगी करण्यात आले. या कार्यक्रमात तालुक्यातील भाजपा पदाधिकारी, शक्तिकेंद्र प्रमुख, बूथ प्रमुख, बीएलए-२, कार्यकर्ते, पत्रकार बांधव तसेच नागरिक मोठ्या संख्येने सहभागी झाले होते. भाजपा सचिव अनिल गुट्टे, अनुसूचित मोर्चा अध्यक्ष धुराजी साबळे, जेष्ठ नेते नाथराव (दादा) गुट्टे, नंदनंज उपसरपंच तथा बुथ प्रमुख बालाजी गुट्टे, मिरवट मा. उपसरपंच रामेश्वर महाराज इंगळे यांच्यासह अनेक पदाधिकारी व ग्रामस्थ उपस्थित होते. उपस्थित नागरिकांनी यावेळी योगधर्म, मानवधर्म, राष्ट्रधर्म आणि सेवाधर्म यांचा अंगीकार करण्याचा संकल्प केला, तसेच योगाच्या माध्यमातून स्वतःचे आणि समाजाचे आरोग्य सुदृढ करण्याचा संदेश देण्यात आला.

अखिल भारतीय विद्यार्थी परिषद (अभाविप) छत्रपती संभाजीनगर महानगर शाखेने डॉ. बाबासाहेब आंबेडकर तंत्रशास्त्र विद्यापीठाच्या प्रादेशिक कार्यालयात साखळी उपोषण केले. अभियांत्रिकी आणि औषधनिर्माणशास्त्र अभ्यासक्रमांच्या उन्हाळी सत्र परीक्षांचे वेळापत्रक तात्काळ जाहीर करण्याच्या मागणीसाठी हे आंदोलन करण्यात आले होते, कारण उन्हाळी सत्र संपत आले असतानाही वेळापत्रक जाहीर न झाल्याने विद्यार्थ्यांमध्ये संभ्रमाचे वातावरण निर्माण झाले होते. या उपोषणात सुकन्या बावस्कर, श्रीया महाजन, श्रावणी साबळे, रोहित पवार, शुभम भोसले आणि ओम पवार यांनी सहभाग घेतला. अभाविपच्या या आंदोलनाची विद्यापीठ प्रशासनाने त्वरित दखल घेतली. अवघ्या तीन तासांत अभियांत्रिकी आणि औषधनिर्माणशास्त्र या दोन्ही अभ्यासक्रमांच्या उन्हाळी सत्र परीक्षांचे वेळापत्रक जाहीर करण्यात आले, ज्यामुळे विद्यार्थ्यांमध्ये समाधान व्यक्त झाले. वेळापत्रक जाहीर होताच, विद्यापीठाचे संचालक प्रा. डॉ. ब्रिजेश अय्यर यांच्या हस्ते फलाहार घेऊन आंदोलनाची यशस्वीरित्या सांगता करण्यात आली. यावेळी अभाविपच्या राष्ट्रीय कार्यकारिणी सदस्य सुकन्या बावस्कर यांनी स्पष्ट केले की, उत्तम शिक्षण आणि वेळेवर परीक्षा हे विद्यार्थ्यांचे मूलभूत हक्क असून, अभाविप नेहमीच विद्यार्थी हितासाठी आग्रही राहिली आहे आणि भविष्यातही विद्यार्थ्यांच्या समस्या व मागण्यांसाठी सातत्याने पाठपुरावा करत राहील.

खासदार नागेश आष्टीकर अखेर जनतेसमोर आले आहेत. त्यांनी उद्धव ठाकरेंची साथ सोडताना आपली भूमिका स्पष्ट केली आहे, ज्यामुळे राजकीय वर्तुळात चर्चांना उधाण आले आहे.

हिंगोलीचे खासदार नागेश पाटील आष्टीकर यांचा एक व्हिडिओ सध्या मोठ्या प्रमाणात व्हायरल होत आहे.

राष्ट्रवादी पक्षाच्या अजित पवार गटातून श्री राजेंद्र जैन हे राज्यसभा सदस्य म्हणून खासदार आहेत.

परळी वैजनाथ येथे एका थार गाडीच्या धडकेत प्रशांत प्रल्हाद देशमुख या युवकाचा मृत्यू झाल्याची गंभीर घटना समोर आली आहे. संत भगवान बाबा चौक ते तहसीलकडे जाणाऱ्या रस्त्यावर थार गाडीने धडक दिल्यानंतर चालक घटनास्थळावरून पळून गेला होता. गंभीर जखमी अवस्थेत प्रशांत देशमुख यांना अंबाजोगाई येथील स्वाराती रुग्णालयात उपचारासाठी दाखल करण्यात आले होते, जिथे उपचारादरम्यान त्यांचा दुर्दैवी मृत्यू झाला. या घटनेमुळे परिसरात संतापाची लाट उसळली असून, देशमुख कुटुंबीयांनी हा केवळ अपघात नसून जाणीवपूर्वक जीवे मारण्याचा प्रयत्न असल्याचा गंभीर आरोप केला आहे. परिसरातील सीसीटीव्ही फुटेजमध्ये संबंधित थार गाडी स्पष्टपणे दिसत असून, फुटेजमध्ये चारचाकी वाहन चालकाने संशयास्पद पद्धतीने मागून गाडी आणून धडक दिल्याचे दिसून येते. यामुळे घटनेची सखोल चौकशी करून कठोर कारवाई करण्याची मागणी नागरिकांसह देशमुख कुटुंबीयांनी पोलीस ठाण्यात मोठ्या संख्येने जमा होत केली. सीसीटीव्ही फुटेज उपलब्ध असल्याने आरोपीला तात्काळ अटक करून त्याच्यावर खुनाच्या प्रयत्नाचा गुन्हा दाखल करण्याचीही त्यांची मागणी होती. दरम्यान, या प्रकरणी परळी पोलिसांनी गुन्हा दाखल करत शोधमोहीम सुरू केली. मध्यरात्रीनंतर पोलिसांनी आरोपी आणि गाडीचा शोध घेण्यात यश मिळवले. पोलिसांनी दिलेल्या माहितीनुसार, आरोपी नामे नागेश विश्वनाथ मुडे, रा. भोपळा, याला अटक करण्यात आली असून, थार गाडीही ताब्यात घेण्यात आली आहे.

माळेगाव येथे संध्याकाळी ठीक ५:०० वाजता जोरदार पाऊस आणि वादळी वारे सुटले. या कारणामुळे नाल्यांमधील पाणी रस्त्यावर वाहू लागले आहे. ही माळेगाव येथील सत्य घटना आहे.