हिंगणघाट जबरी चोरी प्रकरण उघड; स्थानिक गुन्हे शाखेची कारवाई, ४२ हजारांचा मुद्देमाल जप्त हिंगणघाट..वर्धा पोलीस स्टेशन हिंगणघाट येथे दाखल झालेल्या जबरी चोरीच्या गुन्ह्याचा स्थानिक गुन्हे शाखा, वर्धा यांनी यशस्वी उलगडा करत आरोपीकडून एकूण ४२,००० रुपयांचा मुद्देमाल जप्त केला आहे. या प्रकरणी एक आरोपी ताब्यात असून दुसरा आरोपी फरार आहे. दिनांक 07/02/2026 रोजी फिर्यादी विजेंद्र शंकरराव देशमुख (वय 54 वर्ष, रा. न्यू यशवंत नगर, हिंगणघाट) यांनी तक्रार दिली की, ते 06/02/2026 रोजी रात्री सुमारे 9 वाजताच्या सुमारास छोटी वणी येथे मोपेडने डेली कलेक्शनसाठी गेले होते. तेथून महामार्गाने हिंगणघाटकडे परतत असताना दोन अज्ञात मोटारसायकलस्वारांनी मागून येत त्यांच्या हातातील नगदी 45,000 रुपये असलेली बॅग हिसकावून घेतली व पळ काढला. बॅग ओढल्यामुळे फिर्यादी खाली पडले असून त्यांच्या डोक्याला व हाताला दुखापत झाली. त्यानंतर त्यांनी शासकीय रुग्णालयात प्राथमिक उपचार घेतले. या तक्रारीवरून पोलीस स्टेशन हिंगणघाट येथे अप. क्र. 158/2026 कलम 309(4), 3(5) बीएनएस अन्वये गुन्हा दाखल करण्यात आला. गुन्ह्याचा तपास सुरू असताना स्थानिक गुन्हे शाखेने घटनास्थळी भेट देऊन गोपनीय व तांत्रिक माहितीच्या आधारे भीमनगर वॉर्ड, हिंगणघाट येथील प्रफुल उर्फ चांग्या हरिदास चंदनखेडे (वय 19 वर्ष) आणि बिडकर वॉर्ड येथील रोहित गोदे यांनी हा गुन्हा केल्याचे निष्पन्न केले. आरोपी हे अट्टल गुन्हेगार असून त्यांच्यावर पूर्वीचेही गुन्हे दाखल आहेत. तपासादरम्यान प्रफुल उर्फ चांग्या यास टाका ग्राउंड, हिंगणघाट येथून ताब्यात घेण्यात आले. चौकशीत त्याने गुन्ह्याची कबुली दिल्यानंतर त्याच्याकडून गुन्ह्यात वापरलेली मोटारसायकल, नगदी रक्कम व मोबाईल असा एकूण ४२,००० रुपयांचा मुद्देमाल जप्त करण्यात आला आहे. फरार आरोपी रोहित गोदे याचा शोध सुरू आहे. ही कारवाई पोलीस अधीक्षक सौरभ कुमार अग्रवाल, अपर पोलीस अधीक्षक सदाशिव वाघमारे यांच्या मार्गदर्शनाखाली पोलीस निरीक्षक विनोद चौधरी यांच्या नेतृत्वात स्थानिक गुन्हे शाखेच्या पथकाने केली. पथकात पोउपनि विजयसिंग गोमलाडू, प्रकाश लसुन्ते, मनोज धात्रक, हमीद शेख, शेखर डोंगरे, अमरदीप पाटील, धर्मेंद्र अकाली, महादेव सानप, पो.शि. विकास मुंडे, उदय सोलंकी तसेच सायबर सेलचे गोविंद मुंडे, स्मिता महाजन व मीना कौरती यांचा समावेश होता.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

9 hrs ago

हिंगणघाट जबरी चोरी प्रकरण उघड; स्थानिक गुन्हे शाखेची कारवाई, ४२ हजारांचा मुद्देमाल जप्त हिंगणघाट..वर्धा पोलीस स्टेशन हिंगणघाट येथे दाखल झालेल्या जबरी चोरीच्या गुन्ह्याचा स्थानिक गुन्हे शाखा, वर्धा यांनी यशस्वी उलगडा करत आरोपीकडून एकूण ४२,००० रुपयांचा मुद्देमाल जप्त केला आहे. या प्रकरणी एक आरोपी ताब्यात असून दुसरा आरोपी फरार आहे. दिनांक 07/02/2026 रोजी फिर्यादी विजेंद्र शंकरराव देशमुख (वय 54 वर्ष, रा. न्यू यशवंत नगर, हिंगणघाट) यांनी तक्रार दिली की, ते 06/02/2026 रोजी रात्री सुमारे 9 वाजताच्या सुमारास छोटी वणी येथे मोपेडने डेली कलेक्शनसाठी गेले होते. तेथून महामार्गाने हिंगणघाटकडे परतत असताना दोन अज्ञात मोटारसायकलस्वारांनी मागून येत त्यांच्या हातातील नगदी 45,000 रुपये असलेली बॅग हिसकावून घेतली व पळ काढला. बॅग ओढल्यामुळे फिर्यादी खाली पडले असून त्यांच्या डोक्याला व हाताला दुखापत झाली. त्यानंतर त्यांनी शासकीय रुग्णालयात प्राथमिक उपचार घेतले. या तक्रारीवरून पोलीस स्टेशन हिंगणघाट येथे अप. क्र. 158/2026 कलम 309(4), 3(5) बीएनएस अन्वये गुन्हा दाखल करण्यात आला. गुन्ह्याचा तपास सुरू असताना स्थानिक गुन्हे शाखेने घटनास्थळी भेट देऊन गोपनीय व तांत्रिक माहितीच्या आधारे भीमनगर वॉर्ड, हिंगणघाट येथील प्रफुल उर्फ चांग्या हरिदास चंदनखेडे (वय 19 वर्ष) आणि बिडकर वॉर्ड येथील रोहित गोदे यांनी हा गुन्हा केल्याचे निष्पन्न केले. आरोपी हे अट्टल गुन्हेगार असून त्यांच्यावर पूर्वीचेही गुन्हे दाखल आहेत. तपासादरम्यान प्रफुल उर्फ चांग्या यास टाका ग्राउंड, हिंगणघाट येथून ताब्यात घेण्यात आले. चौकशीत त्याने गुन्ह्याची कबुली दिल्यानंतर त्याच्याकडून गुन्ह्यात वापरलेली मोटारसायकल, नगदी रक्कम व मोबाईल असा एकूण ४२,००० रुपयांचा मुद्देमाल जप्त करण्यात आला आहे. फरार आरोपी रोहित गोदे याचा शोध सुरू आहे. ही कारवाई पोलीस अधीक्षक सौरभ कुमार अग्रवाल, अपर पोलीस अधीक्षक सदाशिव वाघमारे यांच्या मार्गदर्शनाखाली पोलीस निरीक्षक विनोद चौधरी यांच्या नेतृत्वात स्थानिक गुन्हे शाखेच्या पथकाने केली. पथकात पोउपनि विजयसिंग गोमलाडू, प्रकाश लसुन्ते, मनोज धात्रक, हमीद शेख, शेखर डोंगरे, अमरदीप पाटील, धर्मेंद्र अकाली, महादेव सानप, पो.शि. विकास मुंडे, उदय सोलंकी तसेच सायबर सेलचे गोविंद मुंडे, स्मिता महाजन व मीना कौरती यांचा समावेश होता.