येवला शहरातील पाणीप्रश्न सोडवल्याबद्दल महिलांनी मंत्री छगन भुजबळ व माजी खासदार समीर भुजबळ यांचे मानले आभार येवला शहराच्या जिव्हाळ्याचा असलेला पाणीप्रश्न मार्गी लावण्यासाठी करण्यात आलेल्या प्रयत्नांबद्दल कृतज्ञता व्यक्त करत येवला शहरातील महिलांनी माजी खासदार समीर भुजबळ यांना औक्षण करून रक्षाबंधनाच्या निमित्ताने राखी बांधत अनोख्या पद्धतीने आभार व्यक्त केले. येवला संपर्क कार्यालयात झालेल्या या रक्षाबंधन सोहळ्याला महिलांची मोठ्या संख्येने उपस्थिती होती. येवला शहरासाठी येसगाव पाणीपुरवठा योजना मंजूर झाल्यामुळे शहराच्या पाणीप्रश्नाला कायमस्वरूपी दिशा मिळणार असून, अनेक वर्षांपासून महिलांना करावा लागणारा पाण्यासाठीचा संघर्ष कमी होणार आहे. या पार्श्वभूमीवर महिलांनी मंत्री छगन भुजबळ आणि माजी खासदार समीर भुजबळ यांच्या विशेष प्रयत्नांबद्दल आभार व्यक्त केले. पाण्यासाठी डोक्यावर हंडे घेऊन करावी लागणारी वणवण, पाण्याच्या टँकरची प्रतीक्षा आणि कुटुंबासाठी पाणी भरण्याची जबाबदारी यामुळे येवला शहरातील महिलांना मोठ्या अडचणींचा सामना करावा लागत होता. त्यामुळे महिलांच्या डोक्यावरील हंडा उतरविण्यासाठी प्रयत्न करणाऱ्या लोकप्रतिनिधीप्रती कृतज्ञता या भावनेतून महिलांनी समीर भुजबळ यांचे औक्षण करून त्यांना राख्या बांधल्या. रक्षाबंधन हा केवळ भाऊ-बहिणीच्या प्रेमाचा सण नसून, विश्वास, आपुलकी आणि संरक्षणाच्या नात्याचे प्रतीक आहे. याच भावनेतून महिलांनी समीर भुजबळ यांना राखी बांधत येवल्याच्या विकासाची जबाबदारी आणि महिलांच्या प्रश्नांसाठीची बांधिलकी कायम ठेवावी अशी अपेक्षा व्यक्त केली. तसेच येवला शहराचा पाणी प्रश्न सोडवून रक्षाबंधनासाठी आम्हाला मिळालेली मोठी ओवाळणी ही अतिशय महत्त्वाची असल्याच्या भावना यावेळी महिला भगिनींनी व्यक्त केल्या. यावेळी महिलांशी संवाद साधताना माजी खासदार समीर भुजबळ म्हणाले की, येवला शहराच्या विकासासाठी आणि नागरिकांच्या मूलभूत प्रश्नांच्या सोडवणुकीसाठी आपण सातत्याने प्रयत्नशील राहू. पाण्याचा प्रश्न हा केवळ शहराचा प्रश्न नसून प्रत्येक कुटुंबाच्या दैनंदिन जीवनाशी जोडलेला विषय आहे. त्यामुळे येसगाव पाणीपुरवठा योजनेच्या माध्यमातून येवल्याला शाश्वत आणि पुरेसा पाणीपुरवठा उपलब्ध करून देण्यासाठी मंत्री छगन भुजबळ यांच्या मार्गदर्शनाखाली पुढील काळातही आवश्यक पाठपुरावा केला जाईल, असा विश्वास त्यांनी महिला भगिनींना दिला. महिलांनी व्यक्त केलेल्या या आपुलकीबद्दल समीर भुजबळ यांनी त्यांचे आभार मानत, “आज तुम्ही मला राखी बांधून जो विश्वास व्यक्त केला आहे, तो माझ्यासाठी मोठी जबाबदारी आहे. येवल्याच्या विकासासाठी आणि सर्वसामान्य नागरिकांच्या सुख-सुविधांसाठी ही बांधिलकी कायम राहील,” अशी ग्वाही दिली. यावेळी महिलांनी रक्षाबंधनाच्या पारंपरिक सणाला सामाजिक बांधिलकीची जोड देत विकासकामांबद्दल कृतज्ञता व्यक्त केली. त्यामुळे येवला संपर्क कार्यालयातील हा रक्षाबंधन सोहळा भावनिक जिव्हाळा, विकासावरील विश्वास आणि लोकप्रतिनिधींबद्दलची कृतज्ञता व्यक्त करणारा आगळावेगळा सोहळा ठरला.

Prashant kalanke

Photographer येवला, नाशिक, महाराष्ट्र•

2 hrs ago

येवला शहरातील पाणीप्रश्न सोडवल्याबद्दल महिलांनी मंत्री छगन भुजबळ व माजी खासदार समीर भुजबळ यांचे मानले आभार येवला शहराच्या जिव्हाळ्याचा असलेला पाणीप्रश्न मार्गी लावण्यासाठी करण्यात आलेल्या प्रयत्नांबद्दल कृतज्ञता व्यक्त करत येवला शहरातील महिलांनी माजी खासदार समीर भुजबळ यांना औक्षण करून रक्षाबंधनाच्या निमित्ताने राखी बांधत अनोख्या पद्धतीने आभार व्यक्त केले. येवला संपर्क कार्यालयात झालेल्या या रक्षाबंधन सोहळ्याला महिलांची मोठ्या संख्येने उपस्थिती होती. येवला शहरासाठी येसगाव पाणीपुरवठा योजना मंजूर झाल्यामुळे शहराच्या पाणीप्रश्नाला कायमस्वरूपी दिशा मिळणार असून, अनेक वर्षांपासून महिलांना करावा लागणारा पाण्यासाठीचा संघर्ष कमी होणार आहे. या पार्श्वभूमीवर महिलांनी मंत्री छगन भुजबळ आणि माजी खासदार समीर भुजबळ यांच्या विशेष प्रयत्नांबद्दल आभार व्यक्त केले. पाण्यासाठी डोक्यावर हंडे घेऊन करावी लागणारी वणवण, पाण्याच्या टँकरची प्रतीक्षा आणि कुटुंबासाठी पाणी भरण्याची जबाबदारी यामुळे येवला शहरातील महिलांना मोठ्या अडचणींचा सामना करावा लागत होता. त्यामुळे महिलांच्या डोक्यावरील हंडा उतरविण्यासाठी प्रयत्न करणाऱ्या लोकप्रतिनिधीप्रती कृतज्ञता या भावनेतून महिलांनी समीर भुजबळ यांचे औक्षण करून त्यांना राख्या बांधल्या. रक्षाबंधन हा केवळ भाऊ-बहिणीच्या प्रेमाचा सण नसून, विश्वास, आपुलकी आणि संरक्षणाच्या नात्याचे प्रतीक आहे. याच भावनेतून महिलांनी समीर भुजबळ यांना राखी बांधत येवल्याच्या विकासाची जबाबदारी आणि महिलांच्या प्रश्नांसाठीची बांधिलकी कायम ठेवावी अशी अपेक्षा व्यक्त केली. तसेच येवला शहराचा पाणी प्रश्न सोडवून रक्षाबंधनासाठी आम्हाला मिळालेली मोठी ओवाळणी ही अतिशय महत्त्वाची असल्याच्या भावना यावेळी महिला भगिनींनी व्यक्त केल्या. यावेळी महिलांशी संवाद साधताना माजी खासदार समीर भुजबळ म्हणाले की, येवला शहराच्या विकासासाठी आणि नागरिकांच्या मूलभूत प्रश्नांच्या सोडवणुकीसाठी आपण सातत्याने प्रयत्नशील राहू. पाण्याचा प्रश्न हा केवळ शहराचा प्रश्न नसून प्रत्येक कुटुंबाच्या दैनंदिन जीवनाशी जोडलेला विषय आहे. त्यामुळे येसगाव पाणीपुरवठा योजनेच्या माध्यमातून येवल्याला शाश्वत आणि पुरेसा पाणीपुरवठा उपलब्ध करून देण्यासाठी मंत्री छगन भुजबळ यांच्या मार्गदर्शनाखाली पुढील काळातही आवश्यक पाठपुरावा केला जाईल, असा विश्वास त्यांनी महिला भगिनींना दिला. महिलांनी व्यक्त केलेल्या या आपुलकीबद्दल समीर भुजबळ यांनी त्यांचे आभार मानत, “आज तुम्ही मला राखी बांधून जो विश्वास व्यक्त केला आहे, तो माझ्यासाठी मोठी जबाबदारी आहे. येवल्याच्या विकासासाठी आणि सर्वसामान्य नागरिकांच्या सुख-सुविधांसाठी ही बांधिलकी कायम राहील,” अशी ग्वाही दिली. यावेळी महिलांनी रक्षाबंधनाच्या पारंपरिक सणाला सामाजिक बांधिलकीची जोड देत विकासकामांबद्दल कृतज्ञता व्यक्त केली. त्यामुळे येवला संपर्क कार्यालयातील हा रक्षाबंधन सोहळा भावनिक जिव्हाळा, विकासावरील विश्वास आणि लोकप्रतिनिधींबद्दलची कृतज्ञता व्यक्त करणारा आगळावेगळा सोहळा ठरला.