పల్నాడు జిల్లాలోని మాచర్ల సమీపంలోని నగరవనం వద్ద శుక్రవారం తెల్లవారుజామున ఘోర రోడ్డు ప్రమాదం జరిగింది. హైదరాబాద్ నుంచి పొదిలికి వెళుతున్న తుఫాన్ వాహనం రోడ్డుపై ఆగి ఉన్న లారీని వేగంగా వచ్చి బలంగా ఢీకొట్టడంతో ఈ దుర్ఘటన చోటు చేసుకుంది. ఈ ప్రమాదంలో నలుగురు అక్కడికక్కడే మృతి చెందారు. ప్రమాదం జరిగిన సమయంలో తుఫాన్ వాహనంలో మొత్తం 13 మంది ప్రయాణిస్తున్నారు. ఈ ఘటనలో మరో పలువురికి తీవ్ర గాయాలయ్యాయి. సమాచారం అందుకున్న మాచర్ల పోలీసులు వెంటనే ఘటనాస్థలికి చేరుకుని సహాయక చర్యలు చేపట్టారు. గాయపడిన వారిని చికిత్స నిమిత్తం సమీపంలోని ఆసుపత్రికి తరలించారు. ప్రమాదంలో మృతి చెందిన వారి వివరాలు, అలాగే గాయపడిన వారి ప్రస్తుత పరిస్థితిపై పూర్తి సమాచారం ఇంకా తెలియాల్సి ఉందని అధికారులు తెలిపారు. మాచర్ల పోలీసులు ఈ ఘటనపై కేసు నమోదు చేసుకుని, ప్రమాదానికి దారితీసిన కారణాలపై దర్యాప్తు కొనసాగిస్తున్నారు.

Turimella sharma

Local News Reporter నరసరావుపేట, పల్నాడు, ఆంధ్రప్రదేశ్•

9 hrs ago

పల్నాడు జిల్లాలోని మాచర్ల సమీపంలోని నగరవనం వద్ద శుక్రవారం తెల్లవారుజామున ఘోర రోడ్డు ప్రమాదం జరిగింది. హైదరాబాద్ నుంచి పొదిలికి వెళుతున్న తుఫాన్ వాహనం రోడ్డుపై ఆగి ఉన్న లారీని వేగంగా వచ్చి బలంగా ఢీకొట్టడంతో ఈ దుర్ఘటన చోటు చేసుకుంది. ఈ ప్రమాదంలో నలుగురు అక్కడికక్కడే మృతి చెందారు. ప్రమాదం జరిగిన సమయంలో తుఫాన్ వాహనంలో మొత్తం 13 మంది ప్రయాణిస్తున్నారు. ఈ ఘటనలో మరో పలువురికి తీవ్ర గాయాలయ్యాయి. సమాచారం అందుకున్న మాచర్ల పోలీసులు వెంటనే ఘటనాస్థలికి చేరుకుని సహాయక చర్యలు చేపట్టారు. గాయపడిన వారిని చికిత్స నిమిత్తం సమీపంలోని ఆసుపత్రికి తరలించారు. ప్రమాదంలో మృతి చెందిన వారి వివరాలు, అలాగే గాయపడిన వారి ప్రస్తుత పరిస్థితిపై పూర్తి సమాచారం ఇంకా తెలియాల్సి ఉందని అధికారులు తెలిపారు. మాచర్ల పోలీసులు ఈ ఘటనపై కేసు నమోదు చేసుకుని, ప్రమాదానికి దారితీసిన కారణాలపై దర్యాప్తు కొనసాగిస్తున్నారు.