ഷൊർണ്ണൂർ റെയിൽവേ സ്റ്റേഷനിൽ തെരുവുനായ്ക്കളുടെ ശല്യം വർധിക്കുന്നതിനിടെ, ട്രെയിൻ യാത്രക്കാരിക്ക് പ്ലാറ്റ്ഫോമിൽ വെച്ച് കടിയേറ്റു. ഞായറാഴ്ച വൈകുന്നേരം ഏകദേശം ആറുമണിയോടെ ഇന്റർസിറ്റി എക്സ്പ്രസിലെ ലേഡീസ് കമ്പാർട്ട്മെന്റിൽ നിന്ന് ഏഴാം നമ്പർ പ്ലാറ്റ്ഫോമിലേക്ക് ഇറങ്ങുന്നതിനിടെയാണ് പൈങ്കുളം സ്വദേശിനിയായ 47 വയസ്സുകാരി രാധയ്ക്ക് സംഭവം. സഹയാത്രക്കാരിയുടെ പിഞ്ചുകുഞ്ഞിനരികിലേക്ക് പാഞ്ഞടുത്ത തെരുവുനായയിൽ നിന്ന് കുഞ്ഞിനെ രക്ഷിക്കുന്നതിനിടയിലാണ് രാധയ്ക്ക് ഇരു കാലുകളിലും കടിയേറ്റത്. കടിയേറ്റതിനെ തുടർന്ന്, രാധ റെയിൽവേ പോലീസിന്റെ സഹായത്തോടെ തൊട്ടടുത്തുള്ള റെയിൽവേ ആശുപത്രിയിലും പിന്നീട് താലൂക്ക് ആശുപത്രിയിലും ചികിത്സ തേടുകയും കുത്തിവെപ്പ് എടുക്കുകയും ചെയ്തു. ഇതിനു പുറമെ, ഞായറാഴ്ച ഉച്ചയോടെ മൂന്നാം നമ്പർ പ്ലാറ്റ്ഫോമിലിരുന്ന് ഭക്ഷണം കഴിക്കുകയായിരുന്ന ഒരു മധ്യവയസ്കനെയും തെരുവുനായ കടിച്ചിരുന്നു. കഴിഞ്ഞ രണ്ടു മാസത്തിനിടെ ഷൊർണ്ണൂർ റെയിൽവേ സ്റ്റേഷനിലെ പ്ലാറ്റ്ഫോമുകളിൽ വെച്ച് നിരവധി പേർക്ക് തെരുവുനായ്ക്കളുടെ കടിയേറ്റതായി വ്യാപാരികൾ ഉൾപ്പെടെയുള്ളവർ പറയുന്നു. നിലവിൽ പ്ലാറ്റ്ഫോമുകളിൽ നിറയെ തെരുവുനായ്ക്കളാണെന്നും അവർ കൂട്ടിച്ചേർത്തു.
ഷൊർണ്ണൂർ റെയിൽവേ സ്റ്റേഷനിൽ തെരുവുനായ്ക്കളുടെ ശല്യം വർധിക്കുന്നതിനിടെ, ട്രെയിൻ യാത്രക്കാരിക്ക് പ്ലാറ്റ്ഫോമിൽ വെച്ച് കടിയേറ്റു. ഞായറാഴ്ച വൈകുന്നേരം ഏകദേശം ആറുമണിയോടെ ഇന്റർസിറ്റി എക്സ്പ്രസിലെ ലേഡീസ് കമ്പാർട്ട്മെന്റിൽ നിന്ന് ഏഴാം നമ്പർ പ്ലാറ്റ്ഫോമിലേക്ക് ഇറങ്ങുന്നതിനിടെയാണ് പൈങ്കുളം സ്വദേശിനിയായ 47 വയസ്സുകാരി രാധയ്ക്ക് സംഭവം. സഹയാത്രക്കാരിയുടെ പിഞ്ചുകുഞ്ഞിനരികിലേക്ക് പാഞ്ഞടുത്ത തെരുവുനായയിൽ നിന്ന് കുഞ്ഞിനെ രക്ഷിക്കുന്നതിനിടയിലാണ് രാധയ്ക്ക് ഇരു കാലുകളിലും കടിയേറ്റത്. കടിയേറ്റതിനെ തുടർന്ന്, രാധ റെയിൽവേ പോലീസിന്റെ സഹായത്തോടെ തൊട്ടടുത്തുള്ള റെയിൽവേ ആശുപത്രിയിലും പിന്നീട് താലൂക്ക് ആശുപത്രിയിലും ചികിത്സ തേടുകയും കുത്തിവെപ്പ് എടുക്കുകയും ചെയ്തു. ഇതിനു പുറമെ, ഞായറാഴ്ച ഉച്ചയോടെ മൂന്നാം നമ്പർ പ്ലാറ്റ്ഫോമിലിരുന്ന് ഭക്ഷണം കഴിക്കുകയായിരുന്ന ഒരു മധ്യവയസ്കനെയും തെരുവുനായ കടിച്ചിരുന്നു. കഴിഞ്ഞ രണ്ടു മാസത്തിനിടെ ഷൊർണ്ണൂർ റെയിൽവേ സ്റ്റേഷനിലെ പ്ലാറ്റ്ഫോമുകളിൽ വെച്ച് നിരവധി പേർക്ക് തെരുവുനായ്ക്കളുടെ കടിയേറ്റതായി വ്യാപാരികൾ ഉൾപ്പെടെയുള്ളവർ പറയുന്നു. നിലവിൽ പ്ലാറ്റ്ഫോമുകളിൽ നിറയെ തെരുവുനായ്ക്കളാണെന്നും അവർ കൂട്ടിച്ചേർത്തു.
- നെന്മാറ എം.എൽ.എ. കെ. പ്രേമൻ അയിലൂർ, നെന്മാറ ഗ്രാമപഞ്ചായത്തുകളിലെ 40,000-ത്തിലധികം ജനങ്ങൾ ആശ്രയിക്കുന്ന ഒലിപ്പാറ – അടിപെരണ്ട – നെന്മാറ റോഡിന്റെ ദയനീയാവസ്ഥയെക്കുറിച്ച് ഇന്ന് നിയമസഭയിൽ സബ്മിഷനിലൂടെ ഉന്നയിച്ചു. റോഡിന്റെ തകർച്ച കാരണം പ്രദേശവാസികൾ, പ്രത്യേകിച്ച് കുട്ടികളും മുതിർന്നവരും, കടുത്ത പൊടിശല്യം, യാത്രാദുരിതം എന്നിവ മൂലം ഗുരുതരമായ ആരോഗ്യപ്രശ്നങ്ങൾ നേരിടുന്നതായും എം.എൽ.എ. ചൂണ്ടിക്കാട്ടി. ഈ സാഹചര്യത്തിൽ റോഡ് നിർമ്മാണം തടസ്സപ്പെടാൻ കാരണമായ സാഹചര്യങ്ങൾ അടിയന്തരമായി പരിശോധിച്ച്, യുദ്ധകാലാടിസ്ഥാനത്തിൽ പ്രവൃത്തി പൂർത്തിയാക്കാൻ സർക്കാർ അടിയന്തരമായി ഇടപെടണമെന്ന് കെ. പ്രേമൻ എം.എൽ.എ. ആവശ്യപ്പെട്ടു. മറുപടിയായി, സംസ്ഥാന പൊതുമരാമത്ത് വകുപ്പ് മന്ത്രി പി.കെ. ബഷീർ വിഷയം പരിശോധിക്കുമെന്നും നിർമ്മാണ പ്രവർത്തികളിലെ കാലതാമസത്തെക്കുറിച്ച് അന്വേഷിക്കുമെന്നും എത്രയും വേഗം ഈ വിഷയത്തിൽ പരിഹാരം കാണുമെന്നും നിയമസഭയെ അറിയിച്ചു.1Palakkad News
- വടക്കാഞ്ചേരിയിലെ പുതുരുത്തിയിൽ ഇലക്ട്രിക് സ്കൂട്ടറിൽ യാത്ര ചെയ്യുകയായിരുന്ന അങ്കണവാടി ടീച്ചറായ പുതുരുത്തി സ്വദേശിനി ആലപ്പാടൻ വീട്ടിൽ മിനി വർഗീസ് (58) ഷാൾ ചക്രത്തിൽ കുരുങ്ങി റോഡിലേക്ക് വീണ് മരണപ്പെട്ടു. ഇന്ന് രാവിലെ 9.45 ഓടെ അങ്കണവാടിയിലേക്ക് പോകുന്നതിനിടെയാണ് ദാരുണമായ അപകടമുണ്ടായത്. അയൽവാസിയായ ഒരു യുവാവിനോടൊപ്പം സ്കൂട്ടറിൽ സഞ്ചരിക്കുകയായിരുന്ന മിനി വർഗീസിന്റെ ഷാൾ പുതുരുത്തി സ്കൂളിന് സമീപം വെച്ച് സ്കൂട്ടറിന്റെ പിൻ ചക്രത്തിൽ കുരുങ്ങുകയായിരുന്നു. റോഡിലേക്ക് തെറിച്ചുവീണ മിനി വർഗീസിന്റെ തല റോഡിലിടിച്ച് ഗുരുതരമായി പരിക്കേറ്റു. തുടർന്ന് എരുമപ്പെട്ടി ആക്ട്സ് പ്രവർത്തകർ ഇവരെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.1പ്രദേശികം ഓൺലൈൻ ന്യൂസ്
