फुलंब्रीच्या मातृभूमीचे प्रथम आमदार माननीय श्री सुहास भाऊ शिरसाट यांचे फुलंब्री शहरात सध्या जंगी स्वागत आणि मिरवणूक सुरू आहे.

फुलंब्रीच्या मातृभूमीचे प्रथम आमदार माननीय श्री सुहास भाऊ शिरसाट यांचे फुलंब्री शहरात सध्या जंगी स्वागत आणि मिरवणूक सुरू आहे.

छत्रपती संभाजीनगर जिल्ह्यातील वैजापूर तालुक्यात असलेल्या गंगापूर येथे अन्न व औषध प्रशासनाने (FDA) एका विनापरवाना चालणाऱ्या पॅकेज्ड पिण्याच्या पाण्याच्या प्लांटवर मोठी कारवाई केली आहे. या कारवाईत प्रशासनाने १० लाख १ हजार ६०० रुपये किमतीचा पॅकेज्ड पाण्याचा साठा जप्त केला. गोपनीय माहिती मिळाल्यानंतर, अन्न व औषध प्रशासनाच्या पथकाने गंगापूर येथील या वॉटर प्लांटची अचानक तपासणी केली. तपासणीदरम्यान असे निष्पन्न झाले की, हा व्यवसाय चालवण्यासाठी आवश्यक असलेल्या कोणत्याही शासकीय परवानग्या घेण्यात आल्या नव्हत्या. वैध प्रमाणपत्रांविना ग्राहकांची दिशाभूल करून पाण्याची विक्री केली जात होती. या प्लांटमध्ये 'ओमरिच', 'यशरिच' आणि 'हायड्राशुअर' या तीन ब्रँडच्या नावाने पिण्याच्या पाण्याची पॅकेजिंग सुरू होते. कारवाईदरम्यान, प्रशासनाच्या अधिकाऱ्यांनी तिन्ही ब्रँडच्या पाण्याचे एकूण पाच नमुने प्रयोगशालेय तपासणीसाठी घेतले आहेत. आवश्यक परवानग्यांचा अभाव आणि ग्राहकांची फसवणूक लक्षात घेऊन, अन्न व औषध प्रशासनाने या वॉटर प्लांटला तात्काळ 'व्यवसाय बंद करण्याची नोटीस' बजावली. ही कारवाई राज्याचे अन्न सुरक्षा आयुक्त तुकाराम मुंडे यांच्या मार्गदर्शनाखाली अन्न व औषध प्रशासनाच्या पथकाने केली. जप्त केलेल्या पाण्याचे नमुने प्रयोगशाळेत पाठवण्यात आले असून, प्रयोगशाळा अहवाल प्राप्त झाल्यानंतर पुढील कायदेशीर कारवाई केली जाईल.

वैजापूर तालुक्यातील तलवाडा शिवारात झालेल्या जोरदार पावसामुळे गळमोडी नदीला पूर आला आहे.

सिल्लोड तालुक्यात हवामानाचे स्वरूप अचानक बदलले आहे. या बदलामुळे जोरदार पावसाने हजेरी लावली असून, यामुळे शेतकऱ्यांचे चेहरे आनंदाने फुलले आहेत.

जालना जिल्ह्यातील भोकरदन येथे सरोदे मशिनरी & हार्डवेअरच्या मेन मार्केट, सिल्लोड रोडवरील शाखेत शासकीय अनुदानावर ठिबक व तुषार संच उपलब्ध आहेत. या दुकानाचे प्रोप्रायटर प्रा. गणेश पाटील पार्वे असून, त्यांच्याशी 8888908523 या मोबाईल क्रमांकावर संपर्क साधता येईल.

छत्रपती संभाजीनगर ग्रामीण पोलिसांनी कायदा व सुव्यवस्था राखण्याच्या उद्देशाने दंगल नियंत्रण मॉकड्रिलचे आयोजन केले.

छत्रपती संभाजीनगर जिल्ह्यातील पैठण तालुक्यात धुळे-सोलापूर राष्ट्रीय महामार्गावरील पाचोडजवळील मुरमा शिवारात पहाटे पाच वाजेच्या सुमारास जांभूळ घेऊन जाणारे एक पिकअप वाहन पलटी झाले. आंध्र प्रदेशातून खान्देशातील जळगावच्या दिशेने जाणाऱ्या या वाहनाचा चालकाचे नियंत्रण सुटल्याने ते रस्त्याच्या कडेला असलेल्या नाल्यात कोसळले. या पिकअप वाहनात सुमारे तीन लाख रुपयांहून अधिक किमतीची जांभळे होती. अपघातानंतर वाहनातील जांभळे मोठ्या प्रमाणात रस्त्यावर विखुरली. घटनेची माहिती मिळताच परिसरातील नागरिकांनी काही मिनिटांतच घटनास्थळी गर्दी केली. अनेकांनी पिशव्या घेऊन रस्त्यावर पडलेली जांभुळे लुटण्यासाठी एकच झुंबड उडाल्याचे चित्र पाहायला मिळाले. सुदैवाने या अपघातात कोणतीही जीवितहानी झाल्याची माहिती समोर आलेली नाही, मात्र यामुळे काही काळ महामार्गावरील वाहतूक विस्कळीत झाली.