मुंबई-गोवा राष्ट्रीय महामार्गावर रायगड जिल्ह्यातील पोलादपूरजवळ शनिवारी (३० मे) रात्री झालेल्या एका भीषण अपघातात माय-लेकीचा जागीच मृत्यू झाला आहे, तर पती आणि मुलगा गंभीर जखमी झाले आहेत. या घटनेमुळे परिसरात हळहळ व्यक्त होत आहे. मिळालेल्या माहितीनुसार, अहिल्यानगर जिल्ह्यातील पाथर्डी येथील मरकड कुटुंब सुट्टी संपवून त्यांच्या हुंडाई क्रेटा कारने दापोलीकडे जात असताना हा अपघात घडला. पोलादपूर हद्दीतील हॉटेल बालाजी परिसरात रस्त्याच्या कडेला उभ्या असलेल्या एका कंटेनरला त्यांच्या कारने मागून जोरदार धडक दिली. धडक इतकी भीषण होती की कारचा अक्षरशः चेंदामेंदा झाला. या अपघातात स्टेट बँक दापोली येथील वरिष्ठ लिपिक सुवर्णा मरकड आणि त्यांची मुलगी अनुक्षी अनिल मरकड यांचा जागीच मृत्यू झाला. कार चालवणारे डॉ. अनिल मरकड गंभीर जखमी असून त्यांच्यावर माणगाव येथे उपचार सुरू आहेत, तर मुलगा चिन्मय मरकड याच्यावर महाड येथे उपचार सुरू आहेत. अपघातानंतर कारमध्ये अडकलेल्या जखमींना बाहेर काढण्यासाठी पोलीस आणि स्थानिक प्रशासनाला जेसीबीची मदत घ्यावी लागली. या दुर्घटनेमुळे मुंबई-गोवा महामार्गावरील वाहतूक काही काळ विस्कळीत झाली होती आणि दोन्ही बाजूंना वाहनांच्या लांबच लांब रांगा लागल्या होत्या. पोलादपूर पोलीस या प्रकरणाचा पुढील तपास करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

मुंबई-गोवा राष्ट्रीय महामार्गावर रायगड जिल्ह्यातील पोलादपूरजवळ शनिवारी (३० मे) रात्री झालेल्या एका भीषण अपघातात माय-लेकीचा जागीच मृत्यू झाला आहे, तर पती आणि मुलगा गंभीर जखमी झाले आहेत. या घटनेमुळे परिसरात हळहळ व्यक्त होत आहे. मिळालेल्या माहितीनुसार, अहिल्यानगर जिल्ह्यातील पाथर्डी येथील मरकड कुटुंब सुट्टी संपवून त्यांच्या हुंडाई क्रेटा कारने दापोलीकडे जात असताना हा अपघात घडला. पोलादपूर हद्दीतील हॉटेल बालाजी परिसरात रस्त्याच्या कडेला उभ्या असलेल्या एका कंटेनरला त्यांच्या कारने मागून जोरदार धडक दिली. धडक इतकी भीषण होती की कारचा अक्षरशः चेंदामेंदा झाला. या अपघातात स्टेट बँक दापोली येथील वरिष्ठ लिपिक सुवर्णा मरकड आणि त्यांची मुलगी अनुक्षी अनिल मरकड यांचा जागीच मृत्यू झाला. कार चालवणारे डॉ. अनिल मरकड गंभीर जखमी असून त्यांच्यावर माणगाव येथे उपचार सुरू आहेत, तर मुलगा चिन्मय मरकड याच्यावर महाड येथे उपचार सुरू आहेत. अपघातानंतर कारमध्ये अडकलेल्या जखमींना बाहेर काढण्यासाठी पोलीस आणि स्थानिक प्रशासनाला जेसीबीची मदत घ्यावी लागली. या दुर्घटनेमुळे मुंबई-गोवा महामार्गावरील वाहतूक काही काळ विस्कळीत झाली होती आणि दोन्ही बाजूंना वाहनांच्या लांबच लांब रांगा लागल्या होत्या. पोलादपूर पोलीस या प्रकरणाचा पुढील तपास करत आहेत.