హుస్నాబాద్‌లో నిర్వహించిన జాబ్ మేళాలో మంత్రి వివేక్ వెంకటస్వామి పాల్గొన్నారు. రాష్ట్రం ఏర్పడిన తర్వాత పదేళ్లు ఉద్యోగాల కోసం ఎదురుచూశామని, కాంగ్రెస్ ప్రభుత్వం అధికారంలోకి వచ్చాక ఇప్పటికే లక్ష ఉద్యోగాలను భర్తీ చేసిందని ఆయన పేర్కొన్నారు. ముఖ్యమంత్రి రేవంత్ రెడ్డి నేతృత్వంలో తెలంగాణను మూడు ట్రిలియన్ డాలర్ల ఆర్థిక వ్యవస్థగా తీర్చిదిద్దడమే లక్ష్యమని ఆయన వివరించారు. రాష్ట్రంలో నైపుణ్యాభివృద్ధి (స్కిల్ డెవలప్‌మెంట్) కోసం రూ. 4,500 కోట్ల వ్యయంతో 120 ఏటీసీ (ATC) కేంద్రాలను ఏర్పాటు చేయాలని ప్రభుత్వం నిర్ణయించింది. రాష్ట్ర ఆర్థిక పరిస్థితి ఇబ్బందికరంగా ఉన్నప్పటికీ, టాటా సంస్థతో చర్చలు జరిపి సీఎస్ఆర్ (CSR) నిధుల ద్వారా రూ. 4 వేల కోట్లతో వీటిని నిర్మిస్తున్నట్లు వెల్లడించారు. ఈ కేంద్రాల్లో వర్చువల్ అనాలసిస్ డిజైన్, ఈవీ మెయింటెనెన్స్, డిజిటల్ మ్యానుఫ్యాక్చరింగ్ వంటి అంశాలపై శిక్షణ ఇస్తామని, అంతేకాకుండా దేశంలోనే ఎక్కడాలేని విధంగా నెలకు రూ. 2,000 స్టైఫండ్ కూడా అందిస్తామని తెలిపారు. ఉద్యోగాల కోసం స్థానికంగానే కాకుండా, అవసరమైన చోటికి వెళ్లడానికి నిరుద్యోగులు సిద్ధంగా ఉండాలని ఆయన సూచించారు. విదేశీ ఉద్యోగాల గురించి వివరిస్తూ, నిరుద్యోగులకు నైపుణ్యంతో పాటు విదేశీ భాషలను నేర్పించి విదేశాలకు పంపేలా చర్యలు తీసుకుంటున్నామని మంత్రి చెప్పారు. టామ్ కామ్ సంస్థకు బడ్జెట్‌లో రూ. 90 కోట్లు కేటాయించామని, జర్మన్ భాష వంటివి నేర్చుకుంటే విదేశాల్లో లక్షల్లో జీతం వచ్చే ఉద్యోగాలతో పాటు, అక్కడి లేబర్ యాక్ట్ ప్రకారం పార్ట్ టైమ్ చేసుకునే అవకాశం కూడా ఉంటుందని ఆయన పేర్కొన్నారు. ప్రస్తుతం విదేశాల్లో సుమారు 5 లక్షల ఉద్యోగ అవకాశాలు ఉన్నాయని, నిరుద్యోగులు ఈ అవకాశాలను సద్వినియోగం చేసుకోవాలని మంత్రి వివేక్ వెంకటస్వామి పిలుపునిచ్చారు.

Mahesh Chary

Photographer Husnabad, Siddipet•

2 hrs ago

హుస్నాబాద్‌లో నిర్వహించిన జాబ్ మేళాలో మంత్రి వివేక్ వెంకటస్వామి పాల్గొన్నారు. రాష్ట్రం ఏర్పడిన తర్వాత పదేళ్లు ఉద్యోగాల కోసం ఎదురుచూశామని, కాంగ్రెస్ ప్రభుత్వం అధికారంలోకి వచ్చాక ఇప్పటికే లక్ష ఉద్యోగాలను భర్తీ చేసిందని ఆయన పేర్కొన్నారు. ముఖ్యమంత్రి రేవంత్ రెడ్డి నేతృత్వంలో తెలంగాణను మూడు ట్రిలియన్ డాలర్ల ఆర్థిక వ్యవస్థగా తీర్చిదిద్దడమే లక్ష్యమని ఆయన వివరించారు. రాష్ట్రంలో నైపుణ్యాభివృద్ధి (స్కిల్ డెవలప్‌మెంట్) కోసం రూ. 4,500 కోట్ల వ్యయంతో 120 ఏటీసీ (ATC) కేంద్రాలను ఏర్పాటు చేయాలని ప్రభుత్వం నిర్ణయించింది. రాష్ట్ర ఆర్థిక పరిస్థితి ఇబ్బందికరంగా ఉన్నప్పటికీ, టాటా సంస్థతో చర్చలు జరిపి సీఎస్ఆర్ (CSR) నిధుల ద్వారా రూ. 4 వేల కోట్లతో వీటిని నిర్మిస్తున్నట్లు వెల్లడించారు. ఈ కేంద్రాల్లో వర్చువల్ అనాలసిస్ డిజైన్, ఈవీ మెయింటెనెన్స్, డిజిటల్ మ్యానుఫ్యాక్చరింగ్ వంటి అంశాలపై శిక్షణ ఇస్తామని, అంతేకాకుండా దేశంలోనే ఎక్కడాలేని విధంగా నెలకు రూ. 2,000 స్టైఫండ్ కూడా అందిస్తామని తెలిపారు. ఉద్యోగాల కోసం స్థానికంగానే కాకుండా, అవసరమైన చోటికి వెళ్లడానికి నిరుద్యోగులు సిద్ధంగా ఉండాలని ఆయన సూచించారు. విదేశీ ఉద్యోగాల గురించి వివరిస్తూ, నిరుద్యోగులకు నైపుణ్యంతో పాటు విదేశీ భాషలను నేర్పించి విదేశాలకు పంపేలా చర్యలు తీసుకుంటున్నామని మంత్రి చెప్పారు. టామ్ కామ్ సంస్థకు బడ్జెట్‌లో రూ. 90 కోట్లు కేటాయించామని, జర్మన్ భాష వంటివి నేర్చుకుంటే విదేశాల్లో లక్షల్లో జీతం వచ్చే ఉద్యోగాలతో పాటు, అక్కడి లేబర్ యాక్ట్ ప్రకారం పార్ట్ టైమ్ చేసుకునే అవకాశం కూడా ఉంటుందని ఆయన పేర్కొన్నారు. ప్రస్తుతం విదేశాల్లో సుమారు 5 లక్షల ఉద్యోగ అవకాశాలు ఉన్నాయని, నిరుద్యోగులు ఈ అవకాశాలను సద్వినియోగం చేసుకోవాలని మంత్రి వివేక్ వెంకటస్వామి పిలుపునిచ్చారు.