শোণিতপুৰ জিলাৰ শ্বহীদ নগৰী ঢেকীয়াজুলিত মাৰোৱাৰী সন্মিলনে এক মহৎ পদক্ষেপ গ্ৰহণ কৰিছিল। সন্মিলনৰ উদ্যোগত আয়োজন কৰা বিনামূলীয়া চিকিৎসা শিবিৰত লোকে ব্যাপক ভিৰ কৰা পৰিলক্ষিত হয়।

শোণিতপুৰ জিলাৰ শ্বহীদ নগৰী ঢেকীয়াজুলিত মাৰোৱাৰী সন্মিলনে এক মহৎ পদক্ষেপ গ্ৰহণ কৰিছিল। সন্মিলনৰ উদ্যোগত আয়োজন কৰা বিনামূলীয়া চিকিৎসা শিবিৰত লোকে ব্যাপক ভিৰ কৰা পৰিলক্ষিত হয়।

ৰবিবাৰৰ দিনটোত নগাঁৱৰ বৰঘাট বাইপাছৰ পেৰেডাইজ-২৭ হোটেলত এক ব্যতিক্ৰমী অনুষ্ঠানত বিশিষ্ট লেখিকা, অসম সাহিত্য সভাৰ হিতৈষী সভ্য তথা অসম লেখিকা সমাৰোহৰ নগাঁও জিলা সমিতিৰ কাৰ্যকৰী সদস্যা আৰু প্ৰাক্তন শিক্ষয়িত্ৰী মীনা বৰাৰ 'শুভাশিষ' নামৰ শিশু গ্ৰন্থখনি উন্মোচন কৰা হয়। এই বিশেষ গ্ৰন্থ উন্মোচনী অনুষ্ঠানটো লেখিকা বৰাৰ সৰু নাতিনী ৰিমঝিমৰ অন্নপ্ৰশন উপলক্ষে আয়োজন কৰা হৈছিল। লেখিকা গীতা কলিতাই সভাপতিত্ব কৰা এই গাম্ভীৰ্যপূৰ্ণ সভাত বিশিষ্ট সাংবাদিক কনক হাজৰিকাই কবিতা আৰু গীত সম্বলিত শিশু গ্ৰন্থখন উন্মোচন কৰে। বিশিষ্টা লেখিকা ড° মঞ্জু লস্কৰ বাইদেৱে নিৰ্দিষ্ট বক্তা হিচাপে ভাষণ প্ৰদান কৰে, আনহাতে সাহিত্য কৰ্মী প্ৰাঞ্জল বৰদলৈয়ে অনুষ্ঠানটি ঘোষক হিচাপে পৰিচালনা কৰে। এই ব্যতিক্ৰমী অনুষ্ঠানটিত বীনা শৰ্মা, উৰ্মীলা বৰুৱা আৰু লগতে নগাঁৱৰ কেইবাগৰাকীও বিশিষ্ট ব্যক্তি সন্মানীয় অতিথি হিচাপে উপস্থিত থাকে।

মৰিগাঁও জিলাত প্ৰেট্ৰ'ল আৰু ডিজেলৰ মূল্য বৃদ্ধিৰ বিৰুদ্ধে আছুৱে (অসম ছাত্ৰ সন্থা) প্ৰতিবাদ সাব্যস্ত কৰিছে। এই প্ৰতিবাদৰ অংশ হিচাপে, আছুৰ সদস্যসকলে কেন্দ্ৰীয় চৰকাৰৰ প্ৰেট্ৰ'লিয়াম মন্ত্ৰী হৰদ্বীপ সিং পুৰীৰ পুত্তলিকা দাহ কৰে।

চতিয়াৰ পটিয়া গাঁৱৰ যুৱক-যুৱতীসকলে নিজৰ উৰ্বৰ পৈত্ৰিক ভূমিত ৰঙীন সপোন ৰচি 'বজাৰ আমাৰ পথাৰ আমাৰ' শ্লোগানটো সঁচা অৰ্থত পৰিণত কৰিছে। বৰ্তমান এই গাওঁখন অসমৰ এক উল্লেখযোগ্য কৃষি অঞ্চল হিচাপে পৰিচিত হৈ উঠিছে, য'ত যুৱ প্ৰজন্মই চৰকাৰী চাকৰিৰ পিছে পিছে নদৌৰি কৃষিকৰ্মত নিজকে নিয়োজিত কৰিছে। কেৱল এই বছৰেই নহয়, বহু বছৰ ধৰি গাঁওখনৰ প্ৰায় প্ৰতিঘৰতে বিঘাই বিঘাই ৰঙালাও, জিকা, জলকীয়া, তৰমুজ আদিৰ খেতি কৰা হয়। পটিয়া গাঁৱৰ কৃষকসকলে উৎপাদিত সতেজ শাক-পাচলি ট্ৰাক ট্ৰাককৈ ৰাজ্যৰ বিভিন্ন প্ৰান্তলৈ যোগান ধৰাৰ উপৰিও, ৰঙালাও আৰু আলু বহিঃৰাজ্যলৈও পঠিওৱা হয়। কিন্তু এই সফলতাৰ লগে লগে কৃষকসকলে বহু সমস্যাৰ সন্মুখীন হৈছে। অধিক উৎপাদনৰ ফলত বহু কৃষকৰ ৰঙালাও, আলু আদি ফচল সময়মতে বিক্ৰী নোহোৱাত গেলি পচি নষ্ট হয়। ইয়াৰ ফলত কঠোৰ পৰিশ্ৰম আৰু বিনিয়োগৰ পিছতো কৃষকসকলে বিৰাট লোকচান ভৰিবলগীয়া হয়, কিয়নো বজাৰত মূল্য হ্ৰাস পালেও ফচল সংৰক্ষণ কৰিবলৈ উপযুক্ত সুবিধা নথকাৰ বাবে এই ক্ষতি নিয়মীয়াকৈ হৈ থাকে। এই সমস্যাৰ সমাধানৰ বাবে পটিয়া গাঁৱৰ কৃষকসকলে চৰকাৰলৈ আহ্বান জনাইছে যে গাঁওখনত এটা আধুনিক শীতলীকৰণ ভঁৰাল নিৰ্মাণ কৰা হ'লে ই তেওঁলোকৰ বাবে আশীৰ্বাদস্বৰূপ হ'ব আৰু কৃষি খণ্ডক শক্তিশালী কৰিব। এই শীতলীকৰণ ভঁৰাল নিৰ্মাণ কৰা হ'লে কেৱল পটিয়া গাঁওৰে নহয়, ইয়াৰ আশে-পাশে থকা বহু গাঁওৰ কৃষকসকলো উপকৃত হ'ব। চতিয়াৰ পটিয়া গাঁৱৰ যুৱ প্ৰজন্মই চৰকাৰক দেখুৱাইছে যে চাকৰি অবিহনেও কৃষিৰ জৰিয়তে স্বাৱলম্বী হ'ব পাৰি, আৰু এইদৰে কৃষকৰ সমৃদ্ধিৰে অসমৰ সমৃদ্ধি সঁচা কৰি তুলিবলৈ চৰকাৰ আৰু প্ৰশাসনৰ সক্ৰিয় ভূমিকা বৰ্তমান অতি জৰুৰী।

মৰিগাঁৱত সদৌ অসম ছাত্ৰ সন্থাৰ (আছু) সদস্যসকলে কেন্দ্ৰীয় পেট্ৰ'লিয়াম মন্ত্ৰী হৰদীপ সিং পুৰিৰ পুত্তলিকা দাহ কৰি তীব্ৰ প্ৰতিবাদ সাব্যস্ত কৰে। পেট্ৰ'ল আৰু ডিজেলৰ বৰ্দ্ধিত মূল্য হ্ৰাস কৰাৰ দাবীত এই প্ৰতিবাদ কাৰ্যসূচী গ্ৰহণ কৰা হৈছিল। পুত্তলিকা দাহ কাৰ্যসূচীৰ সময়ত সদৌ অসম ছাত্ৰ সন্থাৰ সাংগঠনিক সম্পাদক ৰূপজ্যোতি মেধিয়ে চৰকাৰক তীব্ৰ ভাষাৰে কটাক্ষ কৰি কয় যে জনসাধাৰণে বিশ্বাসত লৈ চৰকাৰখনক শাসনৰ গাদীত বহুৱাইছিল, কিন্তু এতিয়া সেই চৰকাৰেই জনসাধাৰণক মিতব্যয়ী হ'বলৈ আহ্বান জনাইছে। তেওঁ লগতে আটাইতকৈ দুৰ্ভাগ্যজনক বুলি উল্লেখ কৰে যে যোগান বিভাগ নামৰ বিভাগটো এতিয়া জীয়াই আছে নে মৰিছে, সেই বিষয়ে ৰাইজে পাহৰি গৈছে।

৫৫ নং ধিং বিধানসভা সমষ্টিৰ নৱ-নিৰ্বাচিত ৰাইজৰ দলৰ বিধায়ক মেহেবুব মুক্তাৰে "কথাৰে নহয়, কামেৰে পৰিচয়" এই কথাষাৰকেই যেন বাস্তৱ ৰূপ দিছে। উন্নয়নৰ প্ৰতিশ্ৰুতিৰে জনসমৰ্থন লাভ কৰা বিধায়কগৰাকীয়ে শপত গ্ৰহণ কৰাৰ পাছতেই ধিং সমষ্টিত উন্নয়নৰ গতি তীব্ৰ কৰাৰ লক্ষ্যৰে একেৰাহে বিভিন্ন পদক্ষেপ গ্ৰহণ কৰিছে। ইয়াৰ অংশ হিচাপে আজি দ্বিতীয় দিনৰ বাবে ধিং সমষ্টিত মুঠ ৬ খনকৈ পথ নিৰ্মাণ কাৰ্যৰ আধাৰশিলা স্থাপন কৰা হয়। বিগত প্ৰায় বিশ বছৰে ধিং সমষ্টিবাসীয়ে উন্নয়নৰ মুখ নেদেখাৰ অভিযোগ উত্থাপন হৈ আহিছিল, বিশেষকৈ জৰাজীৰ্ণ পথ-ঘাটৰ সমস্যাই ৰাইজক দীৰ্ঘদিন ধৰি জুৰুলা কৰিছিল। সদ্য সমাপ্ত বিধানসভা নিৰ্বাচনত উন্নয়নৰ আশাত ধিংবাসীয়ে মেহেবুব মুক্তাৰক ৭১ হাজাৰতকৈ অধিক ভোটৰ ব্যৱধানত বিজয়ী কৰাইছিল। সাংবাদিকতা জীৱনৰ পৰা ৰাজনীতি ক্ষেত্ৰলৈ অহা বিধায়কগৰাকীয়ে নিৰ্বাচনী প্ৰচাৰৰ সময়ত দিয়া প্ৰতিশ্ৰুতিসমূহ আখৰে আখৰে পালন কৰাৰ দিশে অগ্ৰসৰ হোৱা দেখা গৈছে। বিধায়ক হিচাপে শপত গ্ৰহণ কৰাৰ পাছতেই তেওঁ ধিং সমষ্টিৰ জ্বলন্ত সমস্যা জৰাজীৰ্ণ পথসমূহৰ উন্নয়নৰ কাম আৰম্ভ কৰিছে। আজি দুপৰীয়া প্ৰায় ১২ বজাত SOPD-G আঁচনিৰ অধীনত ধিং সমষ্টিৰ মৈৰাধ্বজ গাঁও পঞ্চায়তৰ অন্তৰ্গত শালমাৰাবড়ী-বানেবিহাৰ পথৰ নিৰ্মাণ কাৰ্যৰো বিধায়ক মেহেবুব মুক্তাৰে শুভাৰম্ভ কৰে। স্থানীয় ৰাইজে আশা ব্যক্ত কৰিছে যে, নতুন বিধায়কৰ নেতৃত্বত ধিং সমষ্টিয়ে আগন্তুক দিনত উন্নয়নৰ এক নতুন দিশ লাভ কৰিব।

নগাঁও চুলুং টোল গেটৰ কৰ্মচাৰীৰ মইমতালিৰ বিৰুদ্ধে এক গুৰুতৰ অভিযোগ উত্থাপন হৈছে। ড০ কিশোৰ হাজৰিকাই জনোৱা অনুসৰি, বৈধ পাছ থকাৰ পিছতো টোল গেটৰ কৰ্মচাৰীসকলে যাত্ৰীসকলক হাৰাশাস্তি কৰি আহিছে। এই সন্দৰ্ভত টোল গেটৰ কৰ্মচাৰীসকলৰ বিৰুদ্ধে আৰক্ষী চকীত এক অভিযোগ দাখিল কৰা হৈছে।

কোৰৱাণী ঈদৰ আগমুহূৰ্তত আমছু নেতাগৰাকীয়ে সংবাদ মাধ্যমৰ আগত কিছু মন্তব্য কৰে। এই উপলক্ষে তেওঁ সংবাদ মাধ্যমৰ সৈতে বাৰ্তালাপ কৰে।