ప్రపంచ తల్లిపాల వారోత్సవాలను విజయవంతం చేయాలి. - ఐసీడీఎస్ ప్రాజెక్టు అధికారి మోకా శ్రీకళ పిలుపు ​పిఠాపురం: మహిళాభివృద్ధి శిశు సంక్షేమ శాఖ ఆధ్వర్యంలో ఆగస్టు 1 నుంచి 7 వరకు నిర్వహిస్తున్న ప్రపంచ తల్లిపాల వారోత్సవాల సందర్భంగా ఐసీడీఎస్ ప్రాజెక్టు పరిధిలోని అన్ని మండలాల అంగన్వాడీ కేంద్రాల్లో ప్రత్యేక అవగాహన కార్యక్రమాలు నిర్వహించనున్నట్లు ప్రాజెక్టు అధికారి మోకా శ్రీకళ తెలిపారు. ​ఈ సందర్భంగా ఆమె మాట్లాడుతూ... శిశువు పుట్టిన మొదటి గంటలోనే తల్లిపాలు ఇవ్వడం ఎంతో కీలకమని పేర్కొన్నారు. పుట్టిన మొదటి ఆరు నెలల పాటు కేవలం తల్లిపాలు మాత్రమే పట్టాలని ఆ తర్వాత తగిన అనుబంధ ఆహారంతో పాటు రెండేళ్లు లేదా అంతకంటే ఎక్కువ కాలం పాటు తల్లిపాలను కొనసాగించడం ద్వారా శిశువు శారీరకంగా, మానసికంగా ఆరోగ్యంగా ఎదుగుతారని ఆమె వివరించారు. ​తల్లిపాలు శిశువుకు సంపూర్ణ పోషకాహారాన్ని అందించడంతో పాటు రోగనిరోధక శక్తిని పెంపొందిస్తాయని అలాగే తల్లి ఆరోగ్యానికి కూడా ఎంతగానో మేలు చేస్తాయని శ్రీకళ స్పష్టం చేశారు. తల్లిపాల ప్రాముఖ్యతపై ప్రతి కుటుంబంలోనూ సరైన అవగాహన పెంపొందించాల్సిన అవసరం ఉందని ఆమె అభిప్రాయపడ్డారు. ​గర్భిణులు,బాలింతలు, కుటుంబ సభ్యులతో పాటు అంగన్వాడీ కార్యకర్తలు, ఆశా కార్యకర్తలు,వైద్య ఆరోగ్య శాఖ సిబ్బంది అందరూ సమన్వయంతో చురుకుగా పాల్గొని ఈ వారోత్సవాలను విజయవంతం చేయాలని ఆమె పిలుపునిచ్చారు.

Prasanna kumar Rowthu

Press advisory పిఠాపురం, కాకినాడ, ఆంధ్రప్రదేశ్•

1 hr ago

ప్రపంచ తల్లిపాల వారోత్సవాలను విజయవంతం చేయాలి. - ఐసీడీఎస్ ప్రాజెక్టు అధికారి మోకా శ్రీకళ పిలుపు ​పిఠాపురం: మహిళాభివృద్ధి శిశు సంక్షేమ శాఖ ఆధ్వర్యంలో ఆగస్టు 1 నుంచి 7 వరకు నిర్వహిస్తున్న ప్రపంచ తల్లిపాల వారోత్సవాల సందర్భంగా ఐసీడీఎస్ ప్రాజెక్టు పరిధిలోని అన్ని మండలాల అంగన్వాడీ కేంద్రాల్లో ప్రత్యేక అవగాహన కార్యక్రమాలు నిర్వహించనున్నట్లు ప్రాజెక్టు అధికారి మోకా శ్రీకళ తెలిపారు. ​ఈ సందర్భంగా ఆమె మాట్లాడుతూ... శిశువు పుట్టిన మొదటి గంటలోనే తల్లిపాలు ఇవ్వడం ఎంతో కీలకమని పేర్కొన్నారు. పుట్టిన మొదటి ఆరు నెలల పాటు కేవలం తల్లిపాలు మాత్రమే పట్టాలని ఆ తర్వాత తగిన అనుబంధ ఆహారంతో పాటు రెండేళ్లు లేదా అంతకంటే ఎక్కువ కాలం పాటు తల్లిపాలను కొనసాగించడం ద్వారా శిశువు శారీరకంగా, మానసికంగా ఆరోగ్యంగా ఎదుగుతారని ఆమె వివరించారు. ​తల్లిపాలు శిశువుకు సంపూర్ణ పోషకాహారాన్ని అందించడంతో పాటు రోగనిరోధక శక్తిని పెంపొందిస్తాయని అలాగే తల్లి ఆరోగ్యానికి కూడా ఎంతగానో మేలు చేస్తాయని శ్రీకళ స్పష్టం చేశారు. తల్లిపాల ప్రాముఖ్యతపై ప్రతి కుటుంబంలోనూ సరైన అవగాహన పెంపొందించాల్సిన అవసరం ఉందని ఆమె అభిప్రాయపడ్డారు. ​గర్భిణులు,బాలింతలు, కుటుంబ సభ్యులతో పాటు అంగన్వాడీ కార్యకర్తలు, ఆశా కార్యకర్తలు,వైద్య ఆరోగ్య శాఖ సిబ్బంది అందరూ సమన్వయంతో చురుకుగా పాల్గొని ఈ వారోత్సవాలను విజయవంతం చేయాలని ఆమె పిలుపునిచ్చారు.