ଟିଟିଲାଗଡ଼ ସହରରେ ଭବ୍ୟ ଆଧ୍ୟାତ୍ମିକ ବାତାବରଣ ଦେଖା ଦେଇଛି l ମହାରାଜ ସାଗର ଆଇ ଲଭ ଟିଟିଲାଗଡ଼ ପାର୍କ ସଂଲଗ୍ନ ରେ ନବ ନିର୍ମିତ ପ୍ରଭୁ ଗଜାନନ ଙ୍କ ବିଗ୍ରହ ସ୍ଥାପନ ସହିତ ମନ୍ଦିର ର ପ୍ରାଣ ପ୍ରତିଷ୍ଠା ସହିତ ପ୍ରଭୁ ତ୍ରିନାଥ ମନ୍ଦିର ର ପ୍ରତିଷ୍ଠା ନେଇ ଏକ ଭବ୍ୟ କଳସ ଯାତ୍ରା ଅନୁଷ୍ଠିତ ହୋଇଯାଇଛି l ଟିଟିଲାଗଡ଼ ବିଧାୟକ ନବୀନ ଜୈନ,ପୋୖରାଧ୍ୟଖ୍ୟା ମମତା ଦେବି ଜୈନ କଳସ ଯାତ୍ରା ରେ ମୁଖ୍ୟ ଭୂମିକା ନିର୍ବାହ କରିଥିଲେ l ବିଭିନ୍ନ ବାଜାଗଜା, ଘୁମୁରା ବାଦ୍ୟ, ଘୋଡା ନାଚ, କୀର୍ତନ ସହ ହଜାର ହଜାର ମାତ୍ରା ରେ ମହିଳା ମାନେ ସାମିଲ ହୋଇ କଳସ ଧରି ଟିଟିଲାଗଡ଼ ସହର ପରିକ୍ରମା କରିଥିଲେ l କଳସଧାରୀ ମହିଳା ତଥା ଶୋଭାଯାତ୍ରା ରେ ସାମିଲ ହୋଇଥିବା ଲୋକଙ୍କୁ ସହରର ବିଭିନ୍ନ ଛକରେ ଥଣ୍ଡା ପାନୀୟ ଦ୍ରବ୍ୟ, ଲେମ୍ବୁ ସରବତ ଆଦି ବିଭିନ୍ନ ଅନୁଷ୍ଠାନ ବଣ୍ଟନ କରିଥିଲେ l ସମଗ୍ର ସହରରେ ଏକ ଆଧ୍ୟାତ୍ମିକ ବାତାବରଣ ଖେଳିଯାଇଛି l ପରେ ନବ ନିର୍ମିତ ମନ୍ଦିର ପରିସରରେ ସଂକୀର୍ତନ ନାମ ଯଜ୍ଞ, ହୋମ ଯଜ୍ଞ ଅନୁଷ୍ଠିତ ହେଉଛି l ସମସ୍ତ ଶ୍ରଦ୍ଧାଲୁ ମାନଙ୍କ ପାଇଁ ଆନନ୍ଦ ବଜାର ମାଧ୍ୟମରେ ଅର୍ଣ୍ଣ ପ୍ରସାଦ ବଣ୍ଟନ କରାଯାଉଛି l ସଂନ୍ଧ୍ୟାରେ ଆଲୋକିତ ଝିକିମିକି ଆଲୁଅ ରେ ପରିବେଶ ଆହୁରି ମତୁଆଲା ସାଜିଛି l ପୁରୁଣାବ୍ୟାଙ୍କ ଛକରେ ଥିବା ପ୍ରଭୁ ବିଘ୍ନେଶ୍ୱର ଗଜାନନ ଙ୍କ ବିଗ୍ରହ କୁ ସ୍ଥାନାନ୍ତର କରାଯାଇଥିବା ବେଳେ ଆଗାମୀ ଦିନରେ ଟ୍ରାଫିକ ସମସ୍ୟା ର ସମାଧାନ ନେଇ ପୁରୁଣା ବ୍ୟାଙ୍କ ଛକ ସ୍ଥିତ ଗଣେଶ ମନ୍ଦିର ଭାଙ୍ଗିବା ନେଇ ପ୍ରଶାସନ ତରଫରୁ ପ୍ରସ୍ତୁତି ଆରମ୍ଭ ହୋଇଥିବା ବେଳେ ନୂଆ ଭବ୍ୟ ଗଣେଶ ମନ୍ଦିର ନିର୍ମାଣ ସାଙ୍ଗକୁ ପବିତ୍ର ଅକ୍ଷୟ ତୃତୀୟା ଦିନରେ ଏହି ଶୁଭ କାର୍ଯ୍ୟକ୍ରମ ଆୟୋଜିତ ହେଉଛି l ଶହ ଶହ ଭକ୍ତ ଙ୍କ ସମାଗମ ହେଉଛି l ସମସ୍ତ କାର୍ଯ୍ୟକ୍ରମ କୁ ଟିଟିଲାଗଡ଼ ବିଧାୟକ ନବୀନ ଜୈନ ତଦାରଖ କରିବା ସହିତ କଳସ ଯାତ୍ରା ରେ ମନଭରି ବିଭିନ୍ନ ଛକରେ ନାଚିବା ବେଶ ଚର୍ଚିତ ବିଷୟ ସାଜିଛି l

ସଞ୍ଜୟ କୁମାର ବେହେରା

Photographer ଟିଟିଲାଗଡ଼, ବଲାଙ୍ଗୀର, ଓଡ଼ିଶା•

23 hrs ago