ଓଡ଼ିଶାର ପର୍ଯ୍ୟଟନ ମାନଚିତ୍ରରେ ମାଲକାନଗିରି ଜିଲ୍ଲା ଏକ ନୂତନ ଇତିହାସ ରଚନା କରିବାକୁ ଯାଉଛି। ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ ଏବଂ ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରଣାଳୟ ଅଧୀନରେ ଥିବା ଗୋଆ ସ୍ଥିତ ପ୍ରସିଦ୍ଧ 'ରାଷ୍ଟ୍ରୀୟ ଜଳକ୍ରୀଡ଼ା ସଂସ୍ଥାନ' (NIWS) ର ମିଳିତ ସହଯୋଗରେ ଜିଲ୍ଲାରେ ଜଳଭିତ୍ତିକ ସାହସିକ ପର୍ଯ୍ୟଟନର ବ୍ୟାପକ ସମ୍ଭାବନାକୁ ନେଇ ଏକ ଉଚ୍ଚସ୍ତରୀୟ ବୈଷୟିକ ସର୍ବେକ୍ଷଣ ସଫଳତାର ସହ ସମ୍ପନ୍ନ ହୋଇଛି। ଚଳିତ ଜୁଲାଇ ୧୧ ଓ ୧୨ ତାରିଖରେ ଦୁଇ ଦିନ ଧରି ଚାଲିଥିବା ଏହି ସର୍ଭେରେ ଜାମ୍ମୁର ବିଶେଷଜ୍ଞ ସଞ୍ଜୟ ସିଂ ସମ୍ବିଆଲ ଏବଂ ଚେନ୍ନାଇର ବୈଷୟିକ ଅଧିକାରୀ ଜଗଦୀଶ ଭି.ଙ୍କୁ ନେଇ ଗଠିତ ଦୁଇ ଜଣିଆ ଉଚ୍ଚସ୍ତରୀୟ କେନ୍ଦ୍ରୀୟ ଟିମ୍ ଜିଲ୍ଲାର ବିଭିନ୍ନ ସ୍ଥାନରେ ହ୍ୱାଇଟ୍-ୱାଟର୍ ରାଫ୍ଟିଂ, କାୟାକିଂ ଏବଂ କାନୋଇଂ ଭଳି ଜଳ-ଭିତ୍ତିକ ସାହସିକ ପର୍ଯ୍ୟଟନ କାର୍ଯ୍ୟକଳାପର ଭିତ୍ତିଭୂମି ଯାଞ୍ଚ କରିଛନ୍ତି। ବିଶେଷଜ୍ଞ ଦଳଙ୍କ ମତରେ, ଅପର ସାବେରୀ ଗର୍ଜ ଏବଂ ପୋଟେରୁ ହିଲ୍ ସେକ୍ସନର ଭୌଗୋଳିକ ଗଠନ 'ହ୍ୱାଇଟ୍-ୱାଟର୍ ରାଫ୍ଟିଂ' ପାଇଁ ଅତ୍ୟନ୍ତ ଅନୁକୂଳ ହୋଇଥିବା ବେଳେ ଚିତ୍ରକୋଣ୍ଡା ଜଳଭଣ୍ଡାର ଏବଂ ସିଲେରୁ ଭ୍ୟାଲିର ବିସ୍ତୀର୍ଣ୍ଣ ଜଳରାଶି 'କାୟାକିଂ' ଓ 'କାନୋଇଂ' ପାଇଁ ସର୍ବୋତ୍କୃଷ୍ଟ। ଏହି ପ୍ରସ୍ତାବିତ ଜଳକ୍ରୀଡ଼ା ପ୍ରକଳ୍ପଗୁଡ଼ିକ କାର୍ଯ୍ୟକାରୀ ହେଲେ ମାଲକାନଗିରି ଜାତୀୟ ପର୍ଯ୍ୟଟନ ମାନଚିତ୍ରରେ ଏକ ପ୍ରମୁଖ ଆକର୍ଷଣ କେନ୍ଦ୍ର ପାଲଟିବା ସହ ଦେଶ ଓ ବିଦେଶର ସାହସିକ କ୍ରୀଡ଼ାପ୍ରେମୀଙ୍କୁ ଆକୃଷ୍ଟ କରିବ। ପର୍ଯ୍ୟଟନର ଏହି ବିକାଶ ଦ୍ୱାରା ସ୍ଥାନୀୟ ଯୁବକଯୁବତୀମାନେ ଗାଇଡ୍, ଲାଇଫ୍ଗାର୍ଡ ଓ ଆତିଥେୟତା କ୍ଷେତ୍ରରେ ବ୍ୟାପକ ନିଯୁକ୍ତି ସୁଯୋଗ ପାଇବେ। ଏହାସହିତ ଜିଲ୍ଲାରେ ହୋଟେଲ, ପରିବହନ ଏବଂ ହସ୍ତଶିଳ୍ପ ବ୍ୟବସାୟ ବୃଦ୍ଧି ପାଇବା ସହ ସ୍ଥାନୀୟ ଅର୍ଥନୀତି ସୁଦୃଢ଼ ହେବ ଏବଂ ଏକ ବୈପ୍ଳବିକ ପରିବର୍ତ୍ତନ ଆସିବ ବୋଲି ଆଶା କରାଯାଉଛି। ଏହି ସମଗ୍ର ସର୍ଭେ କାର୍ଯ୍ୟକ୍ରମକୁ ଅତି ସୂଚାରୁ ରୂପେ ସମ୍ପାଦନ କରିବା ପଛରେ ମାଲକାନଗିରି ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିର୍କେଙ୍କ ଦୂରଦୃଷ୍ଟିସମ୍ପନ୍ନ ନିର୍ଦ୍ଦେଶନା ଓ ସକ୍ରିୟ ଭୂମିକା ରହିଥିଲା। ଜିଲ୍ଲା ପ୍ରଶାସନର ତତ୍କାଳ ସହଯୋଗ ଓ କାର୍ଯ୍ୟଦକ୍ଷତାକୁ କେନ୍ଦ୍ରୀୟ ପ୍ରତିନିଧି ଦଳ ଉଚ୍ଚ ପ୍ରଶଂସା କରିଛନ୍ତି। ଜିଲ୍ଲାପାଳଙ୍କ ନିର୍ଦ୍ଦେଶରେ ଡେପୁଟି କଲେକ୍ଟର ସ୍ୱୟଂ ସିଦ୍ଧ ରାଉତ ସମସ୍ତ ପ୍ରଶାସନିକ ସମନ୍ୱୟ ରକ୍ଷା କରିଥିଲେ। ଏହି ଗସ୍ତ ସମୟରେ ବନ ବିଭାଗର ଅଧିକାରୀ ଓ ସ୍ଥାନୀୟ କର୍ମଚାରୀମାନେ ସମ୍ପୂର୍ଣ୍ଣ ସହାୟତା କରିଥିଲେ। ରାଜ୍ୟର ବିଭିନ୍ନ ପ୍ରାନ୍ତରେ ଚାଲିଥିବା ଏହି ୩ ସପ୍ତାହ ବ୍ୟାପୀ ବ୍ୟାପକ ସର୍ଭେ କାର୍ଯ୍ୟକ୍ରମ ଆସନ୍ତା ଜୁଲାଇ ୨୯ ତାରିଖ ପର୍ଯ୍ୟନ୍ତ ଜାରି ରହିବ ଏବଂ ପ୍ରଦାନ କରାଯିବାକୁ ଥିବା ଚୂଡ଼ାନ୍ତ ରିପୋର୍ଟ ଆଧାରରେ ଆଗାମୀ ଦିନରେ ମାଲକାନଗିରିରେ ପର୍ଯ୍ୟଟନ ଭିତ୍ତିଭୂମିର ବିକାଶ କରାଯିବ।
ଓଡ଼ିଶାର ପର୍ଯ୍ୟଟନ ମାନଚିତ୍ରରେ ମାଲକାନଗିରି ଜିଲ୍ଲା ଏକ ନୂତନ ଇତିହାସ ରଚନା କରିବାକୁ ଯାଉଛି। ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ ଏବଂ ଭାରତ ସରକାରଙ୍କ ପର୍ଯ୍ୟଟନ ମନ୍ତ୍ରଣାଳୟ ଅଧୀନରେ ଥିବା ଗୋଆ ସ୍ଥିତ ପ୍ରସିଦ୍ଧ 'ରାଷ୍ଟ୍ରୀୟ ଜଳକ୍ରୀଡ଼ା ସଂସ୍ଥାନ' (NIWS) ର ମିଳିତ ସହଯୋଗରେ ଜିଲ୍ଲାରେ ଜଳଭିତ୍ତିକ ସାହସିକ ପର୍ଯ୍ୟଟନର ବ୍ୟାପକ ସମ୍ଭାବନାକୁ ନେଇ ଏକ ଉଚ୍ଚସ୍ତରୀୟ ବୈଷୟିକ ସର୍ବେକ୍ଷଣ ସଫଳତାର ସହ ସମ୍ପନ୍ନ ହୋଇଛି। ଚଳିତ ଜୁଲାଇ ୧୧ ଓ ୧୨ ତାରିଖରେ ଦୁଇ ଦିନ ଧରି ଚାଲିଥିବା ଏହି ସର୍ଭେରେ ଜାମ୍ମୁର ବିଶେଷଜ୍ଞ ସଞ୍ଜୟ ସିଂ ସମ୍ବିଆଲ ଏବଂ ଚେନ୍ନାଇର ବୈଷୟିକ ଅଧିକାରୀ
ଜଗଦୀଶ ଭି.ଙ୍କୁ ନେଇ ଗଠିତ ଦୁଇ ଜଣିଆ ଉଚ୍ଚସ୍ତରୀୟ କେନ୍ଦ୍ରୀୟ ଟିମ୍ ଜିଲ୍ଲାର ବିଭିନ୍ନ ସ୍ଥାନରେ ହ୍ୱାଇଟ୍-ୱାଟର୍ ରାଫ୍ଟିଂ, କାୟାକିଂ ଏବଂ କାନୋଇଂ ଭଳି ଜଳ-ଭିତ୍ତିକ ସାହସିକ ପର୍ଯ୍ୟଟନ କାର୍ଯ୍ୟକଳାପର ଭିତ୍ତିଭୂମି ଯାଞ୍ଚ କରିଛନ୍ତି। ବିଶେଷଜ୍ଞ ଦଳଙ୍କ ମତରେ, ଅପର ସାବେରୀ ଗର୍ଜ ଏବଂ ପୋଟେରୁ ହିଲ୍ ସେକ୍ସନର ଭୌଗୋଳିକ ଗଠନ 'ହ୍ୱାଇଟ୍-ୱାଟର୍ ରାଫ୍ଟିଂ' ପାଇଁ ଅତ୍ୟନ୍ତ ଅନୁକୂଳ ହୋଇଥିବା ବେଳେ ଚିତ୍ରକୋଣ୍ଡା ଜଳଭଣ୍ଡାର ଏବଂ ସିଲେରୁ ଭ୍ୟାଲିର ବିସ୍ତୀର୍ଣ୍ଣ ଜଳରାଶି 'କାୟାକିଂ' ଓ 'କାନୋଇଂ' ପାଇଁ ସର୍ବୋତ୍କୃଷ୍ଟ। ଏହି ପ୍ରସ୍ତାବିତ ଜଳକ୍ରୀଡ଼ା ପ୍ରକଳ୍ପଗୁଡ଼ିକ କାର୍ଯ୍ୟକାରୀ ହେଲେ ମାଲକାନଗିରି ଜାତୀୟ ପର୍ଯ୍ୟଟନ ମାନଚିତ୍ରରେ ଏକ ପ୍ରମୁଖ ଆକର୍ଷଣ
କେନ୍ଦ୍ର ପାଲଟିବା ସହ ଦେଶ ଓ ବିଦେଶର ସାହସିକ କ୍ରୀଡ଼ାପ୍ରେମୀଙ୍କୁ ଆକୃଷ୍ଟ କରିବ। ପର୍ଯ୍ୟଟନର ଏହି ବିକାଶ ଦ୍ୱାରା ସ୍ଥାନୀୟ ଯୁବକଯୁବତୀମାନେ ଗାଇଡ୍, ଲାଇଫ୍ଗାର୍ଡ ଓ ଆତିଥେୟତା କ୍ଷେତ୍ରରେ ବ୍ୟାପକ ନିଯୁକ୍ତି ସୁଯୋଗ ପାଇବେ। ଏହାସହିତ ଜିଲ୍ଲାରେ ହୋଟେଲ, ପରିବହନ ଏବଂ ହସ୍ତଶିଳ୍ପ ବ୍ୟବସାୟ ବୃଦ୍ଧି ପାଇବା ସହ ସ୍ଥାନୀୟ ଅର୍ଥନୀତି ସୁଦୃଢ଼ ହେବ ଏବଂ ଏକ ବୈପ୍ଳବିକ ପରିବର୍ତ୍ତନ ଆସିବ ବୋଲି ଆଶା କରାଯାଉଛି। ଏହି ସମଗ୍ର ସର୍ଭେ କାର୍ଯ୍ୟକ୍ରମକୁ ଅତି ସୂଚାରୁ ରୂପେ ସମ୍ପାଦନ କରିବା ପଛରେ ମାଲକାନଗିରି ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିର୍କେଙ୍କ ଦୂରଦୃଷ୍ଟିସମ୍ପନ୍ନ ନିର୍ଦ୍ଦେଶନା ଓ ସକ୍ରିୟ ଭୂମିକା ରହିଥିଲା। ଜିଲ୍ଲା
ପ୍ରଶାସନର ତତ୍କାଳ ସହଯୋଗ ଓ କାର୍ଯ୍ୟଦକ୍ଷତାକୁ କେନ୍ଦ୍ରୀୟ ପ୍ରତିନିଧି ଦଳ ଉଚ୍ଚ ପ୍ରଶଂସା କରିଛନ୍ତି। ଜିଲ୍ଲାପାଳଙ୍କ ନିର୍ଦ୍ଦେଶରେ ଡେପୁଟି କଲେକ୍ଟର ସ୍ୱୟଂ ସିଦ୍ଧ ରାଉତ ସମସ୍ତ ପ୍ରଶାସନିକ ସମନ୍ୱୟ ରକ୍ଷା କରିଥିଲେ। ଏହି ଗସ୍ତ ସମୟରେ ବନ ବିଭାଗର ଅଧିକାରୀ ଓ ସ୍ଥାନୀୟ କର୍ମଚାରୀମାନେ ସମ୍ପୂର୍ଣ୍ଣ ସହାୟତା କରିଥିଲେ। ରାଜ୍ୟର ବିଭିନ୍ନ ପ୍ରାନ୍ତରେ ଚାଲିଥିବା ଏହି ୩ ସପ୍ତାହ ବ୍ୟାପୀ ବ୍ୟାପକ ସର୍ଭେ କାର୍ଯ୍ୟକ୍ରମ ଆସନ୍ତା ଜୁଲାଇ ୨୯ ତାରିଖ ପର୍ଯ୍ୟନ୍ତ ଜାରି ରହିବ ଏବଂ ପ୍ରଦାନ କରାଯିବାକୁ ଥିବା ଚୂଡ଼ାନ୍ତ ରିପୋର୍ଟ ଆଧାରରେ ଆଗାମୀ ଦିନରେ ମାଲକାନଗିରିରେ ପର୍ଯ୍ୟଟନ ଭିତ୍ତିଭୂମିର ବିକାଶ କରାଯିବ।
- ମାଲକାନଗିରି ଜିଲ୍ଲା କାଲିମେଳା ଥାନା ପୁଲିସ ଏକ ବଡ଼ ସଫଳତା ହାସଲ କରି ବାଦଲିଗୁଡ଼ା ଗ୍ରାମରୁ ଏକ ଟନରୁ ଊର୍ଦ୍ଧ୍ବ ଗଞ୍ଜେଇ ଜବତ କରିଛି। କାଲିମେଳା ଥାନା ଆଇଆଇସି ଶ୍ରୀଯୁକ୍ତ ପ୍ରଭୁଦତ୍ତ ବିଶ୍ଵାଳ ଓ ତାଙ୍କ ଟିମ୍ ଏକ ବିଶେଷ ସୂତ୍ରରୁ ଖବର ପାଇ ଏହି ଚଢ଼ାଉ କରିଥିଲେ। ଜବତ ହୋଇଥିବା ଏହି ବିପୁଳ ପରିମାଣର ଗଞ୍ଜେଇର ଆନୁମାନିକ ମୂଲ୍ୟ ପ୍ରଥମେ ଗୋଟେ କୋଟିରୁ ଊର୍ଦ୍ଧ୍ବ ଏବଂ ପରେ ଦୁଇ କୋଟିରୁ ଊର୍ଦ୍ଧ୍ବ ଟଙ୍କା ହେବ ବୋଲି କୁହାଯାଇଛି। କାଲିମେଳା ବ୍ଲକ ପୂର୍ବରୁ ଅସାଧୁ ବ୍ୟବସାୟୀଙ୍କ ପାଇଁ ଆଶ୍ରୟସ୍ଥଳୀ ପାଲଟିଥିବା ବେଳେ ବର୍ତ୍ତମାନ ଏଥିରେ ସମ୍ପୂର୍ଣ୍ଣ ବିପରୀତ ଚିତ୍ର ଦେଖିବାକୁ ମିଳିଛି। ଯେବେଠାରୁ କାଲିମେଳା ଥାନା ଆଇଆଇସି ଶ୍ରୀଯୁକ୍ତ ପ୍ରଭୁଦତ୍ତ ବିଶ୍ଵାଳ ଏଠାରେ କାର୍ଯ୍ୟଭାର ଗ୍ରହଣ କରିଛନ୍ତି, ସେବେଠାରୁ ଅସାଧୁ ଓ ଅସାମାଜିକ ଲୋକଙ୍କର ନିଦ ହଜିଯାଇଛି। ଏବେ ଅଞ୍ଚଳରେ ଅସାମାଜିକ ବ୍ୟକ୍ତିଙ୍କ ଉପଦ୍ରବ ଆଉ ଦେଖିବାକୁ ମିଳୁନାହିଁ। ଏହା ସହିତ ଥାନାକୁ ଆସୁଥିବା ସମସ୍ତ ମାମଲାକୁ ଶ୍ରୀଯୁକ୍ତ ବିଶ୍ଵାଳ ଖୁବ୍ କମ୍ ସମୟ ମଧ୍ୟରେ ସମାଧାନ କରୁଥିବାରୁ ଲୋକମାନେ ନ୍ୟାୟ ପାଇଁ ଆଉ ହନ୍ତସନ୍ତ ହେଉନାହାନ୍ତି। ଏହି ଗଞ୍ଜେଇ ଚୋରା ଚାଲାଣ ଘଟଣାରେ ସଂପୃକ୍ତ ଥିବା ଅଭିଯୁକ୍ତମାନଙ୍କୁ ପୁଲିସ ପକ୍ଷରୁ ଖୋଜା ଚାଲିଛି। ଏଥିରେ ସଂପୃକ୍ତ ଥିବା ବ୍ୟକ୍ତିମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କାଲିମେଳା ଥାନା ଆଇଆଇସି ଶ୍ରୀଯୁକ୍ତ ପ୍ରଭୁଦତ୍ତ ବିଶ୍ଵାଳ ପ୍ରକାଶ କରିଛନ୍ତି।2ମାନସ ରଞ୍ଜନ ଜେନା
- କୋଟପାଡ଼ର ଢାମଣାହାଣ୍ଡି ଗ୍ରାମରେ ଅବସରପ୍ରାପ୍ତ ସେନା କର୍ମଚାରୀ ସୁବେଦାର ଦିଲ୍ଲୀପ ବିଶୋଇଙ୍କୁ ଗ୍ରାମବାସୀଙ୍କ ପକ୍ଷରୁ ଭଵ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। ଦୀର୍ଘ ୩୦ ବର୍ଷ କାଳ ଦେଶ ସେବା କରି ଅବସର ଗ୍ରହଣ କରିବା ପରେ ନିଜ ଗ୍ରାମକୁ ଫେରିଥିବାରୁ ସେନା ଯବାନ୍ ଦିଲ୍ଲୀପ ବିଶୋଇଙ୍କୁ ସ୍ୱାଗତ କରିବା ପାଇଁ ଢାମଣାହାଣ୍ଡି ଗ୍ରାମବାସୀ ଏକତ୍ରିତ ହୋଇଥିଲେ। ଦେଶ ମାତୃକାର ସେବା ପାଇଁ ସୁବେଦାର ଦିଲ୍ଲୀପଙ୍କ ଏହି ସମର୍ପଣକୁ ସମ୍ମାନ ଜଣାଇ ଗ୍ରାମବାସୀମାନେ ଅତ୍ୟନ୍ତ ଆନନ୍ଦ ଓ ଉତ୍ସାହର ସହ ଏହି ଭଵ୍ୟ ସ୍ୱାଗତ କାର୍ଯ୍ୟକ୍ରମର ଆୟୋଜନ କରିଥିଲେ।1Kopad Breaking News
- ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ସଦର ଜଗନ୍ନାଥ ମନ୍ଦିର ପ୍ରାଙ୍ଗଣରେ କୋଷାଗୁମୁଡ଼ା ବ୍ଲକ କଂଗ୍ରେସ ଏବଂ ବିଜେଡି ପକ୍ଷରୁ ଏକ ମିଳିତ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ନବରଙ୍ଗପୁର ବିଧାୟକ ଗୌରୀ ମାଝୀ ଗତ ଶୁକ୍ରବାର ସନ୍ଧ୍ୟାରେ କୋଷାଗୁମୁଡ଼ା ଲେମ୍ପସ (LAMPS) କାର୍ଯ୍ୟାଳୟରେ ପହଞ୍ଚି ସେଠାକାର ସଭାପତି ମହେଶ୍ବର ଭଣ୍ଡାରୀ ଏବଂ ଏମଡିଙ୍କୁ ଦୁର୍ବ୍ୟବହାର କରିବା ସହ ଦଳୀୟ କର୍ମୀଙ୍କ ଦ୍ୱାରା ହୋହଲ୍ଲା କରିବା ଅଭିଯୋଗରେ ଏହି ପ୍ରତିବାଦ ସଭା କରାଯାଇଛି। ବିଧାୟକ ଲେମ୍ପସ କର୍ମଚାରୀଙ୍କୁ ଚୋର କହିବା ଏବଂ ସଭାପତି ମଦ୍ୟପାନ କରିଛନ୍ତି କହି ପୋଲିସ ଦ୍ୱାରା ଯାଞ୍ଚ କରିବାକୁ କହିବା ଘଟଣାକୁ ଉଭୟ ଦଳ ତୀବ୍ର ନିନ୍ଦା କରିଛନ୍ତି। ଏହି ସାମ୍ବାଦିକ ସମ୍ମିଳନୀରେ କଂଗ୍ରେସର ବ୍ଲକ ସଭାପତି ପଦ୍ମ ସାଇ ମାଳି, ସମିତି ସଭ୍ୟ ଯୁଗଧର ହରିଜନ, ଯୁବ କଂଗ୍ରେସ କର୍ମୀ ବାବୁଲି ବାଘ, ଶୁଭାଶିଷ ପଟନାୟକ (ଟିକିନା) ଓ ରଘୁ ମାଝୀ ଏବଂ ବିଜେଡି ପକ୍ଷରୁ ପ୍ରଶାନ୍ତ ବକ୍ସି, ବ୍ଲକ ଉପାଧ୍ୟକ୍ଷ ଯୋଗେନ୍ଦ୍ର ସ୍ୱାଇଁ, ଭି-ପ୍ରସାଦ ରାଓ, ଲେମ୍ପସ ସଭାପତି ହରିହର ଭଣ୍ଡାରୀ ଓ ଲେମ୍ପସ ଡାଇରେକ୍ଟର ମଧୁସୂଦନ ଭତ୍ରାଙ୍କ ସମେତ ଦୁଇ ଦଳର ବହୁ କର୍ମୀ ଉପସ୍ଥିତ ଥିଲେ। ବିଧାୟକଙ୍କ ଏଭଳି ମିଥ୍ୟା ଓ ଭିତ୍ତିହୀନ ଅଭିଯୋଗକୁ ସେମାନେ ପ୍ରତ୍ୟାଖ୍ୟାନ କରିଛନ୍ତି। ବ୍ଲକ ଉପାଧ୍ୟକ୍ଷ ଯୋଗେନ୍ଦ୍ର ସ୍ୱାଇଁ ପ୍ରଶ୍ନ କରିଛନ୍ତି ଯେ, କାହାର କପାଳରେ ସେ କେଉଁ ଦଳର ବୋଲି ଲେଖା ଅଛି କି, ଯେଉଁଥିପାଇଁ ବିଧାୟକ କଂଗ୍ରେସ ଓ ବିଜେଡି ଲୋକଙ୍କୁ ପ୍ରଥମେ ଏବଂ ବିଜେପି ଲୋକଙ୍କୁ ଶେଷରେ ସାର ଓ ଧାନ ଟୋକେନ ଦିଆଯାଉଥିବା ନେଇ ପାତରଅନ୍ତର ଅଭିଯୋଗ କରୁଛନ୍ତି? ଯୁବ କଂଗ୍ରେସ କର୍ମୀ ଶୁଭାଶିଷ ପଟନାୟକ ମଧ୍ୟ ବିଧାୟକ ଗୌରୀ ମାଝୀଙ୍କୁ ଘେରି ସେ ସରକାରଙ୍କ ନିୟମ ଉପରେ କି ବୋଲି ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ ସରକାରୀ ଗାଇଡଲାଇନ ଅନୁସାରେ କ୍ୟୁଆର କୋଡ୍ ମାଧ୍ୟମରେ କ୍ୟାଶ୍ଲେସ୍ କାରବାର କରିବାକୁ ନିୟମ ଥିବାବେଳେ, ବିଧାୟକ ଲେମ୍ପସରେ ବସି ଡିଆରସିଏସ (DRCS) କୁ ଫୋନ ଯୋଗେ ନଗଦ (କ୍ୟାଶ୍) ପେମେଣ୍ଟ ପାଇଁ ଅନୁମତି ମାଗିବା କେତେଦୂର ସମୀଚୀନ? ସାମ୍ବାଦିକ ସମ୍ମିଳନୀରେ ଉଭୟ ଦଳ ଚାଷୀମାନଙ୍କୁ ବିଜେଡି, କଂଗ୍ରେସ ଓ ବିଜେପି ଭଳି ରାଜନୈତିକ ଦଳ ଆଧାରରେ ଭାଗ ନକରିବାକୁ ଚେତାଇ ଦେଇଛନ୍ତି। ବିଧାୟକ ନିଜର ଏଭଳି ଆଚରଣ ପାଇଁ ତୁରନ୍ତ ସାମ୍ବାଦିକ ସମ୍ମିଳନୀ କରି କ୍ଷମା ମାଗନ୍ତୁ ବୋଲି ଉଭୟ ଦଳ ଦୃଢ଼ ଦାବି କରିଛନ୍ତି।1Narendra Patra
- କୋଷାଗୁମୁଡ଼ା ସଦର ଜଗନ୍ନାଥ ମନ୍ଦିର ପ୍ରାଙ୍ଗଣରେ କୋଷାଗୁମୁଡ଼ା ବ୍ଲକ କଂଗ୍ରେସ ଏବଂ ବିଜେଡ଼ି ପକ୍ଷରୁ ଏକ ମିଳିତ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ନବରଙ୍ଗପୁର ବିଧାୟକ ଗୌରୀ ମାଝୀ ଶୁକ୍ରବାର ସନ୍ଧ୍ୟାରେ କୋଷାଗୁମୁଡ଼ା ଲେମ୍ପସରେ ସଭାପତି ମହେଶ୍ବର ଭଣ୍ଡାରୀ ଏବଂ ଲେମ୍ପସ ଏମଡିଙ୍କୁ ଦୁର୍ବ୍ୟବହାର କରିବା ସହ ଦଳୀୟ କର୍ମୀଙ୍କ ଦ୍ୱାରା ହୋହାଲ୍ଲା କରିବା ଘଟଣାକୁ ଏହି ସମ୍ମିଳନୀରେ ତୀବ୍ର ନିନ୍ଦା କରାଯାଇଛି। ଲେମ୍ପସ ସଭାପତି ମଦ ପିଇଛନ୍ତି କହି ପୋଲିସ ଡାକି ଚେକ୍ କରାଇବା, ଲେମ୍ପସ ଏମଡିମାନଙ୍କୁ ଚୋର କହିବା ଏବଂ ବିଜେଡ଼ି ଓ କଂଗ୍ରେସ ଲୋକଙ୍କୁ ପ୍ରଥମେ ସାର ଓ ଧାନ ଟୋକେନ୍ ଦିଆଯାଉଛି ବୋଲି ହୋଇଥିବା ସଙ୍ଗିନ ଅଭିଯୋଗକୁ ଦୁଇ ଦଳର ନେତାମାନେ ସମ୍ପୂର୍ଣ୍ଣ ଭିତ୍ତିହୀନ ଓ ମିଛ ବୋଲି କହିଛନ୍ତି। ସମ୍ମିଳନୀରେ କଂଗ୍ରେସ ବ୍ଲକ ସଭାପତି ପଦ୍ମ ସାଇ ମାଳି, ମଝିଧନୁଆ ସମିତି ସଭ୍ୟ ଯୁଗଧର ହରିଜନ, ଆଇନଜୀବୀ ବାବୁଲି ବାଘ, ଯୁବ କଂଗ୍ରେସ କର୍ମୀ ଶୁଭାଶିଷ ପଟନାୟକ (ଟିକିନା), ରଘୁ ମାଝୀ ଏବଂ ବିଜେଡ଼ି ପକ୍ଷରୁ ପ୍ରଶାନ୍ତ ବକ୍ସି, ବ୍ଲକ ଉପାଧ୍ୟକ୍ଷ ଯୋଗେନ୍ଦ୍ର ସ୍ୱାଇଁ, ଭି-ପ୍ରସାଦ ରାଓ, ଲେମ୍ପସ ସଭାପତି ହରିହର ଭଣ୍ଡାରୀ, ଲେମ୍ପସ ଡାଇରେକ୍ଟର ମଧୁସୂଦନ ଭତ୍ରା ପ୍ରମୁଖ ଉପସ୍ଥିତ ଥିଲେ। ବର୍ତ୍ତମାନ ସୁଦ୍ଧା କୌଣସି ନେତାଙ୍କଠାରୁ ଏଭଳି ଧମକ, 'ଚୋର' କିମ୍ବା 'ମଦୁଆ' ଗାଳି ଶୁଣି ନାହାନ୍ତି ବୋଲି ସେମାନେ କହିଛନ୍ତି। ବ୍ଲକ ଉପାଧ୍ୟକ୍ଷ ଯୋଗେନ୍ଦ୍ର ସ୍ୱାଇଁ କହିଛନ୍ତି ଯେ, ଲୋକଙ୍କ କପାଳରେ କୌଣସି ଦଳର ନାମ ଲେଖା ନଥାଏ, ତେଣୁ ବିଧାୟକ କାହିଁକି କଂଗ୍ରେସ-ବିଜେଡି ଲୋକଙ୍କୁ ପ୍ରଥମେ ଓ ବିଜେପି ଲୋକଙ୍କୁ ଶେଷରେ ଟୋକେନ ମିଳୁଥିବା କଥା କହିଲେ? ଅନ୍ୟପଟେ ଯୁବ କଂଗ୍ରେସ କର୍ମୀ ଶୁଭାଶିଷ ପଟନାୟକ ପ୍ରଶ୍ନ କରିଛନ୍ତି ଯେ ବିଧାୟକ ଗୌରୀ ମାଝୀ କ’ଣ ସରକାରୀ ଗାଇଡଲାଇନ ପଢ଼ିନାହାନ୍ତି? ସରକାରୀ ନିୟମ ଅନୁସାରେ କ୍ୟୁଆର କୋଡ୍ ଜରିଆରେ କ୍ୟାସଲେସ ପେମେଣ୍ଟ କରିବା ପାଇଁ ନିୟମ ଥିବାବେଳେ ବିଧାୟକ ଫୋନ ଯୋଗେ ଡିଆରସିଏସକୁ କେସ୍ ପେମେଣ୍ଟ ପାଇଁ କିପରି ଅନୁମତି ମାଗିଲେ ବୋଲି ସେ ପ୍ରଶ୍ନ କରିଛନ୍ତି। ଚାଷୀମାନଙ୍କୁ ବିଜେଡି, କଂଗ୍ରେସ ଓ ବିଜେପି ନାମରେ ନ ବାଣ୍ଟିବାକୁ ଦୁଇ ଦଳ ଚେତାବନୀ ଦେବା ସହ ବିଧାୟକ ଗୌରୀ ମାଝୀ ତୁରନ୍ତ ଏଥିପାଇଁ ସାମ୍ବାଦିକ ସମ୍ମିଳନୀ କରି କ୍ଷମା ମାଗନ୍ତୁ ବୋଲି ଦୃଢ଼ ଦାବି କରିଛନ୍ତି।1ଉତ୍କଳ ସମାଜ
- କୋରାପୁଟ ଜିଲ୍ଲା ଲକ୍ଷ୍ମୀପୁରରେ ଦୁଇଟି ମଟର ସାଇକଲ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏହି ଭୟଙ୍କର ସଡ଼କ ଦୁର୍ଘଟଣାରେ ଅକାଳରେ ଦୁଇଟି ମୂଲ୍ୟବାନ ଜୀବନ ଚାଲିଯାଇଛି।1Pramodkumar Jena
- ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଚିର୍ମା ପଞ୍ଚାୟତ ସଦର ଗ୍ରାମ ନିକଟସ୍ଥ ଇନ୍ଦ୍ରାବତୀ ନଦୀରେ ବୁଡ଼ି ଜଣେ ଗାଈ ଚରୁଆଳିଙ୍କ ମୃତ୍ୟୁ ଘଟିଛି। ସେ ନଦୀ ତଟକୁ ଗାଈ ଚରାଇବାକୁ ନେଇଥିବା ବେଳେ ଗାଈମାନଙ୍କୁ ନଦୀ ପାର କରାଇବା ସମୟରେ ଗଭୀର ପାଣିରେ ବୁଡ଼ି ଯାଇଥିଲେ। ଏହି ଦୁର୍ଘଟଣା ପରେ ଆଜି କୋଟପାଡ଼ ଅଗ୍ନିଶମ ବାହିନୀ ଏବଂ କୋଡୀଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି ନଦୀରୁ ମୃତଦେହ ଉଦ୍ଧାର କରିଛନ୍ତି। ପରେ ପୋଲିସ ଶବ ବ୍ୟବଛେଦ ପ୍ରକ୍ରିୟା ପାଇଁ ମୃତଦେହକୁ ନବରଙ୍ଗପୁର ମେଡିକାଲକୁ ପଠାଇଛି।1Santosh kumar
