मिनी राज्यस्तरीय तलवारबाजी स्पर्धेचे बक्षीस वितरण सोहळा उत्साहपूर्ण वातावरणात संपन्न परभणी(प्रतिनिधी):-जिल्हा तलवारबाजी क्रीडा संघटना व वसुंधरा महाविद्यालय, घाटनांदूर यांच्या संयुक्त विद्यमाने आयोजित करण्यात आलेल्या ७ वी चाइल्ड व १८ वी मिनी राज्यस्तरीय तलवारबाजी स्पर्धेचा बक्षीस वितरण व सत्कार समारंभ उत्साहपूर्ण वातावरणात संपन्न झाला. ही स्पर्धा २१, २२ व २३ ऑगस्ट रोजी येथील प्रियदर्शनी इंदिरा गांधी स्टेडियम येथील बॅडमिंटन हॉलमध्ये आयोजित करण्यात आली. बक्षीस वितरण समारंभाच्या अध्यक्षस्थानी महाराष्ट्र तलवारबाजी संघटनेचे कार्याध्यक्ष तथा शिवछत्रपती पुरस्कारप्राप्त प्रा. प्रकाश काटोळे हे होते. यावेळी प्रमुख अतिथी म्हणून आमदाक डॉ. राहुल पाटील, अध्यक्ष परभणी जिल्हा बॉक्सिंग संघटना, रवी पतंगे, प्रा. डॉ. मुंजाभाऊ धोंडगे, प्रा. डॉ. अर्जुन मोरे, प्राचार्य, वसुंधरा महाविद्यालय तसेच शेषनारायण लोढे आदी मान्यवर उपस्थित होते. याप्रसंगी बोलताना आमदार डॉ. राहुल पाटील म्हणाले की, परभणी जिल्ह्यातील खेळाडूंचा सर्वांगीण विकास होण्यासाठी अशा प्रकारच्या राज्यस्तरीय स्पर्धांचे आयोजन होणे अत्यंत आवश्यक आहे. अशा स्पर्धांमधून ग्रामीण व जिल्हास्तरावरील खेळाडूंना आपली गुणवत्ता सिद्ध करण्याची मोठी संधी मिळत असून, भविष्यात राष्ट्रीय व आंतरराष्ट्रीय स्तरावरील खेळाडू घडण्यास मदत होईल. प्रास्ताविकात प्रा. डॉ. पांडुरंग रणमाळ यांनी, तीन दिवस चाललेल्या या राज्यस्तरीय स्पर्धेत ६०० हून अधिक खेळाडूंनी सहभाग नोंदविला. सहभागी खेळाडूंच्या निवास, भोजन, पदके व ट्रॉफी आदींची व्यवस्था संघटनेमार्फत करण्यात आली होती. ही स्पर्धा प्रामुख्याने १० व १२ वर्षांखालील वयोगटातील खेळाडूंसाठी असल्याने लहान वयातच खेळाडूंना राज्यस्तरीय स्पर्धेचा अनुभव मिळत आहे. या खेळाडूंमधून भविष्यात देशाचे नाव उज्ज्वल करणारे उत्कृष्ट तलवारबाज निर्माण होतील, असा विश्वासही त्यांनी व्यक्त केला. यावेळी विविध गटांतील विजेत्या व गुणवंत खेळाडूंना मान्यवरांच्या हस्ते पदक, ट्रॉफी व बक्षिसांचे वितरण करण्यात आले. विजेत्या खेळाडूंचे उपस्थित मान्यवरांनी अभिनंदन करून पुढील वाटचालीस शुभेच्छा दिल्या. सूत्रसंचालन सुशील देशमुख यांनी केले, तर गोविंद शर्मा यांनी आभार प्रदर्शन केले. स्पर्धा यशस्वीतेसाठी अजय देशमुख, अनिल देशमुख, अनिल राऊळे, विनीत रणमाळ, सुशील जोरगेकर, संतोष तुरे, संजय भुमकर, पिराजी कुसळे यांनी विशेष परिश्रम घेतले.

जागर महाराष्ट्राचा न्यूज

मानवत, परभणी, महाराष्ट्र•

12 hrs ago

मिनी राज्यस्तरीय तलवारबाजी स्पर्धेचे बक्षीस वितरण सोहळा उत्साहपूर्ण वातावरणात संपन्न परभणी(प्रतिनिधी):-जिल्हा तलवारबाजी क्रीडा संघटना व वसुंधरा महाविद्यालय, घाटनांदूर यांच्या संयुक्त विद्यमाने आयोजित करण्यात आलेल्या ७ वी चाइल्ड व १८ वी मिनी राज्यस्तरीय तलवारबाजी स्पर्धेचा बक्षीस वितरण व सत्कार समारंभ उत्साहपूर्ण वातावरणात संपन्न झाला. ही स्पर्धा २१, २२ व २३ ऑगस्ट रोजी येथील प्रियदर्शनी इंदिरा गांधी स्टेडियम येथील बॅडमिंटन हॉलमध्ये आयोजित करण्यात आली. बक्षीस वितरण समारंभाच्या अध्यक्षस्थानी महाराष्ट्र तलवारबाजी संघटनेचे कार्याध्यक्ष तथा शिवछत्रपती पुरस्कारप्राप्त प्रा. प्रकाश काटोळे हे होते. यावेळी प्रमुख अतिथी म्हणून आमदाक डॉ. राहुल पाटील, अध्यक्ष परभणी जिल्हा बॉक्सिंग संघटना, रवी पतंगे, प्रा. डॉ. मुंजाभाऊ धोंडगे, प्रा. डॉ. अर्जुन मोरे, प्राचार्य, वसुंधरा महाविद्यालय तसेच शेषनारायण लोढे आदी मान्यवर उपस्थित होते. याप्रसंगी बोलताना आमदार डॉ. राहुल पाटील म्हणाले की, परभणी जिल्ह्यातील खेळाडूंचा सर्वांगीण विकास होण्यासाठी अशा प्रकारच्या राज्यस्तरीय स्पर्धांचे आयोजन होणे अत्यंत आवश्यक आहे. अशा स्पर्धांमधून ग्रामीण व जिल्हास्तरावरील खेळाडूंना आपली गुणवत्ता सिद्ध करण्याची मोठी संधी मिळत असून, भविष्यात राष्ट्रीय व आंतरराष्ट्रीय स्तरावरील खेळाडू घडण्यास मदत होईल. प्रास्ताविकात प्रा. डॉ. पांडुरंग रणमाळ यांनी, तीन दिवस चाललेल्या या राज्यस्तरीय स्पर्धेत ६०० हून अधिक खेळाडूंनी सहभाग नोंदविला. सहभागी खेळाडूंच्या निवास, भोजन, पदके व ट्रॉफी आदींची व्यवस्था संघटनेमार्फत करण्यात आली होती. ही स्पर्धा प्रामुख्याने १० व १२ वर्षांखालील वयोगटातील खेळाडूंसाठी असल्याने लहान वयातच खेळाडूंना राज्यस्तरीय स्पर्धेचा अनुभव मिळत आहे. या खेळाडूंमधून भविष्यात देशाचे नाव उज्ज्वल करणारे उत्कृष्ट तलवारबाज निर्माण होतील, असा विश्वासही त्यांनी व्यक्त केला. यावेळी विविध गटांतील विजेत्या व गुणवंत खेळाडूंना मान्यवरांच्या हस्ते पदक, ट्रॉफी व बक्षिसांचे वितरण करण्यात आले. विजेत्या खेळाडूंचे उपस्थित मान्यवरांनी अभिनंदन करून पुढील वाटचालीस शुभेच्छा दिल्या. सूत्रसंचालन सुशील देशमुख यांनी केले, तर गोविंद शर्मा यांनी आभार प्रदर्शन केले. स्पर्धा यशस्वीतेसाठी अजय देशमुख, अनिल देशमुख, अनिल राऊळे, विनीत रणमाळ, सुशील जोरगेकर, संतोष तुरे, संजय भुमकर, पिराजी कुसळे यांनी विशेष परिश्रम घेतले.