છ મહિના જૂના એક વાહન ચોરી કેસનો ભેદ ઉકેલાઈ ગયો છે. આ કેસમાં આરોપીની ધરપકડ કરવામાં આવી છે અને તેની પાસેથી ચોરાયેલું એક્સેસ મોપેડ પણ કબજે કરવામાં આવ્યું છે.

જૂનાગઢ જિલ્લાના ભાટ સીમરોલી ગામમાં પ્રેમ પ્રકરણને કારણે બે પરિવારો વચ્ચે તણાવ સર્જાતા મારામારીની ઘટના બની છે. મળતી માહિતી મુજબ, છોકરીના પરિવારજનોએ યુવકના પરિવાર પર હુમલો કરવાનો આરોપ લગાવ્યો છે. ફરિયાદ મુજબ, આ હુમલા દરમિયાન યુવકના પિતા અને ભાઈને જાનથી મારી નાખવાની ધમકી આપવામાં આવી હતી. આ સાથે જ યુવકની ભાભીને પણ ધમકાવવાનો આરોપ છે. આ ઘટનામાં પિતા અને પુત્ર ઘાયલ થયા હતા, જેમને તાત્કાલિક સારવાર માટે હોસ્પિટલમાં દાખલ કરવામાં આવ્યા હતા. ઘટના બાદ થોડા સમય માટે વિસ્તારમાં તણાવનો માહોલ છવાઈ ગયો હતો.

સુરત રેલ્વે પોલીસ (GRP) દ્વારા એક પ્રશંસનીય કામગીરી કરવામાં આવી છે, જેમાં ચોરી થયેલો કુલ ₹ 56,99,374 નો મુદ્દામાલ શોધી કાઢવામાં આવ્યો છે. રેલ્વે પોલીસની આ કાર્યવાહીમાં ચોરી થયેલા સોનાના 3 બિસ્કિટ અને 67 નંગ મોબાઈલ ફોન સફળતાપૂર્વક કબજે કરવામાં આવ્યા છે.

સુરતના મોટા વરાછા સ્થિત સ્વામિનારાયણ મંદિર સર્કલ પાસે એક દારૂડિયાએ હાઈ વોલ્ટેજ ડ્રામા કર્યો હતો. આ દારૂડિયો પીધેલી હાલતમાં રોડની વચ્ચે ઢોરની જેમ પડ્યો હતો. આ ઘટનાને જોતા, સ્થાનિકોએ માનવતા દર્શાવીને તેને રસ્તા પરથી ખસેડીને બાજુ પર મૂક્યો હતો. આવી હરકતોથી જાહેર રસ્તા પર કોના માટે જોખમ ઊભું થાય છે તે અંગે સવાલો ઉભા થયા છે.

લિંબાયત પોલીસે ઉધના પોલીસ સ્ટેશનમાં નોંધાયેલા છ મહિના જૂના, અનડિટેક્ટ વાહન ચોરીના ગુનાનો સફળતાપૂર્વક ભેદ ઉકેલ્યો છે. આ પ્રકરણમાં, લિંબાયત પોલીસે લિંબાયતની બેઠી કોલોની, મીઠીખાડી વિસ્તારના રહેવાસી ૨૧ વર્ષીય અસરફ સરફરાજ આલમ અંસારીની ધરપકડ કરી છે. આરોપીના કબજામાંથી ચોરી થયેલી એક્સેસ મોપેડ (GJ-05-NL-7409) કબ્જે કરવામાં આવી છે, જેની અંદાજિત કિંમત ₹18,000 છે.

ગ્વાલિયરના ડબરા વિસ્તારમાં એક ચોંકાવનારી ઘટના સામે આવી છે, જ્યાં પાંચ યુવકોએ મળીને એક 17 વર્ષીય સગીર યુવકનું અપહરણ કર્યું અને તેની સાથે ક્રૂર મારપીટ કરી હોવાના આરોપ છે. પ્રાપ્ત માહિતી અનુસાર, સગીર પોતાના પરિવાર સાથે ભોજન માટે બહાર ગયો હતો તે સમયે તે સલૂનમાં ગયો હતો. આ જ દરમિયાન, આરોપીઓએ તેને બળજબરીપૂર્વક ઉપાડી જઈ ગંભીર રીતે માર માર્યો હતો. આરોપીઓ બાદમાં યુવકને સહારાઈ બ્રિજ નજીક છોડીને ઘટનાસ્થળેથી ફરાર થઈ ગયા હતા. આ ઘટનાની જાણ થતાં જ સગીરના પરિવારજનોએ ડબરા પોલીસ સ્ટેશનમાં લેખિત ફરિયાદ નોંધાવી હતી. પરિવારની ફરિયાદના આધારે, પોલીસે અપહરણ અને મારપીટનો ગુનો નોંધીને આ મામલે સઘન તપાસ શરૂ કરી છે.

છ મહિના જૂના એક વાહન ચોરી કેસનો ભેદ ઉકેલાઈ ગયો છે. આ કેસમાં આરોપીની ધરપકડ કરવામાં આવી છે અને તેની પાસેથી ચોરાયેલું એક્સેસ મોપેડ પણ કબજે કરવામાં આવ્યું છે.

મોંઘવારીએ આમ જનતા પર 'ત્રિપલ એટેક' કર્યો છે. પેટ્રોલ અને ડીઝલના ભાવમાં થયેલા વધારા બાદ હવે સીએનજીના ભાવમાં પણ વધારો થયો છે, જેના કારણે સામાન્ય લોકોની મુશ્કેલીઓ વધી ગઈ છે અને તેમની આર્થિક સ્થિતિ પર ગંભીર અસર પડી છે.

સુરતના કતારગામના અવધુતનગર વિસ્તારમાં કચરાના ઢગલામાંથી મૃત હાલતમાં નવજાત બાળક મળી આવવાના કેસમાં ચોકબજાર પોલીસને મોટી સફળતા મળી છે. પોલીસે નવજાત શિશુને કચરાના ઢગલામાં ત્યજી દેનાર માતાની ધરપકડ કરી છે. CCTV ફૂટેજ અને ટેકનિકલ તપાસના આધારે કાર્યવાહી કરતા, પોલીસે શાંતિનગર સોસાયટીમાંથી 43 વર્ષીય મહિલાને ઝડપી પાડી. પૂછપરછ દરમિયાન, આ મહિલાએ સમાજમાં બદનામીના ડરથી પોતાના ઘરે જન્મેલા બાળકને પ્લાસ્ટિકની થેલીમાં મૂકીને કચરાના ઢગલામાં ફેંકી દીધાની કબૂલાત કરી હતી. આ મામલે ચોકબજાર પોલીસે આરોપી મહિલા વિરુદ્ધ ભારતીય ન્યાય સંહિતા હેઠળ ગુનો નોંધીને વધુ તપાસ હાથ ધરી છે.