ବରଗଡ଼ ଜିଲ୍ଲାର ବରପାଲିରେ ୧୪୯ତମ ଶୀତଳ ଷଷ୍ଠୀ ଯାତ୍ରା ମହାସମାରୋହରେ ପାଳିତ ହୋଇଛି, ଯେଉଁଥିରେ ଆଜି ଶୁଭ ଲଗ୍ନରେ ବାବା କପିଳେଶ୍ୱର ଓ ମାତା ପାର୍ବତୀଙ୍କ ବୈଦିକ ରୀତିରେ ବିବାହ କାର୍ଯ୍ୟ ସମ୍ପନ୍ନ ହୋଇଛି। ବରପାଲି ସହର ଲୋକାରଣ୍ୟ ହୋଇପଡ଼ିଛି ଏବଂ ବିଜେପୁର ବିଧାୟକ ସନତ କୁମାର ଗଡତିଆ, ଭଟଲି ବିଧାୟକ ଇରାଶିଷ ଆଚାର୍ଯ୍ୟ ଓ ରେଙ୍ଗାଲି ବିଧାୟକ ସୁଦର୍ଶନ ହରିପାଲ ସାଂସ୍କୃତିକ ମଞ୍ଚରେ ଯୋଗଦାନ କରି ଏହାର ଶୋଭା ବର୍ଦ୍ଧନ କରିଛନ୍ତି। ଏହି ଯାତ୍ରାକୁ 'ବୈଠକୀ ଯାତ୍ରା' କୁହାଯାଏ। ଗତକାଲି ମଧ୍ୟରାତ୍ରରେ ବାବାଙ୍କ ବରାତ ବାହାରି ନଗର ପରିକ୍ରମା କରିଥିଲା ଏବଂ ସକାଳ ପ୍ରାୟ ୬ ଘଣ୍ଟା ସମୟରେ ହିମାଦ୍ରୀ ନଗର ମଣ୍ଡପରେ ପହଞ୍ଚିଥିଲା। ବରାତି ଶୋଭାଯାତ୍ରାରେ ଡମ୍ବରୁ ପାର୍ଟି, ମହକାଲ ଦଳ, ମୂର୍ତ୍ତି ନୃତ୍ୟ, ଡିଜେ, ଦୁଳ ଦୁଳି, ବ୍ୟାଣ୍ଡ ପାର୍ଟି, ଘଣ୍ଟ ପାର୍ଟି ଆଦି ବହୁ ସାଂସ୍କୃତିକ ଦଳ ସାମିଲ ହୋଇଥିଲେ। ପ୍ରଥମେ ଭୋର୍ ପ୍ରାୟ ୫ ଟା ସମୟରେ କନ୍ୟା ପକ୍ଷରୁ ପ୍ରଥମ ବାଟ ବରଣ କରିବା ପରେ, ଚଳିତ ବର୍ଷର କନ୍ୟା ପିତାମାତା ଶିବ କୁମାର ଅଗ୍ରୱାଲ ଓ ଗାୟତ୍ରୀ ଦେବୀ କପିଳେଶ୍ୱର ବାବାଙ୍କୁ ବିବାହ ମଣ୍ଡପକୁ ପାଛୋଟି ନେଇଥିଲେ। ହିମାଦ୍ରୀ ନଗରର ଶୈବ ଭକ୍ତଗଣ ବରଯାତ୍ରୀ ଦଳକୁ ମଧ୍ୟ ଭବ୍ୟ ସ୍ୱାଗତ କରିଥିଲେ। ବର୍ତ୍ତମାନ ବାବା କପିଳେଶ୍ୱର ଓ ମାତା ପାର୍ବତୀ ହିମାଦ୍ରୀ ନଗର ମଣ୍ଡପଠାରେ ଭକ୍ତଗଣଙ୍କୁ ଦର୍ଶନ ଦେଉଛନ୍ତି। ସନ୍ଧ୍ୟାରେ ହିମାଦ୍ରୀ ନଗର ମଣ୍ଡପରେ ଆୟୋଜିତ କାର୍ଯ୍ୟକ୍ରମରେ ବିଜେପୁର ବିଧାୟକ ସନତ କୁମାର ଗଡତିଆ, ଭଟଲି ବିଧାୟକ ଇରାଶିଷ ଆଚାର୍ଯ୍ୟ, ରେଙ୍ଗାଲି ବିଧାୟକ ସୁଦର୍ଶନ ହରିପାଳ, ବରଗଡ଼ ଜିଲ୍ଲାପାଳ ଆଦିତ୍ୟ ଗୋୟଲ, ବରପାଲି ତହସିଲଦାର ରୁକମଣ ମେହେର ପ୍ରମୁଖ ଯୋଗଦାନ କରିଥିଲେ। ବିଜେପୁର ବିଧାୟକ ନିଜ ଅଭିଭାଷଣରେ ବରପାଲିର ଶୀତଳ ଷଷ୍ଠୀକୁ ଏକ ମହାନ ଐତିହାସିକ ପରମ୍ପରା ବୋଲି କହିବା ସହ ଏହାକୁ କିପରି ଆଗକୁ ବଜାୟ ରଖିବା ଏବଂ ୧୫୦ତମ ମହାସମାରୋହରେ ପାଳନ କରିବା ସେଥିପ୍ରତି ଦୃଷ୍ଟି ଦେବାକୁ କହିଥିଲେ। ଏହି ଅବସରରେ ଓଡ଼ିଆର ସୁନାମଧନ୍ୟ ଗାୟିକା ଦିପ୍ତୀରେଖା ପାଢ଼ୀ ଓ ତାଙ୍କ ଗ୍ରୁପର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବରପାଲି ନଗର ମଣ୍ଡଳ ସଭାପତି ପ୍ରତାପ କେଶରୀ ସିଂ, ଏନଏସି ଚେୟାରମ୍ୟାନ ଦିନେଶ ଗହୀର ଏବଂ କମିଟିର ସୁବୋଧ ଷଡ଼ଙ୍ଗୀ ପ୍ରମୁଖ ମଧ୍ୟ ଉପସ୍ଥିତ ଥିଲେ।

PNC MEDIA

ବରଗଡ଼, ବରଗଡ଼, ଓଡ଼ିଶା•

19 hrs ago

ବରଗଡ଼ ଜିଲ୍ଲାର ବରପାଲିରେ ୧୪୯ତମ ଶୀତଳ ଷଷ୍ଠୀ ଯାତ୍ରା ମହାସମାରୋହରେ ପାଳିତ ହୋଇଛି, ଯେଉଁଥିରେ ଆଜି ଶୁଭ ଲଗ୍ନରେ ବାବା କପିଳେଶ୍ୱର ଓ ମାତା ପାର୍ବତୀଙ୍କ ବୈଦିକ ରୀତିରେ ବିବାହ କାର୍ଯ୍ୟ ସମ୍ପନ୍ନ ହୋଇଛି। ବରପାଲି ସହର ଲୋକାରଣ୍ୟ ହୋଇପଡ଼ିଛି ଏବଂ ବିଜେପୁର ବିଧାୟକ ସନତ କୁମାର ଗଡତିଆ, ଭଟଲି ବିଧାୟକ ଇରାଶିଷ ଆଚାର୍ଯ୍ୟ ଓ ରେଙ୍ଗାଲି ବିଧାୟକ ସୁଦର୍ଶନ ହରିପାଲ ସାଂସ୍କୃତିକ ମଞ୍ଚରେ ଯୋଗଦାନ କରି ଏହାର ଶୋଭା ବର୍ଦ୍ଧନ କରିଛନ୍ତି। ଏହି ଯାତ୍ରାକୁ 'ବୈଠକୀ ଯାତ୍ରା' କୁହାଯାଏ। ଗତକାଲି ମଧ୍ୟରାତ୍ରରେ ବାବାଙ୍କ ବରାତ ବାହାରି ନଗର ପରିକ୍ରମା କରିଥିଲା ଏବଂ ସକାଳ ପ୍ରାୟ ୬ ଘଣ୍ଟା ସମୟରେ ହିମାଦ୍ରୀ ନଗର ମଣ୍ଡପରେ ପହଞ୍ଚିଥିଲା। ବରାତି ଶୋଭାଯାତ୍ରାରେ ଡମ୍ବରୁ ପାର୍ଟି, ମହକାଲ ଦଳ, ମୂର୍ତ୍ତି ନୃତ୍ୟ, ଡିଜେ, ଦୁଳ ଦୁଳି, ବ୍ୟାଣ୍ଡ ପାର୍ଟି, ଘଣ୍ଟ ପାର୍ଟି ଆଦି ବହୁ ସାଂସ୍କୃତିକ ଦଳ ସାମିଲ ହୋଇଥିଲେ। ପ୍ରଥମେ ଭୋର୍ ପ୍ରାୟ ୫ ଟା ସମୟରେ କନ୍ୟା ପକ୍ଷରୁ ପ୍ରଥମ ବାଟ ବରଣ କରିବା ପରେ, ଚଳିତ ବର୍ଷର କନ୍ୟା ପିତାମାତା ଶିବ କୁମାର ଅଗ୍ରୱାଲ ଓ ଗାୟତ୍ରୀ ଦେବୀ କପିଳେଶ୍ୱର ବାବାଙ୍କୁ ବିବାହ ମଣ୍ଡପକୁ ପାଛୋଟି ନେଇଥିଲେ। ହିମାଦ୍ରୀ ନଗରର ଶୈବ ଭକ୍ତଗଣ ବରଯାତ୍ରୀ ଦଳକୁ ମଧ୍ୟ ଭବ୍ୟ ସ୍ୱାଗତ କରିଥିଲେ। ବର୍ତ୍ତମାନ ବାବା କପିଳେଶ୍ୱର ଓ ମାତା ପାର୍ବତୀ ହିମାଦ୍ରୀ ନଗର ମଣ୍ଡପଠାରେ ଭକ୍ତଗଣଙ୍କୁ ଦର୍ଶନ ଦେଉଛନ୍ତି। ସନ୍ଧ୍ୟାରେ ହିମାଦ୍ରୀ ନଗର ମଣ୍ଡପରେ ଆୟୋଜିତ କାର୍ଯ୍ୟକ୍ରମରେ ବିଜେପୁର ବିଧାୟକ ସନତ କୁମାର ଗଡତିଆ, ଭଟଲି ବିଧାୟକ ଇରାଶିଷ ଆଚାର୍ଯ୍ୟ, ରେଙ୍ଗାଲି ବିଧାୟକ ସୁଦର୍ଶନ ହରିପାଳ, ବରଗଡ଼ ଜିଲ୍ଲାପାଳ ଆଦିତ୍ୟ ଗୋୟଲ, ବରପାଲି ତହସିଲଦାର ରୁକମଣ ମେହେର ପ୍ରମୁଖ ଯୋଗଦାନ କରିଥିଲେ। ବିଜେପୁର ବିଧାୟକ ନିଜ ଅଭିଭାଷଣରେ ବରପାଲିର ଶୀତଳ ଷଷ୍ଠୀକୁ ଏକ ମହାନ ଐତିହାସିକ ପରମ୍ପରା ବୋଲି କହିବା ସହ ଏହାକୁ କିପରି ଆଗକୁ ବଜାୟ ରଖିବା ଏବଂ ୧୫୦ତମ ମହାସମାରୋହରେ ପାଳନ କରିବା ସେଥିପ୍ରତି ଦୃଷ୍ଟି ଦେବାକୁ କହିଥିଲେ। ଏହି ଅବସରରେ ଓଡ଼ିଆର ସୁନାମଧନ୍ୟ ଗାୟିକା ଦିପ୍ତୀରେଖା ପାଢ଼ୀ ଓ ତାଙ୍କ ଗ୍ରୁପର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବରପାଲି ନଗର ମଣ୍ଡଳ ସଭାପତି ପ୍ରତାପ କେଶରୀ ସିଂ, ଏନଏସି ଚେୟାରମ୍ୟାନ ଦିନେଶ ଗହୀର ଏବଂ କମିଟିର ସୁବୋଧ ଷଡ଼ଙ୍ଗୀ ପ୍ରମୁଖ ମଧ୍ୟ ଉପସ୍ଥିତ ଥିଲେ।