అన్నమయ్య జిల్లా పీలేరు పట్టణంలోని కోటపల్లెలో ప్రపంచ జనాభా దినోత్సవాన్ని పురస్కరించుకుని తలుపుల ప్రాథమిక ఆరోగ్య కేంద్రం (PHC) ప్రధాన వైద్యాధికారుల ఆధ్వర్యంలో "బిడ్డకు బిడ్డకు మధ్య ఎడం - తల్లి బిడ్డ సురక్షితం" అనే అంశంపై ప్రత్యేక అవగాహన కార్యక్రమం నిర్వహించారు. ప్రణాళికాబద్ధమైన మాతృత్వంతోనే సురక్షితమైన కుటుంబం సాధ్యమని, ఇందుకుగానూ విభిన్న కుటుంబ నియంత్రణ పద్ధతులపై అవగాహన పెంచుకోవాల్సిన అవసరం ఉందని వైద్యాధికారులు డాక్టర్ శ్రీ గిరీష, డాక్టర్ చంద్రశేఖర్ సంయుక్తంగా స్పష్టం చేశారు. కుటుంబ నియంత్రణ అనేది దంపతులు తమ జీవితంలో తీసుకునే అత్యంత కీలకమైన ఆరోగ్యకరమైన నిర్ణయాలలో ఒకటిగా నిలుస్తుందని ఈ సందర్భంగా డాక్టర్ శ్రీ గిరీష పేర్కొన్నారు. గర్భధారణ మధ్య సరైన విరామం పాటించడం వల్ల అనుకోకుండా వచ్చే గర్భధారణలను నివారించడమే కాకుండా తల్లికి, శిశువుకు, కుటుంబానికి మరియు సమాజానికి ఎంతో ప్రయోజనకరంగా ఉంటుందని దంపతులకు వివరించారు. దంపతులు తమ వ్యక్తిగత లక్ష్యాలను సాధించుకోవడానికి, గర్భధారణ సంబంధిత అనారోగ్యాల నుండి రక్షణ పొందేందుకు ఆధునిక గర్భ నిరోధక పద్ధతులపై అవగాహన కలిగి ఉండడం ఎంతో అవసరమని అర్హులైన దంపతులకు డాక్టర్ చంద్రశేఖర్ అవగాహన కల్పించారు. అనంతరం ఈ సందర్భంగా ప్రతిజ్ఞ చేసి, ర్యాలీ కార్యక్రమాన్ని విజయవంతంగా నిర్వహించారు. ఈ అవగాహన కార్యక్రమంలో డిప్యూటీ హెచ్ఇఓ కొండయ్య, పిహెచ్ఎన్ కుసుమ, శ్రీనువాసులు, నాగమ్మ, ఏఎన్ఎం అరుణ, నూర్జహన్, సిహెచ్ఓ సౌజన్యలతో పాటు అంగన్‌వాడీ, ఆశా కార్యకర్తలు, గర్భిణీ స్త్రీలు, పాలిచ్చే తల్లులు మరియు కిషోర్ బాలికలు చురుగ్గా పాల్గొన్నారు.

SK masthan saheb

పీలేరు, అన్నమయ్య, ఆంధ్రప్రదేశ్•

9 hrs ago

అన్నమయ్య జిల్లా పీలేరు పట్టణంలోని కోటపల్లెలో ప్రపంచ జనాభా దినోత్సవాన్ని పురస్కరించుకుని తలుపుల ప్రాథమిక ఆరోగ్య కేంద్రం (PHC) ప్రధాన వైద్యాధికారుల ఆధ్వర్యంలో "బిడ్డకు బిడ్డకు మధ్య ఎడం - తల్లి బిడ్డ సురక్షితం" అనే అంశంపై ప్రత్యేక అవగాహన కార్యక్రమం నిర్వహించారు. ప్రణాళికాబద్ధమైన మాతృత్వంతోనే సురక్షితమైన కుటుంబం సాధ్యమని, ఇందుకుగానూ విభిన్న కుటుంబ నియంత్రణ పద్ధతులపై అవగాహన పెంచుకోవాల్సిన అవసరం ఉందని వైద్యాధికారులు డాక్టర్ శ్రీ గిరీష, డాక్టర్ చంద్రశేఖర్ సంయుక్తంగా స్పష్టం చేశారు. కుటుంబ నియంత్రణ అనేది దంపతులు తమ జీవితంలో తీసుకునే అత్యంత కీలకమైన ఆరోగ్యకరమైన నిర్ణయాలలో ఒకటిగా నిలుస్తుందని ఈ సందర్భంగా డాక్టర్ శ్రీ గిరీష పేర్కొన్నారు. గర్భధారణ మధ్య సరైన విరామం పాటించడం వల్ల అనుకోకుండా వచ్చే గర్భధారణలను నివారించడమే కాకుండా తల్లికి, శిశువుకు, కుటుంబానికి మరియు సమాజానికి ఎంతో ప్రయోజనకరంగా ఉంటుందని దంపతులకు వివరించారు. దంపతులు తమ వ్యక్తిగత లక్ష్యాలను సాధించుకోవడానికి, గర్భధారణ సంబంధిత అనారోగ్యాల నుండి రక్షణ పొందేందుకు ఆధునిక గర్భ నిరోధక పద్ధతులపై అవగాహన కలిగి ఉండడం ఎంతో అవసరమని అర్హులైన దంపతులకు డాక్టర్ చంద్రశేఖర్ అవగాహన కల్పించారు. అనంతరం ఈ సందర్భంగా ప్రతిజ్ఞ చేసి, ర్యాలీ కార్యక్రమాన్ని విజయవంతంగా నిర్వహించారు. ఈ అవగాహన కార్యక్రమంలో డిప్యూటీ హెచ్ఇఓ కొండయ్య, పిహెచ్ఎన్ కుసుమ, శ్రీనువాసులు, నాగమ్మ, ఏఎన్ఎం అరుణ, నూర్జహన్, సిహెచ్ఓ సౌజన్యలతో పాటు అంగన్‌వాడీ, ఆశా కార్యకర్తలు, గర్భిణీ స్త్రీలు, పాలిచ్చే తల్లులు మరియు కిషోర్ బాలికలు చురుగ్గా పాల్గొన్నారు.