అన్నమయ్య జిల్లా మదనపల్లె పట్టణంలోని అప్పారావు తోట ప్రాంతంలో పోలీసులు నిర్వహించిన ఆకస్మిక సోదాల్లో భారీ మొత్తంలో కూల్ లిప్స్, గుట్కా, పాన్ పరాగ్ ఉత్పత్తులు పట్టుబడ్డాయి. జిల్లా ఎస్పీ ధీరజ్ కునుబిల్లి ఆదేశాల మేరకు నాలుగు ప్రత్యేక బృందాలు పట్టణంలోని పలు దుకాణాల్లో తనిఖీలు నిర్వహించగా, లక్షల రూపాయల విలువైన నిషేధిత పొగాకు ఉత్పత్తులు లభ్యమయ్యాయి. ఈ తనిఖీల్లో స్వాధీనం చేసుకున్న సరుకును పోలీసులు సీజ్ చేశారు. ఈ ఘటనపై కేసు నమోదు చేసి తదుపరి దర్యాప్తు కొనసాగిస్తున్నట్లు పోలీసులు స్పష్టం చేశారు.

అన్నమయ్య జిల్లా మదనపల్లె పట్టణంలోని అప్పారావు తోట ప్రాంతంలో పోలీసులు నిర్వహించిన ఆకస్మిక సోదాల్లో భారీ మొత్తంలో కూల్ లిప్స్, గుట్కా, పాన్ పరాగ్ ఉత్పత్తులు పట్టుబడ్డాయి. జిల్లా ఎస్పీ ధీరజ్ కునుబిల్లి ఆదేశాల మేరకు నాలుగు ప్రత్యేక బృందాలు పట్టణంలోని పలు దుకాణాల్లో తనిఖీలు నిర్వహించగా, లక్షల రూపాయల విలువైన నిషేధిత పొగాకు ఉత్పత్తులు లభ్యమయ్యాయి. ఈ తనిఖీల్లో స్వాధీనం చేసుకున్న సరుకును పోలీసులు సీజ్ చేశారు. ఈ ఘటనపై కేసు నమోదు చేసి తదుపరి దర్యాప్తు కొనసాగిస్తున్నట్లు పోలీసులు స్పష్టం చేశారు.

చిత్తూరు జిల్లా సోమల పీహెచ్సీ వైద్యాధికారులు డాక్టర్ ప్రదీప్ మరియు డాక్టర్ రాజ్ కుమార్ ల ఆధ్వర్యంలో ప్రపంచ జనాభా దినోత్సవాన్ని పురస్కరించుకొని ప్రత్యేక అవగాహన కార్యక్రమాలను నిర్వహించారు. ఈ సందర్భంగా ఏర్పాటు చేసిన సమావేశంలో వైద్యాధికారులు మాట్లాడుతూ, పిల్లల మధ్య ఎడమ పాటిద్దాం-ఆరోగ్యంగా ఉందాం అని ప్రజలకు పిలుపునిచ్చారు. ప్రణాళికాబద్ధమైన మాతృత్వం కోసం గర్భధారణల మధ్య ఆరోగ్యకరమైన అంతరం మరియు సమయం పాటించాలని వైద్యాధికారులు సూచించారు. ఈ సందర్భంగా అవగాహన కల్పిస్తూ వైద్యులు గ్రామంలో ఒక ర్యాలీని కూడా నిర్వహించారు.

తిరుమలలో బ్రేక్ దర్శనం, తోమాల సేవ, శ్రీవాణి టికెట్ మరియు వసతి కల్పిస్తామని నమ్మించి, హైదరాబాద్‌కు చెందిన ఒక భక్తి కుటుంబం నుంచి రూ.1.14 లక్షలను టి. అరుణ్ కుమార్ అనే వ్యక్తి వసూలు చేసిన ఘటన వెలుగులోకి వచ్చింది. బాధితుల కథనం ప్రకారం, నిందితుడు కేవలం ఒక శ్రీవాణి టికెట్‌ను మాత్రమే పంపి, ఆ తర్వాత తన ఫోన్‌ను స్విచ్ ఆఫ్ చేశాడు. ఈ మోసంపై బాధితుల తరఫున అడ్వకేట్ జి. వెంకటేశ్వర్లు తిరుమల అధికారులు మరియు పోలీసులకు ఫిర్యాదు చేశారు. నిందితుడు ఆ తర్వాత రూ.1.03 లక్షలను తిరిగి చెల్లించినప్పటికీ, ఈ వ్యవహారంపై పూర్తి స్థాయి దర్యాప్తు జరిపి బాధ్యులపై కఠిన చర్యలు తీసుకోవాలని ఆయన డిమాండ్ చేశారు. దర్శనాలు మరియు వసతి పేరుతో దళారులను నమ్మవద్దని, భక్తులందరూ కేవలం అధికారిక విధానాల ద్వారానే టికెట్లు, వసతిని బుక్ చేసుకోవాలని ఆయన సూచించారు.

వైఎస్ఆర్ జిల్లా బద్వేల్ నియోజకవర్గ నూతన టీడీపీ ఇన్‌ఛార్జ్‌గా డీసీసీబీ ఛైర్మన్ మంచూరి సూర్యనారాయణరెడ్డికి సీఎం చంద్రబాబు బాధ్యతలు అప్పగించారు. ఈ నిర్ణయంతో సంతోషంలో మునిగిపోయిన ఆయన వర్గీయులు, అనుచరులు బద్వేల్ పట్టణంలోని నాలుగు రోడ్ల కూడలిలో బాణాసంచా పేలుస్తూ ఘనంగా సంబరాలు చేసుకుంటున్నారు. గతంలో ఈ నియోజకవర్గ ఇన్‌ఛార్జ్‌గా రితేశ్ రెడ్డి వ్యవహరించారు. ఇప్పుడు మంచూరి సూర్యనారాయణరెడ్డికి బాధ్యతలు అప్పగించడంతో ఆయన అనుచరులు బద్వేలులో పెద్ద ఎత్తున విజయోత్సవాలు జరుపుకుంటున్నారు.

శ్రీ సత్యసాయి జిల్లా పుట్టపర్తిలో ప్రపంచ జనాభా దినోత్సవాన్ని పురస్కరించుకుని జిల్లా వైద్య మరియు ఆరోగ్యశాఖ ఆధ్వర్యంలో శనివారం ఘనంగా అవగాహన ర్యాలీ నిర్వహించారు. ఈ కార్యక్రమానికి జిల్లా కలెక్టర్ ఎ. శ్యామ్ ప్రసాద్ ముఖ్య అతిథిగా హాజరయ్యారు. జిల్లా వైద్య మరియు ఆరోగ్యశాఖ కార్యాలయం నుండి వై జంక్షన్ వరకు నిర్వహించిన ఈ భారీ అవగాహన ర్యాలీని కలెక్టర్ జెండా ఊపి ప్రారంభించారు. కుటుంబ నియంత్రణ, మాతా–శిశు ఆరోగ్యం, మహిళల సాధికారత, బాలికల విద్య, బాధ్యతాయుతమైన తల్లిదండ్రత్వం మరియు సమతుల్య జనాభా ద్వారా ఆరోగ్యవంతమైన సమాజ నిర్మాణంపై ప్రజల్లో అవగాహన కల్పించడమే ధ్యేయంగా ఈ కార్యక్రమం సాగింది. ఈ సందర్భంగా జిల్లా కలెక్టర్ మాట్లాడుతూ, భారత ప్రభుత్వం ఈ ఏడాది నిర్దేశించిన నినాదాన్ని ప్రజల్లోకి బలంగా తీసుకెళ్లాలని వైద్య ఆరోగ్యశాఖ సిబ్బందికి సూచించారు. "పిల్లల మధ్య సరైన ఎడం – ఆరోగ్యకరమైన, ఆనందకరమైన కుటుంబానికి ఆధారం", "పిల్లల మధ్య ఎడం పాటిద్దాం – ఆరోగ్యవంతమైన, సంతోషకరమైన కుటుంబాన్ని నిర్మిద్దాం" అనే నినాదాలతో ప్రజల్లో చైతన్యం తీసుకురావాలని పిలుపునిచ్చారు. జననాల మధ్య సరైన విరామం, మాతా–శిశు సంక్షేమం, మహిళల ఆరోగ్యం మరియు లింగ సమానత్వంపై ప్రజలను చైతన్యపరచడమే ఈ దినోత్సవం ముఖ్య ఉద్దేశమని కలెక్టర్ తెలిపారు. ప్రభుత్వం ఆసుపత్రుల ద్వారా ఉచితంగా అందిస్తున్న కుటుంబ నియంత్రణ సేవలను దంపతులు సద్వినియోగం చేసుకోవాలని కోరారు. జిల్లా వైద్య మరియు ఆరోగ్య అధికారి (DM&HO) డాక్టర్ ఎస్. ఫైరోజా బేగం ఆధ్వర్యంలో జరిగిన ఈ ర్యాలీలో ఎన్‌సీడీ–సీడీ ప్రోగ్రామ్ ఆఫీసర్ డాక్టర్ సునీల్ కుమార్, స్టాటిస్టికల్ ఆఫీసర్ కె. కళాధర్, డిపిహెచ్‌ఎన్‌ఓ వీరమ్మ, డిప్యూటీ డెమో సుబ్రహ్మణ్యం, జిల్లా ప్రోగ్రామ్ ఆఫీసర్ నాగరాజు పాల్గొన్నారు. వీరితో పాటు వైద్యాధికారులు డాక్టర్ సుమదుర, డాక్టర్ గాయత్రి, సీహెచ్‌ఓ శివరామ్, సూపర్‌వైజర్ రామమోహన్, అలాగే ఏఎన్‌ఎంలు, ఎంఎల్‌హెచ్‌పీలు, ఆశా కార్యకర్తలు ప్లకార్డులతో నినాదాలు చేస్తూ ఉత్సాహంగా పాల్గొన్నారు.

వైఎస్ఆర్ జిల్లా సిద్ధవటం గ్రామంలోని పురాతన శ్రీదేవి భూదేవి సమేత రంగనాథ స్వామి ఆలయానికి చెందిన విలువైన భూములు అన్యాక్రాంతమవుతున్నాయి. ఆలయంలో ఒకపక్క అభివృద్ధి పనులు జరుగుతున్నప్పటికీ, దేవాదాయ (ఎండోమెంట్) శాఖ సిబ్బంది తీవ్ర నిర్లక్ష్యం కారణంగా స్వామివారి మాన్యాలు కబ్జాదారుల చేతుల్లోకి వెళ్తున్నాయి. ఇప్పటికే పలు సర్వే నంబర్ల పరిధిలో ఎకరాల కొద్దీ భూమి కబ్జాకు గురైనట్లు స్పష్టమైన ఆధారాలు లభ్యమవుతున్నాయి. కబ్జాకు గురైన భూముల వివరాల ప్రకారం, శాఖరాజుపల్లిలోని సర్వే నంబర్ 261లో 2 ఎకరాలకు పైగా, నేకనాపురం పరిధిలోని సర్వే నంబర్ 177లో 1 ఎకరా 16 సెంట్లు, సర్వే నంబర్ 36లో 23 సెంట్లు భూమి ఆక్రమణకు గురయ్యాయి. అలాగే వంతాటిపల్లె పరిధిలో సర్వే నంబర్ 157లో 58 సెంట్లు, సర్వే నంబర్ 164లో 38 సెంట్లు, సర్వే నంబర్ 185లో 1 ఎకరా 80 సెంట్లు భూమి అన్యాక్రాంతమైంది. పేర్కొన్న వివరాలే కాకుండా, రంగనాథ స్వామి ఆలయానికి చెందిన మరికొన్ని భూములు కూడా కబ్జాదారుల చేతుల్లోనే ఉన్నట్లు సమాచారం.

ఉప ముఖ్యమంత్రి శ్రీ పవన్ కళ్యాణ్ గారికి శస్త్ర చికిత్స జరిగింది. ఆయన రెండు భుజాలకు రొటేటర్ కఫ్ ఇంజ్యూరీస్ కావడంతో, వైద్యులు తొలుత కుడి భుజానికి శస్త్ర చికిత్సను నిర్వహించారు. ఈ శస్త్ర చికిత్స సుమారు మూడున్నర గంటలపాటు కొనసాగింది. 2016లో జరిగిన గాయాలకు తోడు, పోరాట యాత్ర నుండి గత ఎన్నికల ప్రచారం వరకు పార్టీ శ్రేణులు, అభిమానులు ఆయన చేతులు పట్టి లాగడం వల్ల ఈ రొటేటర్ కఫ్ గాయాలు తీవ్రతరమయ్యాయని సమాచారం.