நாமக்கல் மாவட்டம் மோகனூர் அருகே நிலப் பிரச்சினையில் உரிய நடவடிக்கை எடுக்கக் கோரி மொட்டைய கவுண்டர்(88) முதியவர் நாமக்கல் மாவட்ட ஆட்சியர் அலுவலகத்தில் மண்ணெண்ணெய் ஊற்றிக்கொண்ட சம்பவம் பரபரப்பை ஏற்படுத்தியது. நாமக்கல் மாவட்டம் மோகனூர் வட்டம் அரசநத்தம் கிராமத்தைச் சேர்ந்த மொட்டைய கவுண்டர் (88) என்பவருக்குச் சொந்தமான நிலம், சர்வே எண் 261A/2K, பட்டா எண் 233-ல் அமைந்துள்ளது. இந்த நிலத்தின் எல்லைகளை அளவீடு செய்து கம்பிவேலி அமைப்பதற்காக வருவாய்த் துறையிடம் மனு அளிக்கப்பட்டது. தொடர்ந்து, குறுவட்ட அளவர் மூலம் நிலம் அளவீடு செய்யப்பட்டு எல்லைக் கற்கள் நடப்பட்டன. இந்நிலையில், கடந்த 20-ம் தேதி மதியம் சுமார் 12 மணியளவில், அப்பகுதியைச் சேர்ந்த சிலர் கூட்டாக சேர்ந்து கொண்டு நிலத்தில் நடப்பட்டிருந்த எல்லைக் கற்களை உடைத்து சேதப்படுத்தியதாகக் கூறப்படுகிறது. இதுதொடர்பாக மோகனூர் காவல் நிலையத்தில் புகார் அளித்தும் இதுவரை உரிய நடவடிக்கை எடுக்கப்படவில்லை என முதியவர் வேதனையுடன் தெரிவித்தார்.மேலும், தனது நிலத்தைப் பாதுகாக்கவும், எல்லைக் கற்களைச் சேதப்படுத்தியவர்கள் மீது நடவடிக்கை எடுக்கவும் கோரி தமிழக முதல்வர் மற்றும் மாவட்ட நிர்வாகத்திடம் கோரிக்கை மனு அளித்தும் பயன் இல்லை எனவும் கூறினார். இந்நிலையில், தனது புகார் மீது நடவடிக்கை எடுக்க வலியுறுத்தி நாமக்கல் மாவட்ட ஆட்சியர் அலுவலகத்திற்கு வந்த மொட்டைய கவுண்டர், அங்கு மண்ணெண்ணெய் ஊற்றி கொண்டார்.அங்கு இருந்த காவலர் தடுத்து நிறுத்தி அவர் மீது தண்ணீரை ஊற்றி அமர வைத்தனர். இதனால் ஆட்சியர் அலுவலகத்தில் பரபரப்பான சூழ்நிலை ஏற்பட்டது. தனது நிலம் மற்றும் உயிருக்கு உரிய பாதுகாப்பு வழங்க வேண்டும் என்றும், நிலப் பிரச்சினை தொடர்பாக விசாரணை நடத்தி உரிய நடவடிக்கை எடுக்க வேண்டும் என்றும் முதியவர் கோரிக்கை விடுத்துள்ளது குறிப்பிடத்தக்கது.

SRIDHAR C

நாமக்கல், நாமக்கல், தமிழ்நாடு•

6 hrs ago

நாமக்கல் மாவட்டம் மோகனூர் அருகே நிலப் பிரச்சினையில் உரிய நடவடிக்கை எடுக்கக் கோரி மொட்டைய கவுண்டர்(88) முதியவர் நாமக்கல் மாவட்ட ஆட்சியர் அலுவலகத்தில் மண்ணெண்ணெய் ஊற்றிக்கொண்ட சம்பவம் பரபரப்பை ஏற்படுத்தியது. நாமக்கல் மாவட்டம் மோகனூர் வட்டம் அரசநத்தம் கிராமத்தைச் சேர்ந்த மொட்டைய கவுண்டர் (88) என்பவருக்குச் சொந்தமான நிலம், சர்வே எண் 261A/2K, பட்டா எண் 233-ல் அமைந்துள்ளது. இந்த நிலத்தின் எல்லைகளை அளவீடு செய்து கம்பிவேலி அமைப்பதற்காக வருவாய்த் துறையிடம் மனு அளிக்கப்பட்டது. தொடர்ந்து, குறுவட்ட அளவர் மூலம் நிலம் அளவீடு செய்யப்பட்டு எல்லைக் கற்கள் நடப்பட்டன. இந்நிலையில், கடந்த 20-ம் தேதி மதியம் சுமார் 12 மணியளவில், அப்பகுதியைச் சேர்ந்த சிலர் கூட்டாக சேர்ந்து கொண்டு நிலத்தில் நடப்பட்டிருந்த எல்லைக் கற்களை உடைத்து சேதப்படுத்தியதாகக் கூறப்படுகிறது. இதுதொடர்பாக மோகனூர் காவல் நிலையத்தில் புகார் அளித்தும் இதுவரை உரிய நடவடிக்கை எடுக்கப்படவில்லை என முதியவர் வேதனையுடன் தெரிவித்தார்.மேலும், தனது நிலத்தைப் பாதுகாக்கவும், எல்லைக் கற்களைச் சேதப்படுத்தியவர்கள் மீது நடவடிக்கை எடுக்கவும் கோரி தமிழக முதல்வர் மற்றும் மாவட்ட நிர்வாகத்திடம் கோரிக்கை மனு அளித்தும் பயன் இல்லை எனவும் கூறினார். இந்நிலையில், தனது புகார் மீது நடவடிக்கை எடுக்க வலியுறுத்தி நாமக்கல் மாவட்ட ஆட்சியர் அலுவலகத்திற்கு வந்த மொட்டைய கவுண்டர், அங்கு மண்ணெண்ணெய் ஊற்றி கொண்டார்.அங்கு இருந்த காவலர் தடுத்து நிறுத்தி அவர் மீது தண்ணீரை ஊற்றி அமர வைத்தனர். இதனால் ஆட்சியர் அலுவலகத்தில் பரபரப்பான சூழ்நிலை ஏற்பட்டது. தனது நிலம் மற்றும் உயிருக்கு உரிய பாதுகாப்பு வழங்க வேண்டும் என்றும், நிலப் பிரச்சினை தொடர்பாக விசாரணை நடத்தி உரிய நடவடிக்கை எடுக்க வேண்டும் என்றும் முதியவர் கோரிக்கை விடுத்துள்ளது குறிப்பிடத்தக்கது.