*परभणी शहरात वाढत्या उष्णतेमुळे एक दिवसाआड पाणीपुरवठ्याची गरज..!* *उष्णतेमुळे शहरात पाण्याची पातळी घटली परभणी : शहरात दिवसेंदिवस वाढत असलेल्या तीव्र उष्णतेमुळे जलस्रोतांतील पाण्याची पातळी मोठ्या प्रमाणात घटत असून भविष्यात गंभीर पाणीटंचाई निर्माण होण्याची शक्यता व्यक्त केली जात आहे. शहरात आठ किंवा सात दिवसांनी शहरात पाणी पुरवठा केला जातो. या पार्श्वभूमीवर शहरात तात्पुरत्या स्वरूपात एक दिवसाआड पाणीपुरवठा योजना लागू करण्यात यावी, अशी मागणी नागरिकांतून जोर धरत आहे. सध्या शहरातील तापमान तब्बल ४२ अंश सेल्सिअसपर्यंत पोहोचले असून वाढत्या उष्णतेचा परिणाम घरगुती बोअरवेल, विहिरी तसेच इतर जलस्रोतांवर दिसून येत आहे. अनेक भागांमध्ये पाण्याची पातळी कमी झाल्याने नागरिकांना पाणीटंचाईचा सामना करावा लागत आहे. त्यामुळे उपलब्ध पाण्याचे योग्य नियोजन व संवर्धन करणे अत्यावश्यक बनले आहे. यापूर्वी परभणी शहर महानगरपालिका प्रशासनाने शहरात एक दिवसाआड पाणीपुरवठा योजना सुरू केली होती. मात्र, काही कारणास्तव ही योजना बंद करण्यात आली. आता पुन्हा वाढत्या उष्णतेच्या पार्श्वभूमीवर उपलब्ध पाणीसाठा टिकवून ठेवण्यासाठी ही योजना तात्पुरत्या स्वरूपात सुरू करण्यात यावी, अशी मागणी नागरिकांकडून होत आहे. तसेच प्रशासनाने पाणी गळती रोखणे, पाण्याचा अपव्यय टाळण्यासाठी जनजागृती करणे आणि आवश्यक भागात पर्यायी पाणीपुरवठ्याची व्यवस्था करणे, अशा उपाययोजनांवरही भर द्यावा, अशी अपेक्षा व्यक्त केली जात आहे.

Sayad Jamil

Parbhani, Maharashtra•

2 hrs ago

*परभणी शहरात वाढत्या उष्णतेमुळे एक दिवसाआड पाणीपुरवठ्याची गरज..!* *उष्णतेमुळे शहरात पाण्याची पातळी घटली परभणी : शहरात दिवसेंदिवस वाढत असलेल्या तीव्र उष्णतेमुळे जलस्रोतांतील पाण्याची पातळी मोठ्या प्रमाणात घटत असून भविष्यात गंभीर पाणीटंचाई निर्माण होण्याची शक्यता व्यक्त केली जात आहे. शहरात आठ किंवा सात दिवसांनी शहरात पाणी पुरवठा केला जातो. या पार्श्वभूमीवर शहरात तात्पुरत्या स्वरूपात एक दिवसाआड पाणीपुरवठा योजना लागू करण्यात यावी, अशी मागणी नागरिकांतून जोर धरत आहे. सध्या शहरातील तापमान तब्बल ४२ अंश सेल्सिअसपर्यंत पोहोचले असून वाढत्या उष्णतेचा परिणाम घरगुती बोअरवेल, विहिरी तसेच इतर जलस्रोतांवर दिसून येत आहे. अनेक भागांमध्ये पाण्याची पातळी कमी झाल्याने नागरिकांना पाणीटंचाईचा सामना करावा लागत आहे. त्यामुळे उपलब्ध पाण्याचे योग्य नियोजन व संवर्धन करणे अत्यावश्यक बनले आहे. यापूर्वी परभणी शहर महानगरपालिका प्रशासनाने शहरात एक दिवसाआड पाणीपुरवठा योजना सुरू केली होती. मात्र, काही कारणास्तव ही योजना बंद करण्यात आली. आता पुन्हा वाढत्या उष्णतेच्या पार्श्वभूमीवर उपलब्ध पाणीसाठा टिकवून ठेवण्यासाठी ही योजना तात्पुरत्या स्वरूपात सुरू करण्यात यावी, अशी मागणी नागरिकांकडून होत आहे. तसेच प्रशासनाने पाणी गळती रोखणे, पाण्याचा अपव्यय टाळण्यासाठी जनजागृती करणे आणि आवश्यक भागात पर्यायी पाणीपुरवठ्याची व्यवस्था करणे, अशा उपाययोजनांवरही भर द्यावा, अशी अपेक्षा व्यक्त केली जात आहे.