కరీంనగర్ జిల్లా పరిధిలో జరుగుతున్న అక్రమ ఇసుక తవ్వకాలు, రవాణా, మరియు నిల్వలపై కరీంనగర్, టాస్క్‌ఫోర్స్ పోలీసులు తమ నిఘాను మరింత కట్టుదిట్టం చేశారు. ఈ చర్యలలో భాగంగా, జమ్మికుంట మండలం విలాసాగర్ గ్రామంలో టాస్క్‌ఫోర్స్ ఏసీపీ వాసాల సతీష్ నాయకత్వంలో పోలీసులు ఆకస్మిక దాడులు నిర్వహించారు. ఈ దాడుల్లో, గ్రామంలో రహస్యంగా నిల్వ ఉంచిన మూడు భారీ అక్రమ ఇసుక డంప్‌లను గుర్తించి సీజ్ చేశారు. అదేవిధంగా, ఎలాంటి అనుమతులు లేకుండా విలాసాగర్ పరిసర ప్రాంతాల నుండి అక్రమంగా ఇసుకను తరలిస్తున్న రెండు ట్రాక్టర్లను కూడా పట్టుకుని స్వాధీనం చేసుకున్నారు. జిల్లా వ్యాప్తంగా అక్రమ ఇసుక రవాణాపై నిరంతరం నిఘా కొనసాగుతుందని పోలీసులు స్పష్టం చేశారు. నిబంధనలను ఉల్లంఘించిన వారి వాహనాలను సీజ్ చేయడంతో పాటు, మైనింగ్ చట్టాల ప్రకారం క్రిమినల్ కేసులు నమోదు చేస్తామని హెచ్చరించారు.

2 hrs ago

K.V.REDDY

చిగురుమామిడి, కరీంనగర్, తెలంగాణ•

2 hrs ago

రాష్ట్ర ప్రభుత్వ విప్, వేములవాడ ఎమ్మెల్యే ఆది శ్రీనివాస్ సోమవారం వేములవాడ శ్రీ రాజరాజేశ్వర స్వామి దేవస్థానం విస్తరణ, అభివృద్ధి పనులను పరిశీలించారు. ముఖ్యమంత్రి రేవంత్ రెడ్డి నాయకత్వంలో, దేవాదాయ శాఖ మంత్రి, ఉమ్మడి జిల్లా మంత్రుల సహకారంతో రాజన్న ఆలయ అభివృద్ధి పనులు శరవేగంగా సాగుతున్నాయని ఆయన తెలిపారు. సుమారు రూ.150 కోట్ల వ్యయంతో ఈ ఆలయ విస్తరణ, అభివృద్ధి కార్యక్రమాలు చేపడుతున్నారని, భక్తులకు మెరుగైన సౌకర్యాలు కల్పించడమే ప్రభుత్వ లక్ష్యమని ఆది శ్రీనివాస్ స్పష్టం చేశారు. ఈ పనుల పురోగతిని దేవస్థానం ఈవో రమాదేవి, వి.టి.డి.ఏ వైస్ చైర్మన్, దేవాదాయ శాఖ అధికారులు, ఇంజినీరింగ్ అధికారులు ఆది శ్రీనివాస్‌కు వివరించారు. దేశంలో మరెక్కడా లేని విధంగా కోడెలను కట్టే ప్రత్యేక సంప్రదాయం రాజన్న ఆలయానికి ఉందని, ఆ విశిష్టతను కాపాడుతూ ఆగమ శాస్త్ర నిబంధనలకు అనుగుణంగా అభివృద్ధి పనులు చేస్తున్నామని ఆయన పేర్కొన్నారు. శృంగేరి పీఠాధిపతుల సూచనల మేరకు ఆలయ విస్తరణ జరుగుతోందని, ప్రస్తుతం అనిమిటి మండపం, మహా మండపం, బ్రాహ్మణ సత్రం, కోటి లింగాలు, ధర్మగుండం వంటి నిర్మాణ పనులు ఏకకాలంలో కొనసాగుతున్నాయని వివరించారు. అధికారుల సమన్వయంతో పనులు వేగంగా పూర్తయ్యేలా ఆదేశాలు జారీ చేసినట్లు తెలిపారు. రాజన్న ఆలయ అభివృద్ధిపై ముఖ్యమంత్రి రేవంత్ రెడ్డి నిరంతరం సమీక్ష చేస్తున్నారని, ఆలయానికి అవసరమైన నిధులు అందించేందుకు ప్రభుత్వం సిద్ధంగా ఉందని ఆది శ్రీనివాస్ వెల్లడించారు. ఎన్నో సంవత్సరాలుగా భక్తులు ఎదురుచూస్తున్న ఆలయ విస్తరణ ఒక ప్రజా ప్రభుత్వంలో సాకారం అవుతోందని ఆయన అన్నారు. అభివృద్ధి పనులు జరుగుతున్న నేపథ్యంలో భక్తులకు భీమేశ్వర స్వామి సన్నిధిలో దర్శన ఏర్పాట్లు చేసినట్లు ఆయన తెలిపారు. బాసర నుంచి భద్రాచలం వరకు రాష్ట్రంలోని ప్రధాన దేవాలయాల అభివృద్ధికి ప్రభుత్వం ప్రత్యేక ప్రాధాన్యం ఇస్తోందని పేర్కొంటూ, త్వరలోనే రాజన్న ఆలయ అభివృద్ధి, విస్తరణ పనులను పూర్తి చేసి భక్తులకు మరింత సౌకర్యవంతమైన దర్శన భాగ్యం కల్పిస్తామని ఆది శ్రీనివాస్ హామీ ఇచ్చారు. రాజన్న స్వామివారి ఆశీస్సులు రాష్ట్ర ప్రజలందరిపై ఉండాలని ఆయన ఆకాంక్షించారు.

Gampa ramesh

వేములవాడ, రాజన్న సిరిసిల్ల, తెలంగాణ•

12 hrs ago