शेगांवात दिवसाढवळ्या घरफोडी; बंद घर फोडून ५८ हजारांचा ऐवज लंपास, चोरट्यांचा धुमाकूळ सुरूच..! शेगांवात दिवसाढवळ्या घरफोडी; बंद घर फोडून ५८ हजारांचा ऐवज लंपास, चोरट्यांचा धुमाकूळ सुरूच! पारीजात नगरातील घटना; सोन्याचे दागिने, रोकड आणि मौल्यवान वस्तूंवर डल्ला, नागरिकांमध्ये भीतीचे वातावरण शेगाव | प्रतिनिधी शेगाव शहरातील पारीजात नगर, एसबीआय कॉलनी परिसरात बंद घराला लक्ष्य करत अज्ञात चोरट्यांनी घराचे कुलूप तोडून सुमारे ₹५८ हजारांचा मौल्यवान ऐवज लंपास केल्याची धक्कादायक घटना समोर आली आहे. भरवस्तीत घडलेल्या या घरफोडीमुळे परिसरात भीतीचे वातावरण निर्माण झाले असून, शहरातील सुरक्षेवर पुन्हा एकदा प्रश्नचिन्ह निर्माण झाले आहे. पोलिसांनी दिलेल्या माहितीनुसार, प्रदीप रामदास परळीकर (वय ५८) हे ३० जुलै २०२६ रोजी दुपारी पत्नीसमवेत खामगाव येथे मित्राच्या घरी गेले होते. घर आणि कंपाऊंड गेटला कुलूप लावून ते बाहेर पडले. मात्र, सायंकाळी परत आल्यानंतर त्यांना मुख्य दरवाज्याचे तसेच ग्रिल गेटचे कुलूप तुटलेले दिसले. घरात प्रवेश करताच संपूर्ण घर अस्ताव्यस्त झाल्याचे आणि लोखंडी कपाटासह लॉकर फोडल्याचे निदर्शनास आले. तपासणी केली असता सुमारे ५० ग्रॅमचे सोन्याचे मंगळसूत्र, ३.५ ग्रॅमचे सोन्याचे टॉप्स, चांदीच्या तोरड्यांची जोडी, चांदीचे दोन करंडे, गणपतीची चांदीची मूर्ती, ₹६ हजारांची रोकड तसेच टायटन कंपनीची दोन घड्याळे, असा एकूण ₹५८ हजारांचा मुद्देमाल चोरट्यांनी लंपास केल्याचे उघड झाले. या प्रकरणी अज्ञात चोरट्याविरुद्ध भारतीय न्याय संहिता (BNS) कलम ३०५ व ३३१(३) अन्वये शेगाव शहर पोलीस ठाण्यात गुन्हा दाखल करण्यात आला आहे. पोलीस उपनिरीक्षक संदीप बारिंगे पुढील तपास करीत आहेत. शेगाव शहरात वारंवार घडणाऱ्या घरफोडीच्या घटनांमुळे नागरिकांमध्ये असुरक्षिततेची भावना वाढत आहे. बंद घरे चोरट्यांसाठी सहज लक्ष्य ठरत असतील, तर गस्त, सीसीटीव्ही देखरेख आणि संशयितांवर प्रभावी नियंत्रण यंत्रणा अधिक मजबूत करण्याची गरज निर्माण झाली आहे. नागरिकांनीही घर दीर्घकाळ बंद ठेवताना शेजाऱ्यांना माहिती देणे, सीसीटीव्ही बसविणे आणि मौल्यवान वस्तू सुरक्षित ठिकाणी ठेवणे आवश्यक आहे. चोरट्यांचा तातडीने शोध घेऊन अशा गुन्ह्यांना आळा घालण्याची अपेक्षा आता शेगावकर व्यक्त करत आहेत.

Sachin kadukar

Photographer Shegaon, Buldhana•

1 hr ago

शेगांवात दिवसाढवळ्या घरफोडी; बंद घर फोडून ५८ हजारांचा ऐवज लंपास, चोरट्यांचा धुमाकूळ सुरूच..! शेगांवात दिवसाढवळ्या घरफोडी; बंद घर फोडून ५८ हजारांचा ऐवज लंपास, चोरट्यांचा धुमाकूळ सुरूच! पारीजात नगरातील घटना; सोन्याचे दागिने, रोकड आणि मौल्यवान वस्तूंवर डल्ला, नागरिकांमध्ये भीतीचे वातावरण शेगाव | प्रतिनिधी शेगाव शहरातील पारीजात नगर, एसबीआय कॉलनी परिसरात बंद घराला लक्ष्य करत अज्ञात चोरट्यांनी घराचे कुलूप तोडून सुमारे ₹५८ हजारांचा मौल्यवान ऐवज लंपास केल्याची धक्कादायक घटना समोर आली आहे. भरवस्तीत घडलेल्या या घरफोडीमुळे परिसरात भीतीचे वातावरण निर्माण झाले असून, शहरातील सुरक्षेवर पुन्हा एकदा प्रश्नचिन्ह निर्माण झाले आहे. पोलिसांनी दिलेल्या माहितीनुसार, प्रदीप रामदास परळीकर (वय ५८) हे ३० जुलै २०२६ रोजी दुपारी पत्नीसमवेत खामगाव येथे मित्राच्या घरी गेले होते. घर आणि कंपाऊंड गेटला कुलूप लावून ते बाहेर पडले. मात्र, सायंकाळी परत आल्यानंतर त्यांना मुख्य दरवाज्याचे तसेच ग्रिल गेटचे कुलूप तुटलेले दिसले. घरात प्रवेश करताच संपूर्ण घर अस्ताव्यस्त झाल्याचे आणि लोखंडी कपाटासह लॉकर फोडल्याचे निदर्शनास आले. तपासणी केली असता सुमारे ५० ग्रॅमचे सोन्याचे मंगळसूत्र, ३.५ ग्रॅमचे सोन्याचे टॉप्स, चांदीच्या तोरड्यांची जोडी, चांदीचे दोन करंडे, गणपतीची चांदीची मूर्ती, ₹६ हजारांची रोकड तसेच टायटन कंपनीची दोन घड्याळे, असा एकूण ₹५८ हजारांचा मुद्देमाल चोरट्यांनी लंपास केल्याचे उघड झाले. या प्रकरणी अज्ञात चोरट्याविरुद्ध भारतीय न्याय संहिता (BNS) कलम ३०५ व ३३१(३) अन्वये शेगाव शहर पोलीस ठाण्यात गुन्हा दाखल करण्यात आला आहे. पोलीस उपनिरीक्षक संदीप बारिंगे पुढील तपास करीत आहेत. शेगाव शहरात वारंवार घडणाऱ्या घरफोडीच्या घटनांमुळे नागरिकांमध्ये असुरक्षिततेची भावना वाढत आहे. बंद घरे चोरट्यांसाठी सहज लक्ष्य ठरत असतील, तर गस्त, सीसीटीव्ही देखरेख आणि संशयितांवर प्रभावी नियंत्रण यंत्रणा अधिक मजबूत करण्याची गरज निर्माण झाली आहे. नागरिकांनीही घर दीर्घकाळ बंद ठेवताना शेजाऱ्यांना माहिती देणे, सीसीटीव्ही बसविणे आणि मौल्यवान वस्तू सुरक्षित ठिकाणी ठेवणे आवश्यक आहे. चोरट्यांचा तातडीने शोध घेऊन अशा गुन्ह्यांना आळा घालण्याची अपेक्षा आता शेगावकर व्यक्त करत आहेत.