বিশ্বনাথৰ এজন প্ৰতিভাৱান যুৱক বৰ্তমান এক জটিল ৰোগত আক্ৰান্ত হৈ আছে। তেওঁক জীয়াই ৰখাত সহায় কৰিবলৈ আপোনালোকৰ এটি সহায়ে যথেষ্ট অৰিহণা যোগাব পাৰে বুলি আহ্বান জনোৱা হৈছে।

বিশ্বনাথৰ এজন প্ৰতিভাৱান যুৱক বৰ্তমান এক জটিল ৰোগত আক্ৰান্ত হৈ আছে। তেওঁক জীয়াই ৰখাত সহায় কৰিবলৈ আপোনালোকৰ এটি সহায়ে যথেষ্ট অৰিহণা যোগাব পাৰে বুলি আহ্বান জনোৱা হৈছে।

জম্মুগুৰিহাটৰ বটিয়াৰোকা অঞ্চলত পোহনীয়া গাহৰিৰ উপদ্ৰৱে কৃষক ৰাইজক চিন্তিত কৰি তুলিছে। বনৰীয়া গাহৰিৰ পৰিৱৰ্তে এইবাৰ পোহনীয়া গাহৰিয়ে খেতি পথাৰত উপদ্ৰৱ চলাই বিঘাই বিঘাই মৰাপাট, ৰঙলা আৰু কঁচুকে ধৰি বিভিন্ন খেতি নষ্ট কৰিছে, যাৰ ফলত খেতিয়কসকল বিপদত পৰিছে। অভিযোগ অনুসৰি, সন্তোষ বৰ্মণ নামৰ এজন ব্যক্তিৰ পোহনীয়া প্ৰায় ৩০-৩৫ টা গাহৰিয়ে বটিয়াৰোকা গাঁৱৰ খেতিয়কসকলৰ খেতি নষ্ট কৰিছে। এই গাহৰিসমূহ গৰালত নৰখাকৈ মুকলিকৈ এৰি দিয়াৰ বাবেই এই সমস্যাৰ সৃষ্টি হৈছে। খেতিয়কসকলে বাৰম্বাৰ গাহৰিৰ গৰাকী সন্তোষ বৰ্মণক অৱগত কৰাৰ পিছতো তেওঁ এই বিষয়ত কোনো গুৰুত্ব নিদিয়াৰ অভিযোগ উত্থাপন হৈছে। বৰ্তমান, খেতিয়ক ৰাইজে এই পোহনীয়া গাহৰিৰ উপদ্ৰৱৰ পৰা মুক্তি পাবলৈ আৰক্ষী থানাৰ কাষ চাপিব বুলিও জনাইছে।

আজি সমগ্ৰ অসমৰ লগতে বিহপুৰীয়াতো শাখা সাহিত্য সভা কাৰ্যালয়, জনজাতি কৃষ্টি বিকাশ কেন্দ্ৰ বিহপুৰীয়া, বিভিন্ন বিদ্যালয় আৰু ১৯৮৯ চনত প্ৰতিষ্ঠা লাভ কৰা ৰাজবাৰী পদ্মজ্যোতি যুৱক সংঘই দিনজোৰা কাৰ্যসূচীৰে কলাগুৰু বিষ্ণু প্ৰসাদ ৰাভা দিৱস পালন কৰে। পুৱা সন্তপুৰ মধ্য ইংৰাজী বিদ্যালয়ৰ অৱসৰপ্ৰাপ্ত প্ৰধান শিক্ষক যদুমনি মহন্তই পতাকা উত্তোলন কৰি চমু ভাষণত বিষ্ণু ৰাভাৰ ঢাকাৰ পৰা আহি তেজপুৰত স্থায়ী বাসিন্দা হৈ অসমবাসীৰ বাবে কৰি যোৱা সৃষ্টিৰাজীৰ বিশ্লেষণ আগবঢ়াই তেওঁৰ বিপ্লৱী সত্ত্বাক স্মৰণ কৰে। ইয়াৰ পিছতে লোহিত ডিক্ৰং উমা বিদ্যালয়ৰ অধ্যক্ষ দিগন্ত নেওগ আৰু বিহপুৰীয়াৰ জ্যেষ্ঠ সাংবাদিক নৱজ্যোতি শৰ্মাই কলাগুৰু বিষ্ণু ৰাভা আৰু জুবিন গাৰ্গৰ প্ৰতিচ্ছবিৰ সন্মুখত বন্তি প্ৰজ্বলন কৰে। সংঘৰ উপদেষ্টা ৰঞ্জিত পূজাৰীয়ে আঁত ধৰা এই অনুস্থানটি সমাজকৰ্মী জগত মহন্তই শুভ উদ্বোধন কৰে। এই দিনজোৰা কাৰ্যসূচীত নিম্ন শাখা আৰু উচ্চ শাখাৰ প্ৰতিযোগীসকলৰ মাজত ৰাভা সংগীত, চিত্ৰাংকন, সৃষ্টিশীল নৃত্য, নিৰ্বাচিত কবিতাৰ আবৃত্তি আৰু ৰাভা দেৱৰ ওপৰত বক্তৃতা প্ৰদানৰ দৰে বিভিন্ন প্ৰতিযোগিতা অনুষ্ঠিত হয়। দীৰ্ঘদিনৰ বিৰতিৰ অন্তত সম্পাদক পৰমানন্দ শইকীয়া, সভাপতি জয়ন্ত হাজৰিকা আৰু সদস্য যতীন শইকীয়াৰ প্ৰচেষ্টাত এটি স্থায়ী সমৱেত গীত ৰচনা কৰি পৰিৱেশন কৰাত উপস্থিত সকলো আইমাতৃ আৰু যুৱ সমাজে হিয়া উজাৰি আশীৰ্বাদ জনায়।

চামগুৰি সমষ্টিৰ কংগ্ৰেছ কৰ্মী নুৰুল আমিন চৌধুৰীয়ে সাংবাদিকৰ সৈতে হোৱা এক সাক্ষাৎকাৰত ৰৌমাৰী ৰূপহী পঞ্চায়তৰ সভানেত্ৰীৰ স্বামীয়ে পঞ্চায়তৰ কামত হস্তক্ষেপ কৰা বুলি প্ৰচাৰিত বাতৰিৰ সন্দৰ্ভত নিজৰ স্থিতি স্পষ্ট কৰিছে। তেওঁ দৃঢ়তাৰে কৈছে যে নিজৰ পঞ্চায়তত কোনো দুৰ্নীতি হ'বলৈ নিদিয়ে। চৌধুৰীয়ে এই ক্ষেত্ৰত নিজৰ পত্নীক সহায় কৰিব বুলিও স্পষ্ট কৰিছে, যাৰ দ্বাৰা দুৰ্নীতিৰ বিৰুদ্ধে তেওঁ মাত মাতিবলৈ সাজু বুলি বুজাইছে।

নুমলীগড়ৰ জনাঞ্চলত এটা প্ৰকাণ্ড বনৰীয়া হাতীয়ে বিচৰণ কৰি আহিছে। এই বনৰীয়া হাতীটো যিকোনো মুহূৰ্ততে আৱিৰ্ভাৱ হ'ব পাৰে, যাৰ ফলত অঞ্চলটোত এক আতংকময় পৰিৱেশৰ সৃষ্টি হৈছে। কেতিয়াবা এই হাতীটো ৰাজপথত দেখা যায়, আন কেতিয়াবা আকৌ মানুহৰ বাৰীতো ইয়াৰ উপস্থিতি লক্ষ্য কৰা হয়।

নগাঁও জিলাৰ ৰূপহীৰ ভকতগাঁৱত এক শোকাৱহ পথ দুৰ্ঘটনাত মটৰ চাইকেল আৰোহী এজন থিতাতে নিহত হয়। ৰূপহীৰ পৰা নগাঁও অভিমুখে গৈ থকা অৱস্থাত ৰাজ্যিক ঘাইপথৰ ওপৰত AS-12-BC-4085 নম্বৰৰ বালি কঢ়িওয়া এখন ড্ৰাম্পাৰে AS-02-AL-1327 নম্বৰৰ মটৰ চাইকেলখনক মুখামুখী খুন্দা মৰাৰ ফলত এই দুৰ্ঘটনা সংঘটিত হয়। দুৰ্ঘটনাত নিহত মটৰ চাইকেল আৰোহীজনৰ পৰিচয় এতিয়াও উদ্ধাৰ হোৱা নাই। ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে নগাঁও মেডিকেল কলেজলৈ প্ৰেৰণ কৰে।

তেজপুৰৰ দোলাবাৰী ফুলট'লাত এক হৃদয়বিদাৰক ঘটনাত মৰাভৰলীৰ এটা দ-খালত সোমাই দুজনী কন্যা শিশুৰ শোকাবহ মৃত্যু হৈছে। এই দুৰ্ভাগ্যজনক ঘটনাত ১১ বছৰীয়া আয়েছা খাতুন আৰু ১০ বছৰীয়া আৰিফা খাতুনে প্ৰাণ হেৰুৱাইছে। আনহাতে, আয়েছাৰ ৮ বছৰীয়া ভগ্নী চাহিদা খাতুনক স্থানীয় লোকৰ তৎপৰতাত জীৱন্তে উদ্ধাৰ কৰা হৈছে। জানিব পৰা মতে, তিনিওটি শিশু বিদ্যালয়ৰ পৰা ঘৰলৈ আহি খেলি থকাৰ সময়তে মৰাভৰলীৰ এই দ-খালত পৰি গৈছিল। স্থানীয় ৰাইজে তৎক্ষণাত তিনিওটি শিশুক উদ্ধাৰ কৰি তেজপুৰ কনকলতা অসামৰিক চিকিৎসালয়লৈ লৈ যায়। বৰ্তমান জীৱন্তে উদ্ধাৰ হোৱা শিশুটিক উন্নত চিকিৎসাৰ বাবে তেজপুৰ মেডিকেল কলেজ হাস্পতাললৈ প্ৰেৰণ কৰা হৈছে। অৱশ্যে, শিশুকেইজনী কোন বিদ্যালয়ত বা কোন শ্ৰেণীত অধ্যয়নৰত আছিল সেই বিষয়ে এইপৰ্যন্ত কোনো তথ্য পোৱা হোৱা নাই।