उल्हासनगरमधील कॅम्प ३ येथील सम्राट अशोकनगरमध्ये असलेल्या मातोश्री रमाबाई आंबेडकर विद्यालयातील गरजू विद्यार्थ्यांना ‘विश्वभारती चॅरिटेबल ट्रस्ट’च्या वतीने मोफत शालेय साहित्याचे वाटप करण्यात आले. शैक्षणिक वर्षाच्या सुरुवातीलाच मिळालेल्या या मदतीमुळे विद्यार्थ्यांच्या चेहऱ्यावर आनंद आणि समाधान पाहायला मिळत होते, तसेच ट्रस्टच्या सामाजिक उपक्रमाचे कौतुक करण्यात आले. सम्राट अशोकनगर भागातील मातोश्री रमाबाई आंबेडकर विद्यालयात पहिली ते दहावीपर्यंतच्या विद्यार्थ्यांना मोफत शिक्षण दिले जाते. या विद्यालयात प्रामुख्याने हातावर पोट असणाऱ्या गरीब आणि श्रमिक कुटुंबातील मुले शिक्षण घेतात. आपल्या शाळेतील या विद्यार्थ्यांना शैक्षणिक साहित्याची कमतरता भासू नये, यासाठी विद्यालयाचे संस्थापक महादेव सोनवणे हे नेहमीच प्रयत्नशील असतात आणि विविध सामाजिक संस्थांकडे पाठपुरावा करत असतात. त्यांच्या या प्रयत्नांना दाद देत, अंबरनाथ येथील ‘विश्वभारती चॅरिटेबल ट्रस्ट’ने यंदा विद्यार्थ्यांच्या मदतीसाठी पुढाकार घेतला. गेल्या तीन वर्षांपूर्वी स्थापन झालेल्या या ट्रस्टने सामाजिक बांधिलकी जपत विद्यालयातील पहिली ते दहावीच्या सर्व विद्यार्थ्यांना वह्या, पेन आणि इतर आवश्यक शैक्षणिक साहित्याचे वाटप केले. या स्तुत्य उपक्रमासाठी विश्वभारती चॅरिटेबल ट्रस्टचे जॉईंट सेक्रेटरी पदमाकुमार मेनन, व्हाईस चेअरमन अनिलकुमार पिलाई, कोषाध्यक्ष सुरेश बाबु पिलाई, तसेच सदस्य आर. बी. पिलाई आणि राजा गोपालन मेनन यांनी विशेष उपस्थिती लावून विद्यार्थ्यांच्या हाती साहित्य सुपूर्द केले. शैक्षणिक वर्षाच्या सुरुवातीलाच शालेय साहित्याचा मोठा भार हलका झाल्याने विद्यार्थी आणि त्यांच्या पालकांनी ट्रस्टचे मनःपूर्वक आभार मानले. याप्रसंगी प्राथमिक विभागाचे मुख्याध्यापक जी. टी. पवार आणि माध्यमिक विभागाच्या मुख्याध्यापिका मीनाक्षी सोनवणे यांनी विश्वभारती चॅरिटेबल ट्रस्टच्या सर्व पदाधिकाऱ्यांचे सन्मानपूर्वक आभार व्यक्त केले. विद्यालयाचे संस्थापक महादेव सोनवणे आणि शिक्षक वृंद यांच्या उपस्थितीत हा कार्यक्रम उत्साहात पार पडला.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

12 hrs ago

उल्हासनगरमधील कॅम्प ३ येथील सम्राट अशोकनगरमध्ये असलेल्या मातोश्री रमाबाई आंबेडकर विद्यालयातील गरजू विद्यार्थ्यांना ‘विश्वभारती चॅरिटेबल ट्रस्ट’च्या वतीने मोफत शालेय साहित्याचे वाटप करण्यात आले. शैक्षणिक वर्षाच्या सुरुवातीलाच मिळालेल्या या मदतीमुळे विद्यार्थ्यांच्या चेहऱ्यावर आनंद आणि समाधान पाहायला मिळत होते, तसेच ट्रस्टच्या सामाजिक उपक्रमाचे कौतुक करण्यात आले. सम्राट अशोकनगर भागातील मातोश्री रमाबाई आंबेडकर विद्यालयात पहिली ते दहावीपर्यंतच्या विद्यार्थ्यांना मोफत शिक्षण दिले जाते. या विद्यालयात प्रामुख्याने हातावर पोट असणाऱ्या गरीब आणि श्रमिक कुटुंबातील मुले शिक्षण घेतात. आपल्या शाळेतील या विद्यार्थ्यांना शैक्षणिक साहित्याची कमतरता भासू नये, यासाठी विद्यालयाचे संस्थापक महादेव सोनवणे हे नेहमीच प्रयत्नशील असतात आणि विविध सामाजिक संस्थांकडे पाठपुरावा करत असतात. त्यांच्या या प्रयत्नांना दाद देत, अंबरनाथ येथील ‘विश्वभारती चॅरिटेबल ट्रस्ट’ने यंदा विद्यार्थ्यांच्या मदतीसाठी पुढाकार घेतला. गेल्या तीन

वर्षांपूर्वी स्थापन झालेल्या या ट्रस्टने सामाजिक बांधिलकी जपत विद्यालयातील पहिली ते दहावीच्या सर्व विद्यार्थ्यांना वह्या, पेन आणि इतर आवश्यक शैक्षणिक साहित्याचे वाटप केले. या स्तुत्य उपक्रमासाठी विश्वभारती चॅरिटेबल ट्रस्टचे जॉईंट सेक्रेटरी पदमाकुमार मेनन, व्हाईस चेअरमन अनिलकुमार पिलाई, कोषाध्यक्ष सुरेश बाबु पिलाई, तसेच सदस्य आर. बी. पिलाई आणि राजा गोपालन मेनन यांनी विशेष उपस्थिती लावून विद्यार्थ्यांच्या हाती साहित्य सुपूर्द केले. शैक्षणिक वर्षाच्या सुरुवातीलाच शालेय साहित्याचा मोठा भार हलका झाल्याने विद्यार्थी आणि त्यांच्या पालकांनी ट्रस्टचे मनःपूर्वक आभार मानले. याप्रसंगी प्राथमिक विभागाचे मुख्याध्यापक जी. टी. पवार आणि माध्यमिक विभागाच्या मुख्याध्यापिका मीनाक्षी सोनवणे यांनी विश्वभारती चॅरिटेबल ट्रस्टच्या सर्व पदाधिकाऱ्यांचे सन्मानपूर्वक आभार व्यक्त केले. विद्यालयाचे संस्थापक महादेव सोनवणे आणि शिक्षक वृंद यांच्या उपस्थितीत हा कार्यक्रम उत्साहात पार पडला.