विद्यार्थ्यांच्या सुरक्षिततेसाठी जिल्हा परिषद सज्ज; सहा हजार सीसीटीव्ही बसवणार ठाणे:विद्यार्थ्यांच्या सुरक्षिततेच्या दृष्टीने ठाणे जिल्ह्यातील जिल्हा परिषद शाळांमध्ये सीसीटीव्ही यंत्रणा बसविण्याचे काम मुख्य कार्यकारी अधिकारी रणजित यादव यांच्या मार्गदर्शनाखाली सुरु करण्यात आले आहे. त्यानुसार, पहिल्या टप्प्यात जिल्ह्यातील ५२४ जिल्हा परिषद शाळांमध्ये सीसीटिव्ही बसविण्यात आले आहेत. तर, उर्वरित शाळांमध्ये देखील एप्रिल २०२६ अखेर पर्यंत सीसीटिव्ही बसविण्याचे काम पूर्ण होईल असे जिल्हा परिषदेच्या वतीने सांगण्यात आले आहे. ठाणे जिल्हा परिषद शाळांमध्ये विद्यार्थ्यांची सुरक्षितता सुनिश्चित करण्यासाठी आणि शाळांमधील शैक्षणिक वातावरण अधिक सुरक्षित तसेच पारदर्शक ठेवण्यासाठी सीसीटिव्ही यंत्रणा महत्त्वपूर्ण आहे. शाळेच्या परिसरातील हालचालींवर लक्ष ठेवणे, अनुचित प्रकारांना प्रतिबंध करणे आणि विद्यार्थ्यांना सुरक्षित वातावरण उपलब्ध करून देणे असे या सीसीटिव्ही यंत्रण बसविण्याचा मुख्य उद्देश असल्याचे शिक्षण विभागाकडून सांगण्यात आले. त्यानुसार, जिल्हा नियोजन समितीमार्फत सन २०२४-२५ मधील उपलब्ध तरतुदीतून पहिल्या टप्प्यात एकूण ५४२ शाळांमध्ये सीसीटीव्ही बसविण्याचे कामकाज सुरू करण्यात आले होते. या अंतर्गत कल्याण तालुक्यात १२०, भिवंडीत ३०८, अंबरनाथ तालुक्यात ९६ तर, १८ शाळेतील कामकाज प्रगतीपथावर आहे, असे एकूण ५२४ शाळांमध्ये शिक्षण विभाग (प्राथमिक) कार्यालयामार्फत सीसीटीव्ही बसविण्याचे काम पूर्ण झाले आहे.

लोक हिंद चॅनल

Journalist शहापूर, ठाणे, महाराष्ट्र•

19 hrs ago

विद्यार्थ्यांच्या सुरक्षिततेसाठी जिल्हा परिषद सज्ज; सहा हजार सीसीटीव्ही बसवणार ठाणे:विद्यार्थ्यांच्या सुरक्षिततेच्या दृष्टीने ठाणे जिल्ह्यातील जिल्हा परिषद शाळांमध्ये सीसीटीव्ही यंत्रणा बसविण्याचे काम मुख्य कार्यकारी अधिकारी रणजित यादव यांच्या मार्गदर्शनाखाली सुरु करण्यात आले आहे. त्यानुसार, पहिल्या टप्प्यात जिल्ह्यातील ५२४ जिल्हा परिषद शाळांमध्ये सीसीटिव्ही बसविण्यात आले आहेत. तर, उर्वरित शाळांमध्ये देखील एप्रिल २०२६ अखेर पर्यंत सीसीटिव्ही बसविण्याचे काम पूर्ण होईल असे जिल्हा परिषदेच्या वतीने सांगण्यात आले आहे. ठाणे जिल्हा परिषद शाळांमध्ये विद्यार्थ्यांची सुरक्षितता सुनिश्चित करण्यासाठी आणि शाळांमधील शैक्षणिक वातावरण अधिक सुरक्षित तसेच पारदर्शक ठेवण्यासाठी सीसीटिव्ही यंत्रणा महत्त्वपूर्ण आहे. शाळेच्या परिसरातील हालचालींवर लक्ष ठेवणे, अनुचित प्रकारांना प्रतिबंध करणे आणि विद्यार्थ्यांना सुरक्षित वातावरण उपलब्ध करून देणे असे या सीसीटिव्ही यंत्रण बसविण्याचा मुख्य उद्देश असल्याचे शिक्षण विभागाकडून सांगण्यात आले. त्यानुसार, जिल्हा नियोजन समितीमार्फत सन २०२४-२५ मधील उपलब्ध तरतुदीतून पहिल्या टप्प्यात एकूण ५४२ शाळांमध्ये सीसीटीव्ही बसविण्याचे कामकाज सुरू करण्यात आले होते. या अंतर्गत कल्याण तालुक्यात १२०, भिवंडीत ३०८, अंबरनाथ तालुक्यात ९६ तर, १८ शाळेतील कामकाज प्रगतीपथावर आहे, असे एकूण ५२४ शाळांमध्ये शिक्षण विभाग (प्राथमिक) कार्यालयामार्फत सीसीटीव्ही बसविण्याचे काम पूर्ण झाले आहे.