আজি দেৰগাঁও সাহিত্য সভা ভৱনত ড°প্ৰাঞ্জল শৰ্মাৰ 'আধ্যাত্মিকতাৰ পৰশত মানৱ আত্মাৰ দৰ্শন' শীৰ্ষক গ্ৰন্থ উন্মোচন কৰা হয়। বিশিষ্ট সংস্কৃত পণ্ডিত আৰ্চায্য ৰোহিণী বল্লভ গোস্বামীয়ে কেইবাজনো গণ্যমান্য ব্যক্তিৰ উপস্থিতিত এই গ্ৰন্থখন উন্মোচন কৰে।

নুমলীগড়ৰ NRL নগৰাঞ্চলত নুমলীগড় শোধনাগাৰ শাখা সাহিত্য সভাৰ উদ্যোগত পয়েটিকাৰ কাব্য-সংগীতৰ এক বিশেষ যুগলবন্দী অনুষ্ঠান অনুষ্ঠিত হয়। এই অনুষ্ঠানত বিশিষ্ট কবি-গায়িকাৰ লগতে স্থানীয় শিশু শিল্পীসকলেও দৰ্শকক মোহিত কৰে, লগতে 'দোকমোকালি' আলোচনী আৰু বৰ্ষপঞ্জী উন্মোচন কৰা হয়।

উত্তৰ গুৱাহাটীৰ প্ৰতিভাশালী সাঁতোৰবিদ কমল কৃষ্ণ দাসে সাগৰৰ প্ৰতিকূলতা, ধুমুহা আৰু ঢৌ নেওচি ইতিহাস সৃষ্টি কৰিলে। তেওঁ অদম্য সাহস আৰু দৃঢ়তাৰে সাগৰ বিজয় কৰি ৰাজ্যখনলৈ গৌৰৱ কঢ়িয়াই আনিছে।

শিৱসাগৰৰ দেওপানীত সংগ্ৰামী সেনা অসমৰ উদ্যোগত কৃৰ্তী ছাত্ৰ ছাত্ৰীক অভিনন্দন জ্ঞাপন সদ্য ঘোষিত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চূড়ান্ত পৰীক্ষাত উত্তীৰ্ণ প্ৰায় অৰ্ধশতাধিক ছাত্ৰ ছাত্ৰীক সংগ্ৰামী সেনা অসমৰ তৰফৰ পৰা অভিনন্দন জ্ঞাপন কৰে। এই অভিনন্দন অনুষ্ঠানৰ লগত সংগতি ৰাখি দেওপানী চাহ বাগিছাৰ বাবে প্ৰাণ আহুতি দিয়া শ্বহীদ পংকজ দাসৰ প্ৰতিমূৰ্ত্তি স্থাপনৰ বাবে আধাৰশিলা স্থাপন কৰে সংগ্ৰামী সেনা অসমৰ কেন্দ্ৰীয় সমিতিৰ সভাপতি পংকজ খাউণ্ড, যুটীয়া সম্পাদক মিণ্টু কোঁৱৰ, শিৱসাগৰ জিলা সমিতিৰ সাংগঠনিক সম্পাদক ৱাচিম হাজৰিকা আৰু গেলেকী আঞ্চলিক সমিতিৰ বিষয়ববীয়া সকল।অনুষ্ঠানৰ আৰম্ভণিতে অসমীয়াৰ হিয়াৰ আমঠু জনপ্ৰিয় কণ্ঠশিল্পী জুবিন গাৰ্গৰ প্ৰতিচ্ছবিত বন্তি প্ৰজ্বলন কৰি শ্ৰদ্ধাঞ্জলি জ্ঞাপন কৰে।

*শিৱসাগৰ জিলাৰ ৩৭ নং ৰাষ্ট্ৰীয় ঘাইপথত ভয়াবহ পথ দুৰ্ঘটনা । *নিয়াত্ৰণ হেৰুৱাই খালত সোমাল হোণ্ডাই চেণ্ট্ৰ বাহন। *শিৱসাগৰ জিলাৰ কোঁৱৰপুৰৰ পৰা ডিব্ৰুগড় অভিমুখে গৈ থকা AS 06 E 7714 নম্বৰৰ হোণ্ডাই চেণ্ট্ৰ বাহনখনে নিয়ন্ত্ৰণ হেৰুৱাই পথৰ মাজত থকা ডিভাইডাৰত খুন্দা মাৰি পথৰ দাতিৰ খালত সোমাই পৰে । *পথ দুৰ্ঘটনাটোত গুৰুতৰভাবে আহত ৰভি বাৰ্মা(২৬) আৰু দীপাংকৰ বাৰ্মাক (২৮) ততাতৈয়াকৈ অসম চিকিৎসালয়লৈ প্ৰেৰণ কৰা হয়। *দুয়োজন যুৱকৰে অৱস্থা সংকটজনক বুলি জানিব পৰা গৈছে।

উৰিয়ামঘাট ফাউণ্ডেশ্যনৰ উদ্যোগত উৰিয়ামঘাট উমেশ দত্ত মধ্য ইংৰাজী বিদ্যালয়ত ‘লিংগভিত্তিক নিয়ম আৰু দায়িত্ব’ সন্দৰ্ভত এক কৰ্মশালা অনুষ্ঠিত হয়। এই কৰ্মশালাত উৰিয়ামঘাটকে ধৰি পাঁচখন বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে।

অৰুণাচল প্ৰদেশৰ শ্বি-য়মি জিলাৰ মিচুকাত এক ভয়ংকৰ পথ দুৰ্ঘটনাত দিপক কংকাল আৰু জুগেন গুঞ্জ নামৰ দুজন লোকৰ মৃত্যু হৈছে। এই দুৰ্ঘটনাটো হেলেম ৰাজহ চক্ৰৰ অন্তৰ্গত অঞ্চলত সংঘটিত হৈছিল, যাৰ ফলত অঞ্চলটোত শোকৰ ছাঁ পৰিছে।

যোৰহাটৰ মালৌআলি ৰাজগুৰু গাঁৱত মাটি ভৰ্তি মিনি ডাম্পাৰে এখন ৱেগনাৰ বাহনত প্ৰচণ্ড খুন্দা মৰাৰ ফলত এক ভয়ংকৰ পথ দুৰ্ঘটনা সংঘটিত হয়। দুৰ্ঘটনাটো ইমানেই ভয়াবহ আছিল যে AS 03 AH 8450 নম্বৰৰ ৱেগনাৰখন গুৰুতৰভাৱে ক্ষতিগ্ৰস্ত হয়।