मानोरा पोलिसांचा आंतरजिल्हा दुचाकी चोरट्यांवर मोठा प्रहार; पुण्यातील दोन मोटारसायकली जप्त मानोरा :--तालुक्यात वाढत्या दुचाकी चोरीच्या घटनांच्या पार्श्वभूमीवर मानोरा पोलिसांनी अत्यंत कौशल्यपूर्ण तपास करत आंतरजिल्हा दुचाकी चोरट्यांच्या टोळीचा पर्दाफाश केला आहे. या कारवाईत पुणे येथून चोरी गेलेल्या दोन मोटारसायकली जप्त करण्यात आल्या असून त्या संबंधित पुणे पोलीस पथकाच्या ताब्यात देण्यात आल्या आहेत. दि. २९ जानेवारी २०२६ रोजी पुणे येथील पोलीस स्टेशनमध्ये मोटारसायकल चोरीची तक्रार दाखल झाली होती. दरम्यान, १६ एप्रिल रोजी मानोरा तालुक्यातील एका गावात एक अल्पवयीन युवक ‘एनएस २०० पल्सर’ ही महागडी मोटारसायकल अवघ्या साडेपाच हजार रुपयांत विकण्याचा प्रयत्न करत असल्याची माहिती समोर आली. संबंधित व्यवहारात विकत घेणाऱ्या युवकाला कागदपत्रे नसल्यामुळे संशय आल्याने त्याने तातडीने पोलिसांना कळवले. माहिती मिळताच मानोरा पोलिसांनी सापळा रचून कारवाई करत संबंधितांकडून दोन मोटारसायकली जप्त केल्या. तपासादरम्यान या गाड्या पुणे येथून चोरीला गेल्याचे निष्पन्न झाले. त्यानंतर आवश्यक कायदेशीर प्रक्रिया पूर्ण करून जप्त मुद्देमाल पुणे पोलीस पथकाकडे सुपूर्द करण्यात आला. ही कारवाई ठाणेदार नैना पोहेकर यांच्या मार्गदर्शनाखाली पीएसआय रमेश पवार, पोलीस हेडकॉन्स्टेबल राधेश्याम महल्ले तसेच रोहन तायडे आणि राम राठोड यांनी यशस्वीपणे पार पाडली. या प्रकरणाचा पुढील तपास सुरू असून, यामागे मोठे आंतरजिल्हा रॅकेट असण्याची शक्यता पोलिसांनी व्यक्त केली आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

1 hr ago

मानोरा पोलिसांचा आंतरजिल्हा दुचाकी चोरट्यांवर मोठा प्रहार; पुण्यातील दोन मोटारसायकली जप्त मानोरा :--तालुक्यात वाढत्या दुचाकी चोरीच्या घटनांच्या पार्श्वभूमीवर मानोरा पोलिसांनी अत्यंत कौशल्यपूर्ण तपास करत आंतरजिल्हा दुचाकी चोरट्यांच्या टोळीचा पर्दाफाश केला आहे. या कारवाईत पुणे येथून चोरी गेलेल्या दोन मोटारसायकली जप्त करण्यात आल्या असून त्या संबंधित पुणे पोलीस पथकाच्या ताब्यात देण्यात आल्या आहेत. दि. २९ जानेवारी २०२६ रोजी पुणे येथील पोलीस स्टेशनमध्ये मोटारसायकल चोरीची तक्रार दाखल झाली होती. दरम्यान, १६ एप्रिल रोजी मानोरा तालुक्यातील एका गावात एक अल्पवयीन युवक ‘एनएस २०० पल्सर’ ही महागडी मोटारसायकल अवघ्या साडेपाच हजार रुपयांत विकण्याचा प्रयत्न करत असल्याची माहिती समोर आली. संबंधित व्यवहारात विकत घेणाऱ्या युवकाला कागदपत्रे नसल्यामुळे संशय आल्याने त्याने तातडीने पोलिसांना कळवले. माहिती मिळताच मानोरा पोलिसांनी सापळा रचून कारवाई करत संबंधितांकडून दोन मोटारसायकली जप्त केल्या. तपासादरम्यान या गाड्या पुणे येथून चोरीला गेल्याचे निष्पन्न झाले. त्यानंतर आवश्यक कायदेशीर प्रक्रिया पूर्ण करून जप्त मुद्देमाल पुणे पोलीस पथकाकडे सुपूर्द करण्यात आला. ही कारवाई ठाणेदार नैना पोहेकर यांच्या मार्गदर्शनाखाली पीएसआय रमेश पवार, पोलीस हेडकॉन्स्टेबल राधेश्याम महल्ले तसेच रोहन तायडे आणि राम राठोड यांनी यशस्वीपणे पार पाडली. या प्रकरणाचा पुढील तपास सुरू असून, यामागे मोठे आंतरजिल्हा रॅकेट असण्याची शक्यता पोलिसांनी व्यक्त केली आहे.