ବରଗଡ଼ ସହରର ଟ୍ରାଫିକ ସମସ୍ୟା ନେଇ ଏସ୍‌ପିଙ୍କୁ ଭେଟିଲା ଅଭିଭାବକ ମହାସଂଘ ଦାବିପତ୍ର ଦେଇ ତୁରନ୍ତ ପଦକ୍ଷେପ ପାଇଁ ଅନୁରୋଧ ବରଗଡ଼:(ସନ୍ଧାନ ନିଉଜ)28/8 ବରଗଡ଼ ସହରରେ ଦିନକୁ ଦିନ ଜଟିଳ ହେଉଥିବା ଟ୍ରାଫିକ ସମସ୍ୟାର ସମାଧାନ ଦାବି କରି ଓଡ଼ିଶା ଅଭିଭାବକ ମହାସଂଘ, ବରଗଡ଼ ଜିଲ୍ଲାର ଏକ ପ୍ରତିନିଧି ଦଳ ଶୁକ୍ରବାର ଜିଲ୍ଲା ଆରକ୍ଷୀ ଅଧିକ୍ଷକ ରବୀନ୍ଦ୍ର ନାଥ ଶତପଥୀଙ୍କୁ ଭେଟି ଆଲୋଚନା କରିଛନ୍ତି। ଏହି ଅବସରରେ ସହରର ଟ୍ରାଫିକ ବ୍ୟବସ୍ଥାରେ ସୁଧାର ଆଣିବା ପାଇଁ ବିଭିନ୍ନ ଦାବି ସମ୍ବଳିତ ଏକ ଦାବିପତ୍ର ଏସ୍‌ପିଙ୍କୁ ପ୍ରଦାନ କରାଯାଇଥିଲା। ମହାସଂଘ ପକ୍ଷରୁ ବରଗଡ଼ ସହରର ଜନଗହଳିପୂର୍ଣ୍ଣ ଅଞ୍ଚଳରୁ ବେସରକାରୀ ବସ୍‌ଷ୍ଟାଣ୍ଡକୁ ଅନ୍ୟତ୍ର ସ୍ଥାନାନ୍ତର, ସହରର ପ୍ରମୁଖ ରାସ୍ତାଗୁଡ଼ିକରୁ ବେଆଇନ ପାର୍କିଂ ହଟାଇବା ସହ ଆଇନ ଉଲ୍ଲଂଘନକାରୀଙ୍କ ବିରୋଧରେ ଦୃଢ଼ ପଦକ୍ଷେପ ନେବାକୁ ଦାବି କରାଯାଇଛି। ସେହିପରି ସ୍କୁଲ ଛାତ୍ରଛାତ୍ରୀଙ୍କ ଯିବାଆସିବା ସମୟରେ ସହର ମଧ୍ୟକୁ ଭାରୀଯାନ ପ୍ରବେଶ ଉପରେ ନିଷେଧାଦେଶ ଲାଗୁ କରିବା, ବସ୍‌ଷ୍ଟାଣ୍ଡରୁ ବସ୍‌ ବାହାରିବା ପରେ ସହରର ରାସ୍ତା ଉପରେ ବସ୍‌ ରଖି ଯାତ୍ରୀ ଉଠାଇବା କିମ୍ବା ଓହ୍ଲାଇବାକୁ ସମ୍ପୂର୍ଣ୍ଣ ନିଷେଧ କରିବା ଏବଂ ଦ୍ରୁତ ଓ ବେପରୁଆ ଗାଡ଼ି ଚାଳନା କରୁଥିବା ଚାଳକଙ୍କ ବିରୋଧରେ କଡ଼ା ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି। ଦାବିପତ୍ର ଗ୍ରହଣ କରି ଏସ୍‌ପି ଏ ସମ୍ପର୍କରେ ଜିଲ୍ଲା ପ୍ରଶାସନ ଓ ଆଞ୍ଚଳିକ ପରିବହନ ଅଧିକାରୀଙ୍କ ସହ ଆଲୋଚନା କରି ଆବଶ୍ୟକ ପଦକ୍ଷେପ ନେବା ନେଇ ସମ୍ମତି ପ୍ରକାଶ କରିଥିବା ମହାସଂଘ ପକ୍ଷରୁ କୁହାଯାଇଛି। ପ୍ରତିନିଧି ଦଳରେ ଓଡ଼ିଶା ଅଭିଭାବକ ମହାସଂଘ, ବରଗଡ଼ ଜିଲ୍ଲା ସଭାପତି ବିମଳ କୁମାର ଦାଶଙ୍କ ସମେତ ସଦାନନ୍ଦ ମହାପାତ୍ର, ସୁରେଶ ମହାପାତ୍ର, ବାସୁଦେବ ଦାଶ, ପିନ୍ଟୁ ଶତପଥୀ, ନରେନ୍ଦ୍ର ନାୟକ, ମାମରଜ୍ ସ୍ୱାଇଁ, କାଳୀଚରଣ ବୋଷ, ଆୟୁଷ ଯାଦବ, ସର୍ବେଶ୍ୱର ମହାପାତ୍ର, ବିଘ୍ନେଶ୍ୱର ମିଶ୍ର, ଜିତେନ୍ଦ୍ର ରାଏ, କ୍ଷୀରୋଦ୍ର ପ୍ରଧାନ, ଗୌରାଙ୍ଗ ଦୀପ, ମିନତି ଦାସ ଓ ଖିତେଶ୍ୱର କୁମ୍ଭାର ପ୍ରମୁଖ ଉପସ୍ଥିତ ଥିଲେ।

Manash Rout

ଧର୍ମଶାଳା, ଯାଜପୁର, ଓଡ଼ିଶା•

1 hr ago

ବରଗଡ଼ ସହରର ଟ୍ରାଫିକ ସମସ୍ୟା ନେଇ ଏସ୍‌ପିଙ୍କୁ ଭେଟିଲା ଅଭିଭାବକ ମହାସଂଘ ଦାବିପତ୍ର ଦେଇ ତୁରନ୍ତ ପଦକ୍ଷେପ ପାଇଁ ଅନୁରୋଧ ବରଗଡ଼:(ସନ୍ଧାନ ନିଉଜ)28/8 ବରଗଡ଼ ସହରରେ ଦିନକୁ ଦିନ ଜଟିଳ ହେଉଥିବା ଟ୍ରାଫିକ ସମସ୍ୟାର ସମାଧାନ ଦାବି କରି ଓଡ଼ିଶା ଅଭିଭାବକ ମହାସଂଘ, ବରଗଡ଼ ଜିଲ୍ଲାର ଏକ ପ୍ରତିନିଧି ଦଳ ଶୁକ୍ରବାର ଜିଲ୍ଲା ଆରକ୍ଷୀ ଅଧିକ୍ଷକ ରବୀନ୍ଦ୍ର ନାଥ ଶତପଥୀଙ୍କୁ ଭେଟି ଆଲୋଚନା କରିଛନ୍ତି। ଏହି ଅବସରରେ ସହରର ଟ୍ରାଫିକ ବ୍ୟବସ୍ଥାରେ ସୁଧାର ଆଣିବା ପାଇଁ ବିଭିନ୍ନ ଦାବି ସମ୍ବଳିତ ଏକ ଦାବିପତ୍ର ଏସ୍‌ପିଙ୍କୁ ପ୍ରଦାନ କରାଯାଇଥିଲା। ମହାସଂଘ ପକ୍ଷରୁ ବରଗଡ଼ ସହରର ଜନଗହଳିପୂର୍ଣ୍ଣ ଅଞ୍ଚଳରୁ ବେସରକାରୀ ବସ୍‌ଷ୍ଟାଣ୍ଡକୁ ଅନ୍ୟତ୍ର ସ୍ଥାନାନ୍ତର, ସହରର ପ୍ରମୁଖ ରାସ୍ତାଗୁଡ଼ିକରୁ ବେଆଇନ ପାର୍କିଂ ହଟାଇବା ସହ ଆଇନ ଉଲ୍ଲଂଘନକାରୀଙ୍କ ବିରୋଧରେ ଦୃଢ଼ ପଦକ୍ଷେପ ନେବାକୁ ଦାବି କରାଯାଇଛି। ସେହିପରି ସ୍କୁଲ ଛାତ୍ରଛାତ୍ରୀଙ୍କ ଯିବାଆସିବା ସମୟରେ ସହର ମଧ୍ୟକୁ ଭାରୀଯାନ ପ୍ରବେଶ ଉପରେ ନିଷେଧାଦେଶ ଲାଗୁ କରିବା, ବସ୍‌ଷ୍ଟାଣ୍ଡରୁ ବସ୍‌ ବାହାରିବା ପରେ ସହରର ରାସ୍ତା ଉପରେ ବସ୍‌ ରଖି ଯାତ୍ରୀ ଉଠାଇବା କିମ୍ବା ଓହ୍ଲାଇବାକୁ ସମ୍ପୂର୍ଣ୍ଣ ନିଷେଧ କରିବା ଏବଂ ଦ୍ରୁତ ଓ ବେପରୁଆ ଗାଡ଼ି ଚାଳନା କରୁଥିବା ଚାଳକଙ୍କ ବିରୋଧରେ କଡ଼ା ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି। ଦାବିପତ୍ର ଗ୍ରହଣ କରି ଏସ୍‌ପି ଏ ସମ୍ପର୍କରେ ଜିଲ୍ଲା ପ୍ରଶାସନ ଓ ଆଞ୍ଚଳିକ ପରିବହନ ଅଧିକାରୀଙ୍କ ସହ ଆଲୋଚନା କରି ଆବଶ୍ୟକ ପଦକ୍ଷେପ ନେବା ନେଇ ସମ୍ମତି ପ୍ରକାଶ କରିଥିବା ମହାସଂଘ ପକ୍ଷରୁ କୁହାଯାଇଛି। ପ୍ରତିନିଧି ଦଳରେ ଓଡ଼ିଶା ଅଭିଭାବକ ମହାସଂଘ, ବରଗଡ଼ ଜିଲ୍ଲା ସଭାପତି ବିମଳ କୁମାର ଦାଶଙ୍କ ସମେତ ସଦାନନ୍ଦ ମହାପାତ୍ର, ସୁରେଶ ମହାପାତ୍ର, ବାସୁଦେବ ଦାଶ, ପିନ୍ଟୁ ଶତପଥୀ, ନରେନ୍ଦ୍ର ନାୟକ, ମାମରଜ୍ ସ୍ୱାଇଁ, କାଳୀଚରଣ ବୋଷ, ଆୟୁଷ ଯାଦବ, ସର୍ବେଶ୍ୱର ମହାପାତ୍ର, ବିଘ୍ନେଶ୍ୱର ମିଶ୍ର, ଜିତେନ୍ଦ୍ର ରାଏ, କ୍ଷୀରୋଦ୍ର ପ୍ରଧାନ, ଗୌରାଙ୍ଗ ଦୀପ, ମିନତି ଦାସ ଓ ଖିତେଶ୍ୱର କୁମ୍ଭାର ପ୍ରମୁଖ ଉପସ୍ଥିତ ଥିଲେ।