विधानसभेच्या पावसाळी अधिवेशनात घनसावंगी मतदारसंघाचे आमदार हिकमत उढाण यांनी मतदारसंघातील रस्ते, पूल, प्राथमिक शिक्षण आणि सिंचनाच्या गंभीर प्रश्नांवर प्रभावीपणे आवाज उठवत शासनाचे लक्ष वेधले. त्यांनी मतदारसंघातील पायाभूत सुविधांची दुरवस्था मांडत तातडीच्या उपाययोजनांची मागणी केली. आमदार हिकमत उढाण यांनी दिलेल्या माहितीनुसार, घनसावंगी मतदारसंघात एकूण २६६.५५ किलोमीटर लांबीच्या ७ राज्य महामार्गांपैकी १६६.९० किलोमीटर रस्ते खराब असून, ३३ पैकी १९ पुलांची अवस्था दयनीय आहे. तसेच, ४२५.२० किलोमीटर मुख्य जिल्हा मार्गांपैकी २२८ किलोमीटर रस्ते खराब आहेत आणि २५ पुलांपैकी एकही पूल सुस्थितीत नाही. याव्यतिरिक्त, चार रेल्वे गेट्समुळे होणाऱ्या वाहतूक कोंडीमुळे दररोज ६ तास ४१ मिनिटे वाहतूक ठप्प होत असल्याचे सांगत त्यांनी तातडीने रेल्वे उड्डाणपूल उभारण्याची मागणी केली. ग्रामीण शिक्षणाच्या विदारक स्थितीवर भाष्य करताना त्यांनी सांगितले की, १७४ पैकी १०४ जिल्हा परिषद शाळा मोडकळीस आल्या असून, अनेक शाळांना दुरुस्ती, संरक्षक भिंत आणि स्वच्छतागृहांची गरज आहे. सिंचनाच्या मुद्द्यावर बोलताना त्यांनी मराठवाड्यातील सिंचन अनुशेष भरून काढण्यासाठी विशेष निधी, अपूर्ण प्रकल्प पूर्ण करणे आणि नवीन जलस्रोत निर्माण करण्याची मागणी केली. तसेच, मराठवाड्याच्या विकासासाठी अतिरिक्त २६० टीएमसी पाणी उपलब्ध करून देण्याची गरज व्यक्त करत भारतीय राज्यघटनेच्या कलम ३७१(२) अंतर्गत विशेष तरतुदीचा मुद्दा उपस्थित केला. आमदार हिकमत उढाण यांनी उपस्थित केलेल्या या प्रश्नांची दखल घेत सार्वजनिक बांधकाम मंत्री शिवेंद्रराजे भोसले यांनी रस्ते, पूल आणि रेल्वे उड्डाणपुलांच्या कामांसाठी निधीची उपलब्धता तपासून प्राधान्याने कार्यवाही करण्याचे आश्वासन दिले.

पत्रकार ओमप्रकाश उढाण

घनसावंगी, जालना, महाराष्ट्र•

1 day ago

विधानसभेच्या पावसाळी अधिवेशनात घनसावंगी मतदारसंघाचे आमदार हिकमत उढाण यांनी मतदारसंघातील रस्ते, पूल, प्राथमिक शिक्षण आणि सिंचनाच्या गंभीर प्रश्नांवर प्रभावीपणे आवाज उठवत शासनाचे लक्ष वेधले. त्यांनी मतदारसंघातील पायाभूत सुविधांची दुरवस्था मांडत तातडीच्या उपाययोजनांची मागणी केली. आमदार हिकमत उढाण यांनी दिलेल्या माहितीनुसार, घनसावंगी मतदारसंघात एकूण २६६.५५ किलोमीटर लांबीच्या ७ राज्य महामार्गांपैकी १६६.९० किलोमीटर रस्ते खराब असून, ३३ पैकी १९ पुलांची अवस्था दयनीय आहे. तसेच, ४२५.२० किलोमीटर मुख्य जिल्हा मार्गांपैकी २२८ किलोमीटर रस्ते खराब आहेत आणि २५ पुलांपैकी एकही पूल सुस्थितीत नाही. याव्यतिरिक्त, चार रेल्वे गेट्समुळे होणाऱ्या वाहतूक कोंडीमुळे दररोज ६ तास ४१ मिनिटे वाहतूक ठप्प होत असल्याचे सांगत त्यांनी तातडीने रेल्वे उड्डाणपूल उभारण्याची मागणी केली. ग्रामीण शिक्षणाच्या विदारक स्थितीवर भाष्य करताना त्यांनी सांगितले की, १७४ पैकी १०४ जिल्हा परिषद शाळा मोडकळीस आल्या असून, अनेक शाळांना दुरुस्ती, संरक्षक भिंत आणि स्वच्छतागृहांची गरज आहे. सिंचनाच्या मुद्द्यावर बोलताना त्यांनी मराठवाड्यातील सिंचन अनुशेष भरून काढण्यासाठी विशेष निधी, अपूर्ण प्रकल्प पूर्ण करणे आणि नवीन जलस्रोत निर्माण करण्याची मागणी केली. तसेच, मराठवाड्याच्या विकासासाठी अतिरिक्त २६० टीएमसी पाणी उपलब्ध करून देण्याची गरज व्यक्त करत भारतीय राज्यघटनेच्या कलम ३७१(२) अंतर्गत विशेष तरतुदीचा मुद्दा उपस्थित केला. आमदार हिकमत उढाण यांनी उपस्थित केलेल्या या प्रश्नांची दखल घेत सार्वजनिक बांधकाम मंत्री शिवेंद्रराजे भोसले यांनी रस्ते, पूल आणि रेल्वे उड्डाणपुलांच्या कामांसाठी निधीची उपलब्धता तपासून प्राधान्याने कार्यवाही करण्याचे आश्वासन दिले.