महाराष्ट्रात सुरेश भुमरे यांनी धनगर समाजाच्या ताकदीबाबत थेट इशारा दिला आहे. धनगर समाजाला अजिबात कमी समजू नका, कारण या समाजात आमदार घडवण्याची आणि त्यांना पाडण्याचीही पूर्ण ताकद आहे, असे रोखठोक प्रतिपादन भुमरे यांनी केले आहे.

महाराष्ट्रात सुरेश भुमरे यांनी धनगर समाजाच्या ताकदीबाबत थेट इशारा दिला आहे. धनगर समाजाला अजिबात कमी समजू नका, कारण या समाजात आमदार घडवण्याची आणि त्यांना पाडण्याचीही पूर्ण ताकद आहे, असे रोखठोक प्रतिपादन भुमरे यांनी केले आहे.

महाराष्ट्र शासनाने प्रतिबंधित केलेल्या गुटख्याची अवैधरित्या विक्री करणाऱ्यांविरुद्ध मंठा पोलिसांनी गुरुवारी, ९ जुलै रोजी धडक मोहीम राबवत दोन स्वतंत्र छापे टाकले. या कारवाईत विविध कंपन्यांचा प्रतिबंधित गुटखा साठा जप्त करण्यात आला असून दोन्ही आरोपींविरुद्ध गुन्हा दाखल करण्यात आला आहे. पहिली कारवाई सायंकाळी ७:४५ वाजता तळणी येथील 'राहुल किराणा अँड कोल्ड्रिंक्स' या दुकानावर करण्यात आली. या ठिकाणी राहुल बाबन पवार (वय २७, रा. तळणी) याच्याकडून २,८०४ रुपये किमतीचा प्रतिबंधित गुटखा जप्त करण्यात आला. त्याच्याविरुद्ध भारतीय न्याय संहिता २०२३ च्या कलम २२३, २७४ व २७५ अन्वये गुन्हा नोंदवण्यात आला आहे. दुसरी कारवाई रात्री ९:०५ वाजता मंठा येथील सुगंधनगरमधील 'जनता किराणा' दुकानात झाली. येथे मेहबूब अली सय्यद (वय ५२, रा. सुगंधनगर) याच्या ताब्यातून ९०० रुपयांचा गोवा गुटखा जप्त करण्यात आला असून, त्याच्यावरही संबंधित कलमांनुसार गुन्हा दाखल करण्यात आला आहे. या दोन्ही प्रकरणांचा पुढील तपास मंठा पोलीस ठाण्याचे अधिकारी करत आहेत. भविष्यातही अवैध गुटखा विक्री आणि साठ्याविरुद्ध कठोर कारवाई सुरू राहणार असल्याचे स्पष्ट करत, नागरिकांनी अशा बेकायदेशीर प्रकारांची माहिती तात्काळ पोलीस ठाण्याला देण्याचे आवाहन प्रशासनाने केले आहे.

संपूर्ण महाराष्ट्र राज्यात सध्या पाऊस गायब झाला असून, विश्रांती घेतलेला हा पाऊस पुन्हा कधी सक्रिय होणार आणि कधी परतणार याविषयी हवामान अभ्यासक पंजाब डक यांनी आपला अंदाज व्यक्त केला आहे।

भागवत एकादशीच्या पवित्र पर्वाचे औचित्य साधून धनगर समाज युवा मल्हार सेना मराठवाडा अध्यक्ष वैजनाथ पावडे यांच्या पुढाकारातून मेंढपाळांच्या मुलांनी संत शिरोमणी नामदेव महाराज यांच्या जन्मभूमी असलेल्या नरसी नामदेव येथे जाऊन दर्शन घेतले. यावेळी सर्व मुलांनी अत्यंत भक्तिभावाने संत नामदेव महाराजांच्या समाधीचे दर्शन घेत आशीर्वाद प्राप्त केला, ज्यामुळे त्यांच्या चेहऱ्यावर मोठा आनंद दिसून येत होता. वैजनाथ पावडे यांनी शिक्षणापासून वंचित राहणाऱ्या मेंढपाळांच्या मुलांसाठी स्वतःच्या निवासस्थानी राहण्याची, जेवणाची आणि शिक्षणाची निवासी सोय उपलब्ध करून दिली आहे. सामाजिक बांधिलकी जपत ते मुलांच्या शैक्षणिक प्रगतीसोबतच त्यांना धार्मिक व सांस्कृतिक संस्कार देण्याचे महत्त्वाचे कार्य करत आहेत. या उपक्रमामुळे मुलांमध्ये भक्ती, संस्कार आणि शिक्षणाचा सुंदर संगम घडत असल्याची भावना उपस्थितांनी व्यक्त केली आहे. या उपक्रमाबद्दल बोलताना वैजनाथ पावडे म्हणाले की, मेंढपाळांच्या हातातील काठीऐवजी त्यांना पुस्तक आणि पेन देऊन त्यांचे भविष्य उज्ज्वल करण्याचा आमचा संकल्प आहे. त्यांच्या या सामाजिक आणि शैक्षणिक कार्याचे परिसरातून तसेच धनगर समाजातून सर्वत्र मोठ्या प्रमाणावर कौतुक केले जात आहे.

५९ जातींच्या आरक्षण वर्गीकरण करण्याच्या विरोधात ९ ऑगस्ट रोजी आयोजित करण्यात आलेल्या मोर्चाच्या पार्श्वभूमीवर नांदेड जिल्ह्यातील उमरी येथे आढावा बैठक संपन्न झाली आहे.

दुबई येथे आयोजित एका जागतिक व्यासपीठावर भारतीय शिक्षिका रुबल नेगी यांना प्रतिष्ठित जागतिक पुरस्काराने सन्मानित करण्यात आले आहे. तब्बल १३९ देशांतील स्पर्धकांमधून रुबल नेगी यांची या जागतिक पुरस्कारासाठी निवड झाली असून, त्यांना एक मिलियन डॉलरची पुरस्कार राशी देऊन गौरवण्यात आले आहे.

महेश बिडगर मारहाण प्रकरणी परभणीच्या गंगाखेड शहरात सकल धनगर समाजाकडून मोर्चा काढण्यात आला आहे. महेश बिडगर यांच्यावर झालेल्या मारहाणीच्या निषेधार्थ सकल धनगर समाजाने एकत्र येत हा मोर्चा आयोजित केला.

लातूर जिल्ह्यातील खंडापूर येथे पार पडलेल्या पादुका सोहळा आणि संतांच्या कुंभमेळा म्हणून ओळखल्या जाणाऱ्या वारकरी संमेलनादरम्यान पैशाचा अपहार झाल्याचा प्रकार समोर आला आहे. या प्रकरणात 'पिस्तुल्या' म्हणून ओळखला जाणारा किशोर महाराज शिवणीकर याला स्थानिक गुन्हे शाखेने अटक केली आहे.