રાજ્યના વિવિધ જિલ્લાઓમાં પ્રાથમિક શિક્ષકો દ્વારા ટેટ પરીક્ષાના આયોજન સામે થઈ રહેલા વિરોધ પ્રદર્શનો અને રેલીઓને લઈને શિક્ષણપ્રેમીઓ દ્વારા અનુરોધ કરવામાં આવ્યો છે. શિક્ષણ જગતના તટસ્થ વિશ્લેષકો અને જાગૃત નાગરિકોના મતે, '૭૫,૦૦૦ શિક્ષકોની નોકરી પર ખતરો' હોવાનો સોશિયલ મીડિયા પર થઈ રહેલો પ્રચાર તદ્દન ભ્રામક, અતિશયોક્તિભર્યો અને વાસ્તવિકતાથી વેગળો છે. આ વિવાદ માત્ર ગણતરીના બિન-લાયક કે નબળા તત્વોના બચાવ માટે ઊભો કરવામાં આવ્યો છે, જેના કારણે લાખો નિર્દોષ બાળકોનું શિક્ષણ બાનમાં મુકાઈ રહ્યું છે. આ મામલે સુપ્રીમ કોર્ટનો આદેશ સર્વોચ્ચ હોવાનું જણાવી શિક્ષણપ્રેમીઓએ ઉમેર્યું છે કે, શિક્ષણની ગુણવત્તા સુધારવા માટે વર્ષ ૨૦૧૦ બાદ ૧૬ વર્ષના દીર્ઘકાલીન મંથન પછી સર્વોચ્ચ અદાલતે દેશભરમાં શિક્ષકો માટે આ નિયમ સ્પષ્ટ કર્યો છે. કાયદાકીય સ્થિતિ મુજબ, રાજ્ય સરકાર સુપ્રીમ કોર્ટના આદેશ ઉપર જઈને તેમાં કોઈ સુધારો કે મુક્તિ આપી શકે નહીં. આ વાસ્તવિકતા જાણતા હોવા છતાં શિક્ષક સંઘો દ્વારા વિરોધ પ્રદર્શન યોજવા એ લોકશાહી અને ન્યાયતંત્રની ગરિમાને ઠેસ પહોંચાડવા બરાબર છે. વર્ષ ૧૯૯૮ થી ૨૦૧૦ સુધીમાં ભરતી થયેલા મોટાભાગના શિક્ષકો ઉચ્ચ ગુણવત્તા અને યોગ્ય લાયકાત ધરાવે છે, અને ઘણા તો અગાઉથી જ ટેટ પાસ કરી ચૂક્યા છે. વાસ્તવિકતા એ છે કે માત્ર ૫,૦૦૦ જેટલા જ તત્વો એવા છે જેઓ કદાચ પ્રથમ પ્રયત્ને પાસ થવામાં અસમર્થતા અનુભવી શકે. આવા ગણતરીના લોકો માટે થઈને લાખો બાળકોના ભવિષ્યને દાવ પર લગાવવું અને '૭૫,૦૦૦ ની નોકરી જોખમમાં' હોવાનો ડર ફેલાવવો નૈતિક રીતે અયોગ્ય છે. 'શિક્ષક કભી સાધારણ નહીં હોતા, પ્રલય ઔર નિર્માણ ઉસકી ગોદ મેં પલતે હૈં' ઉક્તિને ટાંકીને કહેવાયું છે કે, શિક્ષકે સતત જ્ઞાનવૃદ્ધિ અને પરીક્ષણથી ડરવું ન જોઈએ. દરેક સરકારી વિભાગમાં ઉચ્ચતર પગારધોરણ કે બઢતી માટે ખાતાકીય પરીક્ષાઓ અનિવાર્ય હોય છે. સરકારે શિક્ષકોની રજૂઆત ધ્યાને લઈને પરીક્ષાનો સમય ૧૨૦ મિનિટથી વધારીને ૧૫૦ મિનિટ કર્યો છે અને અભ્યાસક્રમ પણ ધોરણ ૧ થી ૮ ના વિષયો આધારિત સરળ રાખ્યો છે. પાસ થવા માટે ઓગસ્ટ ૨૦૨૮ સુધીનો પૂરતો સમય અને વર્ષમાં બે વખત પરીક્ષા યોજવાની જાહેરાત પણ કરી છે. આમ છતાં, પરીક્ષાના માળખાને નબળું પાડવા કે પાસિંગ ગુણ ઘટાડવાના ઈરાદા સાથે હડતાલનું શરણું લેવું એ શિક્ષણ જગતને નીચું જોવા જેવું છે. એક તરફ, ૧લી જાન્યુઆરી, ૨૦૨૬ થી આઠમા પગારપંચની જોગવાઈઓ લાગુ થવાથી કાયમી શિક્ષકોનો પગાર લાખોમાં પહોંચશે, જ્યારે બીજી તરફ, ટેટ અને જીસેટ જેવી અઘરી પરીક્ષાઓ પાસ કરીને હજારો યુવા ઉમેદવારો માત્ર ૫ થી ૧૦ હજારના ફિક્સ પગારમાં ખાનગી કે સરકારી શાળાઓમાં સેવા આપી રહ્યા છે. આ હડતાલના સમયમાં પણ તેઓ જ શાળાઓ સંભાળી રહ્યા છે. પેટનો ખાડો ભરાઈ ગયા બાદ આવા શિક્ષક સંઘોએ આ ગરીબ અને લાયક ઉમેદવારોના હિત માટે ક્યારેય અવાજ ઉઠાવ્યો નથી. ઉપરાંત, વડાપ્રધાન શ્રી નરેન્દ્રભાઈ મોદી દ્વારા ઈંધણ બચાવવા કરાયેલી અપીલને માન આપીને સરકાર તમામ મહત્વની મિટિંગો ઓનલાઈન યોજી રહી છે, તેની સામે શિક્ષિત વર્ગ ઓનલાઈન રજૂઆત કરવાને બદલે પર્સનલ એસી કાર લઈને જિલ્લા કક્ષાએ એકઠા થઈ ઈંધણનો વેડફાટ કરે છે અને પર્યાવરણને નુકસાન પહોંચાડે છે તે ચિંતાજનક છે. રાષ્ટ્રીય કામગીરીઓ વખતે બાળકના અભ્યાસનું બહાનું કાઢીને વિરોધ કરવો અને પોતાના વિરોધ પ્રદર્શનો વખતે બાળકોના ભવિષ્યનો વિચાર કર્યા વગર સમય વેડફવો એ બેવડી નીતિ ઘણું બધું કહી જાય છે. આથી, ગુજરાતના શિક્ષણ વિભાગ, માનનીય શિક્ષણ મંત્રીશ્રી અને મુખ્યમંત્રીશ્રીને તાકીદે હસ્તક્ષેપ કરવા અને શાળાઓનું શૈક્ષણિક કાર્ય ન બગડે તે માટે કડક પરિપત્ર જાહેર કરી યોગ્ય પગલાં લેવા સમયની માંગ છે. સમગ્ર શિક્ષક આલમને નમ્ર અપીલ છે કે તેઓ પણ લેભાગુ તત્વો કે સંઘના અમુક અગ્રણીઓના ગેરમાર્ગે દોરનારા પ્રચારોમાં આવ્યા વિના કિંમતી સમય રેલીઓ કે ધરણાંમાં વેડફવાને બદલે રાષ્ટ્રના ભાવિ એવા બાળકોના ઘડતરમાં અને આગામી ટેટ પરીક્ષાની સજ્જતાની તૈયારીઓમાં જોડાઈ જાય, કારણ કે સતત અભ્યાસ અને કર્મનિષ્ઠા જ શિક્ષકની સાચી ઓળખ છે.

Pooja

Local News Reporter મુંદ્રા, કચ્છ, ગુજરાત•

5 hrs ago

રાજ્યના વિવિધ જિલ્લાઓમાં પ્રાથમિક શિક્ષકો દ્વારા ટેટ પરીક્ષાના આયોજન સામે થઈ રહેલા વિરોધ પ્રદર્શનો અને રેલીઓને લઈને શિક્ષણપ્રેમીઓ દ્વારા અનુરોધ કરવામાં આવ્યો છે. શિક્ષણ જગતના તટસ્થ વિશ્લેષકો અને જાગૃત નાગરિકોના મતે, '૭૫,૦૦૦ શિક્ષકોની નોકરી પર ખતરો' હોવાનો સોશિયલ મીડિયા પર થઈ રહેલો પ્રચાર તદ્દન ભ્રામક, અતિશયોક્તિભર્યો અને વાસ્તવિકતાથી વેગળો છે. આ વિવાદ માત્ર ગણતરીના બિન-લાયક કે નબળા તત્વોના બચાવ માટે ઊભો કરવામાં આવ્યો છે, જેના કારણે લાખો નિર્દોષ બાળકોનું શિક્ષણ બાનમાં મુકાઈ રહ્યું છે. આ મામલે સુપ્રીમ કોર્ટનો આદેશ સર્વોચ્ચ હોવાનું જણાવી શિક્ષણપ્રેમીઓએ ઉમેર્યું છે કે, શિક્ષણની ગુણવત્તા સુધારવા માટે વર્ષ ૨૦૧૦ બાદ ૧૬ વર્ષના દીર્ઘકાલીન મંથન પછી સર્વોચ્ચ અદાલતે દેશભરમાં શિક્ષકો માટે આ નિયમ સ્પષ્ટ કર્યો છે. કાયદાકીય સ્થિતિ મુજબ, રાજ્ય સરકાર સુપ્રીમ કોર્ટના આદેશ ઉપર જઈને તેમાં કોઈ સુધારો કે મુક્તિ આપી શકે નહીં. આ વાસ્તવિકતા જાણતા હોવા છતાં શિક્ષક સંઘો દ્વારા વિરોધ પ્રદર્શન યોજવા એ લોકશાહી અને ન્યાયતંત્રની ગરિમાને ઠેસ પહોંચાડવા બરાબર છે. વર્ષ ૧૯૯૮ થી ૨૦૧૦ સુધીમાં ભરતી થયેલા મોટાભાગના શિક્ષકો ઉચ્ચ ગુણવત્તા અને યોગ્ય લાયકાત ધરાવે છે, અને ઘણા તો અગાઉથી જ ટેટ પાસ કરી ચૂક્યા છે. વાસ્તવિકતા એ છે કે માત્ર ૫,૦૦૦ જેટલા જ તત્વો એવા છે જેઓ કદાચ પ્રથમ પ્રયત્ને પાસ થવામાં અસમર્થતા અનુભવી શકે. આવા ગણતરીના લોકો માટે થઈને લાખો બાળકોના ભવિષ્યને દાવ પર લગાવવું અને '૭૫,૦૦૦ ની નોકરી જોખમમાં' હોવાનો ડર ફેલાવવો નૈતિક રીતે અયોગ્ય છે. 'શિક્ષક કભી સાધારણ નહીં હોતા, પ્રલય ઔર નિર્માણ ઉસકી ગોદ મેં પલતે હૈં' ઉક્તિને ટાંકીને કહેવાયું છે કે, શિક્ષકે સતત જ્ઞાનવૃદ્ધિ અને પરીક્ષણથી ડરવું ન જોઈએ. દરેક સરકારી વિભાગમાં ઉચ્ચતર પગારધોરણ કે બઢતી માટે ખાતાકીય પરીક્ષાઓ અનિવાર્ય હોય છે. સરકારે શિક્ષકોની રજૂઆત ધ્યાને લઈને પરીક્ષાનો સમય ૧૨૦ મિનિટથી વધારીને ૧૫૦ મિનિટ કર્યો છે અને અભ્યાસક્રમ પણ ધોરણ ૧ થી ૮ ના વિષયો આધારિત સરળ રાખ્યો છે. પાસ થવા માટે ઓગસ્ટ ૨૦૨૮ સુધીનો પૂરતો સમય અને વર્ષમાં બે વખત પરીક્ષા યોજવાની જાહેરાત પણ કરી છે. આમ છતાં, પરીક્ષાના માળખાને નબળું પાડવા કે પાસિંગ ગુણ ઘટાડવાના ઈરાદા સાથે હડતાલનું શરણું લેવું એ શિક્ષણ જગતને નીચું જોવા જેવું છે. એક તરફ, ૧લી જાન્યુઆરી, ૨૦૨૬ થી આઠમા પગારપંચની જોગવાઈઓ લાગુ થવાથી કાયમી શિક્ષકોનો પગાર લાખોમાં પહોંચશે, જ્યારે બીજી તરફ, ટેટ અને જીસેટ જેવી અઘરી પરીક્ષાઓ પાસ કરીને હજારો યુવા ઉમેદવારો માત્ર ૫ થી ૧૦ હજારના ફિક્સ પગારમાં ખાનગી કે સરકારી શાળાઓમાં સેવા આપી રહ્યા છે. આ હડતાલના સમયમાં પણ તેઓ જ શાળાઓ સંભાળી રહ્યા છે. પેટનો ખાડો ભરાઈ ગયા બાદ આવા શિક્ષક સંઘોએ આ ગરીબ અને લાયક ઉમેદવારોના હિત માટે ક્યારેય અવાજ ઉઠાવ્યો નથી. ઉપરાંત, વડાપ્રધાન શ્રી નરેન્દ્રભાઈ મોદી દ્વારા ઈંધણ બચાવવા કરાયેલી અપીલને માન આપીને સરકાર તમામ મહત્વની મિટિંગો ઓનલાઈન યોજી રહી છે, તેની સામે શિક્ષિત વર્ગ ઓનલાઈન રજૂઆત કરવાને બદલે પર્સનલ એસી કાર લઈને જિલ્લા કક્ષાએ એકઠા થઈ ઈંધણનો વેડફાટ કરે છે અને પર્યાવરણને નુકસાન પહોંચાડે છે તે ચિંતાજનક છે. રાષ્ટ્રીય કામગીરીઓ વખતે બાળકના અભ્યાસનું બહાનું કાઢીને વિરોધ કરવો અને પોતાના વિરોધ પ્રદર્શનો વખતે બાળકોના ભવિષ્યનો વિચાર કર્યા વગર સમય વેડફવો એ બેવડી નીતિ ઘણું બધું કહી જાય છે. આથી, ગુજરાતના શિક્ષણ વિભાગ, માનનીય શિક્ષણ મંત્રીશ્રી અને મુખ્યમંત્રીશ્રીને તાકીદે હસ્તક્ષેપ કરવા અને શાળાઓનું શૈક્ષણિક કાર્ય ન બગડે તે માટે કડક પરિપત્ર જાહેર કરી યોગ્ય પગલાં લેવા સમયની માંગ છે. સમગ્ર શિક્ષક આલમને નમ્ર અપીલ છે કે તેઓ પણ લેભાગુ તત્વો કે સંઘના અમુક અગ્રણીઓના ગેરમાર્ગે દોરનારા પ્રચારોમાં આવ્યા વિના કિંમતી સમય રેલીઓ કે ધરણાંમાં વેડફવાને બદલે રાષ્ટ્રના ભાવિ એવા બાળકોના ઘડતરમાં અને આગામી ટેટ પરીક્ષાની સજ્જતાની તૈયારીઓમાં જોડાઈ જાય, કારણ કે સતત અભ્યાસ અને કર્મનિષ્ઠા જ શિક્ષકની સાચી ઓળખ છે.