तामिळनाडू राज्यातील तिरुवल्लुर जिल्ह्यात एका सी-फूड प्रक्रिया युनिटमध्ये अमोनिया गॅसची गळती झाल्याने एक भीषण दुर्घटना घडली आहे. या दुर्दैवी घटनेत 7 महिला कामगारांचा मृत्यू झाला असून, गंभीर अवस्थेतील 67 महिलांना तातडीने विविध रुग्णालयांमध्ये दाखल करण्यात आले आहे. या महिलांवर सध्या उपचार सुरू आहेत.

योगा दिनानिमित्त उत्साहात जबरदस्त योगा करण्यात आला. या योगसत्रासोबत सर्वांनी मनसोक्त आनंदही घेतला.

भारतीय जनता पार्टी, तालुका परळी वैजनाथ यांच्या वतीने मौजे नंदनंज येथील बोरणा प्रकल्प परिसरात आंतरराष्ट्रीय योग दिन मोठ्या उत्साहात साजरा करण्यात आला. या कार्यक्रमाचे वैशिष्ट्य म्हणजे, भाजपा तालुकाध्यक्ष राजेश गित्ते यांनी बोरणा प्रकल्पाच्या पाण्यातून योगसाधना केली. मंत्री ना. पंकजाताई मुंडे आणि मा. खा. डॉ. प्रितमताई मुंडे यांच्या मार्गदर्शनाखाली हा उपक्रम राबवण्यात आला. यावेळी मार्गदर्शन करताना, भाजप तालुकाध्यक्ष राजेश गित्ते यांनी योग ही केवळ व्यायाम पद्धती नसून निरोगी, सुदृढ आणि संतुलित जीवनशैली असल्याचे प्रतिपादन केले. ताणतणावमुक्त व आरोग्यदायी समाज घडवण्यासाठी नियमित योगाभ्यास करणे काळाची गरज असून, योग ही निरोगी जीवनाची गुरुकिल्ली असल्याचे त्यांनी नमूद केले. पंतप्रधान नरेंद्र मोदी यांच्या प्रयत्नांमुळे योगाला जागतिक स्तरावर मान्यता मिळाली असून, जगभरात योग दिन उत्साहात साजरा केला जातो. नियमित योगाभ्यासामुळे शरीराला ऊर्जा मिळते, मानसिक आरोग्य सुधारते आणि जीवनमान उंचावते, असे आवाहनही याप्रसंगी करण्यात आले. या कार्यक्रमात तालुक्यातील भाजपा पदाधिकारी, शक्तिकेंद्र प्रमुख, बूथ प्रमुख, बीएलए-२, कार्यकर्ते, पत्रकार बांधव तसेच नागरिक मोठ्या संख्येने सहभागी झाले होते. भाजपा सचिव अनिल गुट्टे, अनुसूचित मोर्चा अध्यक्ष धुराजी साबळे, जेष्ठ नेते नाथराव (दादा) गुट्टे, नंदनंज उपसरपंच तथा बुथ प्रमुख बालाजी गुट्टे, मिरवट मा. उपसरपंच रामेश्वर महाराज इंगळे यांच्यासह अनेक पदाधिकारी व ग्रामस्थ उपस्थित होते. उपस्थित नागरिकांनी यावेळी योगधर्म, मानवधर्म, राष्ट्रधर्म आणि सेवाधर्म यांचा अंगीकार करण्याचा संकल्प केला, तसेच योगाच्या माध्यमातून स्वतःचे आणि समाजाचे आरोग्य सुदृढ करण्याचा संदेश देण्यात आला.

वैजापूर तालुक्यातील चिंचडगाव वाघलगाव आणि भगुर शिवारात बिबट्याचे दर्शन झाले आहे. या बिबट्याच्या दर्शनाचा व्हिडिओ सध्या मोठ्या प्रमाणावर व्हायरल होत आहे.

सिल्लोड पंचायत समिती येथे योग दिनानिमित्त विविध कार्यक्रमांचे आयोजन करण्यात आले होते. या कार्यक्रमांसाठी वैद्यकीय विभाग, पंचायत समिती, जिल्हा परिषद बांधकाम विभाग आणि पाटबंधारे विभाग यांसारख्या विविध विभागांच्या अधिकाऱ्यांनी सहभाग घेतला होता.

विदर्भाची पंढरी म्हणून ओळख असलेल्या बुलढाणा जिल्ह्यातील शेगाव येथून श्री संत गजानन महाराजांची पालखी पंढरपूरकडे मार्गस्थ झाली आहे. या पायी वारीचे हे ५७ वे वर्ष असून, यामध्ये ७०० हून अधिक वारकरी भगव्या पताका घेऊन सहभागी झाले आहेत. टाळ-मृदंगाच्या गजरात संत गजानन महाराजांची पालखी आज सकाळी पंढरपूरकडे निघाली. शेगाव ते पंढरपूर असा सुमारे ७५० किलोमीटरचा प्रवास ही पालखी ३३ दिवसांत पूर्ण करेल आणि २३ जुलै रोजी पंढरपुरात दाखल होईल. त्यानंतर आषाढी एकादशीच्या सोहळ्यात सहभागी होऊन ही पालखी २८ जुलैपर्यंत पंढरपुरातच मुक्काम करणार आहे. या पवित्र सोहळ्याचे साक्षीदार होण्यासाठी आज लाखो भाविक शेगावमध्ये दाखल झाले होते, ज्यामुळे संपूर्ण संत नगरी 'गण गण गणात बोते'च्या जयघोषाने दुमदुमून गेली होती. पंढरपुरातील मुक्कामानंतर, पालखी शेगावसाठी परतीच्या प्रवासाला निघेल.

दामिनी पथक महिलांच्या सन्मानाचे रक्षण करण्यासाठी आणि टवाळखोरांना योग्य धडा शिकवण्यासाठी नेहमीच तत्पर असते.

परळी वैजनाथ येथे एका थार गाडीच्या धडकेत प्रशांत प्रल्हाद देशमुख या युवकाचा मृत्यू झाल्याची गंभीर घटना समोर आली आहे. संत भगवान बाबा चौक ते तहसीलकडे जाणाऱ्या रस्त्यावर थार गाडीने धडक दिल्यानंतर चालक घटनास्थळावरून पळून गेला होता. गंभीर जखमी अवस्थेत प्रशांत देशमुख यांना अंबाजोगाई येथील स्वाराती रुग्णालयात उपचारासाठी दाखल करण्यात आले होते, जिथे उपचारादरम्यान त्यांचा दुर्दैवी मृत्यू झाला. या घटनेमुळे परिसरात संतापाची लाट उसळली असून, देशमुख कुटुंबीयांनी हा केवळ अपघात नसून जाणीवपूर्वक जीवे मारण्याचा प्रयत्न असल्याचा गंभीर आरोप केला आहे. परिसरातील सीसीटीव्ही फुटेजमध्ये संबंधित थार गाडी स्पष्टपणे दिसत असून, फुटेजमध्ये चारचाकी वाहन चालकाने संशयास्पद पद्धतीने मागून गाडी आणून धडक दिल्याचे दिसून येते. यामुळे घटनेची सखोल चौकशी करून कठोर कारवाई करण्याची मागणी नागरिकांसह देशमुख कुटुंबीयांनी पोलीस ठाण्यात मोठ्या संख्येने जमा होत केली. सीसीटीव्ही फुटेज उपलब्ध असल्याने आरोपीला तात्काळ अटक करून त्याच्यावर खुनाच्या प्रयत्नाचा गुन्हा दाखल करण्याचीही त्यांची मागणी होती. दरम्यान, या प्रकरणी परळी पोलिसांनी गुन्हा दाखल करत शोधमोहीम सुरू केली. मध्यरात्रीनंतर पोलिसांनी आरोपी आणि गाडीचा शोध घेण्यात यश मिळवले. पोलिसांनी दिलेल्या माहितीनुसार, आरोपी नामे नागेश विश्वनाथ मुडे, रा. भोपळा, याला अटक करण्यात आली असून, थार गाडीही ताब्यात घेण्यात आली आहे.

'आम्ही दादा आहोत, आमची दहशत आहे' असे म्हणत सहा टवाळखोरांनी राडा घातला. यानंतर पोलिसांनी तातडीने कारवाई करत त्या टवाळखोरांना घटनास्थळी परत आणले. तिथेच त्यांच्या पायावर फटके मारून त्यांची धिंड काढण्यात आली.

सिल्लोड शहरा नजीकच्या रजाळवाडी परिसरात एक दुःखद घटना घडली आहे, जिथे रजाळवाडी तलावात बुडून एका तरुणाचा मृत्यू झाला आहे. मृत तरुणाचे नाव बोला कडमिन असे आहे. मिळालेल्या माहितीनुसार, बोला कडमिन आणि त्याचे तीन मित्र असे एकूण चार तरुण या परिसरात काहीतरी पाहण्यासाठी गेले होते. त्यावेळी, 'कोण किती लांब जाते' यावरून त्यांच्यात पैज लागली. याच पैजेच्या शर्यतीदरम्यान बोला कडमिन पाण्यात बुडाला आणि त्याचा दुर्दैवी मृत्यू झाला. या घटनेची माहिती मिळताच सिल्लोड शहर पोलिसांनी तात्काळ दखल घेतली आहे. सिल्लोड शहर पोलीस ठाण्यात या घटनेची नोंद करण्यात आली असून, पोलीस पुढील तपास करत आहेत.