આંતરરાષ્ટ્રીય યોગ દિવસની ઉજવણી નિમિત્તે કડોદરા નગરપાલિકા અને ગુજરાત રાજ્ય યોગ બોર્ડના સંયુક્ત ઉપક્રમે કડોદરાની સ્વામિનારાયણ સ્કૂલ ખાતે એક ભવ્ય યોગ શિબિરનું આયોજન કરવામાં આવ્યું હતું. આ કાર્યક્રમમાં નગરપાલિકાના હોદ્દેદારો, સંગઠનના આગેવાનો અને મોટી સંખ્યામાં નાગરિકોએ ઉત્સાહપૂર્વક ભાગ લઈને યોગાભ્યાસ કર્યો હતો. આ શિબિરમાં કડોદરા નગર સંગઠન પ્રમુખ કિરણભાઈ પરમાર, કડોદરા નગરપાલિકા પ્રમુખ રામભાઈ ચોસલા, ઉપપ્રમુખ અમીષાબેન ધર્મેશભાઈ મૈસૂરિયા, કારોબારી અધ્યક્ષ સંજયકુમાર મિથિલેશ શર્મા, નગરસેવકો અને સંગઠનના વિવિધ હોદ્દેદારો વિશેષ રૂપે ઉપસ્થિત રહ્યા હતા. આ તમામ મહાનુભાવોએ યોગાભ્યાસમાં જોડાઈને નિયમિત યોગના મહત્વ વિશે સંદેશ આપ્યો હતો. આ પ્રસંગે ગુજરાત રાજ્ય યોગ બોર્ડના ચેરમેન સીસીપાલ સરના માર્ગદર્શન હેઠળ આગામી 21 જૂને ઉજવવામાં આવનારા 12મા આંતરરાષ્ટ્રીય યોગ દિવસની તૈયારીઓ અંગે પણ માહિતી પૂરી પાડવામાં આવી હતી. યોગ બોર્ડ દ્વારા 15 જૂનથી 21 જૂન સુધી યોગ પ્રોટોકોલ મુજબ સતત વિવિધ યોગ સત્રોનું આયોજન કરવામાં આવી રહ્યું છે, જેનો મુખ્ય હેતુ ‘ઘર-ઘર સુધી યોગ’ પહોંચાડીને દરેક નાગરિકને સ્વસ્થ અને નિરોગી જીવનશૈલી અપનાવવા માટે પ્રેરિત કરવાનો છે. ગુજરાત રાજ્ય યોગ બોર્ડના યોગ ટ્રેનર ગીતાબેન પટેલ અને સુનિલભાઈ પટેલે ઉપસ્થિતોને યોગ અને પ્રાણાયામની વિવિધ ક્રિયાઓ પ્રોટોકોલ મુજબ કરાવી હતી. તેમણે જણાવ્યું હતું કે કડોદરા નગરપાલિકાના સહયોગથી યોજાયેલા આ કાર્યક્રમમાં તમામ સાધકોએ ઉત્સાહ અને શિસ્ત સાથે યોગાભ્યાસ કર્યો, જે યોગ પ્રત્યે લોકોમાં વધતી જાગૃતિનું ઉત્તમ ઉદાહરણ પૂરું પાડે છે. યોગ ટ્રેનર્સે યોગના સ્વાસ્થ્યલક્ષી લાભો વિશે વિસ્તૃત માહિતી આપતા જણાવ્યું કે નિયમિત યોગાભ્યાસ કરવાથી બ્લડ શુગરનું સ્તર નિયંત્રિત રહેવામાં મદદ મળે છે, વધારાનું વજન અને ચરબી ઘટાડવામાં સહાય થાય છે, તેમજ શરીરની રોગપ્રતિકારક શક્તિ મજબૂત બને છે. આ ઉપરાંત, આજના વ્યસ્ત અને તણાવભર્યા જીવનમાં માનસિક તણાવ, ચિંતા અને માઇગ્રેન જેવી સમસ્યાઓમાંથી રાહત મેળવવા માટે પણ યોગ અને પ્રાણાયામ અત્યંત અસરકારક સાબિત થાય છે. નિયમિત યોગથી શરીર, મન અને આત્મા વચ્ચે સંતુલન જળવાઈ રહે છે અને વ્યક્તિનું સમગ્ર સ્વાસ્થ્ય સુધરે છે. આ સમગ્ર કાર્યક્રમ ઉત્સાહપૂર્ણ અને પ્રેરણાદાયી વાતાવરણમાં સંપન્ન થયો હતો. કાર્યક્રમના અંતે, ઉપસ્થિત નાગરિકોએ રોજિંદા જીવનમાં યોગને સ્થાન આપવાનો અને પોતાના પરિવાર તેમજ સમાજમાં પણ યોગ અંગે જાગૃતિ ફેલાવવાનો સંકલ્પ વ્યક્ત કર્યો હતો.

રમેશ ખંભાતી

Photographer બારડોલી, સુરત, ગુજરાત•

19 hrs ago

આંતરરાષ્ટ્રીય યોગ દિવસની ઉજવણી નિમિત્તે કડોદરા નગરપાલિકા અને ગુજરાત રાજ્ય યોગ બોર્ડના સંયુક્ત ઉપક્રમે કડોદરાની સ્વામિનારાયણ સ્કૂલ ખાતે એક ભવ્ય યોગ શિબિરનું આયોજન કરવામાં આવ્યું હતું. આ કાર્યક્રમમાં નગરપાલિકાના હોદ્દેદારો, સંગઠનના આગેવાનો અને મોટી સંખ્યામાં નાગરિકોએ ઉત્સાહપૂર્વક ભાગ લઈને યોગાભ્યાસ કર્યો હતો. આ શિબિરમાં કડોદરા નગર સંગઠન પ્રમુખ કિરણભાઈ પરમાર, કડોદરા નગરપાલિકા પ્રમુખ રામભાઈ ચોસલા, ઉપપ્રમુખ અમીષાબેન ધર્મેશભાઈ મૈસૂરિયા, કારોબારી અધ્યક્ષ સંજયકુમાર મિથિલેશ શર્મા, નગરસેવકો અને સંગઠનના વિવિધ હોદ્દેદારો વિશેષ રૂપે ઉપસ્થિત રહ્યા હતા. આ તમામ મહાનુભાવોએ યોગાભ્યાસમાં જોડાઈને નિયમિત યોગના મહત્વ વિશે સંદેશ આપ્યો હતો. આ પ્રસંગે ગુજરાત રાજ્ય યોગ બોર્ડના ચેરમેન સીસીપાલ સરના માર્ગદર્શન હેઠળ આગામી 21 જૂને ઉજવવામાં આવનારા 12મા આંતરરાષ્ટ્રીય યોગ દિવસની તૈયારીઓ અંગે પણ માહિતી પૂરી પાડવામાં આવી હતી. યોગ બોર્ડ દ્વારા 15 જૂનથી 21 જૂન સુધી યોગ પ્રોટોકોલ મુજબ સતત વિવિધ યોગ સત્રોનું આયોજન કરવામાં આવી રહ્યું છે, જેનો મુખ્ય હેતુ ‘ઘર-ઘર સુધી યોગ’ પહોંચાડીને દરેક નાગરિકને સ્વસ્થ અને નિરોગી જીવનશૈલી અપનાવવા માટે પ્રેરિત કરવાનો છે. ગુજરાત રાજ્ય યોગ બોર્ડના યોગ ટ્રેનર ગીતાબેન પટેલ અને સુનિલભાઈ પટેલે ઉપસ્થિતોને યોગ અને પ્રાણાયામની વિવિધ ક્રિયાઓ પ્રોટોકોલ મુજબ કરાવી હતી. તેમણે જણાવ્યું હતું કે કડોદરા નગરપાલિકાના સહયોગથી યોજાયેલા આ કાર્યક્રમમાં તમામ સાધકોએ ઉત્સાહ અને શિસ્ત સાથે યોગાભ્યાસ કર્યો, જે યોગ પ્રત્યે લોકોમાં વધતી જાગૃતિનું ઉત્તમ ઉદાહરણ પૂરું પાડે છે. યોગ ટ્રેનર્સે યોગના સ્વાસ્થ્યલક્ષી લાભો વિશે વિસ્તૃત માહિતી આપતા જણાવ્યું કે નિયમિત યોગાભ્યાસ કરવાથી બ્લડ શુગરનું સ્તર નિયંત્રિત રહેવામાં મદદ મળે છે, વધારાનું વજન અને ચરબી ઘટાડવામાં સહાય થાય છે, તેમજ શરીરની રોગપ્રતિકારક શક્તિ મજબૂત બને છે. આ ઉપરાંત, આજના વ્યસ્ત અને તણાવભર્યા જીવનમાં માનસિક તણાવ, ચિંતા અને માઇગ્રેન જેવી સમસ્યાઓમાંથી રાહત મેળવવા માટે પણ યોગ અને પ્રાણાયામ અત્યંત અસરકારક સાબિત થાય છે. નિયમિત યોગથી શરીર, મન અને આત્મા વચ્ચે સંતુલન જળવાઈ રહે છે અને વ્યક્તિનું સમગ્ર સ્વાસ્થ્ય સુધરે છે. આ સમગ્ર કાર્યક્રમ ઉત્સાહપૂર્ણ અને પ્રેરણાદાયી વાતાવરણમાં સંપન્ન થયો હતો. કાર્યક્રમના અંતે, ઉપસ્થિત નાગરિકોએ રોજિંદા જીવનમાં યોગને સ્થાન આપવાનો અને પોતાના પરિવાર તેમજ સમાજમાં પણ યોગ અંગે જાગૃતિ ફેલાવવાનો સંકલ્પ વ્યક્ત કર્યો હતો.