தலைமைச் செயலாளர் மீது நடவடிக்கை: முதல்வர் விஜய் பேச வேண்டும்! திருப்பூர் சிபிஎம் ஆர்ப்பாட்டத்தில் கே.கனகராஜ் பேச்சு! தலைமைச் செயலாளர் மீது நடவடிக்கை: முதல்வர் விஜய் பேச வேண்டும்! திருப்பூர் சிபிஎம் ஆர்ப்பாட்டத்தில் கே.கனகராஜ் பேச்சு! திருப்பூர், இடதுசாரி கட்சி ஊழியர்களை குறி வைத்து சுற்றறிக்கை அனுப்பி மிரட்டி அச்சுறுத்தப் பார்த்த பிரச்சனையில் தலைமைச் செயலாளர் சாய் குமார் மீது நடவடிக்கை எடுக்க வேண்டும். இது குறித்து திங்களன்று சட்டமன்றத்தில் முதலமைச்சர் விஜய் பேச வே்ண்டும் என்று மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் கே.கனகராஜ் கூறினார். திருப்பூரில் சனிக்கிழமை மாநகராட்சி அலுவலகம் எதிரில் மார்க்சிஸ்ட் கம்யூனிஸ்ட் கட்சி நடத்திய கண்டன ஆர்ப்பாட்டத்தில் பங்கேற்றுப் பேசிய கே.கனகராஜ் கூறியதாவது: தமிழக வெற்றி கழகம் சட்டமன்றத் தேர்தலில் 108 இடங்களில் வெற்றி பெற்றும், ஆட்சி அமைக்க ஆளுநரிடம் உரிமை கோரி மூன்று முறை சந்தித்தும் ஆளுநர் ஆட்சி அமைக்க அழைக்கவில்லை. அவர்கள் ஆட்சி அமைக்க இடதுசாரி கட்சிகள் ஆதரவு தெரிவித்து கடிதம் கொடுத்த பிறகு ஆளுநர் மாளிகையில் 118 பெரும்பான்மை எண்ணிக்கையுடன் ஆட்சி அமைக்க தமிழக வெற்றிக் கழகம் தலைவர் விஜய் ஆளுநரை சந்தித்த போதும், ஆளுநர் உடனடியாக பதில் சொல்லவில்லை. மார்க்சிஸ்ட் கம்யூனிஸ்ட் கட்சியின் அரசியல் தலைமை குழு உறுப்பினர், மாநிலச் செயலாளர், வெற்றி பெற்ற எங்கள் சட்டமன்ற உறுப்பினர் ஆகியோர் ஆளுநரிடம் ஆட்சி அமைக்க கடிதம் கொடுக்கும் வரை அங்கிருந்து செல்வதற்கு வாய்ப்பில்லை என்று சொன்ன பிறகு தான், தமிழக வெற்றி கழகம் ஆட்சி அமைக்க அழைப்பு விடுத்து ஆளுநர் கடிதம் கொடுத்தார். இந்த ஆட்சி அமைய ஆதரவு கொடுத்தது மட்டுமல்ல, மார்க்சிஸ்ட் கம்யூனிஸ்ட் கட்சி நடத்திய போராட்டத்தால் தான் முதல்வர் விஜய் அரசு மே 10ஆம் தேதி பதவியேற்க முடிந்தது. போராட்டம் நடத்துவது என்பது அரசமைப்புச் சட்டம் சாதாரண மக்களுக்கு கொடுத்திருக்கும் அடிப்படை உரிமை. இது காலனி ஆட்சியை எதிர்த்து நடைபெற்ற விடுதலைப் போராட்டத்தால் கிடைத்தது. எங்கள் தோழர்கள் சங்கரய்யா, நல்லகண்ணு போன்றவர்கள் போராடித்தான் இது கிடைத்தது. சங்கரய்யா 8 ஆண்டுகள் சிறையில் இருந்திருக்கிறார். இந்தப் போராட்டத்தினால் தான் இந்தியர்கள் ஐஏஎஸ், ஐபிஎஸ் அதிகாரிகளாக பதவிக்கு வர முடிந்தது. தலைமைச் செயலாளர் உள்ளிட்ட அதிகாரிகள் உட்கார்ந்து இருக்கும் இருக்கை, எங்கள் கட்சி பங்கேற்ற சுதந்திரப் போராட்டத்தால் தான் கிடைத்தது. தலைமைச் செயலாளர், டிஜிபி என எந்த உயர் அதிகாரிகளாக இருந்தாலும் மக்களின் வரிப்பணத்தில் இருந்து தான் சம்பளம் வாங்குகிறார்கள். ஆனாலும் இந்த அதிகார வர்க்கம் காலனி ஆட்சியைப் போல அடக்கி ஆளும் வேலையை செய்து கொண்டே இருக்கிறது. மக்கள் வரிப்பணத்தில் சம்பளம் வாங்கும் அதிகார வர்க்கம் அநியாயம், அத்துமீறல், தான்தோன்றித்தனத்துடன் செயல்படக் கூடாது. மக்களின் ஜனநாயக உரிமையை நிலைநாட்டும் பொறுப்பு அரசாங்கத்திற்கு உண்டு. மக்களின் உரிமையை நிலைநாட்டும் இயக்கமாக செங்கொடி இயக்கம் எப்போதும் இருக்கும். போராடுவது எங்கள் உரிமை. அதை யாரும் தடுக்க முடியாது. தலைமைச் செயலாளர் சாய்குமார் ஆர்.எஸ்.எஸ் அமைப்பின் அடிமையாக செயல்படுகிறாரா? இந்தியாவின் தேசிய கட்சியின் ஊழியர்களை கண்காணிப்போம் என்று சொல்வது, அரசாங்கத்துக்கு தெரியாமல் நடக்கிறது என்றால் இந்த அரசாங்கம் நடக்கவில்லை என்று அர்த்தம். குஜிலியம்பாறை வட்டாட்சியர் அய்யாசாமி மீதும், தலைமைச் செயலாளர் சாய் குமார் மீதும் நடவடிக்கை எடுக்க வேண்டும். சங் பரிவார் ஆட்களை அரசு நிர்வாகத்தில் நியமிப்பது சரியல்ல. ஜந்தர் மந்தர் போராட்டத்தை சீருடை இல்லாத போலீசாரை அனுப்பி அடக்கி ஒடுக்க பார்த்தார்கள். ஆனால் மோடி, அமித் ஷாவின் அடக்குமுறை செல்லுபடி ஆகவில்லை. அந்தப் போராட்டத்தால் தர்மேந்திர பிரதான் பதவி விலக நேரிட்டது. பிரிட்டிஷ் ஆட்சியின் ராணுவம், காவல்துறை ஆகியவற்றின் அடக்குமுறைகளை சந்தித்த இயக்கம் செங்கொடி இயக்கம். அதேபோல் எமர்ஜென்சி கால அடக்கமுறையையும் சந்தித்திருக்கிறோம். பிற்படுத்தப்பட்டோர் இட ஒதுக்கீட்டிற்கு எதிராக நீதிமன்றம் தீர்ப்பளித்த போதும் அதை எதிர்த்தும் தொடர்ந்து போராடி வெற்றி பெற்றது இந்த இயக்கம். ஸ்டெர்லைட் ஆலையை திறப்பதற்கு முயன்ற போதும் மக்கள் போராட்டம் நடத்தி அதை முறியடித்தோம். எனவே இந்தப் பூச்சாண்டி எங்களிடம் செல்லாது. போராடும் மாணவர்கள், இளைஞர்களை காவல்துறை காட்டுமிராண்டித்தனமாக கையாண்டிருக்கிறார்கள். காவல்துறை மீது நாங்கள் வழக்கு போட்டால் அவர்கள் சீருடை, லத்தி, தொப்பி இல்லாமல் அலையும் நிலை ஏற்படும். அந்த நிலையை, பணி இடைநீக்கம் செய்யப்பட்ட காவல்துறை அதிகாரிகளை நாங்கள் அறிவோம். போராட்ட உரிமையை பாதுகாப்பதற்கு தெம்பும் திராணியும் எங்களிடம் உண்டு. திங்கள் கிழமை சட்டமன்றம் கூடும்போது முதலமைச்சர் இது குறித்து பேச வேண்டும். தலைமைச் செயலாளர், வட்டாட்சியர் மீது நடவடிக்கை எடுக்க வேண்டும். ஒரு நாள் போராட்டத்தோடு விட்டு விடுவோம் என்று நினைக்க வேண்டாம். திமுக ஆட்சியில் இருந்த போதும் எங்களுக்கு இரண்டு எம்எல்ஏக்கள் தான். சட்டமன்றத்தில் நிறைவேற்றிய பனிரெண்டு மணி நேர வேலை என்பதை திரும்பப் பெற வைத்தோம். சாம்சங் தொழிற்சங்க பதிவை போராடி வெற்றிப் பெற்றோம். இந்த அரசு, அதிகாரிகளை கட்டவிழ்த்து விடுவது பெருமை அல்ல. அவர்களை கட்டுப்பாட்டில் வைத்திருக்க வேண்டும். அதிகாரிகள் சொல்வதற்கு ஆமாம் சாமி போடக்கூடாது. அதிகாரிகள் மீது நடவடிக்கை எடுக்க வேண்டும். இல்லாவிட்டால்... என்று மற்றவர்களைப் போல் சவால் விட மாட்டோம். ஆனால் செய்ய வேண்டியதை கட்டாயம் செய்ய வேண்டிய நேரத்தில் செய்வோம். இவ்வாறு கே.கனகராஜ் பேசினார்.

பிரபாகரன்

திருப்பூர் வடக்கு, திருப்பூர், தமிழ்நாடு•

8 hrs ago

தலைமைச் செயலாளர் மீது நடவடிக்கை: முதல்வர் விஜய் பேச வேண்டும்! திருப்பூர் சிபிஎம் ஆர்ப்பாட்டத்தில் கே.கனகராஜ் பேச்சு! தலைமைச் செயலாளர் மீது நடவடிக்கை: முதல்வர் விஜய் பேச வேண்டும்! திருப்பூர் சிபிஎம் ஆர்ப்பாட்டத்தில் கே.கனகராஜ் பேச்சு! திருப்பூர், இடதுசாரி கட்சி ஊழியர்களை குறி வைத்து சுற்றறிக்கை அனுப்பி மிரட்டி அச்சுறுத்தப் பார்த்த பிரச்சனையில் தலைமைச் செயலாளர் சாய் குமார் மீது நடவடிக்கை எடுக்க வேண்டும். இது குறித்து திங்களன்று சட்டமன்றத்தில் முதலமைச்சர் விஜய் பேச வே்ண்டும் என்று மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் கே.கனகராஜ் கூறினார். திருப்பூரில் சனிக்கிழமை மாநகராட்சி அலுவலகம் எதிரில் மார்க்சிஸ்ட் கம்யூனிஸ்ட் கட்சி நடத்திய கண்டன ஆர்ப்பாட்டத்தில் பங்கேற்றுப் பேசிய கே.கனகராஜ் கூறியதாவது: தமிழக வெற்றி கழகம் சட்டமன்றத் தேர்தலில் 108 இடங்களில் வெற்றி பெற்றும், ஆட்சி அமைக்க ஆளுநரிடம் உரிமை கோரி மூன்று முறை சந்தித்தும் ஆளுநர் ஆட்சி அமைக்க அழைக்கவில்லை. அவர்கள் ஆட்சி அமைக்க இடதுசாரி கட்சிகள் ஆதரவு தெரிவித்து கடிதம் கொடுத்த பிறகு ஆளுநர் மாளிகையில் 118 பெரும்பான்மை எண்ணிக்கையுடன் ஆட்சி அமைக்க தமிழக வெற்றிக் கழகம் தலைவர் விஜய் ஆளுநரை சந்தித்த போதும், ஆளுநர் உடனடியாக பதில் சொல்லவில்லை. மார்க்சிஸ்ட் கம்யூனிஸ்ட் கட்சியின் அரசியல் தலைமை குழு உறுப்பினர், மாநிலச் செயலாளர், வெற்றி பெற்ற எங்கள் சட்டமன்ற உறுப்பினர் ஆகியோர் ஆளுநரிடம் ஆட்சி அமைக்க கடிதம் கொடுக்கும் வரை அங்கிருந்து செல்வதற்கு வாய்ப்பில்லை என்று சொன்ன பிறகு தான், தமிழக வெற்றி கழகம் ஆட்சி அமைக்க அழைப்பு விடுத்து ஆளுநர் கடிதம் கொடுத்தார். இந்த ஆட்சி அமைய ஆதரவு கொடுத்தது மட்டுமல்ல, மார்க்சிஸ்ட் கம்யூனிஸ்ட் கட்சி நடத்திய போராட்டத்தால் தான் முதல்வர் விஜய் அரசு மே 10ஆம் தேதி பதவியேற்க முடிந்தது. போராட்டம் நடத்துவது என்பது அரசமைப்புச் சட்டம் சாதாரண மக்களுக்கு கொடுத்திருக்கும் அடிப்படை உரிமை. இது காலனி ஆட்சியை எதிர்த்து நடைபெற்ற விடுதலைப் போராட்டத்தால் கிடைத்தது. எங்கள் தோழர்கள் சங்கரய்யா, நல்லகண்ணு போன்றவர்கள் போராடித்தான் இது கிடைத்தது. சங்கரய்யா 8 ஆண்டுகள் சிறையில் இருந்திருக்கிறார். இந்தப் போராட்டத்தினால் தான் இந்தியர்கள் ஐஏஎஸ், ஐபிஎஸ் அதிகாரிகளாக பதவிக்கு வர முடிந்தது. தலைமைச் செயலாளர் உள்ளிட்ட அதிகாரிகள் உட்கார்ந்து இருக்கும் இருக்கை, எங்கள் கட்சி பங்கேற்ற சுதந்திரப் போராட்டத்தால் தான் கிடைத்தது. தலைமைச் செயலாளர், டிஜிபி என எந்த உயர் அதிகாரிகளாக இருந்தாலும் மக்களின் வரிப்பணத்தில் இருந்து தான் சம்பளம் வாங்குகிறார்கள். ஆனாலும் இந்த அதிகார வர்க்கம் காலனி ஆட்சியைப் போல அடக்கி ஆளும் வேலையை செய்து கொண்டே இருக்கிறது. மக்கள் வரிப்பணத்தில்

சம்பளம் வாங்கும் அதிகார வர்க்கம் அநியாயம், அத்துமீறல், தான்தோன்றித்தனத்துடன் செயல்படக் கூடாது. மக்களின் ஜனநாயக உரிமையை நிலைநாட்டும் பொறுப்பு அரசாங்கத்திற்கு உண்டு. மக்களின் உரிமையை நிலைநாட்டும் இயக்கமாக செங்கொடி இயக்கம் எப்போதும் இருக்கும். போராடுவது எங்கள் உரிமை. அதை யாரும் தடுக்க முடியாது. தலைமைச் செயலாளர் சாய்குமார் ஆர்.எஸ்.எஸ் அமைப்பின் அடிமையாக செயல்படுகிறாரா? இந்தியாவின் தேசிய கட்சியின் ஊழியர்களை கண்காணிப்போம் என்று சொல்வது, அரசாங்கத்துக்கு தெரியாமல் நடக்கிறது என்றால் இந்த அரசாங்கம் நடக்கவில்லை என்று அர்த்தம். குஜிலியம்பாறை வட்டாட்சியர் அய்யாசாமி மீதும், தலைமைச் செயலாளர் சாய் குமார் மீதும் நடவடிக்கை எடுக்க வேண்டும். சங் பரிவார் ஆட்களை அரசு நிர்வாகத்தில் நியமிப்பது சரியல்ல. ஜந்தர் மந்தர் போராட்டத்தை சீருடை இல்லாத போலீசாரை அனுப்பி அடக்கி ஒடுக்க பார்த்தார்கள். ஆனால் மோடி, அமித் ஷாவின் அடக்குமுறை செல்லுபடி ஆகவில்லை. அந்தப் போராட்டத்தால் தர்மேந்திர பிரதான் பதவி விலக நேரிட்டது. பிரிட்டிஷ் ஆட்சியின் ராணுவம், காவல்துறை ஆகியவற்றின் அடக்குமுறைகளை சந்தித்த இயக்கம் செங்கொடி இயக்கம். அதேபோல் எமர்ஜென்சி கால அடக்கமுறையையும் சந்தித்திருக்கிறோம். பிற்படுத்தப்பட்டோர் இட ஒதுக்கீட்டிற்கு எதிராக நீதிமன்றம் தீர்ப்பளித்த போதும் அதை எதிர்த்தும் தொடர்ந்து போராடி வெற்றி பெற்றது இந்த இயக்கம். ஸ்டெர்லைட் ஆலையை திறப்பதற்கு முயன்ற போதும் மக்கள் போராட்டம் நடத்தி அதை முறியடித்தோம். எனவே இந்தப் பூச்சாண்டி எங்களிடம் செல்லாது. போராடும் மாணவர்கள், இளைஞர்களை காவல்துறை காட்டுமிராண்டித்தனமாக கையாண்டிருக்கிறார்கள். காவல்துறை மீது நாங்கள் வழக்கு போட்டால் அவர்கள் சீருடை, லத்தி, தொப்பி இல்லாமல் அலையும் நிலை ஏற்படும். அந்த நிலையை, பணி இடைநீக்கம் செய்யப்பட்ட காவல்துறை அதிகாரிகளை நாங்கள் அறிவோம். போராட்ட உரிமையை பாதுகாப்பதற்கு தெம்பும் திராணியும் எங்களிடம் உண்டு. திங்கள் கிழமை சட்டமன்றம் கூடும்போது முதலமைச்சர் இது குறித்து பேச வேண்டும். தலைமைச் செயலாளர், வட்டாட்சியர் மீது நடவடிக்கை எடுக்க வேண்டும். ஒரு நாள் போராட்டத்தோடு விட்டு விடுவோம் என்று நினைக்க வேண்டாம். திமுக ஆட்சியில் இருந்த போதும் எங்களுக்கு இரண்டு எம்எல்ஏக்கள் தான். சட்டமன்றத்தில் நிறைவேற்றிய பனிரெண்டு மணி நேர வேலை என்பதை திரும்பப் பெற வைத்தோம். சாம்சங் தொழிற்சங்க பதிவை போராடி வெற்றிப் பெற்றோம். இந்த அரசு, அதிகாரிகளை கட்டவிழ்த்து விடுவது பெருமை அல்ல. அவர்களை கட்டுப்பாட்டில் வைத்திருக்க வேண்டும். அதிகாரிகள் சொல்வதற்கு ஆமாம் சாமி போடக்கூடாது. அதிகாரிகள் மீது நடவடிக்கை எடுக்க வேண்டும். இல்லாவிட்டால்... என்று மற்றவர்களைப் போல் சவால் விட மாட்டோம். ஆனால் செய்ய வேண்டியதை கட்டாயம் செய்ய வேண்டிய நேரத்தில் செய்வோம். இவ்வாறு கே.கனகராஜ் பேசினார்.