છોટાઉદેપુર LCB પોલીસે પાનવડ રોડ પર વોચ દરમિયાન કવાંટના ચીખલી ગામેથી ચોરાયેલી મોટરસાયકલ સાથે બે શખ્સોને ઝડપી પાડ્યા છે. જોકે, આ કાર્યવાહીમાં એક શખ્સ પોલીસ પકડમાંથી ફરાર થવામાં સફળ રહ્યો હતો. પોલીસે પોકેટકોપ એપની મદદથી ચોરીનો આ ભેદ ઉકેલ્યો છે અને કુલ રૂ. ૮૦,૦૦૦નો મુદ્દામાલ જપ્ત કર્યો છે. પોલીસે આ સમગ્ર મામલે વધુ તપાસ હાથ ધરી છે.

બોડેલી નગરપાલિકાએ 'એક્શન મોડ'માં આવીને જાહેર માર્ગો પરથી ગેરકાયદેસર દબાણ હટાવવા માટે એક વિશેષ ઝુંબેશ શરૂ કરી છે. આ કાર્યવાહીનો મુખ્ય ઉદ્દેશ્ય જાહેર રસ્તાઓ પર થયેલા અનધિકૃત દબાણને દૂર કરીને ટ્રાફિકની સમસ્યાને હળવી કરવાનો છે. નગરપાલિકા દ્વારા બોડેલીના જાહેર માર્ગો પરથી ગેરકાયદેસર દબાણ હટાવવાની આ ઝુંબેશ ચલાવવામાં આવી રહી છે.

બોડેલી નગરપાલિકા દ્વારા દબાણ હટાવવાની એક ડ્રાઈવ હાથ ધરવામાં આવી હતી.

હાલોલ-વડોદરા હાઈવે પર બાસ્કા સ્થિત 'નિર્માણ પેટ્રોલિયમ' પર જિલ્લા પુરવઠા અધિકારી ડૉ. ભાર્ગવ ડાંગર અને તેમની ટીમે અચાનક દરોડા પાડ્યા હતા. આ કાર્યવાહીમાં સરકારી નિયમોનો ભંગ કરીને પેટ્રોલ પંપ દ્વારા વાહનોને બદલે મોટી કંપનીઓ અને ક્વોરી જેવા કોમર્શિયલ એકમોને બેરલોમાં મોટા પ્રમાણમાં ઇંધણનું વેચાણ કરવામાં આવતું હોવાનું સામે આવ્યું હતું. સરકારી નિયમો મુજબ બેરલ કે કારબામાં પેટ્રોલ-ડીઝલ આપવા પર પ્રતિબંધ છે. સામાન્ય ગ્રાહકો અને ખેડૂતોના હિતને નુકસાન પહોંચાડીને કરવામાં આવતા આ ગેરકાયદેસર વેચાણને કારણે પુરવઠા તંત્ર દ્વારા પેટ્રોલ પંપનું વેચાણ તાત્કાલિક અસરથી સ્થગિત કરી દેવામાં આવ્યું છે. વધુ તપાસ માટે પંપના રેકોર્ડ અને CCTVના DVR પણ જપ્ત કરવામાં આવ્યા છે. જિલ્લા પુરવઠા અધિકારીએ અન્ય પેટ્રોલ પંપો અને ઔદ્યોગિક એકમોને પણ કડક ચેતવણી આપી છે કે આગામી દિવસોમાં જો કોઈ પણ જગ્યાએ ઇંધણ ડાયવર્ટ કરવાનું કૌભાંડ પકડાશે, તો તેમની સામે બ્લેક માર્કેટિંગ એક્ટ અને આવશ્યક ચીજવસ્તુ અધિનિયમ હેઠળ કડક કાયદેસરની કાર્યવાહી કરવામાં આવશે.

પંજાબ સ્થાનિક સ્વરાજ્યની ચૂંટણીઓમાં આમ આદમી પાર્ટી (AAP) ને મળેલી ઐતિહાસિક જીતની ભવ્ય ઉજવણી ગુજરાતના નર્મદા જિલ્લામાં ઉત્સાહભેર કરવામાં આવી. આ ઉજવણીના ભાગરૂપે, નર્મદા જિલ્લા AAP પ્રમુખ નિરંજન વસાવાની પ્રેરક ઉપસ્થિતિમાં નવા જિલ્લા કાર્યાલયનું ઉદ્ઘાટન કરવામાં આવ્યું, જ્યાં વિજેતા ઉમેદવારોનું સન્માન પણ કરવામાં આવ્યું. નિરંજન વસાવાએ આ પ્રસંગે જણાવ્યું કે પંજાબની જનતાએ ભગવંત માન સરકાર દ્વારા શિક્ષણ અને આરોગ્ય ક્ષેત્રે કરાયેલા કાર્યોને સ્વીકારીને પાર્ટીને ભવ્ય જનાદેશ આપ્યો છે.

છોટાઉદેપુર LCB પોલીસે પાનવડ રોડ પર વોચ દરમિયાન કવાંટના ચીખલી ગામેથી ચોરાયેલી મોટરસાયકલ સાથે બે શખ્સોને ઝડપી પાડ્યા છે. જોકે, આ કાર્યવાહીમાં એક શખ્સ પોલીસ પકડમાંથી ફરાર થવામાં સફળ રહ્યો હતો. પોલીસે પોકેટકોપ એપની મદદથી ચોરીનો આ ભેદ ઉકેલ્યો છે અને કુલ રૂ. ૮૦,૦૦૦નો મુદ્દામાલ જપ્ત કર્યો છે. પોલીસે આ સમગ્ર મામલે વધુ તપાસ હાથ ધરી છે.