অসমৰ মুখ্যমন্ত্ৰী হিচাপে শপত গ্ৰহণ কৰিলে হিমন্ত বিশ্ব শৰ্মাই। অসম বিধানসভাৰ মজিয়াত আন আন বিধায়কৰ সৈতে তেওঁ শপত গ্ৰহণ কৰে।

t ahg

গোৱালপাৰা মহাবিদ্যালয়ৰ ছাত্ৰ একতা সভাৰ বাবে নতুন কোঠা উদ্বোধন কৰা হৈছে। মহাবিদ্যালয়ৰ অধ্যক্ষ ডঃ সুভাষ বৰ্মনে এই নতুন গৃহৰ শুভ উদ্বোধন কৰে।

বাক্সা জিলাৰ মানাহ ৰাষ্ট্ৰীয় উদ্যানত পৰ্যটকৰ এটা দলে বন্যহস্তীৰ মুখামুখি হয়। উদ্যানখনত হাতীৰ বিচৰণ দেখি পৰ্যটকসকল আপ্লুত হৈ পৰে।

বাক্সা জিলাৰ অঞ্চলী মৰা পতাত এটি মৃতদেহ উদ্ধাৰ হৈছে। উদ্ধাৰ হোৱা মৃতদেহটো অঞ্চলীৰ বাসিন্দা ৪১ বছৰীয়া অজিত দাসৰ বুলি চিনাক্ত কৰা হৈছে।

অসম দক্ষতা বিশ্ববিদ্যালয়ৰ উদ্যোগত তামুলপুৰ উচ্চতৰ মাধ্যমিক বিদ্যালয়ত জিলা পৰ্যায়ৰ সজাগতা কৰ্মশালা অনুষ্ঠিত হ'ল। তামুলপুৰ আঞ্চলিক ছাত্ৰ সন্থাৰ সহযোগত অনুষ্ঠিত এই সভাই ছাত্ৰ-ছাত্ৰীক দক্ষতাৰ গুৰুত্ব আৰু ভৱিষ্যতৰ বাবে পৰামৰ্শ আগবঢ়ায়।

বকো-ছয়গাঁও সমষ্টিৰ নৱনিৰ্বাচিত বিধায়ক ৰাজু মেছে আজি বিধায়ক হিচাপে শপত গ্ৰহণ কৰে। ইয়াৰ লগে লগে তেওঁ অসম বিধানসভাত আনুষ্ঠানিকভাৱে নিজৰ যাত্ৰা আৰম্ভ কৰিলে।

বৰপেটাৰ কৃষ্ণ গুৰু আধ্যাত্মিক বিশ্ববিদ্যালয়ৰ ছাত্ৰীনিবাসৰ সমীপত এক অগ্নিকাণ্ড সংঘটিত হৈছে। বৈদ্যুতিক চৰ্ট চাৰ্কিটৰ ফলত জুই লগা বুলি সন্দেহ কৰা হৈছে, যাৰ ফলত ছাত্ৰীসকলৰ মাজত তীব্ৰ আতংকৰ সৃষ্টি হয়। সৌভাগ্যক্ৰমে কোনো হতাহত নহ'ল যদিও অগ্নিনিৰ্বাপক বাহিনীয়ে পৰিস্থিতি নিয়ন্ত্ৰণলৈ আনে আৰু তদন্ত আৰম্ভ হৈছে।

গুৱাহাটীৰ চচলত পেট্ৰল, ডিজেল, গেছ আৰু অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ বিৰুদ্ধে কৃষক মুক্তি সংগ্ৰাম সমিতি আৰু ছাত্ৰ মুক্তি সংগ্ৰাম সমিতিয়ে তীব্ৰ প্ৰতিবাদ সাব্যস্ত কৰে। এই প্ৰতিবাদী সভাত ছাত্ৰ মুক্তিৰ কেন্দ্ৰীয় কাৰ্যকৰী সভাপতি জাকিৰ হুছেইনে মূল্যবৃদ্ধি ৰোধ কৰিবলৈ চৰকাৰক দাবী জনায়। ৰাজ্যজুৰি মূল্যবৃদ্ধিৰ বিৰুদ্ধে জনসাধাৰণৰ মাজত ক্ষোভ বৃদ্ধি পাইছে।