लोककल्याणकारी, प्रजाहितदक्ष, न्यायप्रिय आणि दूरदर्शी राज्यकर्त्या पुण्यश्लोक अहिल्यादेवी होळकर यांच्या ३०१ व्या जयंतीनिमित्त त्यांच्या जन्मस्थळी, चोंडी (ता. जामखेड) येथे मध्यरात्री ठीक १२ वाजता त्यांच्या स्मारकास भावपूर्ण अभिवादन करण्यात आले. या सोहळ्याला आमदार रोहित पवार आणि खासदार निलेश लंके यांच्यासह स्थानिक पदाधिकारी, कार्यकर्ते आणि मोठ्या संख्येने भाविक उपस्थित होते. तत्पूर्वी, चोंडी येथील महादेवाच्या मंदिरात मनोभावे पूजा आणि अभिषेक करण्यात आला. या धार्मिक कार्यक्रमानंतर अहिल्यादेवींच्या पुतळ्याची महाआरती देखील उत्साहात करण्यात आली, ज्यामुळे संपूर्ण चोंडी परिसरात उत्साहाचे आणि भक्तीमय वातावरण निर्माण झाले होते. या प्रसंगी आमदार रोहित पवार यांनी पुण्यश्लोक अहिल्यादेवी होळकर यांच्या जन्मस्थळाच्या मतदारसंघाचा लोकप्रतिनिधी म्हणून काम करायला मिळणे हे आपले मोठे भाग्य असल्याचे सांगितले. समाजहिताचे प्रत्येक काम करताना अहिल्यादेवींच्या लोककल्याणकारी कार्यांचा आदर्श कायम डोळ्यासमोर असतो आणि भविष्यातही याच आदर्शावर काम करण्याचा प्रामाणिक प्रयत्न राहील, अशी ग्वाही त्यांनी दिली. कोट्यवधी लोकांसाठी हा आनंदसोहळा असून, त्याचा भाग होता येणे अत्यंत समाधानाचा क्षण असल्याचेही त्यांनी नमूद केले.

कर्जत लाईव्ह

Advertising agency कर्जत, अहमदनगर, महाराष्ट्र•

1 hr ago

लोककल्याणकारी, प्रजाहितदक्ष, न्यायप्रिय आणि दूरदर्शी राज्यकर्त्या पुण्यश्लोक अहिल्यादेवी होळकर यांच्या ३०१ व्या जयंतीनिमित्त त्यांच्या जन्मस्थळी, चोंडी (ता. जामखेड) येथे मध्यरात्री ठीक १२ वाजता त्यांच्या स्मारकास भावपूर्ण अभिवादन करण्यात आले. या सोहळ्याला आमदार रोहित पवार आणि खासदार निलेश लंके यांच्यासह स्थानिक पदाधिकारी, कार्यकर्ते आणि मोठ्या संख्येने भाविक उपस्थित होते. तत्पूर्वी, चोंडी येथील महादेवाच्या मंदिरात मनोभावे पूजा आणि अभिषेक करण्यात आला. या धार्मिक कार्यक्रमानंतर अहिल्यादेवींच्या पुतळ्याची महाआरती देखील उत्साहात करण्यात आली, ज्यामुळे संपूर्ण चोंडी परिसरात उत्साहाचे आणि भक्तीमय वातावरण निर्माण झाले होते. या प्रसंगी आमदार रोहित पवार यांनी पुण्यश्लोक अहिल्यादेवी होळकर यांच्या जन्मस्थळाच्या मतदारसंघाचा लोकप्रतिनिधी म्हणून काम करायला मिळणे हे आपले मोठे भाग्य असल्याचे सांगितले. समाजहिताचे प्रत्येक काम करताना अहिल्यादेवींच्या लोककल्याणकारी कार्यांचा आदर्श कायम डोळ्यासमोर असतो आणि भविष्यातही याच आदर्शावर काम करण्याचा प्रामाणिक प्रयत्न राहील, अशी ग्वाही त्यांनी दिली. कोट्यवधी लोकांसाठी हा आनंदसोहळा असून, त्याचा भाग होता येणे अत्यंत समाधानाचा क्षण असल्याचेही त्यांनी नमूद केले.