રાજ્ય પરીક્ષા બોર્ડ દ્વારા આગામી ૧૯ જુલાઈ ૨૦૨૬ના રોજ લેવાનારી ટાટ (હાયર સેકન્ડરી) મુખ્ય પરીક્ષા લંબાવીને હવે ૨ ઓગસ્ટ ૨૦૨૬ના રોજ રાખવામાં આવતા કચ્છ જિલ્લાના ઉમેદવારો માટે ભારે આર્થિક અને માનસિક મુસીબત ઊભી થઈ છે. ભૌગોલિક રીતે વિશાળ એવા કચ્છ જિલ્લાના સેંકડો ઉમેદવારોએ અમદાવાદ કે ગાંધીનગર જેવા દૂરના પરીક્ષા કેન્દ્રો પર સમયસર પહોંચવા માટે અગાઉથી જ ૧૯ જુલાઈની બસો અને ટ્રેનોની ટિકિટો બુક કરાવી લીધી હતી. હવે પરીક્ષાની તારીખ બદલાતા આ બેરોજગાર વિદ્યાર્થીઓએ કાં તો આ ટિકિટો રદ કરાવીને આર્થિક નુકસાન વેઠવું પડશે અથવા મુસાફરીની તારીખ બદલવાની માથાકૂટમાં પડવું પડશે. સૌથી મોટો અન્યાય એ છે કે પરીક્ષા ૨ ઓગસ્ટે લેવાવાની નક્કી છે, તેમ છતાં હોલ ટિકિટ અગાઉની તારીખ ૧૯ જુલાઈ બાદ છેક ૨૦ જુલાઈએ જાહેર કરવામાં આવનાર છે. વિદ્યાર્થીઓ જો અત્યારથી જ ૨ ઓગસ્ટની ટિકિટ એડવાન્સમાં બુક કરાવે અને ૨૦ જુલાઈએ જાહેર થનારી હોલ ટિકિટમાં પરીક્ષા કેન્દ્રનું શહેર બદલાઈ જાય, તો તેમનું બુકિંગ ફરીથી નિષ્ફળ જશે અને મધ્યમવર્ગીય યુવાનોના પૈસા પાણીમાં જશે. ટ્રેન અને બસની અપૂરતી સુવિધાવાળા આ દુર્ગમ વિસ્તારના ઉમેદવારો માટે આ નિર્ણય 'બંને બાજુથી મરો' અને 'પડ્યા ઉપર પાટુ' સમાન સાબિત થયો છે. આથી, સ્થાનિક જાગૃત નાગરિકો અને 'આપણું કચ્છ' સોશિયલ મીડિયા પેજ દ્વારા શિક્ષણ મંત્રી અને પરીક્ષા બોર્ડ સમક્ષ ઉગ્ર માંગ કરવામાં આવી છે કે આગામી બે-ત્રણ દિવસમાં જ હોલ ટિકિટ અથવા કમસેકમ પરીક્ષાનું શહેર તાત્કાલિક જાહેર કરવામાં આવે જેથી યુવાનો સમયસર બુકિંગ કરાવી નિશ્ચિતપણે તૈયારી કરી શકે. બીજી તરફ, સોશિયલ મીડિયા પર આ વ્યાજબી પ્રશ્ન ઉઠાવનારા યુવાનોનો અવાજ દબાવવા માટે સ્થાનિક રાજકીય ગ્રુપોમાંથી સભ્યોને રીમુવ કરવાની અસહિષ્ણુતા દાખવવામાં આવી છે. આ અંગે કટાક્ષ કરતા યુવા સંગઠનોએ જણાવ્યું છે કે વિરોધનો અવાજ દબાવનારાઓ ભલે 'બી જે (પાણી) પી' નું નામ સાર્થક કરીને પોતાનામાં પાણી ન હોવાનું આડકતરી રીતે સ્વીકારે અને પરીક્ષા બોર્ડ ભલે બેરોજગાર યુવાનોના પૈસાનું પાણી કરે, પરંતુ આગામી સમયમાં જ્યારે શિક્ષિત યુવાનો જાગશે અને સત્તાની બાગડોર સંભાળશે ત્યારે જ કુંભકર્ણની ઊંઘમાં સૂતેલા સત્તાધીશોની સાચી નીંદર ઉડશે.

Pooja

Local News Reporter મુંદ્રા, કચ્છ, ગુજરાત•

5 hrs ago

રાજ્ય પરીક્ષા બોર્ડ દ્વારા આગામી ૧૯ જુલાઈ ૨૦૨૬ના રોજ લેવાનારી ટાટ (હાયર સેકન્ડરી) મુખ્ય પરીક્ષા લંબાવીને હવે ૨ ઓગસ્ટ ૨૦૨૬ના રોજ રાખવામાં આવતા કચ્છ જિલ્લાના ઉમેદવારો માટે ભારે આર્થિક અને માનસિક મુસીબત ઊભી થઈ છે. ભૌગોલિક રીતે વિશાળ એવા કચ્છ જિલ્લાના સેંકડો ઉમેદવારોએ અમદાવાદ કે ગાંધીનગર જેવા દૂરના પરીક્ષા કેન્દ્રો પર સમયસર પહોંચવા માટે અગાઉથી જ ૧૯ જુલાઈની બસો અને ટ્રેનોની ટિકિટો બુક કરાવી લીધી હતી. હવે પરીક્ષાની તારીખ બદલાતા આ બેરોજગાર વિદ્યાર્થીઓએ કાં તો

આ ટિકિટો રદ કરાવીને આર્થિક નુકસાન વેઠવું પડશે અથવા મુસાફરીની તારીખ બદલવાની માથાકૂટમાં પડવું પડશે. સૌથી મોટો અન્યાય એ છે કે પરીક્ષા ૨ ઓગસ્ટે લેવાવાની નક્કી છે, તેમ છતાં હોલ ટિકિટ અગાઉની તારીખ ૧૯ જુલાઈ બાદ છેક ૨૦ જુલાઈએ જાહેર કરવામાં આવનાર છે. વિદ્યાર્થીઓ જો અત્યારથી જ ૨ ઓગસ્ટની ટિકિટ એડવાન્સમાં બુક કરાવે અને ૨૦ જુલાઈએ જાહેર થનારી હોલ ટિકિટમાં પરીક્ષા કેન્દ્રનું શહેર બદલાઈ જાય, તો તેમનું બુકિંગ ફરીથી નિષ્ફળ જશે અને મધ્યમવર્ગીય યુવાનોના પૈસા પાણીમાં

જશે. ટ્રેન અને બસની અપૂરતી સુવિધાવાળા આ દુર્ગમ વિસ્તારના ઉમેદવારો માટે આ નિર્ણય 'બંને બાજુથી મરો' અને 'પડ્યા ઉપર પાટુ' સમાન સાબિત થયો છે. આથી, સ્થાનિક જાગૃત નાગરિકો અને 'આપણું કચ્છ' સોશિયલ મીડિયા પેજ દ્વારા શિક્ષણ મંત્રી અને પરીક્ષા બોર્ડ સમક્ષ ઉગ્ર માંગ કરવામાં આવી છે કે આગામી બે-ત્રણ દિવસમાં જ હોલ ટિકિટ અથવા કમસેકમ પરીક્ષાનું શહેર તાત્કાલિક જાહેર કરવામાં આવે જેથી યુવાનો સમયસર બુકિંગ કરાવી નિશ્ચિતપણે તૈયારી કરી શકે. બીજી તરફ, સોશિયલ મીડિયા પર આ

વ્યાજબી પ્રશ્ન ઉઠાવનારા યુવાનોનો અવાજ દબાવવા માટે સ્થાનિક રાજકીય ગ્રુપોમાંથી સભ્યોને રીમુવ કરવાની અસહિષ્ણુતા દાખવવામાં આવી છે. આ અંગે કટાક્ષ કરતા યુવા સંગઠનોએ જણાવ્યું છે કે વિરોધનો અવાજ દબાવનારાઓ ભલે 'બી જે (પાણી) પી' નું નામ સાર્થક કરીને પોતાનામાં પાણી ન હોવાનું આડકતરી રીતે સ્વીકારે અને પરીક્ષા બોર્ડ ભલે બેરોજગાર યુવાનોના પૈસાનું પાણી કરે, પરંતુ આગામી સમયમાં જ્યારે શિક્ષિત યુવાનો જાગશે અને સત્તાની બાગડોર સંભાળશે ત્યારે જ કુંભકર્ણની ઊંઘમાં સૂતેલા સત્તાધીશોની સાચી નીંદર ઉડશે.