शासन निर्णयानुसार वाशीम नगर परिषद पीएम स्वनिधी सनियंत्रण समितीवर- डांगे वाशीम-पंतप्रधान पथ विक्रेता आत्मनिर्भर निधी (PM SVANidhi) पुनर्चित योजनेची प्रभावी, पारदर्शक व उत्तरदायी अंमलबजावणी सुनिश्चित करण्यासाठी नगरविकास विभाग, महाराष्ट्र शासनाच्या शासन निर्णय क्र. पीएम स्वनिधी-२०२५/प्र.क्र.४९१/नवि-अन्वये राज्यातील सर्व नगर परिषद व नगरपंचायत स्तरावर पीएम स्वनिधी सनियंत्रण समित्या स्थापन करण्याचे निर्देश देण्यात आले आहेत. या शासन निर्णयातील तरतुदींनुसार वाशीम नगर परिषद पीएम स्वनिधी सनियंत्रण समितीवर मनिष (सुधीर) भास्करराव डांगे यांची सदस्य म्हणून नियुक्ती करण्यात आली आहे. या समितीमार्फत योजनेच्या अंमलबजावणीचा नियमित आढावा घेणे, पात्र पथ विक्रेत्यांची नोंदणी व कर्जप्रकरणांचा पाठपुरावा करणे, लाभार्थ्यांच्या तक्रारींचे तातडीने निराकरण करणे तसेच योजनेंतर्गत लाभ अधिकाधिक पात्र पथ विक्रेत्यांपर्यंत पोहोचविण्यासाठी आवश्यक समन्वय साधण्याची जबाबदारी पार पाडण्यात येणार आहे. झालेल्या या नियुक्तीनंतर मनिष (सुधीर) भास्करराव डांगे यांनी महाराष्ट्र शासन, नगरविकास विभाग तसेच वाशीम नगर परिषदेचे मुख्याधिकारी व संबंधित अधिकाऱ्यांचे आभार व्यक्त केले. यावेळी बोलताना त्यांनी सांगितले की, "पंतप्रधान स्वनिधी योजनेचा लाभ शहरातील प्रत्येक पात्र पथ विक्रेत्यापर्यंत पारदर्शक पद्धतीने पोहोचावा, कोणताही पात्र लाभार्थी वंचित राहू नये आणि पथ विक्रेत्यांच्या समस्या तातडीने मार्गी लागाव्यात, यासाठी समिती सदस्य म्हणून प्रामाणिकपणे व जबाबदारीने कार्य करणार आहे." शहरातील पथ विक्रेत्यांच्या सर्वांगीण विकासासाठी तसेच शासनाच्या विविध स्वयंरोजगार योजनांचा लाभ तळागाळातील लाभार्थ्यांपर्यंत पोहोचविण्यासाठी या नियुक्तीकडे महत्त्वपूर्ण पाऊल म्हणून पाहिले जात आहे.

के.के. रिपोर्टर

Spa रिसोड, वाशिम, महाराष्ट्र•

5 hrs ago

शासन निर्णयानुसार वाशीम नगर परिषद पीएम स्वनिधी सनियंत्रण समितीवर- डांगे वाशीम-पंतप्रधान पथ विक्रेता आत्मनिर्भर निधी (PM SVANidhi) पुनर्चित योजनेची प्रभावी, पारदर्शक व उत्तरदायी अंमलबजावणी सुनिश्चित करण्यासाठी नगरविकास विभाग, महाराष्ट्र शासनाच्या शासन निर्णय क्र. पीएम स्वनिधी-२०२५/प्र.क्र.४९१/नवि-अन्वये राज्यातील सर्व नगर परिषद व नगरपंचायत स्तरावर पीएम स्वनिधी सनियंत्रण समित्या स्थापन करण्याचे निर्देश देण्यात आले आहेत. या शासन निर्णयातील तरतुदींनुसार वाशीम नगर परिषद पीएम स्वनिधी सनियंत्रण समितीवर मनिष (सुधीर) भास्करराव डांगे यांची सदस्य म्हणून नियुक्ती करण्यात आली आहे. या समितीमार्फत योजनेच्या अंमलबजावणीचा नियमित आढावा घेणे, पात्र पथ विक्रेत्यांची नोंदणी व कर्जप्रकरणांचा पाठपुरावा करणे, लाभार्थ्यांच्या तक्रारींचे तातडीने निराकरण करणे तसेच योजनेंतर्गत लाभ अधिकाधिक पात्र पथ विक्रेत्यांपर्यंत पोहोचविण्यासाठी आवश्यक समन्वय साधण्याची जबाबदारी पार पाडण्यात येणार आहे. झालेल्या या नियुक्तीनंतर मनिष (सुधीर) भास्करराव डांगे यांनी महाराष्ट्र शासन, नगरविकास विभाग तसेच वाशीम नगर परिषदेचे मुख्याधिकारी व संबंधित अधिकाऱ्यांचे आभार व्यक्त केले. यावेळी बोलताना त्यांनी सांगितले की, "पंतप्रधान स्वनिधी योजनेचा लाभ शहरातील प्रत्येक पात्र पथ विक्रेत्यापर्यंत पारदर्शक पद्धतीने पोहोचावा, कोणताही पात्र लाभार्थी वंचित राहू नये आणि पथ विक्रेत्यांच्या समस्या तातडीने मार्गी लागाव्यात, यासाठी समिती सदस्य म्हणून प्रामाणिकपणे व जबाबदारीने कार्य करणार आहे." शहरातील पथ विक्रेत्यांच्या सर्वांगीण विकासासाठी तसेच शासनाच्या विविध स्वयंरोजगार योजनांचा लाभ तळागाळातील लाभार्थ्यांपर्यंत पोहोचविण्यासाठी या नियुक्तीकडे महत्त्वपूर्ण पाऊल म्हणून पाहिले जात आहे.