अहिल्यानगर जिल्ह्यातील पाथर्डी तालुक्यातील जवखेडे खालसा येथील एक अनोखा सोहळा समोर आला आहे. पाथर्डी एसटी आगारातील वाहक बाळासाहेब विठ्ठल शिंदे यांच्या पत्नी प्रणाली बाळासाहेब शिंदे या स्वतः ट्रॅक्टर चालवत वै.ह.भ.प. सोपान महाराज ढाकणे यांच्या दिंडीतील रथ थेट पंढरीच्या वारीला घेऊन निघाल्या आहेत. सरकारने महिलांना ५० टक्के आरक्षण दिले असून सर्वच क्षेत्रात त्याचा फायदा महिला घेऊ लागल्या आहेत, याचेच एक उत्तम उदाहरण या निमित्ताने पाहायला मिळत आहे. बाळासाहेब शिंदे यांनी शेतीसाठी ट्रॅक्टर खरेदी केला होता, जो चालवायला त्यांची पत्नी प्रणाली शिंदे शिकल्या होत्या. वृद्धेश्वर वारकरी शिक्षण संस्थेचे अध्यक्ष ह.भ.प. बाबसाहेब मतकर महाराज यांनी त्यांना सोपान महाराज ढाकणे यांच्या पंढरपूर येथे जाणाऱ्या दिंडीत येण्याची विनंती केली. त्यावर प्रणाली यांनी स्वतःचा ट्रॅक्टर दिंडीत आणून विठूरायाचे दर्शन घडवण्याची परवानगी मागितली. महाराजांनी परवानगी देताच त्यांनी स्वतःच्या ट्रॅक्टरला रथ जोडून या रथाचे सारथ्य करण्याचे निश्चित केले. दिंडीच्या प्रस्थानावेळी जवखेडे खालसा-वाघोली गावाच्या सीमेवर असलेल्या वै.ह.भ.प. सोपान महाराज ढाकणे यांच्या समाधीची वेद शास्त्र संपन्न भटजी विष्णूपंत भालेराव यांच्या हस्ते विधीवत पूजा करण्यात आली. रामहरी विठ्ठल मतकर यांनी एकादशी निमित्त खिचडी फराळाची पंगत दिली. टाळ-मृदंग, शिवशंभो सनी चौघडा वाद्य पार्टीच्या वाद्यांचा दणदणाट आणि तोफांच्या सलामीत गावातून दिंडीची मिरवणूक काढण्यात आली. गावचे सरपंच चारूदत वाघ पाटील यांनी सोपान महाराज ढाकणे यांचे चिरंजीव राजेंद्र ढाकणे, ह.भ.प. बाबासाहेब महाराज मतकर, सर व्यवस्थापक रमेशराव दातीर आणि विणेकरी ज्ञानदेव महाराज ढाकणे यांचा शाल-श्रीफळ देऊन सन्मान केला. या प्रवासादरम्यान जागोजागी विविध मंदिरांच्या परिसरात दिंडीचे जोरदार स्वागत करण्यात आले. वारकऱ्यांच्या सोयीसाठी कासार वाडीचे ज्येष्ठ नेते बाळासाहेब कासार यांनी खिचडीची पंगत दिली, तर फिनोलेक्स पाईप कंपनीचे संचालक व्यवहारे साहेब यांनी पिशव्यांचे वाटप केले. तिसगाव येथील साई हॉस्पिटलचे डॉक्टर अच्युतराव हनुमंत चितळे यांनी चहापाण्याची व्यवस्था केली. तसेच रामदास ससाणे यांच्या वस्तीवर मुक्काम करून अशोक ससाणे यांनी नाष्टा दिला. लक्ष्मणराव कर्डिले यांनी प्रीती भोजन दिले, तर अंकुश शिरसाठ यांनी सावरगाव फाटा येथे नाष्टा दिला. गंगादेवी येथे मुक्काम करून ही दिंडी पुढील प्रवासासाठी मार्गस्थ झाली असून २३ जुलै रोजी पंढरीला पोहोचेल असे संयोजकांनी सांगितले आहे.

Pramod dada bari

Pachora, Jalgaon•

6 hrs ago

अहिल्यानगर जिल्ह्यातील पाथर्डी तालुक्यातील जवखेडे खालसा येथील एक अनोखा सोहळा समोर आला आहे. पाथर्डी एसटी आगारातील वाहक बाळासाहेब विठ्ठल शिंदे यांच्या पत्नी प्रणाली बाळासाहेब शिंदे या स्वतः ट्रॅक्टर चालवत वै.ह.भ.प. सोपान महाराज ढाकणे यांच्या दिंडीतील रथ थेट पंढरीच्या वारीला घेऊन निघाल्या आहेत. सरकारने महिलांना ५० टक्के आरक्षण दिले असून सर्वच क्षेत्रात त्याचा फायदा महिला घेऊ लागल्या आहेत, याचेच एक उत्तम उदाहरण या निमित्ताने पाहायला मिळत आहे. बाळासाहेब शिंदे यांनी शेतीसाठी ट्रॅक्टर खरेदी केला होता, जो चालवायला त्यांची पत्नी प्रणाली शिंदे शिकल्या होत्या. वृद्धेश्वर वारकरी शिक्षण संस्थेचे अध्यक्ष ह.भ.प. बाबसाहेब मतकर महाराज यांनी त्यांना सोपान महाराज ढाकणे यांच्या पंढरपूर येथे जाणाऱ्या दिंडीत येण्याची विनंती केली. त्यावर प्रणाली यांनी स्वतःचा ट्रॅक्टर दिंडीत आणून विठूरायाचे दर्शन घडवण्याची परवानगी मागितली. महाराजांनी परवानगी देताच त्यांनी स्वतःच्या ट्रॅक्टरला रथ जोडून या रथाचे सारथ्य करण्याचे निश्चित केले. दिंडीच्या प्रस्थानावेळी जवखेडे खालसा-वाघोली गावाच्या सीमेवर असलेल्या वै.ह.भ.प. सोपान महाराज ढाकणे यांच्या समाधीची वेद शास्त्र संपन्न भटजी विष्णूपंत भालेराव यांच्या हस्ते विधीवत पूजा

करण्यात आली. रामहरी विठ्ठल मतकर यांनी एकादशी निमित्त खिचडी फराळाची पंगत दिली. टाळ-मृदंग, शिवशंभो सनी चौघडा वाद्य पार्टीच्या वाद्यांचा दणदणाट आणि तोफांच्या सलामीत गावातून दिंडीची मिरवणूक काढण्यात आली. गावचे सरपंच चारूदत वाघ पाटील यांनी सोपान महाराज ढाकणे यांचे चिरंजीव राजेंद्र ढाकणे, ह.भ.प. बाबासाहेब महाराज मतकर, सर व्यवस्थापक रमेशराव दातीर आणि विणेकरी ज्ञानदेव महाराज ढाकणे यांचा शाल-श्रीफळ देऊन सन्मान केला. या प्रवासादरम्यान जागोजागी विविध मंदिरांच्या परिसरात दिंडीचे जोरदार स्वागत करण्यात आले. वारकऱ्यांच्या सोयीसाठी कासार वाडीचे ज्येष्ठ नेते बाळासाहेब कासार यांनी खिचडीची पंगत दिली, तर फिनोलेक्स पाईप कंपनीचे संचालक व्यवहारे साहेब यांनी पिशव्यांचे वाटप केले. तिसगाव येथील साई हॉस्पिटलचे डॉक्टर अच्युतराव हनुमंत चितळे यांनी चहापाण्याची व्यवस्था केली. तसेच रामदास ससाणे यांच्या वस्तीवर मुक्काम करून अशोक ससाणे यांनी नाष्टा दिला. लक्ष्मणराव कर्डिले यांनी प्रीती भोजन दिले, तर अंकुश शिरसाठ यांनी सावरगाव फाटा येथे नाष्टा दिला. गंगादेवी येथे मुक्काम करून ही दिंडी पुढील प्रवासासाठी मार्गस्थ झाली असून २३ जुलै रोजी पंढरीला पोहोचेल असे संयोजकांनी सांगितले आहे.