धामणगाव रेल्वे येथील नगरपरिषद परिसरात दर बुधवारी भरणाऱ्या बाजारात रस्त्यावर दुकाने थाटल्यामुळे सातत्याने वाहतुकीची मोठी समस्या निर्माण होत होती. बाहेरगावाहून येणारे काही व्यावसायिक थेट मुख्य रस्त्यावरच दुकाने लावत असल्याने नागरिक आणि वाहनचालकांना अनेक अडचणींचा सामना करावा लागत होता. ही समस्या विविध माध्यमांतून वारंवार समोर आली होती. या गंभीर समस्येची दखल घेत दत्तापूर पोलीस स्टेशनने तात्काळ पाऊले उचलली. ठाणेदार गिरीश ताथोड यांच्या मार्गदर्शनाखाली वाहतूक पोलीस हवालदार रवी पाखरे आणि कॉन्स्टेबल नारायण फड यांनी बाजार परिसरात प्रत्यक्ष पाहणी केली. त्यांनी सर्व व्यावसायिकांना शिस्तबद्ध पद्धतीने दुकाने लावण्याच्या सूचना दिल्या. पोलिसांच्या या सूचनांचे पालन करत व्यावसायिकांनी रस्त्याच्या दोन्ही बाजूंना वाहतुकीला कोणताही अडथळा येणार नाही अशा प्रकारे आपली दुकाने मांडली. यामुळे बाजाराची संपूर्ण व्यवस्था अधिक सुटसुटीत झाली, वाहनांची ये-जा सुरळीत सुरू राहिली आणि खरेदीसाठी आलेल्या नागरिकांनाही आता कोणतीही अडचण येत नाही. दत्तापूर पोलिसांनी व्यावसायिकांचे हित आणि नागरिकांची सोय या दोन्ही बाबींमध्ये योग्य संतुलन राखत बाजार व्यवस्थापनात महत्त्वपूर्ण भूमिका बजावली. पोलिसांच्या या नियोजनबद्ध आणि लोकाभिमुख कामगिरीमुळे बाजार परिसरात शिस्त निर्माण झाली असून, नागरिकांनी दत्तापूर पोलिसांच्या या कार्याचे खूप कौतुक केले आहे. बुधवार बाजारातील वाहतूक कोंडी दूर करून शिस्तबद्ध बाजार व्यवस्थापन यशस्वीपणे उभारल्याबद्दल दत्तापूर पोलिसांनी केलेली ही कामगिरी सध्या सर्वत्र चर्चेचा विषय ठरली आहे.

Santosh Waghmare

T. V. News Reporter Dhamangaon Railway, Amravati•

2 hrs ago

धामणगाव रेल्वे येथील नगरपरिषद परिसरात दर बुधवारी भरणाऱ्या बाजारात रस्त्यावर दुकाने थाटल्यामुळे सातत्याने वाहतुकीची मोठी समस्या निर्माण होत होती. बाहेरगावाहून येणारे काही व्यावसायिक थेट मुख्य रस्त्यावरच दुकाने लावत असल्याने नागरिक आणि वाहनचालकांना अनेक अडचणींचा सामना करावा लागत होता. ही समस्या विविध माध्यमांतून वारंवार समोर आली होती. या गंभीर समस्येची दखल घेत दत्तापूर पोलीस स्टेशनने तात्काळ पाऊले उचलली. ठाणेदार गिरीश ताथोड यांच्या मार्गदर्शनाखाली वाहतूक पोलीस हवालदार रवी पाखरे आणि कॉन्स्टेबल नारायण फड यांनी बाजार परिसरात प्रत्यक्ष पाहणी केली. त्यांनी सर्व व्यावसायिकांना शिस्तबद्ध पद्धतीने दुकाने लावण्याच्या सूचना दिल्या. पोलिसांच्या या सूचनांचे पालन करत व्यावसायिकांनी रस्त्याच्या दोन्ही बाजूंना वाहतुकीला कोणताही अडथळा येणार नाही अशा प्रकारे आपली दुकाने मांडली. यामुळे बाजाराची संपूर्ण व्यवस्था अधिक सुटसुटीत झाली, वाहनांची ये-जा सुरळीत सुरू राहिली आणि खरेदीसाठी आलेल्या नागरिकांनाही आता कोणतीही अडचण येत नाही. दत्तापूर पोलिसांनी व्यावसायिकांचे हित आणि नागरिकांची सोय या दोन्ही बाबींमध्ये योग्य संतुलन राखत बाजार व्यवस्थापनात महत्त्वपूर्ण भूमिका बजावली. पोलिसांच्या या नियोजनबद्ध आणि लोकाभिमुख कामगिरीमुळे बाजार परिसरात शिस्त निर्माण झाली असून, नागरिकांनी दत्तापूर पोलिसांच्या या कार्याचे खूप कौतुक केले आहे. बुधवार बाजारातील वाहतूक कोंडी दूर करून शिस्तबद्ध बाजार व्यवस्थापन यशस्वीपणे उभारल्याबद्दल दत्तापूर पोलिसांनी केलेली ही कामगिरी सध्या सर्वत्र चर्चेचा विषय ठरली आहे.