राष्ट्रसंत तुकडोजी महाराज नागपूर विद्यापीठाच्या राष्ट्रीय सेवा योजना विभागातर्फे बुधवार, २४ जून २०२६ रोजी महाराज बाग चौक स्थित दीक्षांत सभागृहात योग प्रशिक्षण कार्यशाळा पार पडली. यावेळी वित्त व लेखा अधिकारी श्री. हरीश पालीवाल यांनी, योग प्रकार पारंपारिक आणि जुना असला तरी आजही त्याचे महत्त्व कायम असल्याचे प्रतिपादन केले. माननीय कुलगुरू डॉ. मनाली क्षीरसागर यांच्या मार्गदर्शनाखाली पार पडलेल्या या कार्यशाळेचे अध्यक्षस्थान श्री. हरीश पालीवाल यांनी भूषविले. या प्रसंगी राष्ट्रीय सेवा योजना संचालक डॉ. सोपानदेव पिसे, प्रशिक्षक प्रवीण साखरे आणि जिल्हा समन्वयक डॉ. विनोद खेडकर यांची प्रमुख उपस्थिती होती. श्री. पालीवाल यांनी नियमित योगाभ्यासाने आपले आरोग्य उत्तम राहते आणि वैद्यकीय उपचारावरील खर्चातही बचत होते, असे नमूद केले. कार्यक्रमाचे प्रास्ताविक करताना रासेयो संचालक डॉ. सोपानदेव पिसे यांनी, पंतप्रधान नरेंद्र मोदी यांनी भारतीय योग परंपरेला जागतिक स्तरावर कसे पोहोचवले आणि आंतरराष्ट्रीय योग दिनाच्या माध्यमातून ती जगभर कशी विस्तारित झाली, याची माहिती दिली. निरोगी आरोग्य आणि सुदृढ मनासाठी दैनंदिन जीवनात योगाचा समावेश आवश्यक असून, शांत मन, शरीर व योग्य जीवनशैलीसाठी योगासने व प्राणायाम महत्त्वाचे असल्याचे त्यांनी सांगितले. मुलांमध्ये योग व आरोग्याबाबत जनजागृती करण्याच्या उद्देशाने ही कार्यशाळा आयोजित करण्यात आली असून, विद्यार्थ्यांमध्ये योगाबद्दल जागरूकता निर्माण करण्यात राष्ट्रीय सेवा योजनेची महत्त्वपूर्ण भूमिका आहे. या कार्यशाळेतून प्रशिक्षित झालेले स्वयंसेवक महाविद्यालयीन विद्यार्थ्यांना योगाचे प्रशिक्षण देतील, अशी अपेक्षा त्यांनी व्यक्त केली. प्रशिक्षक प्रवीण साखरे यांनी उपस्थित १५० पेक्षा अधिक रासेयो स्वयंसेवकांना प्राणायाम, सूर्यनमस्कार, चक्रासन, ताडासन, अनुलोम-विलोम, भ्रामरी, भस्त्रिका आणि विनासन श्रृंखलेतील आसने अशा विविध योग प्रकारांचे प्रशिक्षण दिले. कार्यक्रमाचे संचालन सांस्कृतिक समन्वयक प्रकाश शुक्ला यांनी केले आणि त्यांनीच उपस्थितांचे आभार मानले. यावेळी विविध महाविद्यालयांचे रासेयो कार्यक्रम अधिकारी उपस्थित होते.

SATISH BHALERAO

नागपूर (ग्रामीण), नागपूर, महाराष्ट्र•

2 hrs ago

राष्ट्रसंत तुकडोजी महाराज नागपूर विद्यापीठाच्या राष्ट्रीय सेवा योजना विभागातर्फे बुधवार, २४ जून २०२६ रोजी महाराज बाग चौक स्थित दीक्षांत सभागृहात योग प्रशिक्षण कार्यशाळा पार पडली. यावेळी वित्त व लेखा अधिकारी श्री. हरीश पालीवाल यांनी, योग प्रकार पारंपारिक आणि जुना असला तरी आजही त्याचे महत्त्व कायम असल्याचे प्रतिपादन केले. माननीय कुलगुरू डॉ. मनाली क्षीरसागर यांच्या मार्गदर्शनाखाली पार पडलेल्या या कार्यशाळेचे अध्यक्षस्थान श्री. हरीश पालीवाल यांनी भूषविले. या प्रसंगी राष्ट्रीय सेवा योजना संचालक डॉ. सोपानदेव पिसे, प्रशिक्षक प्रवीण साखरे आणि जिल्हा समन्वयक डॉ. विनोद खेडकर यांची प्रमुख उपस्थिती होती. श्री. पालीवाल यांनी नियमित योगाभ्यासाने आपले आरोग्य उत्तम राहते आणि वैद्यकीय उपचारावरील खर्चातही बचत होते, असे नमूद केले. कार्यक्रमाचे प्रास्ताविक करताना रासेयो संचालक डॉ. सोपानदेव पिसे यांनी, पंतप्रधान नरेंद्र मोदी यांनी भारतीय योग परंपरेला जागतिक स्तरावर कसे पोहोचवले आणि आंतरराष्ट्रीय योग दिनाच्या माध्यमातून ती जगभर कशी विस्तारित झाली, याची माहिती दिली. निरोगी आरोग्य आणि सुदृढ मनासाठी दैनंदिन जीवनात योगाचा समावेश आवश्यक असून, शांत मन, शरीर व योग्य जीवनशैलीसाठी योगासने व प्राणायाम महत्त्वाचे असल्याचे त्यांनी सांगितले. मुलांमध्ये योग व आरोग्याबाबत जनजागृती करण्याच्या उद्देशाने ही कार्यशाळा आयोजित करण्यात आली असून, विद्यार्थ्यांमध्ये योगाबद्दल जागरूकता निर्माण करण्यात राष्ट्रीय सेवा योजनेची महत्त्वपूर्ण भूमिका आहे. या कार्यशाळेतून प्रशिक्षित झालेले स्वयंसेवक महाविद्यालयीन विद्यार्थ्यांना योगाचे प्रशिक्षण देतील, अशी अपेक्षा त्यांनी व्यक्त केली. प्रशिक्षक प्रवीण साखरे यांनी उपस्थित १५० पेक्षा अधिक रासेयो स्वयंसेवकांना प्राणायाम, सूर्यनमस्कार, चक्रासन, ताडासन, अनुलोम-विलोम, भ्रामरी, भस्त्रिका आणि विनासन श्रृंखलेतील आसने अशा विविध योग प्रकारांचे प्रशिक्षण दिले. कार्यक्रमाचे संचालन सांस्कृतिक समन्वयक प्रकाश शुक्ला यांनी केले आणि त्यांनीच उपस्थितांचे आभार मानले. यावेळी विविध महाविद्यालयांचे रासेयो कार्यक्रम अधिकारी उपस्थित होते.