ఆదిలాబాద్ జిల్లా పరిధిలో వరుస హత్యలు, దొంగతనాలు, దోపిడీలు, బెదిరింపులకు పాల్పడుతూ ప్రజల్లో భయాందోళనలు సృష్టిస్తున్న ఫిర్దోష్ @ కడ్డు @ కదీమ్ ఖాన్ (29) అనే నిందితుడిపై పీడీ యాక్ట్ (Preventive Detention Act) నమోదు చేశారు. ఆదిలాబాద్ మండలం బంగారిగూడ గ్రామానికి చెందిన ఈ నిందితుడిపై ఇప్పటివరకు దాదాపు 25 కేసులు నమోదయ్యాయని ఆదిలాబాద్ రూరల్ సీఐ రహీం పాషా తెలిపారు. వీటిలో హత్యలు, ఇంటి చోరీలు, దొంగతనాలు, దోపిడీ, బలవంతపు వసూళ్లు, శారీరక దాడులకు సంబంధించిన కేసులు ఉన్నాయి. నిందితుడిపై గతంలో ఆదిలాబాద్ వన్‌టౌన్, ఆదిలాబాద్ రూరల్, గుడిహత్నూర్ పోలీస్ స్టేషన్లలో వివిధ నేరాలకు సంబంధించి కేసులు నమోదయ్యాయి. పలు కేసుల్లో జైలు శిక్ష అనుభవించి విడుదలైనప్పటికీ, అతని ప్రవర్తనలో మార్పు రాకపోవడంతో పాటు శాంతిభద్రతలకు ముప్పుగా మారాడు. ప్రజల భద్రతను దృష్టిలో ఉంచుకుని, ఆదిలాబాద్ జిల్లా ఎస్పీ అఖిల్ మహాజన్ సిఫార్సు మేరకు జిల్లా కలెక్టర్ నిందితుడిపై పీడీ యాక్ట్ నమోదు చేయగా, ప్రస్తుతం జైలులో ఉన్న అతనికి ఈ పత్రాలను అధికారులు అందజేశారు. ఈ సందర్భంగా సీఐ రహీం పాషా మాట్లాడుతూ, ప్రజల ప్రశాంత జీవనానికి భంగం కలిగించేలా పదేపదే నేరాలకు పాల్పడే వారిపై చట్టపరంగా కఠిన చర్యలు తీసుకుంటామని హెచ్చరించారు. నేరాలను ఏమాత్రం ఉపేక్షించబోమని, అనుమానాస్పద సమాచారం తెలిస్తే పోలీసులకు తెలియజేయాలని ప్రజలను కోరారు. ఈ కార్యక్రమంలో రూరల్ ఎస్సై వి. విష్ణువర్ధన్, సిబ్బంది పాల్గొన్నారు.

M.RAJKIRAN REDDY

Adilabad Urban, Telangana•

1 hr ago

ఆదిలాబాద్ జిల్లా పరిధిలో వరుస హత్యలు, దొంగతనాలు, దోపిడీలు, బెదిరింపులకు పాల్పడుతూ ప్రజల్లో భయాందోళనలు సృష్టిస్తున్న ఫిర్దోష్ @ కడ్డు @ కదీమ్ ఖాన్ (29) అనే నిందితుడిపై పీడీ యాక్ట్ (Preventive Detention Act) నమోదు చేశారు. ఆదిలాబాద్ మండలం బంగారిగూడ గ్రామానికి చెందిన ఈ నిందితుడిపై ఇప్పటివరకు దాదాపు 25 కేసులు నమోదయ్యాయని ఆదిలాబాద్ రూరల్ సీఐ రహీం పాషా తెలిపారు. వీటిలో హత్యలు, ఇంటి చోరీలు, దొంగతనాలు, దోపిడీ, బలవంతపు వసూళ్లు, శారీరక దాడులకు సంబంధించిన కేసులు ఉన్నాయి. నిందితుడిపై గతంలో ఆదిలాబాద్ వన్‌టౌన్, ఆదిలాబాద్ రూరల్, గుడిహత్నూర్ పోలీస్ స్టేషన్లలో వివిధ నేరాలకు సంబంధించి కేసులు నమోదయ్యాయి. పలు కేసుల్లో జైలు శిక్ష అనుభవించి విడుదలైనప్పటికీ, అతని ప్రవర్తనలో మార్పు రాకపోవడంతో పాటు శాంతిభద్రతలకు ముప్పుగా మారాడు. ప్రజల భద్రతను దృష్టిలో ఉంచుకుని, ఆదిలాబాద్ జిల్లా ఎస్పీ అఖిల్ మహాజన్ సిఫార్సు మేరకు జిల్లా కలెక్టర్ నిందితుడిపై పీడీ యాక్ట్ నమోదు చేయగా, ప్రస్తుతం జైలులో ఉన్న అతనికి ఈ పత్రాలను అధికారులు అందజేశారు. ఈ సందర్భంగా సీఐ రహీం పాషా మాట్లాడుతూ, ప్రజల ప్రశాంత జీవనానికి భంగం కలిగించేలా పదేపదే నేరాలకు పాల్పడే వారిపై చట్టపరంగా కఠిన చర్యలు తీసుకుంటామని హెచ్చరించారు. నేరాలను ఏమాత్రం ఉపేక్షించబోమని, అనుమానాస్పద సమాచారం తెలిస్తే పోలీసులకు తెలియజేయాలని ప్రజలను కోరారు. ఈ కార్యక్రమంలో రూరల్ ఎస్సై వి. విష్ణువర్ధన్, సిబ్బంది పాల్గొన్నారు.