📌 ধুবুৰী-গৌৰীপুৰবাসীৰ বাবে ভাল খবৰ। 📌 দেওবাৰে মুকলি হ'ব ধুবুৰী-গৌৰীপুৰ সংযোগী ৰেলৱে উৰণ সেঁতু। 📌 ধুবুৰী-গৌৰীপুৰবাসীৰ বাবে ভাল খবৰ। 📌 দেওবাৰে মুকলি হ'ব ধুবুৰী-গৌৰীপুৰ সংযোগী ৰেলৱে উৰণ সেঁতু।

ব'হাগৰ প্ৰথম দিনা ধুবুৰীৰ নেতাই ধুবুনী ঘাটত জাহাজৰ ওপৰত নৃত্যাঙ্গনৰ উদ্যোগত বিহুৰ আনন্দ ।

Post by T News

Post by Mogrob

চিকিৎসক হোৱাৰ সপোন গণিত বিষয়ত ১০০ নম্বৰ লাভ কৰা লছিমাৰ চানম হকৰ।

Post by Saiful islam

📌বাক্সা জিলাৰ জালাহস্থিত অনন্ত একাডেমী ছিনিয়ৰ ছেকেণ্ডাৰী স্কুল আৰু উপেন্দ্ৰ স্কলাৰ্ছ একাডেমীৰ যুটীয়া উদ্যোগত কালি সন্ধিয়া 📌অনন্ত একাডেমীৰ বাকৰিত এক বৰ্ণাঢ্য কাৰ্যসূচীৰে ৰঙালী বিহু উদযাপন কৰা হয়। অসমীয়াৰ হিয়াৰ আমঠু জুবিন গাৰ্গক সোঁৱৰণ কৰি প্ৰায় ৩০০ গৰাকী ছাত্ৰীয়ে বিহু নৃত্যৰে কাৰ্যসূচীৰ পাতনি মেলা ৰঙালী বিহু উদযাপনৰ মুকলি সভাখন উদ্বোধন কৰে কোকৰাঝাৰ লোকসভা সমষ্টিৰ সাংসদ জয়ন্ত বসুমতাৰীয়ে।

ৰঙিয়াৰ বৰমূৰা খানাপাৰাত মাঘী পূৰ্ণিমা তিথি উদযাপনৰ ৰূপালী জয়ন্তী বৰ্ষৰ শুভাৰম্ভণী অনুষ্ঠান। আজি পহিলা ব'হাগৰ দিনটোতে ৰঙিয়াৰ বৰমূৰা খানাপাৰাত জ্যেষ্ঠ জনৰ আশীষ গ্ৰহণ কৰে কণিষ্ঠজনে। মাঘ মাহৰ পূৰ্ণিমা তিথি উদযাপনৰ ৰূপালী জয়ন্তী বৰ্ষৰ শুভাৰম্ভণী কাৰ্যসূচীৰ লগত সঙ্গতি ৰাখি ৰূপায়ণ কৰা হয় আশীৰ্বাদ অনুষ্ঠান । পুৱা পৰিৱেশ নিকাকৰণ, আয়তীৰ নাম পৰিৱেশন,ৰূপালী জয়ন্তী বৰ্ষৰ কাৰ্যসূচী উদ্বোধনৰে কাৰ্যসূচীৰ শুভাৰম্ভ কৰা হ'য় । ইয়াৰ পিছতে ৰূপালী বৰ্ষৰ পতাকা উত্তোলন কৰে উদযাপন সমিতিৰ সভাপতি অজান বৈশ্যই । মুখ্য কাৰ্যালয়ৰ দ্বাৰ উন্মোচন কৰাৰ পিছতে নাহৰৰ পুলি ৰোপণ কৰা হয়। ইফালে আশীৰ্বাদ অনুষ্ঠানত বিধায়ক ভবেশ কলিতা, শ্ৰী মন্ত শংকৰদেৱ সংঘৰ ৰঙিয়া জিলা সমিতিৰ উপ সভাপতি মনিৰাম মালাকৰ ,বিশিষ্ট চিকিৎসক ডাঃ অশ্বিনী কুমাৰ কলিতা, ডাঃ পুলিন লহকৰ, প্ৰতিষ্ঠিত ব্যৱসায়ী দিগন্ত কলিতা , কৈলাশ জৈন, অসম সাহিত্য সভাৰ কাৰ্যনিৰ্বাহক সুশীল ডেকা ,কবি উজ্জ্বল ডেকা প্ৰমুখ্যে আন কেবাগৰাকীও বিশিষ্ট ব্যক্তিয়ে অংশগ্ৰহণ কৰে। আনহাতে কাৰ্যসূচীৰ সামৰণিত বিভাগীয় উপ সমিতি সমুহক দায়িত্ব প্ৰদান কৰা হয় । কাৰ্যসূচীত স্থানীয় ধৰ্মপ্ৰাণ ৰাইজে অংশগ্ৰহণ কৰি সৌষ্ঠৱ বৃদ্ধি কৰে ।

ধুবুৰীত কেন্দ্ৰীয় ৰঙালী বিহু উদযাপন সমিতিৰ ৭৭ সংখ্যক বিহু উদযাপন। সমগ্ৰ অসমৰ লগতে ধুবুৰীতো উলহ মালহেৰে ৰঙালী বিহু উদযাপন কৰা হয়। গৰু বিহু দিনাৰ পৰাই ধুবুৰী কেন্দ্ৰীয় ৰঙালী বিহু উদযাপন সমিতিয়ে আজি ১৪ এপ্ৰিল তাৰিখে ধুবুৰীৰ ৰাজা প্ৰভাত চন্দ্ৰ বৰুৱা খেলপথাৰত বিহু সমিতিৰ পতাকা উত্তোলনেৰে বিহু কাৰ্যসুচীৰ আৰম্ভণি ঘটে। আজিৰ এই কার্যসূচীত ধুবুৰী জিলা জেষ্ঠ আৰক্ষী অধীক্ষক দেৱশীষ বৰা উপস্থিত থাকি স্মৃতি তৰ্পন কাৰ্যসূচীত অংশগ্ৰহণ কৰি কয় যে আমি যত থাকো সেয়াই আমাৰ ঘৰ হৈ পৰে আৰু আমি থকা এই ঘৰখিনিতে স্থানীয় লোকৰ সৈতে বিহু উদযাপন কৰো। ধুবুৰী কেন্দ্ৰীয় ৰঙালী বিহু উদযাপন সমিতিয়ে আজিৰ এই কাৰ্যসূচীৰ পিছতে অহা ৯ আৰু ১০ মে'ত দুদিনীয়াকৈ বৰ্ণাঢ্য কাৰ্যসূচীৰ ব্যৱস্থা কৰা হোৱা বুলি সদৰী কৰে।